السلام عليكم
انا جالي سياحه وفنادق حلوان
بعد اذنك انا كنت عاوزه اسال عن ميعاد امتحان الانترفيو بتاع الكلبه ؟؟
وتاني حاجه كنت عايزه اعرف ايه اللغات اللي ممكن ادرسها في قسم الارشاد السياحي؟؟ عشان عايزه ادخل القسم دا وفيه ناس بيقولوا مفيهوش لغات غير الانجلش ,,,
و كليه سياحه وفنادق الدفعه الجديده فيها هتكون في حلوان ولا المنيل ؟؟

ميعاد الانترفيو تقريبا 17/8 ده حسب ان انا سمعت عضوة هنا قالت كده
واللغات اللى فى قسم الارشاد كتير اوى فى المانى وايطالى وفرنسى واسبانى ولغات كتير اختارى منها اللى انتى عايزاه وبتاخدى لغتين فضلا عن ان مواد القسم بالانجلش
ده كل اللى اعرفه الصراحة

بصي يا روز
انا امتحاني انا وعضو هنا برضه يوم 16/8 احتمال تكوني زينا بس برضه لازم تروحي الكلية وتسالي وتقدمي للانترفيوم وتروحي معاكي ورقة الترشيح و75 جنيه

بالنسبة لمكان الدراسة
اولي كلية هتكون في عين حلوان
وباقي السنين في المنيل جمب جراند حياة
وهتلاقيها مكتوب ع الورقة اللي انتي هاخديها لما تروحي تقدمي

التقديم في المنيل

العنوان
السيدة زينب ناحية مستشفي ابو الريش وبعدين تاكسي لغاية جامع صلاح الدين وتاخدي الشارع لاخره جمب جراند حياه ع ايدك الشمال
تدخلي اوضة شون الطلبة ع ايدك الشمال برضه
هتلاقي 2 مش طايقين نفسهم وعمالين يزعقوا في الناس عشان الزحمة والحر

لو انتي يوم 16/8 ابقي قولي نظبط مع بعض

انتى هتدخلى قسم ايه يا سوسو؟؟؟؟

ناوبة ان شاء الله ادخل قسم سياحة (عربي)
لاني شايفاه اكتر قسم مناسب ليا كـــ(بنت) وبرضه في مجال شغله
وانه برضه عاجبني مجال القسم ده

سؤال!
 

على فكرة انا سمعت تقريبا ان سياحة وفنادق الاقصر مفيهاش قسم ارشاد بس فيها قسم سياحة وقسم فنادق لانها اتعملت سنة 2008 وبالنسبة لاخوك ان شاء الله هيخش سياحة وفنادق ود احتمال كبير جدا جدا لانها عمرها ما هتزيد عن مجموعه

والصراحة انا معرفش اى حاجة عن مصاريف سياحة الاقصر بس هى اكيد مصاريف اى كلية حكومية

وبالنسة لدبلومة السياحة بتعملها عادى بعد التخرج بس لازم كلية سياحة الاقصر تقبلك الاول مش عارف بتقبل اداب قسم جغرافيا ولا لأ ؟؟؟

أنا اترشحت لسياحة و فنادق الفيوم وبعدين حولت سياحة وفنادق حلوان
عايز أعرف مصاريف الكلية السنادى بالظبط فى حلوان

1-سياحة(انجليزي)
2-ارشاد سياحي
3-فنادق (انجليزي)
مصاريفها عاليه شوية في حدود 3000 جنيه


4-سياحة(عربي)
5-فنادق(عربي)
مصاريف السنة اللي فاتت222 جنية

بس:)

انا طالبه سنه اولى سياحه وفنادق الاسماعليه
مشكور والله على المعلومات الى حضرتك بتقدمهالنا
بس كان عندى استفسار
انت كنت علقت عليه بس انا حابه اعرف عنه اكتر

وهو المقابله الشخصيه

انا خايفه اوى
ياريت توضح اكتر عن المقابله
:):)

ممكن ارد طيب بدل شريف...........:)
اللينك ده حطه اسلام ممكن يفيدك
http://www.thanwya.com/vb/showthread.php?t=78506

