![]() |
بصوا مع اجترامى كلية علاج طبيعى واسنان بجد هما طب المستقبل
|
السلام عليكم
طيب بعد اذن حضرتك
حضرتك بتقول هنتغلب ع الانجليزي بتاع الدكاترة مع الوقت واهم حاجة المحاضرات طب بالنسبة للي كتابته بطيئة هيلحق يكتب ورا الدكتور ازاي وكمان خاصة هيبقي صعب انه اصلا يفهم كلامه بالانجلش واكيد الدكتور بيبقي سريع فكلامه العادي فمش هنلحق نكتب وراه انا اسفة اسئلتي كتير |
سعدووووووووووني
لو سماحتم يادكترة حد يرد علي كنت حبة اعرف طب اسنان للشهادات المعدلة
خد من كام السنادي ارجوكم ردو علي ولي يعرف اي حاجة عن الشهادات المعدلة يخبرني بها بلييييييييييييييز |
انا سمعت 95 والله اعلم
|
اقتباس:
لو حضرتك اسنان اليكس ..فيه باذن الله حفل استقبال لدفعه اعدادى فى مبنى الكلية يوم الثلاثاء القادم وهيبقى فيه حاجات مفيدة جدا لكل حاجة فى الدراسة |
اقتباس:
تنسيق الشهادات المعادله لسه مفتحش ولسه الحد الادنى طبعا مظهرش التسجيل هيبدأ فى خلال يومين تلاتة |
السلام عليكم
انا جبت 96 السنادي ودخلت اسنان خاصة جامعة الدلتا انا كنت جايبة في تانية ثانوي 98.5 بس نقصت في ثالثة بسبب الفيزياء هل الفيزيا في اسنان صعبة يعني الواحد ممكن يجيب امتياز فيها؟؟؟؟؟؟؟؟؟؟؟؟؟؟؟
وشكرا يا دكتور واسفة ع الازعاج |
السلام عليكم
بالنسبة للفيزياء في طب اسنان ايه وضعها؟؟؟؟؟؟؟
سهلة واللا صعبة؟؟؟؟ |
مفيش سهل ولا صعب حسب مجهودك ان الله لا يضيع اجر من احسن عملا سهلة لو ذاكرتيها ونصيحتى عايزة كل سنة تجيبى امتياز ذاكرى كل يوم ساعة ونص بس واقرى المحاضرات الى خدتيها وهيصى بقيت اليوم هتجيبى امتياز بلثلث بلتوفيق يا دكتورة ان شاء الله
|
لو فى حد يا جماعة اسنان عين شمس
ممكن بس يقولنا ايه الحاجات و الادوات المطلوبة فى اعدادى؟ و يا ريت كمان لو نعرف المواد اللى هندرسها |
نفسى تعملوا موضوع مثبت تحطوا فيه كل ادوات ومعلومات عن طب أسنان فى كل السنوات وكيفية المذاكرة
كما فى اقسام الكليات التانية فى المنتدى |
تم اعاده فتح الموضوع مرة اخرى لاى استفسارات ... ان شاء الله اقدر افيدكم
اخوكم محمد اشرف رابعه طب اسنان الاسكندرية |
لو سمحت كنت عاوز اعرف شروط التحويل من اسنان طنطا للقاهرة
بعد سنة اعدادي ف طنطا |
أنا كان حلمي ادخل بشري من زمااااان و عمري ما فكرت غير فيه وعمري مافكرت فأسنان و بكره صيدلة جداً لأنه بيبقى بياع في الاخر و مسيرته العلمية بتنتهي.. و من بعد النتيجة (لما عرفت ان صعب تجيلي بشري) وانا مش عارف اعمل ايه .. و كنت محتار بين صيدلة و أسنان.. و رسيت على اسنان .. انا عايز اسأل سؤال غريب شوية ويمكن يكون ساذج بس انا بدور على اي امل .. هو ممكن بعد ما ادخل أسنان اقدم طلب عشان احول بشري؟؟؟ (على اساس في ناس بتحول من بشري لـ أسنان , فأدخل بدلهم) ولا مافيش حاجة اسمها كدة؟ .. معلش طولت عليكي يا دكتور
|
اقتباس:
