مع احترامى يا رشا بس انا وانتى عارفين ان احل قسم للبنات هو العماره والدليل على كده انه بياخد اعلى تقدير ومش معنى انك عيزه تدخلى كمبيوتر يبقى احلى قسم يمكن هو احل قسم من وجهه نظرك ده لانك بتحبى الكمبيوتر ومتفوقه فيه بس الهوايه شى والدراسه شى تانى وكمان انتى عارفه ان الدراسه بالذات فى القسم ده فى الكليه زباله وال مش بياخد كورسات:bosyht9: مش بينفع وبعدين ربنا يعدى السنه دى على خير وبعدين نشوف القسم ايه وكمان انتى ناسيه انك مش بتدخلى القسم بمزاجك ده بالتقدير اوعى تنسى الموضوع ده لانه مهم يا ربت والله يسيبو كل واحد يدخل القسم ال يحبه :friendsxs3:لو الموضوع ده حصل يمكن يبقى فى حد نافع فى الكليه دى وربنا يستر

رشا لو كنتى حضرتى محاضره الانجليزى بتاع الدرس the status of prayer in islam يا ريت الترجمه بتاعه بسرعه ضرورى

لا ركزى شوية يا ياسمين فى كلامك

اغلب البنات عندنا فى الكلية عاوزين يدخلوا عمارة وبيدخلوها لانه اكتر قسم بيريح الدماغ من المذاكرة وكله خيال ورسم وانتى عارفة البنات كويس يموووووووووتوا فى الخيال

وبعدين الهواية لما ترتبط بالدراسة بتعمل ابداع وبتخلى الواحد حتى لو مش متفوق بيعدى من الكلية على الاقل

زيك انتى مثلا بتحبى الرسم وبترسمى كويس عشان كدا عاوزة تدخلى عمارة ومصممة عليها رغم عمايل الفنيين والمعيدين فينا

ورغم ان فيه ناس بينصحوكى بدخول قسم اتصالات :d

وعند اهو الفارس المتالق داخل هندسة عشان نظم وحاسبات

ولعلمك اى كلية من غير كورسات مش بيشغلوهم وانتى عارفة كدا كويس

يعنى مش نظم وبس وبعدين دا احلى ما فى نظم منحة اتصالات

اسئلى مجرب :stickjo4::stickjo4::stickjo4:

تخيلى انى لقيت نفسى مترجمة الدرس دا لما تدخلى على الميل هابقى اشرحهولك

لا والله يا ر شا البنات ال كانو عيزين يدخلو عماره بعد ال شافوه بعد الاسقاط لعمودى غيرو رايهم مفضلش غير ال فعلا عنده الهوايه ويستاهل القسم ده فعلا وبعدين مش هنتخانق يا ستى ربنا يوفقك فى القسم بتاعك ويديكى التقدير ال يدخلهولك وبعدين بالنسبه للاتصالات انا مش كرهاها بس انا بحبه ا غامر زى ما نتى عرفه ومش يزه ادخل حاجه على مزاج حد انا بحب اكون اسبشيل ويا ريت لما تجى تدخلى علىالنت ابقى رنى علشان ترجمه او ممكن تضعيه على التوبيك علشان الكل يستفاد وشكرا يا رشروش وكمان عايزه اعرف اخر الاخبار عندك

انا اقول لحضرتك على المنحه دى ال اعرفه لانى اعرف ناس خدوها ودلوقتى ما شاء الله كل الشركات بتتخانق عليهم المنحه دى مقدمه من الدوله بتكلف الدوله تقريبا 25 ال جنيه ال بياخدها بيمر باختبارات كتير فى كل المجالات خاصتا الكمبيوتر واختبارات ذكاء ودى بتكون اختبارات صعبه بجد وكمان مفيش كوشه خالص بتتعلم فيها كل حاجه تخطر على بالك حتى ازاى تاكل وتقعد فى المطعم واهم حاجه انها بتعلمك ازاى يكون لك برستيج واهميه بين الناس دى كله بجانب الغرض الاساسى وهو الكمبيوتر والاتصالات بتتعلم فيها كل حاجه من الالف للياء وعلى فكره المنحه دى بتتعمل كل سنه وكمان ال بيدخلها بيقبض 500 جنه شهريا وكمان سمعت انه بياخد لاب توب يعنى بالمختصر حاجه مفيده جدا لاى مهندس او مهندسه دى كل معلوماتى عنها لو عايز تعرف اى حاجه عنها ممكن تسالنى وانا اسال واقول لك

