|
ميدو
سلام عليكو ياجماعة انا فى رابعة حقوق القاهرة واسمى احمد الى عايز يعرف اى حاجة عن كليتنا انا فى الخدمة وممكن نكون اصدقاء واللى عايزنى افيدوه فى حاجة يضيفنى ويكلمنى على الايميل وشكررررررررررررا
|
ميدو
هاى ياسمين انا احمد فى رابعة حقوق لو عايزانى ممكن تضفينى على الايميل عندك هو دة ايميلى وانا فى الخدمة
|
لو سمحتي ياشريهان انا عاوز الرد
|
ولايهمك يا هدى ركزى معايا المركز دة بيشرح كل اسبوع مادتين وسعر الحصة 15جنيه فانتى فى الاسبوع بدل ماالمفروض تدفعى 30جنيهفانتى بتدفعى 15بس لانه بيدى مادة والثانيه مجانا لو لسه مش فاهمهقولى واحاول اشرح بتفصيل عن كدة ولو نويتى تيجى نحضر سواء اتصلى باي من الارقام دى وهيحددلك المواعيد بس ياريت بسرعة علشاننكون مع بعض وكمان دة لاول50طالب فقط
|
هستنى منك الرد ياقمر
|
بس ع فكرة هو استاذ سنه صغنون بس لذيذ جدا وشرحه تحفه وطبعا دة الاهم مش بيخرجنا الا وكلنا فهمين فانصحكوا بالحضور وعايزين نعمل جروب جميل والله المعين
|
شغل مكاتب وسناتر يعنى
|
الجدول
يا جماعة عايزين نضيف حاجة مميزة لرابط حقوق جامعة القاهرة زى مثلا جدول الدراسة ومعلومات عن المواد وشرح للمواد عشان طلبه انتساب وانا عن نفسى هحط جدول (أ) انتظاط
|
جدول دراسة الفرقة الاولى (أ) انتظام
جدول دراسة الفرقة الاولى (أ) انتظام
السبت علم الاجرام د/عبدالرحمن صدقى من 9.5:8 المدخل للعلوم القانونيه د/ نزيه المهدى من 12.50:10 الشريعة الاسلاميه د/محمد نجيب من 1.50:1 كل المحاضرات فى مدرج رقم 1 |
الجدول
http://law.cu.edu.eg/ ده رابط كليه الحقوق جامعة القاهرة هتلاقى عليه كل اخبار الكليه
|
ياجماعه انا الفرقه الاولى انتساب ج ولسه ماعرفش اى حاجه عن المواد كل الى اعرفه المواد الى هندرسها بس لكن مش عارف هذاكر ازاى حد يقولى اعمل ايه لانى بالمنظر دا كدا هضييييييييييييع وفعلا فى محاضرات لانتساب الجمعه زى مسمعت ولا لا ؟؟؟
|
فكرة كويسة يامحمد
|
اه يا احمد هو اسمه مركز الفارس
|
ها هو فى حد اتصل وحجز معايا ولا ايه يلا عايزين نبقى جروب ونتعرف ع بعض ولقائنا هناك
|
انا حجزت انا واصحابى ال5 الى يحجز يقول علشان نتقابل ونروح مع بعض ونبقى جروب ويارب يكونوا احسن4سنين نقضيهم مع بعض ان شاء الله
|
شيري هوفين المركز دة
|
السلام عليكم....
