|
منورين يا رجلتنا و الله و انتو عاوزين تخلعوا بدرى كدا عاوز تروح شبين يا بروف ... انا سألتلك واحد صاحبى كان اعدادى هناك .. قالى شبين احسن كتييير .. اوعى ييجى طنطا .. اقوله طيب ليه .. يقولى طنطا فساد .. بنات رايحة و جاية ( اصل احنا و آداب جيران ) :) .. و كمان يقول شبين مفيهاش كورسات .. لكن طنطاالمعيديدن مولعينها .. و قعد يقول حاجات كتير .. و بصراحة مأقنعنيش .. لانه مقلش ميزة فى الكلية نفسها ... غير انها فيها ورش كتييير و جامدة .. يعنى زى ما قلتلك قبل كدا .. لو ناوى على انتاج يبقى روح شبين .. غير كدا يبقى خليك معانا و عبدو عاوز يروح القاهرة .. بصراحة لو فى ايدك ... روحها و ربنا يعينك .. بس ركز بس كدا فى اعدادى فى طنطا .. و ان شاء الله تبقى سنة فل عليك و علينا كلنا محمد . كوم ... شوفلك اسم اسهل من كدا يا عم .. نخليها محمد مؤقتا لان مفيش محمد غيرك نتلخب فيه المهم يا ريس .. احنا مع بعض .. لو عاوز حاجة أؤمر .. و لو فى حد هندسة طنطا معانا فى المنتدى قوله على موضوع الرابطة .. و هتتظبط ان شاء الله اقتباس:
بص يا حوده .. انت ان شاء الله هتروح أول يوم فى الدراسة اللى هو تقريبا 3/10 .. هتروح بدرى بس مش اوى .. يعنى على 8 او 9 كدا .. اول حاجة تعملها .. انك تروح عند مدخل مبنى المعامل و الورش .. فى المكان الواسع ده .. هتلاقى الجداول متعلقة .. و توزيع الطلبة كمان .. لو مش موجود ..تروح على شئو الطلبة تعرف انت فى المجموعة كام .. و سكشن كام .. و ترجع تكتب جدولك من مكان ما قلنا هتلاقى مكتوب فى الجدول .. الاسام و اسماء المواد و الدكتور اللى بيديلك المادة و المكان اللى هتاخد فيه المحاضرة او السكشن .. تشو لو عندك حاجة روح احضرها .. و عيش مع دفعتك بقى .. اتعرف على كل اللى تقابله ... معرفة الناس كنوز ............... فى حاجات بقى يا جدعان هقولها كدا بس مش مترتبة فى مجموعتين فى الكلية لمساعدة الطلبة .. او رابطتين او مش عارف نسميهم ايه .. فرع طلابى تقريبا المهم واحدة اسمها IEEE و دى اساسا خاصة باتصالات و كدا .. بس بتساعد كل الطلبة برده .. و ممكن تشتركوا فيها و واحدة تانية اسمها ASHRAE و دى تبع ميانيكا قوى .. بس برده بتساعد كل الطلبة دول هتلاقيهم فى وشكوا على طول .. و غالبا هما هيكلموكو .. عشان لو عاوزين مساعدة فى اى حاجة مممممم اه .. فى نظام كويس انا بحبه فى شئون الطلبة .. وهو .. ان كل دفعة بيبقى معاها مشرف خاص بيها و مسئول عن كل حاجة تبعها .. يعنى انتو هتروحوا شئون الطلبة .. تقولولهم احنا اعدادى .. هياورلكم على الموظف او الموظفة المسئول عنكم .. الراجل ده خليه صاحبكم .. لانه هيبقى معاكم من اعدادى لغاية ما تتخرجوا من الكلية .. يعنى قربوا منه عشان كل حاجتكم معاه يا ريت يا جدعان لو حد فى حاجة فى دماغة معينة .. يسأل عنها .. هيبقى اسهل انى ار عليه من انى اقول من دماغى كدا و لنا عودة Peace |
حبيب قلبي يابشمهندس محمود انت عامل ايه اخبارك انا علي فكره قريت رساله الياهو بس النت قطع بعدها مش عارف ان كانت وصلتك رساله الشكر ولا لا المهم انا بشكرك هنا وبالنسبه لشبين انا كده بعد كلامك انا هخليني في اعدادي شبين ونبقي نشوف ان كنا هنحول ولا لا بالنسبه للبنات والكلام ده ياريت تيجي علي كليه الاداب دا المجمع كله هناك:) بس عايز اساللك هو صاحبك ده ساكن مدينه ولا لا اصل انا مش من طنطا اوي انا مكان جنب طنطا وعلي ما اروح شبين فيها حوالي ساعتين وانا قدمت طلب مدينه تفتكر هيقبلوه
مستني ردك يازعيم الرابطه قبل ما انسي صحيح تفتكر اخد التربيه العسكريه السنه دي في نص السنه ولا بعدين وكمان بالنسبه لدوره icdl اخدها امتي وهل ياتري في دورات اثناء الدراسه انا مستنيك ويلا peace |