السلام عليكم , انا متابع القسم ده جامد على فكرة انا قبلت سياحة وفنادق حلوان ورايح يوم الحد اقدم الورق واشوف اخبار الكلية ايه.
انا عجبني قسم دراسات سياحية عشان هشتغل في شركة سياحة. بس انا مش عارف اخش عربي ولا انجليزي ؟
انا بحب الانجليزي بس عايز اعرف هو في فرق كبير بين السياحة العربي والانجليزي ؟

السلام عليكم ورحمة الله وبركاته انا اسمي ابراهيم واناجبت سياحه وفنادق الاسماعيليه واحب اولااشكر القائمين على المنتدي واتمني اني أكون صديق ليكم

وثانيا أحب أشكر بشكل خاص الاستاذ اسلام والاستاذ شريف شومان على مجهوداتهم الرائعه في خدمة الطلبه الجدد وتوصيل المعلومات بطريقه سهله

وليا سؤال خاص أرجوالرد عليه هل كلية السياحة والفنادق بالاسكندريه الطلبه مجبرين على دراسة اللغه الاجنبية الثانية (الفرنسيه)

السلام عليكم انا محمد كلية السياحة والفنادق الاقصر وانا من قنا .كنت عايز اعرف اذا كان ممكن احول كلية سياحة ف مكان تانى علشان مفيش ارشاد ازاى احول والتحويل يعتمد على الحد الادنى للكلية ولا ايه . واذا كملت سنة اولى ف الاقصر ممكن احول بعد كده ولا ايه . ياريت اى حد عارف اى حاجة عن الموضوع يرد على بسرعة ارجوكم

السلام عليكم و رحمة الله و بركاته
انا جديد هنا و عايز اعرف الكلية السياحة و الفنادق بتاخذ من كااااااااااااااااااام و ايه الأختبارات الي بيعملوها علشان انا عايز اخشها و افهم كل حاجة ممكن المساااااااااااااااااااااااااااااااااااااااااااااا اااااااااعدة

انا بكره عندى الانترفيو ومش عارف هسئلونى فى اه انا قسم دراسات سياحيه يرات حد يؤلى ضرورى جدا ارجوكوا

نست اضيف انا جامعه حلون ارجوا المساعدههههههههههههههههههههههههه

انا لسى مقدمتش لغاية دلوقتى فى السياحة والفنادق مستنى نتيجة التحويلمن السادات الى حلوان فى مشكلة فى كدة ارجو الاجابة بسرعة

ياجماعة محدش رد لية

مافيش اي مشكلة في كده
واحنا تحت امرك

بصى هو انا داخله انشاء الله ارشاد لان اللى عرفيته بعد كدا انى ممكن اشتغل بالحجاب وكمان حتة خلع الحجاب دى اخويا قالى ما بقيتشى دلوقتى موجودة اوى لان الحجاب انتشر بصورة كبييييييييرة اوى وكمان هناك فى الكلية عرفت ان انا ممكن لو لقدر الله ماشتغلتش كمرشدة ممكن اشتغل فى اى حاجة تانية لان بكارليوس الارشاد يأهلنى اشتغل فى اى مكان لان الدراسة اولا اولا بالانجليش كلها فالانجليش بتاعنا اكييييييد هيبقى كويس وغير كدة احنا هناخد كورسات برة بس عشان نملا السى فى بتاعنا باى حاجة
وبعدين الشغل دة زى الجواز اشتغلنا بشهادتنا خير وبركة والحمد لله اشتغلنا فى مجال مالوش علاقة بدراستنا الحمد لله بردو وبعدين البنت مسيرها للجواز والقوعاد فى البيت اى نعم قسم ارشاد غاااالى بس الغالى تمنه فيه الاهم القيمة العلمية اللى بنكتسبها من القسم واذا كان الرجالة مش لاقين شغل احنا يا بنات هنلاااااااااااقى اكتبى ارشاد واتكلى على الله هو احسن قسم واصعب قسم فى الكلية اصلا وبنات كتيييييييييير ازى شوفتوهوم هناك اهاليهم مدخالينهم ارشاد ومحجبات عادى يعنى