السلام عليكم ورحمه الله وبركاته
انا معاكم فى هندسه الازهر اعدادى
واكون سعيده ان انا اشترك معاكم فى التوبيك ده

ايه ده انا تقريبا اعرف كل الدفعه معرفكيش ازاى;) انتى اسمك ايه اصلا .اصل لو انتى نور يبقى معايا فى الفصول الاخيره وعلى العموم اهلا بيكى:av4056bb7jp3: وده شرف لينا ومن دلوقتى تعتبرى نفسك اخت لينا فى التوبيك وتقدرى تطلبى اى حاجه انتى عيزاها واحنا ان شاء الله نساعدك

انا هقول لحضرتك ال اعرفه عن المنحه دى لانى اعرف ناس اخدوها :friendsxs3:المنحه دى مقدمه من الدوله بتكون من وزاره الاتصالات بتتعمل كل سنه وبتكون صعبه انك تاخدها لانك بتمر باختبارات كتير جدا حتى الذكاء وكمان مفيش فيها كوسه خالص مش بياخدها الا ال يستحقها بتكلف الدوله حوالى 25 ال جنيه للفرد وكما بتقبض فيها 500 جنيه وسمعت انك بتاخد كمان لاب توب بس ده كله لل بيجتاز الاختبارات ويتقبل بتتعلم فيها كل حاجه عن الكمبيوتر والاتصالات وكمان بتتعلم فيها لغه وبعض الشكليات زى ازاى تقعد فى المطعم وازاى تلبس وازاى يكون اك برستيج واهميه امام الناس وبعد ما تخلصها بيكون لك وظيفه مضمونه اما بالجامعه او فى احد الشركات يعنى باختصار حاجه مفيده لكل مهندس ومهندسه ده ال اعرفه عنها لو عايز تعرف حاجه عنها اكتر ممكن تسال عن الحاجه دى بالتحديد وانا ممكن اسال وارد عليك :078111rg3:

وجهات النظر لا تفسد للود قضيه

ايه ده ايه ده ايه ده
التوبيك سخن وانا رديت على طول من غير ماقراه كله
عموما نصيحه للى عايز يخش كمبيوتر
انصحه بلاش
لان جوز اختى كمبيوتر ومضيع نصف فلوسه على الكورسات
اى برنامج جديد ملزم انه يروح ياخده ويدرسه علشان ميضيعش فى سوق العمل
يعنى بالعقل كده الواحد يخش كليه اخرها اربع سنين الكليه
ولا يخش كليه هايفضل طول عمره يدرس فيها ويبقى مطالب انه ياخد الكورسات دى
يعنى الواحد لو دخل اى كليه تانيه وحضر بتمن الكورسات دى حياخد الدكتراه واخونا بتاع كمبيوتر هيكون لسه بيدرس فى البرامج الجديده
والكمبوتر مجاله واسع جدا ومابخلصش وكل يوم فيه جديد يعنى اللى هايخش كمبيوتر هايطلع عينه
اعقلوها يابشمهندسين
مجرد نصيحه وربنا يوفقكم
اللهم آمين

والله كلامك كله صح يا ريت رشا تسمع وتحاول تفهم

انا اسمى ساره
انتى منين يا ياسمين وكنت عايزه اسالك هى ايه الشروط بتاعه المنحه دى
وشكرا ليكى يا قمر وان شاء الله نتقابل ولو ينفع ارخم عليكى شويه وتبعتيلى الميل بتاعك على الخاص
يالا سلام يا قمر