اقتباس:
و موصلنيش رسالة منك .. انا كنت قلقان ان رسالتى انا اللى تكون انت مشوفتهاش .. و طبعا مفيش شكر بينا ولا حاجة .. ممكن آخد فلوس :d هو كان فى المدينة اه .. و ان شاء الله الطلب يتقبل مفيش مشكلة .. و انا ليا واحد صاحبى برده كان فى المدينة الجامعية فى شبين السن اللى فاتت .. بس هو كان فى حاسبات مش هندسة .. يعنى متقلقش من الطلب .. ان شاء الله مقبول التربية العسكرية بقى .. لو انت مش هتزهق .. يبقى خدها فى نص السنة و ريح دماغك .. و ينفع تاخدها فى طنطا عادى .. مش لازم تروح شبين و احسن لك تاخدها بدرى .. يعنى فى اعدادى سواء فى نص الترم او آخر السنة .. لان بعد كدا هتبقى بفلوس .. كل ما تتأخر سنة هتدفع 45 جنيه زيادة .. ده قانون جديد بدأ السنة اللى فاتت فى طنطا و كمان فى الترم الاول اريحلك لانها هتبقى فترة اقل .. بالكتير اوى هتبقى 10 ايام .. و تخلص منها على فكرة انا لسه لحد دلوقت معملتهاش .. و هدف لو عملتها السنة اللى جاسة 90 جنية .. و كل مرة اتأخر هيزيد عليا 45 جنية :bosyht9: دورة ICDL خدها فى اى وقت فى سنين الكلية .. متستعجلش عليها .. بس لو تعرف تاخدها فى وسط الدراسة .. اثناء السنة الدراسية يعنى ( انا هعمل كدا السنة دى ان شاء الله ) .. هيبقى اريحلك .. مش هتحس بيها .. لانها طويلة شوية .. الدورات بقى اثناء الدراسة هتبقى حسب القسم اللى انت فيه .. سيبها لما تدخل الكية شوية و تتعرف على الفروع الطلابيه IEEE و ASHRAE و هما هيظبطوك فى الحتت دى لو فى حاجة تانية .. I`m Waiting و Peace |
اقتباس:
يعني اسم زي ايه قصدك لقب:o لأ خلينا احسن ف محمد هو طبيعي لما هتقول محمد هعرف انه انا لان فعلا مفيش محمد خالص ف الرابطة غيري ولا ايه رأيك:blush: انا واثق ان فيه غيرنا كتير هندسة طنطا بس ميعرفوش عن موضوع الرابطة:) ده انا بقولك انا شوفت الموضوع ده صدفة تخيل وانا الي ع طول ف المنتدى يعني كل يوم بفتحه:mad: اكيد هطلب منك حاجات كتير يعني خليك معانا ع الخط بنستغلك بقى:049gc0: يعني مثلا ممممممممممممممممممممممم نروح اول يوم معانا ايه بالظبط ادوات يعني ولا اول يوم نقضيها ولا ايه النظام:stickjo4: وهسألك كمان سؤال معلش سوري انا بستغلك:049gc0: ايه افضل قسم ف هندسة من حيث الشغل اصل انا ناوي ع مدني:) يا ترى مدني مجالاته كويسة ولا تعبان:abdoog8: امال صحيح فين عبد الرحمن كان حتى يدخل يقول عاملين ايه ويمشي:stickjo4: و peace ورحمة الله وبركاته:d |
اقتباس:
و قلنا بقى لو انت تعرف حد قوله على الموضوع .. او ممكن نعملها اعلان فى توقيعنا .. ( ايه رأيكو ) اطلب بقى يا عم .. هى دى طلبات .. ده انت طيب اوى:friendsxs3: بص يا برنس .. اول يوم روح و معاك قلم و حاجة تكتب فيها .. كشكول .. أجنده .. زى ما تحب .. و نصيحة منى .. خللى فى كشكول تكتب فيه اى حاجة فى اى مادة .. يبقى معاك كل يوم فى الكلية .. غير انك تعمل كشكول لكل مادة هتكتب فيها محاضرات و سكاشن .. لان فى مواد مش هتحتاج تكتب فيها غالبا .. ممكن الرياضة .. بيبقى الكتاب حلو .. انت و نصيبك بقى مع الدكتور اللى يديلك و بالنسبة للشغل بقى .. كله بيشتغل فى وجهة نظرى .. اللى داخل ميكانيكا يقولك ده مجال الشغل فيها احسن من اى قسم .. و اللى داخل اتصالات يقولك شغلها مرتبه حلو .. و اللى يدخل مدنى يقول ده احسن قسم فى الشغل .. كله بيشتغل ان شاء الله متقلقش:av4056bb7jp3: كمان قسم مدنى فى طنطا اللى اعرفه عنه انه جااااامد .. فيه هيئة اعضاء تدريس ( دكاترة و معيدين ) .. جامدين و عبدوا بيطنشنا اهه ... طيب لما اشوفه :stickjo4: ............. افتكرت حاجة ... انتو هتدخلوا الكلية فترة طويلة بجواب الترشيح اللى معاكو .. لان الكرنيهات بتتأخر كام شهر دومتم بخير و السلام عليكم و رحمة الله و بركاته :d:d |