في اي حد محتاج اي استفسار

الف مبروك يامحمود ونورت القسم

هاااااااااااااااااااي يا اسلام ازيك انا لسا في اولي كوليا و عايز اعرف ايه المواد الي بدرسها في اولي كوليا و المواد الي بدرسها في تانية تخصص فندقة و انا في معهد الألسن سياحة و فنادق بمدينة نصر - مكرم عبيد

انا عايز رد لو سمحتووووووووووووووو حد يرد عليا

هل الحاصل على دبلوم سياحه وفنادق بمجموع كبير يدخل فعلا كليه السياحه والفنادق

اه طبعا ينفع تدخلى كلية سياحة وفنادق وانتى واخدة دبلوم سياحة بس بشروط :
1- لازم مجموع عالى فى الدبلوم لانهم بيختاروا 10% او 15% تقريبا من طلبة الدبلومات لدخول كلية السياحة

2- مينفعش تدخلى قسم ارشاد سياحى للأسف

3- بتدخلى القسم اللى انتى درستيه فى الدبلوم تقريبا يعنى لو كنتى سياحة بتدخلى قسم دراسات سياحية , ولو كنتى فنادق بتدخلى قسم دراسات فندقية او ادارة فنادق

وابقى اسألى برضو فى كلية السياحة فى الجامعة اللى انتى ناوية تدخليها عشان تتأكدى اكتر

naughtycat_91*************
 

لو سمحت انا فى تربيه اساسى مواد اجتماعيه وبصراحه انا بكره القسم ده اووووى وكنت عايزه اعرف لو عايزه احول السنه الجيه
لقسم تانى هدخل بتنسيق السنه اللى اتخرجت فيها ولا بتنسيق السنه الجايه وممكن اعرف هوه انا لازم اسقط السنادى ومرحش
الكليه خالص ولااروح وانجح عادى وبرده احول السنه الجايه ولو فى قسم تانى ينفع احوله وافضل سنه تانيه برده بدل مارجع سنه اولى تانى
معلش انا طولت على حضرتك بس انا محتاره اوووووى وياريت لو اى حد يفيدنى

انا لسه مشترك في المنتدى جديدلانه بصراحه رائع وانا محتاج اوي لحد يفيدني وملقتش احسن من المنتدى الرائع ده بص يا اسلام انا في كلية تربيه عام قسم رياضه وجايب في الثانويه العامه 92% وفي الانجليزي 45 وانا في الفرقه الاولى بس ربنا موفقنيش فيها وكمان انا مبحبهاش وعاوز احول لكلية سياحه وفنادق حلوان وانا عارف ان كده سنه ضاعت عليا بس مش مهم المهم ان انا احول ياريت تقولي ينفع ولا لا ولو ينفه ايه هيا الاجراءات اللي ممكن اعملها ياريت الرد بسرعه لن انا فعلا محتاج لافاده واجراءات التحويل هتبدأ في شهر 8 وشكرا على مجهوداتك الرائعه

الحكاية سهلة جدااااااااااااااا ......

انت بعد ما تخلص السنة دى تاخد اوراقك من كلية التربية وتروح لكلية السياحة بحلوان وتقدم ورقك وهيحددوا ميعدا ليك عشان الانترفيو او المقابلة وبتبقى روتينية كده كله بيعدى فيها ,,, بعد كده بتقبل فى الكلية عادى وحسب درجتك فى الثانوية العامة والانجليزى والمقابلة بيتم قبولك فى قسم معين سواء قسم سياحة او قسم فنادق او قسم ارشاد سياحى ,,, وعشان تتأكد اكتر اتصل بالكلية وده موقع الكلية : http://www.helwan.edu.eg/arabic/faculties/tourism/

على فكرة قسم ارشاد سياحى بفلوس حوالى 3200 جنية تقريبا اما قسم سياحة وقسم فنادق فهما عادى بمصاريف عادية

على فكرة كلية سياحة حلوان ما شاء الله جميلة جدا ومن احسن كليات السياحة فى مصر ومش هتندم عليها باذن الله

