|
اقتباس:
اقتباس:
و يا ريت نعاهد بعض على كده و بعدين يا حيران والله لو بصيت دلوقتى مين اللى ماسك البلد دلوقتى الناس اللى مواليد 1950 و 1960 يعنى كلها و الله حاجات بسيطة و احنا نمسك و يا ريت يبقى فى عندنا دم و الله و الناس كلها تتجه للأصلح لمصلحة مصر كفاية اوى كده كفاية و الله الوضع لا يطايق و الله و احب افكركوا بردوا خير الناس أنفعهم للناس و تقبلوا مرورى و اه على فكرة فى منتدى حلو اوى لطلبة هندسة المنصورة و اللينك اهه www.manseng.net و لو اسم الموقع اتحذف ابحث فو جوجل على منتدى كلية الهندسة جامعة المنصورة يا ريت نشوفكوا هناك منتدى كويس و فى حاجات حلوة يلا بقى معلش طولت عليكوا شوية سلام |
أنا أحمد السعيد يوسف من دمياط و جايب 98.9 و رايح هندسة المنصورة بإذن الله
|
اقتباس:
و ربنا يثبتنا كلنا لحد ما نعرف ننفذ الى اتفقنا عليه لما نكبر بس مندخل فى موضوع "مسك البلد" و الحجات دى لانها هتفتح مواضيع ملهاش مجال هنا لان البلد دى من الاخر بااايظه اقتباس:
مقلتليش انتا كنت فى العسكرية ولا فين ؟:d |
وانااااااااااا جيت معاكم هندسه المنصوره بمجموع 98.3بس متاخر شوويه النت كان وحش اوى والمنتدى الى قلتوعليه ده بجد حلوووو ويااارب نكون صداقات من هنابجد عشان معرفش حد دااخل معايا
|
نسيت اقوول كل سنه وانتو طيبين ورمضاااااااااااااااااان كريم واللى راح الكشف الطبى انهارده يقول رايه بقى انادوخت وده كله عشان السمااعه بس
|
هيييييييييييييييييييييييييييه
انا اخييييييييييرا هبقى معاكم فى هندسه المنصوره تحويلى اتقبل:av4056bb7jp3::av4056bb7jp3::av4056bb7jp3::02 8ja7::028ja7::028ja7::022yb4::022yb4::022yb4: |
اقتباس:
|
معلش يا ماما ريناد تعبتك معايا الفتره اللى فاتت
بس ان شاء الله من هنا ورايح هسمع كلامك:romarioxp6: |
اقتباس:
بس كان عندى سئوال انتى جاتلك كلية ايه فى الأول ؟ اقتباس:
و الموضوع كان سهل خالص هما ثلاثة أسئلة بتاخد أدوية ؟ عملت عمليات ؟ بدخن ؟ بس الخزنة ايه ؟؟؟ زحمة مووووووووووت زحمة زحمة يعنى مش ليه كده ؟يمكن عشان احنا فى مصر مش عارف |
و بعدين يا جماعة قولولى اشتركتو فى المنتدى هندسة المنصورة ولا لا ء؟
عموما اللينك اهه www.manseng.net لا المنتدى بتاعى ولا ليه فيه مصلحة انكوا تشتركوا بس هوه فى معلومات للطلبة الجدد و بس |
اقتباس:
انا كنت فى هندسه.........اسمها ايه..........اسمها ايه............اسمها ايه......... اااااه اسمها اااا شبرا بنهاااا |
عموما الف مبروك على التحويل
أكيد هندسة المنصورة أحسن من اللى اسمها.......... اسمها ايه ؟ |
يا جماعه فى المنصوره بيعملوا حفل استقبال للجدد ولا للا ؟
ولو فى هيبقى امتى ؟ |
السنة الى فاتت كانوا عملوا باين انما محدش راح غير 20 واحد
|
انا اشتركت قى المنتدى من اول الاجاازة و هو مفيد اوى
|
دى خريطة الكلية يا جماعة عشان ما تمشوش تيهين فيها
http://www.mans.edu.eg/maps/emptymaps/engfac/ و إن شاء الله تتعودوا عليها بسرعة و بدون خرايط |
حريطه ...ليه
أنتو داخلين تحاربوا ولا ايه |
اقتباس:
|
اقتباس:
للعلم بس يعنى:d |
شوفتها
ايه ده دا الكليه دى عامله زى المغاره بالظبط:o |
اقتباس:
مش هندسة بقى |
ههههههه