طبعا موضوع التحويل دا موضوع اللى يقدر يفيدك فيه شئون الطلبة بكل كلية بس الى بيحصل ان فى كليات بتقبل التحويل وفى كليات بترفض اى تحويل نهائى ولازم يكون مع حضرك حاجة ثبت الاقامة بمحافظة القاهرة كمان لو فى مواد فى القاهرة فى اول سنة اكتر من طنطا دى بتشيلها وبتمتحن فيها فى القاهرة ولو فى مواد انت خدتها فى اعدادى طنطا وفى القاهرة لسه هيخدوها دى بتتلغى من عليك بس طبعا اللى هيقدر يقلك القول الفص فى الكلام دا كله شئون الطلبة بكلية طب الاسنان جامعه القاهرة بعد الرجوع لادارة الكلية |
اقتباس:
لا مفيش حاجة اسمها كدا طبعا .... بس متقلقش بكرا اما تكمل فى اسنان هتحبها جدا ومش هتندم ابدا انك دخلتها |
ايه رايك في كلية طب الفم والاسنان جامعة الدلتا
|
اقتباس:
الصراحه معرفش معلومات عنها بس للعلم فى قرار ان اى كلية طب اسنان اتعملت السنادى النقابة مش هتعترف بيها وسمعت والله اعلم ان اسنان الدلتا منهم "بس مش متأكد انها منهم " كمان النقابة منزلة قرار ان اى حد الفرق بين مجموعه وبين الحد الادنى لكليات طب الاسنان اكتر من 5 فى المية النقابة مش هتعترف بيه |
شكرا لمجهودك العظيم ده يا دكتور ........
بس كنت عايز اسأل .... المواد المشتركة بين الطب البشري وطب الاسنان يتم دراستها بنفس الاستفاضة في الاسنان ولا باختصار ... وما هي هذه المواد؟؟؟ |
دلوقتى انا جايلى اسنان الاسماعيلية وعاوز احول القاهرة ومعايا ورق يثبت الاقامة ف القاهرة وكل حاجة تمام ... ولكن فى دلوقتى تنسيق الكترونى اكيد هيجيبلى اقرب توزيع جغرافى ليا وهو طنطا .. وانا عاوز القاهرة ... هل بعد الالكترونى ده هعرف اعمل تحويل ورقى للقاهرة ولا ايه ؟
|
سؤال ضرورى جدا .... هل اسنان الاسماعيلية اول سنة فيها اعدادى ولا مش فيها نظام اعدادى زى القاهرة وعين شمس
|
اقتباس:
المواد المشتركة هى : الفسيولوجى "علم وظائف الاعضاء" .... الهستولوجى "علم الانسجة" ......... البيوكمسترى " الكيميا الحيوية" ... الاناتومى "علم التشريح " ..... الميكروبيولجى " الكائنات الدقيقة " ..... الفارما " علم الادوية " ....... الباثولوجى " علم الامراض " .... الباطنة ..... الجراحة والمواد دى بيتم دراستها باختصاااار عن طب طبعا |
اقتباس:
انت كدا هتضطر انك متقدمش فى التحويل الالكترونى وتستنى التحويل الورقى بس التحويل الورقى دا مش اكيد يعنى ممكن تحول للقاهرة وممكن التحويل يترفض ودا يتوقف على جامعه القاهرة والكلية بس معظم التحويلات بتتقبل |
طب لو سمحت هي اسنان القاهرة فيها اعدادي؟؟
|
انا دلوقتى جلى فى التنسيق اسنان الاسماعيليه وانا من طنطا انا عاوز النصيحه احول طنطا ولا اروح اسماعيليه واقعد سنه واحول عين شمس وهل الكليات الى يبقى فيها سنه اعدادى زى طنطا تبقى احسن ولا الى مفهاش انا متحير بصراحه ياريت حد ينصحنى قبل ما التحويل بفتح مع العلم انا مش هتفرق معايا اقعد فى اسماعيليه |
السلام عليكم .. دلوقتي انا ف تانية طب بشري داخلة تالتة يعني ان شاء الله .. وبصراحة مش شايفة ليا مستقبل ف بشري اساسا وكنت من البداية عاوزة ادخل اسنانبس ف البيت موافقوش وبصراحة حاسة اني خلاااص مش هقدر اكمل لاني مش ناوية اشتغل بيها بجد كمهنة انا مستحملش اقف ف مستشفي ولو روحت وقفت ساعة ف الطوارئ مبستحملش .. فكرت احول اسنان بعد سنتين ف طب بس مش عارفة دا قرار صح ولاغلط .. غير كدا المنصورة مفيهاش تحويل من طب بشري لاسنان .. قالوا ممكن التحويل لبرا المنصورة وترجعي بعدها بسنة مش عارفة اعمل ايه ياريت لو نصيحة بخصوص الموضوع دا