اقتباس:
يعني نروح نقضيها يعني طيب ربنا يسهل وفعلا عبد الرحمن مطنشنا خالص ماشي ماشي |
اقتباس:
والله استفدت جامد يعني هو الواد عبده خلع باين ان تي ايه داتا عمل شغل معاه:p |
السلام عليكم
انا مؤمن ومعاكم ان شاء الله فى اعدادى هندسة طنطا انا كنت عايز اسأل عن المواد الى بندرسها الترم الاول وفى الترم التانى والمواد اللى بنمتحن فيها أخر السنة على المنهج كله وايه نظام كل مادة سهلين ولا ايه ...... و الدرجات وازاى الواحد يقدر يجيب تقدير فيها ان شاء الله. وشكراااااااااااااااااااا |
اقتباس:
بتوع اعدادي مولعنها |
اقتباس:
و عبدو جاى متقلقوش .. لما اشوفه بس :stickjo4::slap1qk6: اقتباس:
بالنسبة للمناهج .. هى بتبقى واحدة على مستوى الجمهورية ( بالنسبة لـ اعدادى بس ) و بما انى مخلص اعدادى من زمان .. فمش فاكر اوى الصراحة بس هسألك و ارجع تانى ان شاء الله |
اقتباس:
|
شكراااااا ليكم يا جماعة بس ياريت لو حد يعرف حاجة عن سؤالى يرد
و ياريت لو حد راح الكلية وجاب الجدول يرفعه ولو فى حد عايز اىحاجة انا تحت امركم ,,,,,,,,,,,,,,,,,,,,,,,,,, |
اقتباس:
مواد الترم الأول : رياضيات ( جبر و تفاضل ) فيزياء ( خواص مادة و كهربية ) كيمياء هندسة الحاسب مواد الترم الثانى : رياضيات ( هندسة تحليلية و تكامل ) فيزياء ( حرارة و مغناطيسية ) هندسة انتاج تاريخ هندسى لغة فنية حقوق انسان مواد على الترمين : الميكانيكا : بتدرس استاتيكا ( ترم أول ) و ديناميكا ( ترم تانى ) .. لكن الامحان بيكون فى آخر السنة الرسم و الاسقاط الهندسى .. الامتحان بيكون فى آخر السنة |
اقتباس:
ربنا يستر ونعدي اعدادي دي ع خير |
شكراااااااااا ليك يا باشا على المجهود الجامد
ومعلش انا عايز اعرف نصايحك لينا فى كل مادة علشان ربنا يكرمنا فيه وهو لازم اخد كورسات ولا الحضور فى المحاضرات و السكاشن كفاية وشكرا ليك |
السلام عليكم يا رجالة
معلش الفترة الى فاتت كنت مشغول شوية ومنورنا يا رجالة بجد و ده موقع كلية الهندسة من موقع الجامعة الرسمى لا إله إلا الله فيه معلومات الكلية و يا انج حودش عايزينك تدخل هيئة التدريس و تقر و تعترف تعرف مين فى الدكاترة و إن شاء الله الهندسة هتخلص خمسة سياحة مع إن الناس بيشككوا أنهم خمسة أو إنهم سياحة أما يا مؤمن حتة الكورسات ده شوف نفسك هتحتاجها و لا لأ : كل واحد و ظروفه و دمتم بخير إن شاء الله |
موضوع نقلته ليكم مهم جدًا قبل ما تدخلوا الكلية و اللى مشفهوش يشوفه و يا رب تستفادوا منه " فى البدايه احب اهنى كل اللى داخل هندسه طنطا واحب اقول حاجه مهمه جدا ان الكليه مختلفه 180 درجه عن الثانوى لان الثانوى كان فى مدرس بيقولك ذاكر كذا وكذا الكليه ما فيش الكلام ده خالص يعنى انت اللى بتمشى حياتك على مزاجك فياربت تكون قد المسئوليه وتاخدها جد وتذاكر من اول يوم علشان ترتاح وصدقنى لو حضرت المحاضرات والسكاشن وروحت ذاكرت ساعتين بالكتير بس اول باول هتجيب امتياز مش جيد جدا يا ريت ما حدش يستهتر بالكلام ده ويستغل الحريه غلط ويبقى الاسم انه بيروح الكليه لكنه لا بيحضر ولا بيذاكر نظام الدراسة والحياة هتبقى ازاى فى الكلية بصوا بقى الدفعة بتتقسم تقسيمة كبيرة وتقسيمة صغيرة التقسيمة الكبيرة انها بتتقسم نصين النصين بيدرسوا نفس الموادونفس المعيدين والدكاتره بس كل مجموعه ليها جدول لوحدهايعنى مثلا المجموعه الاولى هتاخد محاضرم ميكانيكا يوم السبت والمجموعه التانيه هتاخد نفس المحاضره من نفس الدكتور يوم الاربعاء مثلا وهكذا فى كل المواد طبعا الموضوع ده بيعمل مشاكل فى