نكلمك ازاي يعنى يا عم حسام متقول اللى انت عارفه علشان الناس كلها تقراه
ولا انا كلامي غلط ؟؟؟!!!

انا حسام وكان قصدي نتكلم علي الاميل وعلي العموم امتحان القدرات سهل جدا وعلي الطالب منا الاتي
1 مراعاة الملابس و المظهر الخارج
2 يكون الطالب علي علم ببعض المعلومات كالاتي
1 الاسم والسن وتاريخ الميلاد
2 اين يسكن
3 اسم المحافظ
4 اسم وزير السياحة
5 لما الطالب يفضل السياحه والفنادق
6 اي قسم يفضل الطالب اختياره
7 العملات
وعلي العموم ان شاء الله ننجح ويكون سهل واظن الطالب الي عدي86% يقدر يعدي القدرات بسهوله.

طيب ولازم كلاسيك ولا ممكن كاجوال
السؤال دا محيرني اوي

ياجماعه انا راحه حلوان يوم 16 بس قلقانه من حكايه عملات البلاد وهو وزير السياحه الحالى اسمه ايه ومين هقابله يجى معايا

د. زهير جرانة

وشوفى بقى مين جاى وياكى

انا كمان يوم سياحة وفنادق حلوان والانتر فيو بتاعى 16-8 ان شاء الله

اوك
كده عددنا زاد الحمد لله للي رايحيين يوم 16-8
بليز اي حد يرد بعدي يقول انه رايح معانا يوم الحد الجاي بحيث نعرف عددنا قد ايه وع يوم السبت بليل نكون متفقين نتقابل فين


1-soha fouad

انا معاكوا في الانترفيو يوم الاحد 16/8
وياريت نتقابل
2 حسام محمد بس ازاي يا soha

هاي ياجماعة معلش ممكن اطلب طلب من ال هيروحوا يوم 16
ممكن بس حد يسالي علشان انا في الغردقة .. هو انا محول من الفيوم لحلوان ونتيجة التحويل يوم الاتنين او التلات معني كدة ان معاد الانترفيو هيفوتني .. كنت عاوز اعرف في معاد تاني علشان لو حولت اروحة ’’ وفي حاجة تاني المفروض اني اعملها سوري لو كنت هتقل عليكم بس بليز , ممكن .....
بس لو حد هينسي او مش هيسال ياريت يرد عليا بسرعة علشان اعرف اتصرف

انا طالب جديد في الكلية ومش عارف اخش قسم سياحة عربي ولا انجليزي فهل تفرق في الشغل ولا لاء؟

انا عبده معاكم يوم الاحد ان شاء الله وياريت ندخل الموقع الساعة 9 علشان نتفق وكمان اللى يدخل الاختبار الاول يقول للباقى على اللى حصل

وياريت محدش يخاف

انا لسة يوم 18 يا ريت تقولوا لية اية اللي حصل واخش عربي ولا انجليزي انا حلوان

اية ياجماعة دة هو انا بن البطة السودة ولا اية
اشمعنا انا ال محدش بيرد عليا
عموما شكرا ليكم كلكم

لا يامان عندنا مفيش بطة سودة ولا بطة بيضة كلنا ولاد بطة واحدة:078111rg3::078111rg3:

اما بالنسبة للتحويل فوقت ما النتيجة تظهر دى مفيش فيها مشاكل تروح على الجامعة اللى انت هتتنسب ليها

وتعمل الانترفيو عادى مفيش مشكلة حتى لو الميعاد كان فات ودونت ورى :d

شباب حلوان التجمع عند شئون الطلبة



الشباب بس

(انا مش وياكم )


لو حد عنده مكان افضل يقوووووووووول

طب انا مش معاكم فى حلوان

بس انا ليا راى

مش هينفع تتقابلو عند شئون الطلبة لان ببساطة كده هتلاقوا الكلية كلها واقفة عند الشئون

طبعا انتوا كلكم نزلتوا وشفتوا الكلية فياريت تحددوا مكان تعرفوا تتقابلوا فيه

الاوضة بتاعت شئون الطلبة صغيرة شوية و اعتقد ان الدكاترة مش هيقعدوا في مكان زي كده

ها يا شباب ايه رايكم

انا جبت 279 جت اثار وكتبت التحويل بس شاكك فى حوار الانترفيو مش عارف وياريت لو حد رايح اتقابل معاه بدل ما ابقى لوحدى جود باى وميرسى ليكو يا شباب

انا رايح يوم 18 مفيش حد خالص يوم 18 يا ريت اللي راحوا يطمنونا

انت كنت انهي عبده في التلاته يا سيكو............!

انى 3 فيهم انا فعلا كان معايا 2

المهم عملتى ايه

طمنينا عملتي اية في الانتر فيو

اية ياجماعة عملتوا اية النهاردة ؟؟؟؟؟؟؟؟؟
واية الحصل
قولوا كل حاجة حصلت معاكوا

انا اول واحده اتسالت في المجموعه بتاعتك وكان اللي اسمهم عبده كانوا معايا

شكلك انت اللي كنت لابس تي شيرت احمر

اهلا يا جماعة انا رحت الكليه انهاردة بس انا الانترفيو عندي 17/8 وعرفت الاسئله وكدة والحياه موز اوي في الاسئلة