أنا سنة أولى انتساب وعايزة أعرف في محاضرات لينا يوم الجمعة ولا اية النظام؟؟؟ أرجو الرد وفين المتحدة بالظبط عاوزة بالتفصيل مكانها فين؟؟؟ ولكم جزيل الشكر |
اقتباس:
اما عن المتحده فاانتى تخرجى من عند بابا تجاره وتعدى الناحيه التانيه وامشى شمال بالظبط دقيقه او اقل هتلاقيها هى يعتبر فى وش باب تجاره |
شكرا على الرد ....بس كنت عاوزة أعرف المتحدة يعنى جنب القبة
وجزاكم الله خيرا |
اقتباس:
جزانا وجزاكى |
عيب
اقتباس:
|
الملازم
يا جماعة اللى انتساب وعايز يشترى اى ملزمة انا اصحابى بيشترو من المتحدة وبيجيبو تقدير اللى عايز يذاكر من ملازم مفيش الا مكتبة المتحدة مكتبه محترمة جدا وداكترة اللى بتعمل الملازم
|
المحاضرات
ياجماعة انا من الاسبوع الجاى هبدا احط المحاضرات بتاعت كل الاسبوع فى كل المواد للمجموعة (ج) فياريت حد يتعاون معايا فى (ا) و( ب) و (د) عشان اخواتنا اللى فى انتساب يستفادو من المحاضرات وان شاء الله المحاضرات هتكون موجودة يوم الجمعة بليل على الموقع ولو فيه اى اسئلة او استفسار عن المواد او عن الكليه انا موجود هرد على اى سوال
|
اقتباس:
............. كلام اخى الكريم صح ومفيش اسلوب احسن من كده علشان يتوصف بيه المكتبات دى ممكن انتى يا شريهان علشان فى سنه اولى لما تمتحنى الترم الاول وتنجحى هتعرفى بقيمه الكلام ده |
ازيكم ياجماعه عاملين ايه ؟؟
انا كنت فى الجامعه انهارده وسئلت على حكايه محاضرات انتساب يوم الجمعه قالولى لا مافيش محاضرات لسه بس احتمال يبقى فيه هما الى ليهم تجاره واداب ربنا يستر ان شاء الله |
هاى يا جماعه
انا اسمى امير انا لسه داخل سنه اولى حقوق جامعه القاهره بس انا انتساب وبجد الموضوع عجبنى اوى وياريت اشوف منكم اصدقاء فى الجامعه لان بجد الحياه ممله اوى هناك من غير اصدقاء وبخصوص المحاضرات انا قدرت اسجل اول محاضرتان فى مادتى (قانون المنضمات الدوليه ) و ( علم الاجرام ) بس الى يعرف ارفعهم ازاى على الموقع يقولى علشان تبقى افاده لينا كلنا وياريت تعتبرونى صديق ليكم |
بجد يا جماعه المحاضرات الى انا مسجله فى مادتى
قانون المنظمات الدوليه و علم الاجرام بجد مفيدين جدا وانا عايز افيد بيهم كل الى زى فى حقوق اول سنه ياريت الى يعرف اعمل ليهم رفع على المنتدى ازاى يقولى ولى منى جزيل الشكر |
اقتباس:
:078111rg3:ازيك شريهان وازيك يامحمد:078111rg3: يا شيري محمد أكيد مش يقصد اللى إنتى فهمتيه ويزعلك أبدا بس هو أسلوب النصيحة اللى مش عاجبك لكن أكيد محمد مش يقصد كدة خالص 0 ولكن أنا رأى من رأيه لكن اللى فيها أنو حرام إنى الواحد يسيب محاضرة بيتقال فيها كل صغيرة وكبيره ونروح نأخذ درس بره وبغض النظر عن سعر الكورس ده , لكن الفكرة أنو الإعتماد على الدروس مش هايفيدك وده عن تجربة فى الكلية0 :stickjo4: وفي الأخر كلنا أخوات وأصدقاء مش نزعل من بعض لازم نخاف على بعض ونحب بعض عشان ربنا يكرمنا ونعدي من المشاكل دى على خير , وأتمنا للجميع سنة سعيدة بأذن الله وكل عام وانتم بخير:av4056bb7jp3: |
أه نسيت أعرفكم بنفسي , وطبعا ليا الشرف انى أتعرف على وكلاء نيابة بلدنا فى المستقبل إنشاء الله :d
أنا اسمى يحيي وفي سنة رابعة يارب أكون صديق مفيد ليكم |
السلام عليكم.......