زى المغارة !!!! ده الى احنا قولناه فى الاول برده بس لو شوفتىهندسة القاهرة اكيد هتغيرى رأيك |
موفقييين جميعاااا
واهلااا بيكم في كلية الهندسه |
الكليه مش حاجه كبيره يعني
دا الموضوع كله كام مبني الواحد حفظهم من اول مره ربنا يوفقنا ونعدي نضيف ونروح كايرو السنه الجايه |
اقتباس:
|
اقتباس:
علي فكره الكليه عندنا حلوه جدا واحلي من كليات هندسه كتير زي طنطا والزقازيق و بترول نفسها ودي ميزه فيها مكتوب باين متأسسه سنه 1923 لو مكنتش نسيت يعني قبل ما الملك مينا يوحد القطرين بنص ساعه |
يا جماعه محدش يكسب ثواب يقولنا عندنا كام ماده في التيرم الاول
وايه هما ؟ |
الماده: الميكانيكا
الدرجه: 125 الترم الاول 100 الترم التاني المجموع 225 الدكاتره: ا.د.وليد البشبيشي د.احمد عبدالله المعيدين: م. منى م.جلال م.وليد م.عمرو لمحه عن الماده: كتاب كبير جدا جدا جدا كلو مسائل ... بس الترم الاول تافه اووووي لازم تجيبو امتباز فيها... ازاي؟؟!!! ... 1- احضروا كل المحاضرات وتركزو على اخر 4 محاضرات الامتاحن فيها...الدكاتره شرحهم ممتاز 2- احضروا كل السكاشن هو سكشن واحد كل اسبوع... 3- زاكرو المسائل اللي بتتقال في المحاضره والسكشن بس بس بس بس 4- بعد ما تخلصو مذاكره ... روحو ليله الامتحان هاتو مزكره مراجعه ليله الامتحان للمهندس جلال هتلاقي فيها 30 مساله مثلا تاكدو ان الامتحان كلو فيها واسال مجرب... __________________________________ الماده: رياضه الدرجه: 175 الترم الاول 175 الترم التاني المجموع 350 الدكاتره: ا.د صلاح البحيري ا.د مصطقى صالح د. رضا عبده د. ايهاب مصطفى المعيدين: م.ايمن م.مصطقى العجمي م.احمد هيكل م.انتصار م. محمودعبدالهادي م.نيقين م. وليد رسلان لمحه عن الماده: سهل جدا احضرو كل محاضارت الدكاتره الدكتور صلاح انا درست عنده قمه في الاخلاص وبيشرح تمام وبيبسط المداه وبيديكم الامتحات على مدى المحاضرات...اوعو تفوتو اي محاضر...وكذلك الدكتور رضا عبده... احضر محاضراته ومتفتحش الكتاب ... والدكتور مصطفى صالح و د. ايهاب مدرستش عندهم..بس الناس بتشكر فيهم جامد.. الدكتور مصطقى محاضراته دمها خفيف وحلوه اوووي.. المهم انا درست مع المهندس احمد هيكل ممتاز وشاطر وطيب ومحترم كذلك م مصطقى الهجمي .... __________________________________ الماده: الكيمياء الدرجه: 125 ارم واحد فقط الدكاتره:ا.د. ابراهيم جار العلم ا.د احمد الصروي د. محمد الحلواني المعيدين: د.فاروق م. محمود حنفي لمحه عن الماده: الماده كلها انجليزي والناس كلها بتتعقد منها ... بس في الاول لكن بعد كدا بتبقى سهله اووووووي... وخصوصا ان الدكاتره مبيسقطوش حد فيها الا اللي مبيحضرش خالص نسبه النجاح فيها 90% ده من منتدى هندسه المنصوووره |
الماده: لغة انجليزيه فنيه
الدرجه: 50 ترم واحد فقط الدكاتره: د. احمد ثابت لمحه عن الماده: الماده بسيطه جدا بتحفظ مصطلحات هندسيه وتعرفها بالانجليزي.. بتزاكرها براحتك لانها عامله زي القصخ بس اللي بيسنهنر بيها بيشلها.. |
الماده: الفيزياء