الاول لان ناس كتير بتبقى عايزه تحضر مع زمايلها فى المجموعه التانيه وتيجى تكلمه يقول احنا ما يفرقناش عن بعض غير الموت هههههههههههههههههه طبعا الموضوع ده غلط تماما لان الجدول بيبقى يا دوب متظبط يعنى مثلا لو حضرت فى مجموعه غير مجموعتك ممكن يفوتك سكشن وهكذا والموضوع ده بيستفز الدكاتره اوى فى اول السنه وتلاقيهم بياخدوا غياب اول السنه فى المحاضره علشان الطلبه تخاف وترجع مجموعتهم والتقسيمة الصغيرة ان الدفعة بتتقسم سكاشن يعنى مثلا كانت دفعتنا تقريبا 30 سكشن واول اسبوع دة بيبقى توهان شوية بس كل حاجة بتتظبط ان شاء الله لما تظبطوا المحاضرات والسكاشن بتاعتكوا بالنسبة للمواد اللى هتدرسوها ان شاء الله فى طبعا مواد سهلة ومواد صعبة بس كلوا محتاج مذاكرة اول بأول وكل حاجة هتبقى فى التمام بص بقى ان شاء الله هيبقى عندك - الرياضة الترم الاول جبر وتفاضل الترم التانى هندسة تحليلية وفراغية وتكامل -الفيزياء الترم الاول خواص مادة وكهربية الترم التانى حرارية ومغناطيسية -الميكانيكا الترم الاول استاتيكا الترم التانى ديناميكا -الرسم الهندسى شغااااااااااااال ينيفرسال الترمين -الكومبيوتر ترم اول بس - الكيمياء ترم اول واللغة الفنية ترم تانى -هندسة الانتاج والانسانيات ترم تانى تاريخ علوم هندسيه ترم تانى نتكلم شويه عن الدكاتره بالنسبه للدكاتره عندنا فى هندسه طنطا طيبين جدا ما بيحبوش ياذوا حد طبعا فى طلبه مستفذه بتخلى الدكتور يخرج عن شعور ويبقى نفسه يسقط الطالب بس زى ما قلت لكم الدكاتره عندنا طيبين ولو اعتذرت بعد المحاضره الموضوع كله هيخلص بالنسبه لكل ماده ودكاترتها الفيزيقا الهندسيه زى ما بيسموها فى الكليه هتلاقى بيديها دكتورين دكتور حاتم بيدى فى التيرم الاول كهربيه والترم التانى مغناطيسيه دكتور حاتم طيب جدا بس ذاكر معاه اول باول لان الجزء بتاعه كبير اوى وبيدى كل محاضرةجزء كبير علشان يا دوب يلحق يخلص على اخر التيرم الجزء بتاعه ملحوظه:لو حبيت تسال دكتور حاتم سؤال فى المحاضرة يا ريت تكون مذاكر لانه هيربطه بالدرس اللى فات ويخليك تجاوب بنفسك ولو مش مذاكر هيبقى شكلك وحش وهياخد عنك انطباع زى ما انا متاكد انه واخده ان معظم الدفعه مش فاهمين حاجه ولا يفهموا حاجه فى كهربا ملحوظه:لازم تحضر محاضرات دكتور حاتم لانه بيدى مسائل مش موجوده فى الكتاب وبيجبها فى الامتحان وكمان فى حاجات بتتشرح فى السكاشن بتيجى فى الامتحان والدكتور مش بيشرحها فى المحاضرات فالسكاشن برضه مهمه بخصوص الجزء التانى فده المسئول عنه دكتور بهاء نصيحه اخويه فى الخباثه الدكتور ده بالذات ما انصحكش انك تحضرله لان الجزء بتاعه صغير جدا يتذاكر اخر 3 ايام من ورق الكورسات وتجيب فيه امتياز وهتلاقيه فى محاضراته قليل اوى لما يتكلم عن الماده دايما يتكلم عن الاخلاق والسلوكيات وازى الفيزيا بتخلينا نفكر وهكذا ومتنساش جملته المشهورة بعد كل معادله ان المعادله دى مش علشان نحفظها بل علشان نفهم منها ازاى نفكر وان المعادله ليس لها قيمه اذا لم يكن لها تطبيق عملى الكمبيوتر الكمبيوتر ماده بسيطه فى جزء منها كبير نظرى وبيديها دكتور طارق الاحمدى(احسن دكتو فى الكليه من وجهه نظرى) هو بيضع بعض القواعد فى اول السنه تلتزم بيها هتحبه هتخالفها استحمل اللى هيجرالك زى مثلا انه ما بيجبرش حد على الحضور لانه مش بياخد غياب لو زهقت من المحاضرة وعايز تمشي مش لازم تستاذن اتفضل على طول بس يا ويلك لو مثلا اتكلمت مع اللى جنبك وشافك لو الدكتور حب يعمل امتحان فى المحاضرة وياخد غياب بيقول فى غياب وامتحان المرة الجايه نبهوا على زمايلكم بالذمه فى احترام كده الرياضه من اهم المواد لانها مستمرة ترمين وهتلم منها درجات