ايه يا حاجة ياسمين انا كنت فى الورشة امبارح وحضرتك مش كنتى موجودة

ورحت حضرت المحاضرة وعملت شوية حاجات ورجعت

بس اكيد بعد التعب والمجهود دا كله بيتعوض ف الحالة المادية وليه اسمه ف السوق ولعلمك اى حد يدخل كلية علمية زى الطب والصيدلة والهندسة لو مش طور نفسه كل شوية مش هايكون ليه مكان فى سوق العمل

اهلا بيكى يا سارة

بس هو انتى منين

انا مش اعرف غير 3 سارة فى الدفعة ياترى انتى واحدة منهم ولا حد تانى خالص

انا ياسمين من الغربيه بالنسبه للشروط هسال واقولك العفو يا جميل على ايه لا شكر على واجب وطبعا انا هبعت لك الميل ده شرف لى :friendsxs3:

انا متشكر جدا يا بشمهندسه علي المعلومات القيمه دي كلها
وربنا يجعلنا نصيب فيها ان شاء الله

ايه ده يا بشمهندسه ياسمين انتي بضيعي الورشه بمنتهي البساطه كده انا معرفش النظام عندكم ايه المهم ان احنا عندنا 12 ورشه في السنه اللي يغيب 3 ورش مش بيدخل امتحان اخر السنه يعني نسبة الغياب لا تتعدي 25 % بس احنا بنروح ناخد الورش بتاعتنا في العباسيه انتوا بتاخدوها هناك برده ولا ليكوا اماكن تانيه

بناخدها هناك فعلا بس احنا عندنا دكتور مازن دكتور زى العسل مش زى الدكتور اللى عندكم اللى اسمه تقريبا محمود حافظ لانى سمعت عنه حاجات حلوة كتيييييييير

ربنا يبعدنا عنه يارب ويخلى لنا دكتور مازن

بص هى عبارة عن دراسة بعد الكلية مدتها 7 شهور
واسمها اكاديمية الضباط المتخصصين
واللى يتخرج منها يشتغل تبع الشرطة ويتخرج برتبة ملازم اول ومرتبة مش بيقل عن 3 الالف فى الشهر او اكتر بكتير كمان وهاتشتغل فى مجال تخصصك
يعنى مستوى مادى ومركز اجتماعى وفى مجال تخصصك

العفو على ايه اى خدمه ويا رب يجعلنا نصيب احنا كمان

اي المعلومات الجامده دى يا شا وان شاء الله انتى ناويه تروحى دول يا حبيبتى اهم حاجه عندهمالانضبات والمواعيد كمان وانتى ما شاء الله عليكى مش توصى:blush:

هو فعلا اسمه د.محمود حافظ هو يمكن بيبقي سعات صعب في التعامل بس هو ما شاء الله عليه منظم جدا
دا لدرجة ان الكتاب اللي هو عامله مسجله برقم مسجل عشان يحفظ حقه وماحدش ينقل منه حاجه ودا طبعا حقه

السلام عليكم ورحمه الله وبركاته
ازيكم يا احلى مهندسين فى مصر (طبعا مش شباب الازهر )
المهم بقى عايزه طلب منكم وهو انى عايزه اسال عن ورق للرياضه انا معايا مذكرات بس هو فى حاجه
نحل منها عشان الامتحان وكده يعنى ورق مسائل لو حد يعرف ياريت يرد عليا
وكل ترم وانتم طيبين

بقولك ايه ياسمين انتى بعتى الميل من غير متقولى ده ياهو ولا هوت ميل ولا اى حاجه او هو جالى كده وانا مش عرفت ابعتلك الميل بتاعى لانى لازم اكون عملت اكتر من خمسين مشاركه ممكن ارخم عليكى تبعتى الميل تانى معلش يا قمر بتعبك معايا ولو ينفع رشا كمان تبعتى الميل بتاعها ونكون كلنا اصدقاء اوك
يالا سلام يا قمر:av4056bb7jp3:

