![]() |
خير ان شاء الله ..
|
سوال للاخت ابرار
احنا مشكورين للمجهود اللي انتي عامله
بس فية سؤال هل احد تعاقد على هذا العقد الجديد وهل هذا العقد ينفذ في جميع المحافظات لاني من محافظة كفر الشيخ ولسة مجاش اي خبر عن العقد الجديد اخوكي فكري |
على فكرة انا باتمنى ان العقد ده يتنفذ معانا يارب بس فى الادارة قالوا لسه ما جلناش امر باستلام الورق انا ادارة اسيوط وكملت 3 سنين وشايفه انه كويس لان سالت مسئول ماهيات عضو هنا فى المنتد ى وهو الل قالل حكاية ال48 وقال ان المرتب سوف يتعد 400 جنية على حسب المكتوب ويارب
|
اسف هو قال يتعدى 300 بالضبط كما قال 368 والعقد صورته موجودة فى المكتبة المجاورة للمديرية
|
أحنا عندنا في شبرا الخيمة محافظة القليوبية العقد جلنا لمدة سنة من تاريخ 1/3/2001 . العقد ينص على أن المكافأةالشهرية قيمتها 110 جنيها( مئة و عشر جنيها) و لا تضاف لها أي علاوات سابقة و ليس به بند لأضافة أي مكافأة لاحقة. و العقد مع المدرسة و ليس لأدارة أو المدرية. حد عندة عقد زي دة غيرنا؟؟؟؟؟؟؟؟؟؟؟؟؟؟؟؟؟؟؟؟؟
|
جزاكى الله خيرا
|
احنا فى البحيره لسه مافيش أخبار جديده ياريت اللى عنده أخبار جديده يقولنا
|
يا أخت أبرار ياريت لو عندك أخبار جديده تقولى ولكى جزيل الشكر
|
لو في حاجة فيالاسماعيلية ياريت حد يقول لينا
لسهموصلتش حاجة؟ |
اقتباس:
تفاءلوا بالخير تجدوه بإذن الله |
اقتباس:
جزاك الله خيرا وبارك فيك |
جزاكي الله خيراً علي كل الافادات الجميلة دي
واتمني من الله عز وجل ان تتحقق |
يا جماعة العقد ده ليه شروط مش للكل انا سالت فى الادارة مش عايزين نبنى امال والله انا ماعرفتش الشروط الى الان ولما اعرف هابلغكم
|
كل اللي شرفوني في الصفحة دي ربنا يبارك فيكم ويعزكم
وإليكم الجديد أنا لما جبت العقد ده جبته من إدارة أسيوط يوم الأربعاء وكان لسة نازل وكانت الناس أساسا قدمت وبتقدم بالعقد القديم لأني كنت التلات في إدارتي إدارة الفتح أشوف الأخبار لقيت الناس بتقدم بالعقد اللي فات بس قالولي إن في مظاهرات وهيتغير العقد بكرة وحتي العاملين في الإدارة قالولي الكلام ده تاني يوم كنت جمب إدراة أسيوط التعليمية أنا وأخويا وهناك شاف صديق ليه مدرسته تابعة لإدارة أسيوط فراح يشوف الأخبار فسأله إداله العقد الجديد وقاله إنهم قالولوا في الإدارة إن هو ده العقد اللي هيتعاقدوا عليه مع الناس واللي فات هيتلغي وهيبدأ من يوم الإتنين اللي المفروض بكرة وأنا في نفس اليوم رحت إدراة الفتح مالقيتش أي حد بيقدم وأكدولي الكلام ده هناك إن اللي فات هيتلغي والعقد إتغير وهيبدأ من يوم الإتنين تسليم الأوراق للإدارات بالعقد ده ومن وقتها وأنا بتابع على طول كل يوم في الإدارة ولغاية إمبارح كنت هناك مافيش أي حاجة وصلتهم لسة بس ناس هناك قالولي إنه هينزل الإتنين اللي هو بكرة إن شاء الله هروح ونشوف بإذن الله هناك سألت على موضوع المربوط قالولي 48 وقال إن المرتب هيكون في حدود 340 أو 350 كدة يعني وسألت هل الناس اللي كملت 3 سنين هيمضوا ع العقد ده ولا ده للي ماكملوش؟؟ قالولي يمضوا لحد مايجيلهم جديد قلتلهم المفروض لأ قالوا لغاية مايجيلهم جديد وقالولي إن إكمال ال3 سنين مشروط بعدم الإنفصال عن العمل في حين إنه كله كلن بينفصل ويرجع تاني قلت طيب كدة ظلم ده فيه ناس ليها أكتر من كدة بكتير معنى كدة إن ده مش هيتحسبلهم ولا إيه قالوا ظلم بس هو كدة الكلام ده عن لسان مسئولة الشئون القانونية في الإدارة الله أعلم كلامها مظبوط أو لأ بس هو ده اللي إتقاللي بس وبكرة إن شاء الله هأروح وأشوف الأخبار بإذن الله وبالنسبة للمحافظات التانية برضه يتابعوا في الإدارات وأعتقد إنه بكرة هيكون فيه العقد ده في الإدارات إن شاء الله والله المستعان وشكرا مرة تانية لكل اللي في الصفحة وكل اللي متفاعلين ومشرفيني في الموضوع وأسألكم جميعا الدعاء بظهر الغيب |