فى جزء الجبر ف التيرم الاول وهندسه تحليليه فى التيرم التانى بيديه دكتوره ايناس وهى دكتوره طيبه جدا محاضرتها مش طويله امتحانتها سهله وتقعد تشرح طول المحاضرة وفى النهايه اكتشف انها ادتنا جزء صغير بالنسبه لباقى اجزاء الرياضه ومعاهم الميكانيكا فمتقسمين بين دكتور فهيم ودكتور وحيد بصراحه الاتنين امتحاناتهم رخمه بس الفرق انك هتحضر لدكتور وحيد مش هتفهم حاجه بس لازم تحضر لانه بياخد غياب فى المحاضرة وبيسال ويحط اعمال سنه على الاسئلة دى لكن دكتور فهيم بحضرله علشان بفهم منه بس للاسف تلاقى نفسك فاهم وداخل تجيب امتياز تلاقى الدكتور بيدى افكار فى المحاضرة وفى الامتحان افكار تانيه وصلنا للكيمياء تقريبا 75% من الدفعه بتبقى خايفه تشيلها لصعوبتها بسبب ضخامه المنهج وصعوبه المسائل اللى بيديها الدكتو وهتعرف بعد كده ان النظرى لا يساوى شئ عند الدكتور اهم حاجه المسائل الماده دى بيديها دكتور علم الدين او جدو علم زى ما هو بيقول على نفسه هو الدكتور الوحيد اللى محاضرته 3 ساعات من اول ثانيه لاخر ثانيه شرح وكلام بيبقى فيه فاصل فى نص المحاضره طبعا نص المدرج بيخرج ما يرجعش المحاضره كمان ممكن تعدى 3 ساعات بيكرة الكورسات جدااااااااااااااااا وحط تحتها الف خط وبالرغم من كل ده الا انى بحس انه من اكتر دكاتره الكليه علما وعايز يوصل لنا العلم ده باى طريقه ملحوظه هامه:الدكتور كل سنه بيغير المسائل اللى بيديها علشان يضرب الكورسات يعنى تروح الكورس ممكن يشرحلك منهج والدكتور بيدى منهج تانى خالص فبصراحه ومن الاخر الماده دى ما ينفعش حد يذاكرها لوحده لان الدكتور بيفضل يشرح ويملى ما تبقاش عارف تفهم ولا تكتب فالحل الوحيد انكم تكونوا مجموعه كل واحد يكتب وفى الاخر تجمعوا بعض وتبيضوا المحاضرة ولو حد مش فاهم الباقى يفهموا هندسه الانتاج بيديها دكتور عبدالفتاح خورشيد ماده رخمه تلاقى بقى صب ونفخ ولحام وقوس كهربى وكلام غلس بس معلش لازم تذاكرها والمكتوب على الجبين لازم تشوفه العين ههههههههههه تاريخ العلوم الهندسيه بيدخل دكتور من كل قسم يدى محاضرة واحده ماده هايفه اقل ما يقال عنها لغه انجليزيه فنيه ماده سهله ومهمه لان بعد كده الدراسه هتبقى كلها انجليزى بيديها شخصيه محترمه الدكتور محمود فهمى دكتور طيب بس الطلبه بتستفزه فبيطرد اللى يستفزه من المحاضرة وكمان اللى ما جابش الكتاب فلازم تروح محاضرته بالكتاب فاك مرة فى محاضرة طلبه استفزته فقال المفروض اللى يدخل هندسه يتعمل له كشف هيئه علشان نشوف اخلاقه ولو الكلام ده حصل يمكن نص الناس اللى فى اعدادى مش هيبقوا موجودين اخيرا وصلنا للرسم(الزغلول الكبير) الرسم بلا مبالغه اهم ماده فى اعدادى نظرا لدرجاتها الكبيره والاهم وانت رايح الكليه وراجع بادوات الرسم الناس تعرف انك دخلت هندسه وبقيت بشمهندس هههههههههههههه فى البدايه اعرف الادوات علشان ناس كتير هتقلك ادوات كتير الحمد لله الواحد درس وعرف المطلوب اهم حاجه مسطرة حرف تى ومثلث تلتينى ستينى ما تستغربش يعنى فيه زاويه 30 وزاويه 60 طبعا قلم سنون انسي القلم الرصاص ده خالص برجل عادى خالص هتلاقى بقى ناس جايبه برجل بتطويله وجايبه طقم مش عاف بكام اسمع الكلام هو البرجل العادى بس ومعاه سنون 2 hb فوطه صفرا من بتاعت سواقين التاكسي علشان تنضف بيها اللوحه واستيكه نضيفه من ام خمسه جنيه دى بلاش بقى ام ربع جنيه دى انساها خالص طبعا اللوح اكيد يعنى نصيحه اشترى كانسون هى غاليه شويه بس هتريحك على الاخر ممنوعا منعا باتا استخدام المسطرة او المنقله فى ناس رخمه هتقول طب نقيس ازاى يا عم عندك اى مثلث بيبقى مدرج زى المسطرة قيس بيه لو حد من المعيدين شاف معاك مسطرة او منقله هياخدهم منك نتكلم