|
من خبرتى القليله فى مجال طب الاسنان هتقف كتير على رجلك وتتعب جدا اكتر من الطبيب البشرى اما بالنسبه لتحويلك ده فكر فيه تانى وصلى استخاره وربنا يجبلك الى فيه الخير
|
السلام عليكم .. دلوقتي انا ف تانية طب بشري داخلة تالتة يعني ان شاء الله .. وبصراحة مش شايفة ليا مستقبل ف بشري اساسا وكنت من البداية عاوزة ادخل اسنانبس ف البيت موافقوش وبصراحة حاسة اني خلاااص مش هقدر اكمل لاني مش ناوية اشتغل بيها بجد كمهنة انا مستحملش اقف ف مستشفي ولو روحت وقفت ساعة ف الطوارئ مبستحملش .. فكرت احول اسنان بعد سنتين ف طب بس مش عارفة دا قرار صح ولاغلط .. غير كدا المنصورة مفيهاش تحويل من طب بشري لاسنان .. قالوا ممكن التحويل لبرا المنصورة وترجعي بعدها بسنة مش عارفة اعمل ايه ياريت لو نصيحة بخصوص الموضوع دا 09-08-2013 11:24
|
السلام عليكم .. دلوقتي انا ف تانية طب بشري داخلة تالتة يعني ان شاء الله .. وبصراحة مش شايفة ليا مستقبل ف بشري اساسا وكنت من البداية عاوزة ادخل اسنانبس ف البيت موافقوش وبصراحة حاسة اني خلاااص مش هقدر اكمل لاني مش ناوية اشتغل بيها بجد كمهنة انا مستحملش اقف ف مستشفي ولو روحت وقفت ساعة ف الطوارئ مبستحملش .. فكرت احول اسنان بعد سنتين ف طب بس مش عارفة دا قرار صح ولاغلط .. غير كدا المنصورة مفيهاش تحويل من طب بشري لاسنان .. قالوا ممكن التحويل لبرا المنصورة وترجعي بعدها بسنة مش عارفة اعمل ايه ياريت لو نصيحة بخصوص الموضوع دا
|
لوسمحتى عندي سؤال ..... انا في صيدله هل ممكن احول لطب بشري او بعد ما انتهي من دراسه صيدلة استكمل الطب ؟؟؟؟؟؟؟ ارجووووو الرد للضرورة جدا
|
دلوقتي انا جالي طب اسنان اسماعيلية و بعدين عرفت انه 6 سنين و طب اسنان القاهرة عرفت انه 5 بس , هل ينفع احول لطب اسنان القاهرة و انا من شمال سيناء
و مجموعي جايبها و زايد نص درجة كمان |
دلوقتي انا من الفيوم وجالي اسنان المنيا عايز اعرف ينفع احول اسنان القاهرة بعد اول سنة دراسة وهل لو ينفع هشيل مواد زيادة ولا لا ارجو ان حد يرد عليا
|
كم تصل تكلفة انشاء عيادة اسنان فى مصر ؟؟؟؟؟؟؟؟؟؟؟
|
لو سمحت يا دكتور
انا جالى طب اسنان المنيا وحولت اسنان المنصورة ممكن يتقبل اصل انا خايف اوى ....... ثانيا كنت عاوز اسالك ايه المواد اللى فى طب اسنان من حيث الصعب والسهل فى المذاكرة وايهم يحتاج كورسات وانت عملتت ايه فى مشكلة اللغه ساعت مدخلت الكلية ومكنتش عارف المصطلحات دى ... ولو حضرتك تعرف ممكن تدينى رابط محاضر اسمعها كده لو حضرتك معاك محاضرات مسحلها يعنى ..... انا عارف انى تقلت عليك اوى |
لو سمحتم انا مواليد 95 .. كنت جايب 97.3 ودخلت صيدلة وفضلت فيها سنة
السنادي مجموعي جايب على التنسيق الجديد اسنان المنيا واسيوط وجنوب الوادي هل ينفع احول واضيع سنة ولا لا ؟ |
جميع الأوقات بتوقيت GMT +2. الساعة الآن 01:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.