يا جماعة لو حد عايز اي حاجة انا موجود انا ارشاد

طيب الناس اللي راحوا اية الاسئلة اللي اتسالتوها ساعدونا

يا جماعه ده مش امتحان ده نقاش بيتم بينك وبين الدكتور اللي معاك

وبيسألك اسئلة معقولة
بس المعلومات العامة فعلا لا تخطر ع البال ولا الخاطر
انا اتسالت عن الفرق بين الاشتراكية والراسماليه ................!
وهل اقصر مدينة ام محافظة وان كانت مدينة ايه هي المحافظة اللي تابعه ليها
وعن عاصمة المملكة المتحده وعاصمة المانيا
وغيري اتسال عن الفرق بين رئيس الحكومة المصرية ورئيس الوزرا (ومعرفشي...!) وفي طلبة معرفتشي مين هو اصلا رئيس الوزرا
وعن ميعاد كاس العالم الجاي وهيتلعب فين
و99% من ده بــ(الانجلش)


الخلاصة الاسئلة بتدور عن
1- عواصم البلاد (كلها يعني في واحد من المجموعة بتاعتي اتسال عن عاصمة تشيلي وعاصمة باكستان والهند وجنوب افريقيا)

2- الاتحادات والجماعات( زي الاتحاد الاوروبي ودول الخليج ودول شمال افريقيا ودول شرق اسيا) وكله بالانجلش
gulf =خليج

3- عملات البلاد

4- وزراء مصر والاثار

وان كنت سياحة يسالك ليه عاوز تدخله وتعرف شركات سياحية زي ايه وان كنت فنادق يسالك عن اشهر الفنادق اللي في مصر وان كنت ارشاد يسالك عن الاثار(في واحد اتسال عن الاثار الاسلامية في القاهره كان سؤال يفزع لان معظم الاثار اللي في القاهره يا اما حديثة او فرعونية والاسلامية زي جامع محمد علي وجامع الازهر وقلعة صلاح الدين والمناطق اللي ان فيها الخلافة الفاطمية القديمة زي منطقة الحسين

5- محافظات مصر دي خطيررررررررررررررة جدا والكل وقعوا فيها حتي انا عشان مكنتش اعرف اقصر محافظة ولا مدينة
فلازم تعرف كل المحافظات والمدن اللي تابعه لكل محافظة ليها

6- لازم تحفظ اسمك وسنك وساكن فين ومدرستك اللي اتخرجت منها وهوايتك (لوكشة واحده بالانجلش ) لانك بتدخل اول حاجه بيقولهالك بيقولك عرف نفسك بالانجلش فبدل ما تقعد تتهته ترميهاله ع طول

يا جماعه العملية سهله خالص وكان الدكتور اللي معايا قالنا اهدوا خالص وافردوا ظهركم وفي هدوء خالص


حاجات لازم تاخد بالك منها يا طالب حلوان
1- صوتك واضح (مش عالي) يكفي يكون واضح لان كان في دكتور قدامي مع ناس تانية والله شخط في البنت عشان عماله تنمنم
2- بلاش يبقي في صوتك رعشه او لما تحضر لجملة تقولها بلاش تقول ااااااااااااااااااااااا خليك ساكت وبعدين رتب الجملة وقولها ع طول
3- ايدك مش في بعض ووبلاش تقعد تخبط وتترعش

العملية ابسط مما نتصور بتكييييييييير وسهله جدا والحوار معاك مش بيكمل 5 دقايق وتحس انك مبسوط لما تخرج وصدقني هتعرف تجاوب وياريت لو حد مش لاقي حاجه يعملها يقعد يعمل سيرش عن عناوين الحاجات اللي انا كاتباها


متخافوش بس لازم الثقة

وربنا معاكم

هاى سها افتحى ايميلك عاوز اكلمك

سها افتحى ايميلك مش بتردى لية

طيب قالوا ليكم النتيجة امتي

نتيجة اليوم الاول طلعت والكشف الطبي غداااااااااااااااااااا

هو الكشف الطبى ده ايه وعلى العموم انا رايح بكرة بدرى الساعة 9 ان شاء الله اشوف النتيجة وحوار الكشف ده

انا مصطفى جايب 93% ولو على كلام سها الى فى صفحه 4 الانترفيو مقلق جدا لانى معرفش حاجه عن العواصم والمحافظات والاثار وكده انا تمام انجلش اوى بس انا خايف من الحاجات دى ارجو الرد

هو شرط ان اللي يدخل الكلية دي مش محجبين

لا متقلقش ومتخافش من اى حاجة

هى رجعت وقالت تانى ان هو سهل وبعدين ده سؤال واحد فى العواصم بس مش اكتر

وممكن متنسالهمش كمان

والكل بيعدى يعنى


كده ياسهى :slap1qk6:

لا طبعا معانا البنات فى الكلية محجبات

مفيش اى مشكلة

مين اللى وصلك المعلومة الخطأ دى

على فكرة يا جماعة انا كنت في سياحة حلوان توداي
بس بصراحة مش قد كده :d
كليتنا احلي بكتير :p
ربنا معاكوا يا شباب وبنات
عايزنكم تشرفونا

والكشف الطبي شغال للناس اللي متعرفش
والمصاريف والتقديم اول الدراسة
ونتيجة الانتر طلعت
وتقريبا كل الناس نجحت الا كام واحد كده اتحولو قسم تاني
يلا سلام بقي
وابقوا شرفونا في الفيوم :friendsxs3:

شكرا ليك هو الانترفيو للناس اللى حولت بيبقى مختلف ولا لا انا لسه مستنى نتيجه التحويل

mmmmmmm yrb at2bel w agy helwan isa.......

انا حولت حلوان والتحويل نجح الحمد لله وحولت
وان شاء الله هروح ااقدم بكرة او بعدة اعرف الانترفيو امتي والكشف الطبي