اقتباس:
في إنتظار رد حضرتك |
جزاك الله خيرا يا مس أبرار |
اقتباس:
|
بعد السلام عليكم انهارده روحت الادارة وقالو اخر كلام بعد بكره بعد الاجتماع اما عن الشروط فان الموجه قال ان العقد للى اشتغلوا 2009 /2010 وما زالوا على راس العمل اما اللى اول سنة ليهم فهياخذوا العقد الاول والسنة الجاية هيتعاقدوا بالعقد ده
|
وللاسف كل الموشرات بتقول ان احنا هنقعد بالعقد ده 3 سنين طب حتى كانوا عملولنا عقد معلم مساعد
كان يبقى احسن من كده الله المستعان يا جماعة مافيش فايده:angry2: |
دة للاسف يااستاذ ايهاب لاننا رضينا بالعقد دة
فى الاول قالوا طبقا لقرار 75 هايتم تثبيت المعلمين بالحصة الذين مر عليهم 3 سنوات ويتم عمل عقد معلم مساعد لمعلمين الحصة الى مكملوش ال3 سنين لحين استكمال ال3 سنوات ثم تثبيتهم لكن لما سكتنا عن حقنا قالوا يلا نلهيهم باى عقد وخلاص ومع العقد دة يبدوا يحسبولك ال3 سنين من اول وجديد وتضيع كل السنين الى اشتغلت بيها قبل كدة انا من راى نطالب كلنا بتنفيذ القرار 75 لانة افضل فى جميع الاحوال لمعلمين الحصة الى كمل ال3 سنوات والمعلمين بالحصة الى مكملوش ال3 سنوات وايضا العاملين بنظام المكافاة الشاملة |
كنت في إدارة الفتح النهاردة قالوا إن العقد أه وصل بس لسة هيستلموا من يوم السبت
لأن فيه حاجات لسة هيستفسروا عنها بخصوص 1- المرتب بالنسبة للعاملين بالحصة مش هياخدوه بالكامل يعني على حسب الحصص ليهم حسبة كدة أنا مش فاهماها الصراحة أما العاملين بالمكافأة الشاملة هياخدوا المرتب كامل والله أعلم طيب ياجماعة ماهم كدة طيب مش هينسوا إنه بالحصة يعني هو هيميزه شوية أه بس الإسم إنه بيتعامل بالحصة مش ظلم كدة قالولي ماهو ماينفعش حد بياخد 4 حصص في الأسبوع يتساوى باللي شغال على طول أو اللي بياخد نصاب الحصص كامل وهم نفسهم مش عارفين برضه 2- بالنسبة للبند اللي بيقول فيه من 2/5 إلى 30/6 وبعدها العقد يتجدد تلقائي إلى أن تكمل 3 سنين وبعدها تتثبت بيقولوا إنه مش هيفصل وهيكون دائم لغاية ماتكمل ال3 سنين وبعدها هتتثبت يعني لسة ده مش العقد النهائي وهيكون فيه تعديلات |
وبعدين أنا عاوزة أقول أما هم كدة كدة هيدفعوا نفس المبلغ يعني 350 أو أكتر في الحدود دي طيب مايتعاقدوا معانا على معلم مساعد ومش خسرانين حاجة يعني المنطق والإنصاف والعقل بيقول كدة ده زهق والله وذل أنا من يوم التلات وكل يوم في الإدارة مش رايحة تاني إلا لو إتأكدت إن فيه عقود نزلت وعقود محترمة ده إيه ده ياربي الله المستعان |
اقتباس:
|
تصريح وزير المالية سمير رضوان
(( لمعلمى الحصة الذين لم يمر عليهم 3سنوات )) فى برنامج الحياة اليوم في يوم الثلاثاء الموافق 3/5/2011 سأله مقدم البرنامج شريف عن تثبيت المعلمين اللى بالحصة رد الوزير قائلاً /// طبعـــــــــــًا لأ ليه الوزير/// دول شغالين بالقطعة (( العمل الموسمى )) وملهمش تأمين وسبب شغلهم إنهم كانوا عايزين أى شغل وخلاص حسبى الله ونعم الوكيل |