لرفع المحاضرات انتقل للوضع المتطور ثم انزل عند كلمة ارفاق ملف في المشاركة اختار تصفح واختار المحاضرات من على جهازك ثم اختار رفع... وننتظر منك المحاضرات ..... |
يا جماعه ممنوع كتابه اسماء الايميلات بأى شكل من الاشكال
اكتبوا براحتكم فى الرسائل الخاصه اى ايميل هيتكتب او حتى ارقام تلفونات سيلغى الرد منتظر تفاعلك مع الرابطه وكتابه المحاضرات لكل فرقه وقريبا ان شاء الله الموضوع سيثبت مع تحياتى a7med sale7 |
هاى يا جماعه
ازيكم عاملين ايه بجد انا نفسى اقابلكم فى الجامعه علشان نكون جروب جامد جدا وانا كنت مسجل محاضرتين فى مادتى (قانون المنظمات الدوليه ) و (علم الاجرام) ومكنتش عارف ارفعهم ازاى ومتشكر جداا للاستاذه amal انها تكرمت وعرفتنى ارفعهم ازاى بس بليز عايز حد يقولى الطريقه مبسطه وسهله وانا اسف بجد انى مش عارف ارفعهم ياريت الى عنده معلومه عن الرفع يقولى علشان بجد دى مصلحه المفروض يستفيد منها الجميع ويا جماعه الى عايز منى حاجه على مدار ال 24 ساعه انا موجود فى الرقم ده رقم موبيل a7med sale7 مستنى اى استفسار او اى مداخله صداقه |
يا جماعه لو سمحت حد يؤلى على اى موقع بتاع محضرات وياريت انتساب (ج) ولكم جزيل الشكر (الفرقه الاولى)
ولو فيه اى مشاكل فى رفع المحضرات مفيش مشاكل خالص انا عندىاب لود وممكن انزلكو اى حاجه وبسرعه كمان. |
ازيكم ياجماعة يااصحابي انا مبسوط جدا علشان كان عندي مشكلة وانتم حليتوهالي انا في اولي حقوق انتظام مجموعة ج وحتي الان حضرت محاضرة واحدة بس علشان انا باشتغل ومواعيد عملي لم تكن متفقة مع مواعيد المحاضرات ولما عرفت انكم هاتنزلوا المحاضرات فرحت جداااا جداااا ولكم جزيل الشكر يااصحابي
|
شكرا لك يامحمد علشان اهتمامك بتنزيل المحاضرات وانا في انتظار وعدك لينا وعلي فكرة انا اسمي عبد الهادي واسم الشهرة هده علشان في ناس بتفتكر اني اسمي هدي
|
ياجماعه والله انا ماليش زنب انا بقدم خدمه اللى معاه محضرات وعايز ينزلها يبعتهالى وانا اميلى موجود فى بيناتى الشخصيه فى الموقع وابعتهالى على الميل وبلاش الكلام بتاع الاستاز احمد تيتو عيب ميصحش اللى عايز حاجه يطلبها بادب الادب فضلوه عن العلم ياجماعه وانا عند كلامى وبؤلى اللى عايز يرفع اى حاجه يبعتهالى على الاميل وانا ارفهالكو ولكم جزيل الشكر...
|
احنا مستنين انشاء الله امير ومحمد بودى جمال علشان هيحطو المحضرات ولو فيه مساعده انا اقدر اعملها يؤلو وانا مش هتاخر هنفيد بعضنا كلناز(من سهل لشخص طريق يلتمس فيه طريقا للعلم سهل الله له طريقا للجنه).