من عنيا يا سارة انتى تؤمرى

بصى ذاكرى اسئلة الكتاب المحلولة ومحاضرات دكتور محمد كويس واى حاجة تانى حليها كدا من باب زيادة افكار

وربنا معانا يارب

العفو على ايه يا ساره الميل بتاعى على الياهو على فكره وطمنونى عملتو ايه فى امتحان الرياضه والانجليزى كمان معلش مكنتش بقعد على النت بقالى فتره كنت مخنوقه منه شويه بس الحمد لله حاليا

أهلين يا جماعة

يارب تكونوا ماشيين كويس فى الامتحانات

بالتوفيق ...

أهلين يا جماعة

يارب تكونوا ماشيين كويس فى الامتحانات

بالتوفيق ....

اهلا بيك:av4056bb7jp3: وشكرا على المرور:d

شكرا يابشمهندسه على هذا التوبيك لكى نلتقى جميعا على حب الله ورسوله انا معاكي في اعدادي هندسه

العفو يا بشمهندس على ايه وياريت ما تحرمناش من مشاركاتك:078111rg3:

ايه يابشمهندسين فينكم
عملتوا ايه فى الامتحانات
يارب تكونما حليتوا كويس

احنا موجودين اهو انتم ال فينكم الحمد لله الامتحانات الى حد ما كانت كويسه بس يا ريت كل واحد ووحده تقول ايه احسن امتحان واوحش امتحان وبالذات امتحان الرياضه ايه رايكم فيه

بالنسبة للمواعيد وقتها هالتزم وغصبن عنى وبعدين انا مواعيدى الحمد لله كلها مظبوطة ومش باظت غير لما عرفتكم :stickjo4::stickjo4::stickjo4:

احنا اهو يا بشمهندس
والحمد لله حلينا حل :frown::frown:

ربنا يستر وننجح

انا اسفة جدا يا سارة على تاخيرى على الايميل بتاعى بس الامتحانات والله

بقى كده تصدقى احنا ال غلطنين والله ان كنا بنستناكى بالساعه على ما تقومى من النوم وتنزلى دا احنا كنا بنعمل عليكى دوريات علشان نصحيكى وانتى كنتى فى المدينه وبعدين عيب بلاش نفتح امام الناس طمنينى بجد على الامتحانات عملتى ايه

ايه يابشمهندسه رشا ننجح
هو انتى بتبصى على النجاح بس
لا طبعا المجموع مهم جدا
عشان متخشيش اى حاجه والسلام

صحيح عملتوا ايه فى الرياضه
محمد منهنى جبلكم كام سؤال
السنه اللى فاتت جاب عشره وكان فى اسئله فيها الف وبه وجيم
اكيد طبعا شفتم امتحانات السنه اللى فاتت
يعنى امتحانه مش عايز الواحد يفكر عايز الواحد يحل بسرعه جدا
منتهى التهريج

احمد ربنا انهم كانوا 10 احنا جاب لنا خمسة بس خمسة محترمين اوى اوى

ياريت امتحان الرياضه كان يبقي 10 اسئله ويحطلنا كام سؤال خفاف زي السنه اللي فاتت
بدل سؤال الاستنتاج الرياضي المعقد ده (لو فيه حد حله يقلنا بيتحل ازاي)
5اسئله يعني كل سؤال عليه 14 درجه انما لو كانوا 10 اسئله مثلا كانت هتفرق جامد
وسؤال النهايات كان ماشاء سؤال حلو اوي (هي الاجابه الصح ايه؟) علي ما اعتقد ان
اول نقطه قيمتها واحد والتانيه النهايه غير معرفه لو حد متاكد من الحل يعرفنا هو ايه

بس الدكتور مهني كان قايل علي اسئله وجيها منها 3 في الامتحان
اعتقد ان بقيت الاسئله الرخمه الدكتور حمدي ما شاء الله هو اللي حططها