بالتوفيق ,,,

شكرا يا جميل بس ياريت تقولي يا اسلام ازاي اشتغل بعد الكليه على طول انا ان شاء الله لو قبلت ناوي على قسم ارشاد سياحي ايه رأيك فيه وان شاء الله ناوي برضوه اخد قرصات كتير المهم تقولي هل الشغل فيه سلطه ووسطات وكده ولا لو انا فعلا خت قرصات هشتغل وكمان ياريت تقولي ايه احسن لغتين من وجهة نطرك والمطلوبين انا ناوي على انجلش وروسي ايه رأيك

طالما انت ناوى على ارشاد يبقى انت هتتخرج وهتاخد رخصة الارشاد السياحى علطول وبيتكتب فيها لغة الارشاد الخاصة بك ودى بتحميك من اى اجراء قانونى ضد مهنة الارشاد السياحى .

بالنسبة للكورسات فأكيد انت لازم تأخد كورسات فى اللغات حتى تصل الى درجة الاجادة التامة ( تحدثا وكتابة ) فى لغتين على الاقل وده عشان تعرف تتعامل مع الافواج السياحية بطريقة سليمة .

واحيانا بعض خريجى قسم الارشاد السياحى مبيشتغلوش مرشدين لاسباب معينة قد تكون عدم اجادتهم التامة للغات او الهيروغليفى او خوفهم من الفشل فى مهنة الارشاد لانها وظيفة عايز شخص لبق وخلوق وصوته واضح ونطقة كويس جدا فى اللغات اللى اخدها ويجيد فن التعامل مع الاخرين ,,, وعموما انت لو توافرت فيك كل الصفات دى هتشتغل من غير واسطة ولا حاجة ,,, بس اكيد بتحصل بعض الواسطة ده احنا فى مصر

بالنسبة للغات فانا برشحلك طبعا الانجليزى فى المقام الاول وتاخد معاه اى لغة تانيه : لو عايز لغة سهلة خد اللغة الايطالية سهلة جدا ونطقها جميل جدا وده حسب تجربتى , ولو عايز لغة نادرة وممكن تشتغل بيها علطول خد روسى او صينى , ولو عايز لغات مشهورة خد فرنسى او المانى بس فيهم مرشدين سياحيين كتير فابعد عنهم الى حد ما

والمرشد السياحى ممكن يشتغل مرشد سياحى حر او مرشد تابع لشركة سياحة

ياريت يا اسلام تفهمني يعني ايه مرشد حر وكمان لو عندك معلومات اكتر عن القرصات ازاي اخدها وفين وامتى وهيا بتبقى تبع الكليه ولا انا بخدها من مراكز بره وعشان اتقن اللغتين اوي يكفيها كام قرص والمراكز دي مش لازم تكون معتمده ولا انا غلط

مرشد سياحى حر يعنى مرشد غير مقيد بشركة سياحة معينة يعنى هو مرشد سياحى ممكن يروح يرشد فوج سياحى معين يوم ويرتاح يوم ويرشد اسبوع ويرتاح يومين على مزاجه يعنى , بشرط يكون معاه رخصة الارشاد ويكون مقيد بنقابة المرشدين السياحيين .

الكورسات الخاصة باللغات بتاخدها من اى مركز معتمد او ممكن من الجامعة اللى انت فيها لو بتوفر ده وممكن تاخدها من كلية الالسن فى جامعة عين شمس او تاخد شهادة toefl فى الانجليزى والشهادة دى اثبات انك بتجيد الانجليزى جامد جدا

وطبعا قبل ما تقدم على الكورس سواء فى مركز تدريب او فى جامعة او اى حاجة تانية لازم تسأل عن درجة اعتماد الشهادات دى وتسأل ناس خدوا من نفس المركز او الجامعة

وعشان تتقن اللغتين جامد ,,, بالنسبة للانجلش فكفاية كورس واحد وده حسب الانجلش بتاعك انت
اما اللغة التانية فانت تاخد كورس فيها ولو لقيت نفسك لسه مش متقن اوى للغة حاول تدرس اى حاجة تانية فى الصوتيات مثلا لان اهم حاجة فى اللغة بعد التخرج النطق الصحيح .

ونصيحة خد الكورسات دى وانت فى الكلية او فى الصيف عشان تتخرج تلاقى فرصة العمل والوظيفة المناسبة .