الدرجه:150 الترم الاول 150 الترم التاني المجموع 300 الدكاتره: د. محب د. مرفت د. سميه لمحع عن الماده: الفيزيا اربع كتب صغيرين كل ترم كتابين 1- حراره 2- ضوء 3- كهربا 4- هواص ماده سهله جدا جدا جدا بس متفوتوش ولا محاضراه لان مفيش فيها سكاشن... فيها معامل احضروها لان فيها غياب وبتمتحنو فيها اخر الترم ________________________________________ الماده: الرسم الهندسي والاسقاط الدرجه: 150 رسم 75 اسقاط الدكاتره:ا.د. احمد مصطفى البهلول ا.د.محمد شباره لمحه عن الماده: الاسقاط ترم الاول بس ماده تافه جدا للزكي.. لانهنا كلها تخيل وماده جميله اوووووووووووي ..... بس متخلوش حد يعقدكم منها.... الرسم طول السنه... انا كنت مع العبقري د. احمد البهلول الدكتور دا عبقرررررررررري....متفوتوش ولا محاضراه لان المعيدين مبيشرحوش حاجه.. انت بتحضر المحاضر والدكتور بيديك رسمه تروح ترسمها في السكشن المعيد بس بيعلملك |
تكمله الموااد,:::::::::::::: الماده: تكنولوجيا الانتاج الدكاتره: ا.د. توفيق توفيق الميداتي لمحه عن الماده: احلى دكتور فس الدنيا بيديكم الماده دي... واحلى محاضره في الدنيا محاضرة الانتاج...مجرد حضور المحاضره يعني جيد جدا.... على فكره المادة دي ترم تاني بس... وفيها ورشه كل اسبوع...اوعو تغيبو اي ورشه لان حضور الورش من 30 من اصل ميه يعني النجاح........ واخر محاضرتين الدكتور هيديكم الامتحان بالنص... يس ركزو... واعرفو حاجه مهمه امتحان الانتاج والفيزيا بيجو بالنص من امتحانات السنين اللي فاتت .... بيجو بالنص __________________________________________________ ___ الماده: حاسب الي الدكاتره : د.علي الدسوقي د. عايده الدرجه : 75 لمحة عن الماده : الماده دي لازم تحضر كل محاضراتها ... وتزاكرها اول باول... لانها بتدرس فيها برمجه فيجوال بيسك نت .... ولازم تحضروا كل السكاشن... هي ماده صغيره خالص... بس ممكن حد ميكونش ليه دعوه بالكمبيوتر فيكرهها....بس هي تافه.. للي بيحضر... __________________________________________________ _________________ الماده : حقوق انسان الدرجه : 50 لمحة عن الماده: مادي صغيره جدا الدكتور بيديك 10 اسئله وبيقولك هجبلك منهم 3 فالامتحان تحل منهم2 فقط فقط.... وماده جميله اوي اوي اوي..... والماده دي ماده نجاح وسقوط موش محسوبه في المجموع.. __________________________________________________ _____ الماده : الانسانيات الدكاتره : نفس دكاتره مادى الكيماء الدرجه: 50 لمحه عن الماده: المادي دي كلها بالعربي عكس كل المواد... هي عامله زي العلوم بتتكلم عن البيئه و طبقات الجو.... حاجت ممتعه جدا...لازم تجيبو فيها امتياز.... نصيحه زكروها من الكتاب ... وابقو راجعو المزكرات بتعاتها ليله الامتحان...... الماده دي حاولو ترفعو تقديركم بيها... لانها سهله وحرام متجبوش فيها تقدير |
طب عادي هنجيب فيهم امتياز كلهم وخلاص :d
الموضوع سهل جدا |
انا بيتهيالي شفت الكلام ده
بس فعلا عدد المواد كتير بطريقه رخمه :( |
هههههههههه ياارب يبقى سهل كده انا عااوزه احول القاهره السنه الجاايه
|
وهماا عشر مواد بس مش كتير يعنى عااااادى خالص
|
10 مواد في التيرم مش كتير ؟
اذا كان الثانويه الموضوع كله كان 5 مواد :d علي فكرهانا عايز احول القاهره برضو عشان ادخل كيميا انتي هتدخلي ايه هناك ؟ |
الماده: الفيزياء