بقى عن الماده اولا وقبل كل شئ لازم تكون حابب الماده ولو ما فهمتش حاجه اسال المعيدين هم بصراحه ارخم معيدين فى الكليه بس رخم عليهم فى السؤال هيجاوبوك وابقى اسال اصحابك فى محاضرات هتبقى مش فاهم حاجه فى اى حاجه وكمان المفروض تعمل واجب اسال اى حد تعرفه وبعدين اعمل اللى تقدر عليه حتى لو هترسم رسمه من 100 رسمه صدقنى هيساعدك فى الفهم بعد كده وهتحس بعدها ان الموضوع سهل وهتحبه بالنسبه للدكاتره الترم الاول هتلاقى الدكتور احمد القصاص بصراحه ما تلاقيش حد بيشرح زيه ولو حد مش فاهم وقاله بيغير طريقه الشرح تماما لحد ما يفهمه بس التعامل معاه عامل زى القنبله اقل غلطه بموته عصبي جداااااااااااااااااااااااااااا يعنى عصبي من هنا لبكرة الصبح اقل حاجه تعصبه وتخليه يركبك الصاروخ صاروخ ايه!!!! هتفهم لما تتعامل معاه اهلاوى متعصب نصيحه اى حد زملكاوى يا ريت ما يقلش قدام الدكتور انه زملكاوى بس لما يبقى رايق وده نادر بيبقي من اللطف الشخصيات اللى ممكن تقابلها الترم التانى هتلاقى دكتور حنفى الراجل ده عليه كلام كتير ملخص الكلام اسمع كلامه بالحرف وهتلاقى نفسك مش فاهم منه حاجه اعمل نفسك فاهم ومتنساش تسال اصحابك والمعيدين يعنى ما تبقاش بطيخه وتقول ما عنى ما فهمت انسب طريقه للتعامل مع الدكتور حنفى المثل اللى بيقول امشي زى ما بيقول الدكتور حنفى يحتار الدكتور حنفى فيك نصيحه اخيره اهتم بحضور السكاشن واللوح اللى بترسمها جوة السكشن ولوح الواجب والا ابشرك مقدما انك شلت الماده نتكلم شوية عن الامتحانات ( انا عارف تلاقيكوا بتقولوا وليه السيرة دى بس ) مفييييييييش اكتر من الامتحانات فى الكلية دى من اول ما بندخل بنتظبط فى الامتحانات يعنى خلال الدراسة بيكون فى دايما امتحانات مستمرة كل فترة كدة (كويز) فى السيكشن بتاعك وبتبقى فى معظم المواد و حاولوا تستفيدوا منها عشان تلاقى نفسك مجمع درجات كتير فى اعمال السنة فى الاخر وبعد كدة يا حلو تلاقى الميدتيرم بيخبط تك تك تك دة اللى هو امتحان نص الترم كدة نصيحه اخيره ان الترم الاول اسهل كتيييييييير من التانى يعنى نحاول نستفيد منه على قد ما نقدر ان شاء الله " دمتم بخير |
ايه ياعم عبد الرحمن ايه مقالات المصري اليوم دي بس مش مهم استفدنا منها بردو بس ايه اسماء الدكاتره دي حاتم وبهاء الحمدلله ياعم ان انا مش في طنطا بس ايز اقولك حاجه انت جبت المسطره والشغل ده ولا هنجيبه لما ندخل الكليه ونترستأ زي ما بيقولوا ويلا كل سنه وانت طيبين وسنه سعيده عليكم علي راي بوحه
|
أنت مستعجل على ايه
صلى على الحبيب المصطفى كله فى وقته و اترستأ براحتك يا سيدى |
اقتباس:
ربنا يسهلك الحال انا عموما جنبك فى طب طنطا والحال من بعض انا حتى كرهتها قبل ما ادخلها هو انت منين بالظبط؟ |
شكراااااااا يا عبده
بجد والله استفدت كتير بس برضو مقولتش انت منين يا كبير |
تنشيط علشان الدراسه كل سنه وانتم طيبين ورجعنا لايام الدراسه
http://img27.imageshack.us/img27/9674/images0v.jpg |
انا معاكم في هندسة طنطا يا جدعان داخل اعدادي هندسة و رايح الكلية بكره .......... ربنا معانا و يارب تبقي كلية حلوة
|
منوووورنا يا هندسة
و انا كمان رايح بكره ان شاء الله ان شاء الله بقى سنة زى الفل علينا كلنا و كل سنة و اتتو طيبين |
و عدى اليوم الأول و لنقل على خير
^_^ هو بكرة بقى هنروح الساعة كام هنروح بدرى عشان الحفلة و لا نروح على المحاضرة و لاّ ايه ؟؟؟ |
محدش فاهم حاجة خالص