طيب هو في حاجه محيراني هو ليه قسم الارشاد في سياحه وفنادق حلوان بفلوس زي ما انت بتقول 3000 وليه في الجامعات التانيه مش كده هو الدراسه بتختلف ولا ايه ولا خريج جامعة حلوان في الارشاد بيديهم ميزه في فرص العمل ولا ايه ويا ريت يا اسلام لو انت تعرف معلومات عن اسعار الكورسات تقولي وميرسي اوي ليك ياجميل بجد انت بتفيدني اوي ربنا يجازيك خير على كده ويقدرك على افادة الناس اكتر واكتر

لا شـــــــــــــــــــكر على واجــــــــــــــب ,,,

بص يا بوب انا عايزك تعرف ان كلية السياحة فى جامعة حلوان كلية ليها اسمها , والصراحة انا معرفش اية سبب ان المصاريف بـ3000 جنية ,,, يمكن عشان قسم الارشاد السياحى هناك بيهتموا بيه جامد وبالرحلات الصيفية التى بتكلف الكلية مع ان الجامعات التانية بتعمل كده برضو , او يمكن عشان التوظيف الفورى بعد التخرج فى مجال الارشاد السياحى , اكيد فى ميزة بتقدمها الكلية وراء الثمن ده ,,, و اللـــــــــــه اعلـــــــــم .

وبالنسبة لاســــعار الكورســـات فكورس اللغة فى المراكز التدريبية يترواح ما بين الـ700 لـ 900 جنية تقريبا حسب الكورس نفسه وممكن يصل لـ 2000 جنية او اكتر لو كان كورس جامد او مكثف ويخلصلك تعليم اللغة بسرعة .

و اكيــــــــــــد على فكرة كليــــة السيـــاحة فى جامعة حلوان بتقدم كورسات باسعار مخفضة فى اللغات وابقى اســـــأل لانى سمعت حاجة زى كده .

طيب ياسلام انا مش فاهم يعني ايه توظيف فوري معقوله في قسم الارشاد بطلع اتوظف على طول من الكليه مبدورش على شغل وليا احبي ناوي على درسات سياحيه قوللي ايه طبيعة دراستها وانت شغال بيها دلوقتي ولا لا وشغال ايه

ياريت يا اسلام ترد عليا في نظرك ايه احسن كلية سياحه وفنادق ولا تجاره انجليزي بصراحه

معلش يا "بوب" انى مرتدش بسرعة لانى كنت مشغول فى امتحانات والاجازة وكده , المهم دلوقتى بالنسبة للى انت بتقوله احب اقولك ان مش كل خريجى الارشاد السياحى بيتوظفوا علطول انا بقولك يمكن يكون ده سبب ان مصاريف القسم ده كتييير ويمكن يكون عشان الددراسة بيهتموا بيها جامد وكده حاجة ترجعلهم بقى ,,,

وبعدين انا فى نظرى ان دراسات سياحية احلى بكتييييييييير من ارشاد سياحى لانه قسم متعدد المجالات ممكن تشتغل بصفة خاصة فى شركات السياحة الى فى مصر والخارج ودى عددها كتيييييييييييييييييير اوى منقدرش نعدها وبمرتبات مختلفة وكمان لو اتخرجت معاك خبرة سنتين ودى بتاخدها من وانت فى التدريب وكمبيوتر ولغتين هتشتغل علطول انا شوفت امثلة كتير وممكن تشتغل مرشد سياحى كمان بس لازم دبلومة ارشاد سياخى وتاخد الرخصة بمعادلة من نقابة المرشدين وكمان ممكن تشتغل فى موظف خدمة عملاء بس لازم لغات وفى الاستقبال وكمان فى حجز تذاكر الطيران ودى فلوسها حلوة برة اوى وكمان انت بتدرس التسويق والعلاقات العامة يعنى من الاخر خريج القسم ده بايدة انه يبقى خريج متميز ,,, اما ارشاد ففى منهم بيشتغلوا موظفين استقبال ومبيشتغلوش مرشدين سياحيين وده مش كلهم لكن فى برضو اللى بيشتغلوا مرشدين ,,, وفى الاخر الاختيار يرجعلك