|
المحاضرات
يا جماعة انا اسف جدا على تاخير المحاضرات بس كان عندى ظروف وان شاء الله هنزل المحاضرات كلها عشان خاطر الناس كلها تستفاد ومش عايز حد يزعل من التاخير ان اسف مرة تانيه
|
طب ممكن تدينا اليوم اللى هتنزل فيه المحضرات ولا يوم عشوائى؟؟
|
هاي يا جماعه
انا اسمي بسام في سنه اولي حقوق مجموعه ب و يا ريت اتعرف علي اصحاب كتير و نعرف نفيد بعض |
مساء الفل يامحمد لوكان معاك المحاضرات مجموعة ج نتقابل في الجامعة وحد تاني يكون عنده وقت ينزلها ايه رأيك في الفكرة ديه ارجو الرد
|
المحاضرات
بص هو ده حل كويس اوووى لانى والله انا مشغول فى حاجات خاصة ومش عارف اخلصها فده حل جميل جدا ورائع
|
الملغى فى مادة قانون المنظمات
يا جماعة انا جبت الملغى فى قانون المنظمات الدوليه ل د/ اشرف عرفات و د/ايمان الديب
د/ اشرف عرفات لغى من 11 الى 83 د/ايمان الديب لغت من 1 الى نهايه المقدمة اللى هيه صفحة 89 |
هاى يا جماعه انا امير
انا متاسف جدا جدا على تاخيرى بس انا كان عندى ظروف خاصه اوى ومنعتنى من الدخول انا عايز اقول حاجه انا ممكن اقابلكم فى الجامعه واديكم جميع المحاضرات من بدايه السنه الدراسيه كده كده كل المحاضرات معايا وبكتبها فالى عايز ياخد منى المحاضرات هيلاقينى فى الجامعه يوميا عدا يوم الاثنين رقم موبيل ممنوع .... الى عايز يقابلى وياخد جميع المحاضرات يكلمنى وانا تحت امره فى اى طلب وارجو ان تقبلو اسفى مره اخرى |
انتا يابنى ماتقعدش تؤل انك هتنزل محضرات وفى الاخر تغدر بالاغلابه دول اللى قال كلمه مايرجعش فيها وانا منتظر رفع المحضرات فيه اللى مابينزلش وفيه اللى بينزل الجامعه هنقعد نستنى الناس مش هينفع وكمان الملازم نزلت المتحده يبقى هنجيلك ولا نروح المتحده اختار وياريت الرد بسرعه الوقت بقى ديق فى المزاكره ومش فاهمين حاجه خالص ياجماعه......
|
جزيل الشكر لك ياأمير وياريت لوتعرف تنزلها يكون جزيل الشكر علشان الجميع يستفيدمنها
|
والله يا جماعه انا معايا المحاضرات مكتوبه وفى منها مسجله بصوت صافى جدا
بس انا بجد مش عارف ارفع التسجيلات دى ازاى بس اذا كانت التسجيلات دى هتزعلكم مننى انا انشاء الله اول شخص منكم يرد عليا هبدا اكتبلكم المحاضرات الى انا واخدها بلتفصيل وانا مش بسيب محاضره منغير ماحضرها ومشبسيب محاضره من غير ما اكتبها ورى الدكتور وان هبدا اكتبلكم المحاضرات وياريت محدش يزعل منى |
شكرا لك اأمير ... بس انا عاوز أسأل اشتري الملازم اللي يكون راضيعنها الدكتور منين علشان فيه مكتبات كنييير وانا مش عارفايه الصح اذاكر من الكتاب ولا من الملازم ولا من المحاضرات ؟؟؟؟؟؟؟؟
|
الكتاب اهم حاجه ياجماعه علشان الكتاب هوه الدليل الوحيد اللى يفرق بينك ومابين الملزمه قدام الدكتور وهوه بيصحح اخر مره دكتور مسك واحد معاه ملازم المتحده وقعد يطلع منها العبر قدام الطلاب فبلاش نزاكر منها غير مثلا الملخصات وكده لاكن المزاكره والفهم الاساسى ياريت من الكتب علشان مهمه جدا ..... اللهم بلغت اللهم فاشهد.
|
اهلا بكل الدفعه الجامده دى
looody اولى حقوق القاهره منورين والله |
| جميع الأوقات بتوقيت GMT +2. الساعة الآن 09:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.