الدرجه:150 الترم الاول 150 الترم التاني المجموع 300 الدكاتره: د. محب د. مرفت د. سميه لمحع عن الماده: الفيزيا اربع كتب صغيرين كل ترم كتابين 1- حراره 2- ضوء 3- كهربا 4- هواص ماده يا خوفي من دي |
اناعااوزة ادخل هندسه طبيه بس لسه مش عاارفه حاجه عنهااا وبيقولوالازم تقديرر كويس عشانهاا
|
هما مش عشر فى التيررم تقريبا يعنى فى مواد ترم اول بس وفى ترم تانى بس
|
يا جماعة أى معلومات عايزينها عن أى حاجة فى هندسة موجودة على المنتدى ده
www.manseng.net |
الموضوع جميل يا جماعة و مشكرين كلكم على تعبكم
--------منتظر التحويل لهندسة المنصورة----- -----------يوسف -----هندسة اسيوط ----------- |
اقتباس:
بس هيه النتيجة امتى بتاعت التحويل الورقى ؟ |
اقتباس:
خمسه تم اول و خمسه ترم تانى انما المشكلة ان هتلاقى ف مواد مقسومه انين يعنى الرياضه مثلا فرعين بكتابين ودكتورين و محاضرتين و كده بردهه الفيزياء انما متخافوش كله بيبى سهل اوى فى النهاه اقتباس:
المنتدى ده ممكن تلاقوا فيه حاجات مفيده انما ادارة المنتدى ناس غير مسؤلين و غير محترمين .....فخليكوا فيه لحد ما نظبط بديل له على بداية الدراسه بأذن الله او نحاول نغير ادارته الفاشلة دى و فيه بدائل حالية مثل : http://www.mansuni.com/vb/ www.topeng.net اقتباس:
هندسة طبية موجوده فى القاهة وحلوان بس و مش موجوده فى المنصورةز... و عشان تحولى لازم تقدير جيد جدا علىالاقل ومتخافيش هو سهل مش صعب اقتباس:
ليه بس الخوف ده من تهيب صعود الجبال يعيش ابدا الدهر بين الحفر و الله العظيم الفيزيا مهتلاقى فيها اى مشكلة خالص بس انا احضر وواظر على المعامل و لو انتا مفمتش حاجه روح اسأل الدكاتره فى المكتب واشترى و رق الباشمهندس هانى هيظبطلك المادى دى ان شاء الله |
اقتباس:
هيه إدارة المنتدى الأول مالها يا بشمهندس ؟(مجرد سؤال) ثانيا هوه فى لينا حفل استقبال يوم 13/9 ولا إمتى ؟ |
اقتباس:
الادارة مالها!!!!!!!!!!!! لأ دى مالها ونص بس لا يتسع المجال لهذا النقاش هنا ...لو عاوز تعرف اكتر كلمنى على الخاص او اميلى اهو m.elbanna(a)windowslive.com و بالنسبة لحفل الاستقبال فنا معرفش والله المعاد بس هو السنة الى فاتت مكنش حفل يعنى ده كانوا جمعوا الطلاب فى مدرج 11 (او كما يسمونه مسرح الكلية -انضف مكان فى كلية هندسة على الاطلاق-) و قالولهم كلمتين عن الكلية و ووزعوا خريطه للكلية بس السنة الى فاتت الى كان حضر اقل من 40 طالب بس ...يعنى كانت حاجه تكسف:022yb4: |
اقتباس:
و معلش انا مقدرش احكم اذا كانت بتعطل عن الدراسة ولا لأ لانى مكنتش مشترك .....انما كل شئ فى حدود المعقول كويس يعنى مفيش عطلة ولا حاجه على ما اعتقد و اذا كانت ممكن تفيد فى الدراسة فده ممكن يكون فى مجال الكمبيوتر والتكنولوجيا لانى معظم الاسر الطلابية بتعمل ندوات خاصة بتكنولوجيا المعلومات والحاسب و دى اكيد بتستفيدى منها و البنات موجود زى الولاد بالظبط مفيش اى فرق على حسب علمى وعلى فكرة هتسمعى كلام كتير فى بداي السنة من الدكاتره بيشجعوا الانضمام للاسر والمشاركه فى النشاطات الطلابية دى لان بيتصرف عليها كتير من الكلية و ده حقكم لازم تخدوه لما تشاركوا فيها و بالنسبة لاشهر الاسر فى الكلية : اولا اسرة 90 درجة -صناع الحياه سابقا- : http://www.90daraga.com ودى اكبر اسرة فى الكلية وانجحها و شعارها التنمية بالايمان و بجد دى الى انصحك تشاركى فيها وانا عن نفسى كان نفسى اشارك فيها طول السنة الى فاتت س كنت بكسل و كانوا عاملين فى الصيف ندوات وورش عمل للاعضاء الجداد بس برده انا كسلت اروح ...