انا فعلا مش عارف اروح امتى بس الي اعرفه ان بكرة فيه الويلكم من العميد وبعد كده هيدخل كل دكتور يعرفنا ع مادته بس امتى بقى الله اعلم بس بيقولوا ان كلمة العميد الساعة 11 يا ريت حد اكبر مننا يفيدنا ف الموضوع ده يعني يقولنا امتى نروح وكده يعني وبعدين انا معرفش انا ف انهي مجموعة واحد صاحبي قالي ان شاف ان حرف الميم مجموعة تانية وانا بصرااحة صدقته ههههههههههههههههههههه بكرة بقى ابقى اتأكد |
يا جدعان الكلية بصراحة تعبانة مولااا مفيش نظام منتهى الهمجية و يلغوا محاضرات ال ايه عشان العميد و عاملين حفلة للطلاب بتوع اعدادى و يطردوا نصهم عشان يمظموهم ادام العميد عشان انفلونزا الخنازير و احنا اصلا فى المحاضرتين الى حضرناهم كله كان لازق فى بعضة انما تعمل ايه فى النفاق بقا و يدهنوا الارصفة و يظبطوا الشجر عشان الوزير جاى..حاجة تانية ان كشف الاسماء دا على اى اساس يعنى انا محمود و مفيش كلب يوحد ربنا اعرفه فى مجموعتى ولا سيكشنى يعنى حتى الى اسمهم محمد ازاى ميبقوش معايا فى المجموعة حتى مش مهم السكشن ..طبعا انا اتسلقت اصلا و شكلى هتخرج من الكلية وانا اسوج خالص انا من تانى يوم اهوو و بفكر احول جامعة تانية
|
مش عارف يا محمود والله
انا الحمد لله معايا اصحابي من نفس البلد ف السكاشن وكمان ف المجموعة بتاعتي ويا عم فضك يا عم من العميد والترحيب انا اصلا مشيت ع طول يعني حضرت محاضرة الكيمياء وبعد كده مشيت لاني عرفت ان المحاضرات اتلغت مش انت برضو مجموعة تانية زي انا ف سكشن 17 انت تقريبا ف سكشن 18 لو كنت كده 18 يبقى هنبقى مع بعض |
معلش يا رجالة
على رأى البشمهندسين فى أول يوم أنت فى هندسة طنطا و بعدين معروف إن أول أسبوع بيبقى بالشكل ده بتروح بس تشوف المكان و زمايلك و كده بالمناسبة فاكرين الواد الأهبل اللى كان قاعد ورا أول يوم و لابس أصفر أهو ده يبقى العبد لله *_* عمومًا أنت زعلان ليه شوف احنا اتعمل فينا ايه حضرنا فى معادنا و كنا من المكروشين على فكرة و فضلنا مستنيين لحد الساعة 3 أصل محدش قال لنا إن آخر محاضرة اتلغت أضف لمعلوماتكم دوكتر الميكانيكا عرفنا أنه مش موجود لما واحد قال لنا شوفوا عربية 28 بيضاء حد يعرف باقى العربيات للدكاترة |
مين يا عبده ابو فانلة صفرا ده
انا مشوفتكش ع فكرة طيب انت عارف الواد الي اسمه طارق الي كان بيتكلم مع بتاع جروب mic انا بقى الي كنت قاعد جنبه بس انت تقريبا ف جروب 1(المجموعة الاولى) لكن انا ف المجموعة التانية قريب اكيد هعرفك هو فعلا المحاضراتن كلها اتلغت بتاعة المجموعتين ولا ايه بالظبط |
احنا قعدنا للساعة 3
و شوفنا المدرج مفهوش ولا أى حاجة للدقة كان فيه بشورة و إزازة مياه معدنية فاضية و قلم بس من غير أنبوبته أو غطاه كان بلاستكاية و السلام ^_^ و بعدين مش مركز مع الجروبات أوى مش عارف الصبح كنت بكتب ورقة و كان فيه لغز جنبى واحد حله و حبة واقفين يجيبوا اللغز يمين شمال مفيش فايدة روحت قولتلهم طب ماتعملوا القلم كده (مش فاكر قولت ايه صراحة ) و قولته آدى مثلث اتنين تلاتة أربعة كملت الورقة و جابلى شيكولاتة هييييييييييه كلتها جوه الصراحة كانت حلوة قولت أما أطلع أحل حل تانى بس للأسف الشيكولاتة اختفت حط لغز تانى مكملش لاقانى حليته قالى أنتا شوفته قولتله لأ عارفه من زمان ههههههههه مش عارف ايه الملل ده من 11 ل 3 معملتش أى حاجة و لما روحت رجل البنطلون الجديد اتنتشت فى الميكروباص *_* بقولك أنت هتجيب أدوات زى اللى قالها الدوكتر و لا هاتجيبها زى ما قال الانفورميشن ديسك ؟ بالتوفيق يا بشمهندس و أنا مجموعة ألف سكشن 10 |
لا هجيبها زي ما قال الدوك وخلاص
المهم يعني الحمد لله المحاضرات كلها اتلغت يعني طيب كويس احنا فعلا كنا محتاجين الاجازتين الي ورا بعض دول اصل الواحد تعب بجد امال انت منين يا عبده |
هبقى أقولك يا محمد
بس مش هنا كده |
احنا بقا عشان نتاكد ان مفيش محاضرة طلعنا للدكتور نفسه سالناه ههههههههههههههههههههههههههههههه