انا مضيت العقد الجديد انهارده يارب ما يكونش لعبة جديدة انا ما بقيتش اثق فى اى حاجه ولا اصدق
اى حاجة لما اقبض ابقى اصدق |
ياريت يا استاذ ايهاب تقولنا تفاصيل اكتر عن العقد وانت بالاجر وبقالك كام سنه وايه بنود العقد
|
الرابط بتاع العقد فى الصفحة 1 من هذا الموضوع وانا ادارة اسيوط وبقالى 3 سنين لكن العقد اتعمل للكل بشرط يكون مستلم العمل فى الترم الاول وعلى راس العمل الان
|
اقتباس:
|
اقتباس:
|
اقتباس:
سبحان الله اللي سمعته إن المشكلة في اللي عاملين بالحصص إنما كل الناس غيرهم اللي بالمكافأة الشاملة سواء أخصائي أو غيره هياخدوا المرتب كامل دلوقت بتقولي العكس ولا حد عارف ولا فاهم حاجة من الإداريين ولا حول ولا قوة إلا بالله أنا عن نفسي لسة ماعملتش أي حاجة ولا رحت ولا عارفة نزل في إدارتنا ولا لسة الله أعلم بكرة إن شاء الله نسأل ونشوف الله المستعان |
اقتباس:
|
معلش يااخت ابرار العقداللى انتو بتتكلموا عليه خاص باى ناس بالظبط اللى كملوا 3 سنين
ولا للى اقل من 3سنين ولو كان للى اقل من 3سنين كان لازمته ايه كلام وزير المالية |
|
اقتباس:
بس ده في العموم والمعروف إن أي حد مؤهل عالي بداية تعيينه بتكون ع الدرجة التالته وبداية مربوط الدرجة التالته هو 48 طبقا للقانون رقم 53 سنة 84 ومن هنا بنبدأ نحسب المربوط + العلاوات اللي كاتبها في العقد ده = الأجر الأساسي ويمكن الرجوع في ذلك إلى القانون 47 لسنة 78 والخاص بنظام العاملين المدنيين في الدولة يعني كل العاملين في الدولة ولو حسبت حضرتك هتلاقي في حدود 350 أو كدة بس أدي كل القصة |
اقتباس:
أما عن المرتب فده اللي سمعته وده المفروض بالنسبة للأخصائيين اللي بالمكافأة الشاملة لأننا فعلا بنتحاسب على أساس اليوم وبنروح من أوله لآخره فكدة تمام أما الخبرين اللي قولتيهم دول فيعني مش عارفة أقول إيه نو كومنت الحقيقة بس بالنسبة للخبر التاني ده مُتوقع بُناءً على ان حيكون فيه حد أدنى للأجور والله أعلم وعموما وعلى أي حال إن شاء الله هأمضي ع العقد وأسلم الورق يوم السبت بإذن الله والله المستعان وعليه قصد السبيل وهو اللي يصلح الحال ولعله خير شكرا أختي الكريمة ع الإفادة وأتمنى توافينا دايما بالجديد |
اقتباس:
المدارس التابعة لإدارة أسيوط وصلها إشارة بالعقد عشان يعرفوا الناس ويخليهم يتعاقدوا ووصلهم مع العقد البيان ده وده بيوضح مين اللي هيتم التعاقد معاه بالظبط وأرجو يفيدكوا حالا أرفعه لحضراتكوا |
ده البيان اللي جه مع العقد من الإدارة للمدارس التابعة ليها موضح فيها مين اللي هيتم التعاقد معاهم بالعقد ده بالضبط للتوضيح إليكم http://dc10.arabsh.com/i/02935/dcyy9rw5g09r.jpg http://dc10.arabsh.com/i/02935/xqrf12j0x8z5.jpg وكمان معاهم الكشف اللي هيتكتب أساميهم فيه من المدرسة ويروحوا للإدارة http://dc10.arabsh.com/i/02935/dwkj71a44xiy.jpg |
خبر كويس جداااااااااا يامستر عمرو وألف مبروووووووووووووووك ليكو لو كان حقيقي
|
شكرا ياخت ابرار بارك الله فيكى على اهتمامك بالرد
كنت عاوزة اعرف بس اللى مكملوش 3 سنين هيعملوا معاهم ايه اصلى كلام الوزير بصراحة جابلنا احباط |
ممكن يكونوا لسه بيكذبوا علينا وبيلعبوا بينا ويكون العقد اللى مضيناه وهمى والله انا شاكك فعلا وخصصوا انهم يادوب خلوا الموجه الاول ومدير الخدمات بس هم اللى مضوا بس ومدير الاداره لم يمضى وختموه بختم النسر وخلصنا على كده ربنا يستر والله احنا فى ناس مننا ليهم عشر سنين واكثر بالحصة وانا لى ثلاثة واحنا سدين عجز ومش زياده زى ما بيقولوا