بس هى على العموم احسن اسرة فى الكلية كفايا ان رائدها الدكتور العبقرى توفيق الميدانى و هتلاقيهم فى مقرهم جوه مبنى الورش (لو مش عارفاه اسئلى عليه) اول ما تخشى تخدى شمالك للاخر خالص او اسألى فين معمل الدكتور توفيق الميدانى و هتلاقيهم هناك بيجهزوا شنط رمضان دلوقتى:d و كانوا السنة الى فاتت عاملين حملة "تفرق كتير" فى كل الجامة وبجد نشاطهم اكتر من رائع ثانيا اسرة كات (CAT— (Computer Assistant Team : http://forum.cat-hackers.net/index.php http://www.catreloaded.net و دى اسرة تكنولوجيا بتهم بالكمبيوتر و التكنولوجيا وهتلاقيهم على مدار السنة بينظموا ندوات و محاضرات عن الكمبيوتر والبرامج و التكنولوجيا بس بجد ندواتهم هتلاقيها مفيده جدا بس مش لازم تكونى عضوه فى الاسر ممكن تبقى تتابعى ندواتهم بس ...و السنة الى فاتت كانو عاملين اكتر من نادوه تحت عنوان Scope و عملوا حتى الهاكرز داى Hackers Day لتعليم الهاكنج ثالثا اسرة جودتايم Good Time : www.goodtime4me.com ودى برده اسرة عامة بيتهيقلى ملهاش اهتمام محدد ...كانوا نظموا السنة الى فاتت ندوه بالاشراك مع شركات انتل وميكروسوفت و اتصالات و سيسكو و ايتيدا تحت عنوان التكنولوجيا و تطوير التعليم العالى و هتلاقى فى لاسرة دى معظم شباب اتحاد الطلبة الى هما تقريبا محتلينها:d:dبس بصراحة رائدها الدكتور محمد عبدالعظيم دكتور محترم جدا من قسم اتصالات وخلى الاسرة احلى و احلى ودول اشهر الاسر الطلابة الى فى الكلية عندنا و بجد دول من الحجات الكويسة القليلة فى كليتنا:p:022yb4: اتمنى انى اكون فتحت نفسك شوية من جهة الكلية |
لا خالص فتحت نفسنا خالص:d:d بس اعتقد ان الاسر دى بتضيع وقتنا بما فية الكفاية وبعدين احنا اعضاء جدد :d:dفين وفين عما ناخد على نظام الكلية والمذاكرة والكلام دة ومينفعش نشغل وقتنا بكلام من دة مش هيفدنا بحاجة دا مجرد راى:078111rg3:
|
يعنى بصراحه كل واحد و فكره
فى ناس بتبقى خايف انها تضيع اى وقت و فى ناس بتحب تشارك فى المواضيع الى زى دى و فى ناس بترجع تندم انها مشاركتش فى النشاطات دى لانك معنتيش فى مدرسة بتتعلمى فيه كام حصةوبس انتى فى جامعة .....يعنى مكان يجمع كل شئ من علم ورياضة وادب و فن ..و لازم تنمى الجهة الاجتماعية من حياتك المهم انا مش هقنع فيكى لان الدكتور مصطفى صالح(وكيل الكلية) ان شاء لله هيقوم بالواجب من حيث شرح النقطة دى لان الجامعة مرحلة مهمة اوى فى بناء الشخصية مش للتعلم فقط و بكره تسمعى الكام الى هيقنعك ان شاء الله |
بس انته مقولتش مشترك فى أى أسرة من اللى فوق دول ؟
|
و يا ريت يا بشمهندس حضرتك تقولنا كمان هل أول يوم شغل و دراسة بجد ولا تعارف على الدكاترة و كده ؟
حتقل عليك شوية بس لمجرد المعرفة كنت عايز اعرف معلومات عن اتحاد الطلية و المهام بتاعتهم و الإنضمام لهم و كده ؟ و يبقى كده جزاك الله خيراً |
| جميع الأوقات بتوقيت GMT +2. الساعة الآن 11:27 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.