|
ازيكم يا شباب انا انس متعرفوش اللي حصل انا روحت لشبين بس ليا مدينه جامعيه في نص السنه المهم جيت حولت طنطا
عايزكم تعرفوني ايه المحاضرات اللي خدتوها علشان رجت النهارده الاتنين ملقتش حاضرات للمجموعه التانيه جيت روحت بيتنا |
شرفت و آنست
احنا مخدناش حاجة متقلقش الشغل بيبتدى من الأسبوع التانى و النهاردة أجازة إعدادى و بكرة أجازة مصر كلها ^_* أنت لقيت نفسك متسجل فى أسماء إعدادى اللى قدام شئون الطلبة و لاّ لسة مش مكتوب؟؟؟ عمومًا الجدول و الأسماء هتتغير الأسبوع الجاى على ما أسمع |
اقتباس:
|
محاضرة النهارده اللى متفهمتش هههههه
أنتو فاهمينى بقى الكسور الجزئية - partial frations لا إله إلا الله بجد لو مش مفهومة برده قولولى و فيه حجات تانية فيديوهات أو مواقع و حجات تانية بس ده اللى على ذوقى و عجبنى |
والله فعلا انا سئلت اصحابي الي ف المجموعة الولى عن محاضرة الجبر وقالوا انهم مفهموش منها حاجة خالص
انا بقى لسه هشوف الموضوع ده النهاردة |
اقتباس:
هو الحق يتقال الدكتور بتاعنا شرح كده بالظبط بس لسه مخلصناش فكده لسه ناقص ^_^:p |
ده الرابط اللى حطه مش مكتمل أصلاً
عمومًا الدرس ده مرحلة متوسطة مش من مستورى الكلية أصلاً بس يمكن على أساس هناخده بتوسع خلاص بما أنى مش مطنشك لأنك مبتفتحش أصلاً فى وجودى ^_* فهبقى أحط محاضرات هنا و أمرى لله و تابع أنت براحتك بس مش مستعد أدخل فى رابطة اسكندرية يا حاج ده متاهات كلها زى كليتكم *_* بالتوفيق يا كيمو |
اقتباس:
|
ياااااااااااااااااااااااااه محدش دخل هنا من 16 /10 ايه يجماعه هو انا شغال منشط للرابطه ولا ايه دا حتي محدش بيكح ولا حد حتي رمي ورقه هنا يلا مش مهم تنشيط للموضوع خلينا نعمل شغل حتي ولو كده وكده قدام بس الرابطات التانيه وفينك ياانجنير محمود وعبده ومحمد ودي مفاجاتي ليكم بس محدش يدعي عليا
http://img687.imageshack.us/img687/3375/472683136.jpg بس يجماعه ملحوظه اللي يعرف واحد بتاع محاره يبقي خلوه يجي يعمل ثواب وييبص علي الكليه وكمان نرجو من العميد تركيب شفاطات علشان هتيجبولنا المرض واهتموا شويه بالقاعات الواحد حاسس اه يروح مخزن دقيق مش قاعه سكشن وكفايه كده علشان مفضحش قدام المحافظات التانيه:d |
تصدق من يوم ما حطيت المشاركة ده يا بروف و كل ما آجى أرد حاجة تعطلنى
عمومًا هحط كام حاجة على العام كده تفيدنا إن شاء الله فى المواد بس شوفلى حاجة فى الكيمياء عشان صاحبك أبيض يا فل ^_^ |
اقتباس:
|
طبيعى أى اسم عبدالرحمن فى سكشن 13 & 14
^_^ و مستنيين أعمالك بس هو شيت الفيزياء عندى بس المفروض سكاشن كام تحله أصلى برزل و بروح أحضر مع المجموعة التانية فى الفيزياء |
علي ماسمعت انا كمان ان من سكشن 5 لسكشن 10 هم اللي يحلوا الشيت وانا شكشن شبعه فعليا الشيت بكره هو اصلا الشيت ده رخم عن الشيت الاول والكميا هحطها العصر اصلي كنت لسه راجع من شبين من ساعه كده اوكي يلا جود بايظ
|
كنت فى شبين بتعمل ايه ؟؟؟
أنت مش نقلت طنطا خلاص |
بص ياعبد االرحمن انا معايا مذكره كميا جبتها من مكتبه فيها اسئله وملخص قوانين انا كنت عايز ارفعها بس معنديش اسكانر فممكن تقابلني بكره في اي مكان زي ما تختار وتعرفني الساعه كام اكون جايب معايا المذكره تصورها او ممكن انا اصورهالك وتاخدها
حكايه انا كنت في شبين كنت بس بجيب المصاريف اللي انا دفعتها اصل هم كانوا قايللي عدي علينا بعد اسبوعين من سحب الملف |
ايه أخبار رجالة طنطا ؟
عملتوا ايه فى الامتحانات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
| جميع الأوقات بتوقيت GMT +2. الساعة الآن 03:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.