|
ولم يعطونا نسخه منه وعند السؤال قالوا هنبقى نبعت على المدرسة
|
اقتباس:
والله حضرتك أنا كل اللي أعرفه إنهم هيتعاقدوا معاهم بالعقد ده برضه لما سألت عنهم قالولي كدة في الإدارة رغم إنكوا المفروض تتثبتوا وفقا لقرار 75 بس هو ده اللي قالوه |
اقتباس:
نفس الرد السابق بس أضيف إزاي مدير الإدارة مامضاش ؟؟؟!!! وإزاي ماأدكوش نسخة من العقد ؟؟؟!!! ده المفروض يدوك نسختين نسخة تديها للمدرسة ونسخة تكون معاك والكلام ده موجود في العقد نفسه آخر بند غريب جدا الكلام ده أنا لسة رايحة أسلم ورقي بكرة ربنا يستر والله المستعان وبإذن الله هأوافيكو بالجديد |
اقتباس:
|
يا اخت ابرار ارجو منك موافاتنا بانطباعك عن العقد عندما تعودى غدا وربنا يستر
|
لما سالنا عن النسخه قالوا هنبعت ليكم نسختين على المدرسه ربنا يستر ويكون العقد حقيقى على اى حال لما نقبض شهر مايو هيبان دا احنا حتى مش عافين هنعمل استمارة قبض زى كل شهر ولا المرتب هييجى لوحده بما اننا اتعاقدنا لو حد يعرف يقولنا
|
الف مبرووووووووووووووك وربنا معاكم ويبشركم بالخير
|
اقتباس:
وحضرتك بتقول مافيهوش بند ينص على مكافآت أو علاوات أو غيره ياريت حضرتك تقرا البند السادس والبند السابع السادس بينص على العلاوات والمكافآت والحوافز بتتضاف للمربوط والسابع بينص على أجازات إعتيادي وعارضة وشهر للحج وحتى ساعة الرضاعة منصوص عليها في العقد سواء كان عقد أو تعيين إحنا لينا اللي مكتوب في العقد والحمد لله العقد بينص على كدة بالفعل |
اقتباس:
والله حضرتك حريصة جدااااااااااا على كدة من غير ماتقول والله ربنا يبارك فيك ع المتابعة |
النهاردة روحت الإدارة فعلا بدأوا يستلموا
بس للأسف لسة ماخدوش ورقي لأنهم قالوا لازم تروح المدرسة تاني وتخلي المدير يمضي ع ال5 عقود ويختم ختم المدرسة وبعد كدة تودي الورق للإدارة يمضي عليه توجيهك وبعد كدة هياخدله لفة كبيرة في الإمضاءات حيث هيمضي عليه وكيل ومدير الإدارة وبعد كدة يروح المديرية وياخد لفة برضه يتمضي منهم هناك وحتى وكيل الوزارة لازم يمضي ع الورق وقالوا هياخدولهم شهر على ما يتمضي الورق ويلف كل اللفة دي بعدها بقى هيبعتوا للمدرسة نسختين نسخة معاهم ونسخة معانا وده يفسر لحضرتك ياأستاذ إيهاب ويفسرلنا ليه ماإدوناش النسختين واحدة لينا وواحدة للمدرسة لأنهم مش هيدهوملنا قبل ما يتمضوا كل الإمضاءات دي وسألتهم واللي كملوا 3 سنين هيمضوا؟؟؟؟ قالوا كله هيمضي مادام قائم على رأس العمل أما عن الراتب وكيفية حسابه ومن إمتى هيحاسبونا على العقد الجديد فمافيش أي إجابة هم كل اللي يعرفوه دلوقت هو ده اقتباس:
وفعلا مش عارفين هنعمل إستمارة ولا لأ بس عاوزة أقول لحضرتك إن معانا ناس شغالة ببند 2/2 وناس 3/2 بيعملوا برضه معانا الإستمارة يعني حتى لو ع العقد الجديد أعتقد برضه لازم نعمل الإستمارة ويجيلنا القبض بشيك بعيد عن المدرسين المثبتين والمتعاقدين في المدرسة وده إعتقادي والله أعلم وبعدين بعيد عن ده كله المفروض إحنا يتضافلنا إبتداء من الشهر ده ال15% أنا لسة ماقبضتش شهر 4 بنقبض دايما كل شهر في نص الشهر اللي بعده والله أعلم إيه اللي هيكون ونأمل خير |
جميع الأوقات بتوقيت GMT +2. الساعة الآن 12:21 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.