|
اسلام انا قبلت فى الكليه وجايبه فى الانجلش 43 انا حابة انى ابقا مرشده سياحيه قوللى هو قسم الارشاد صعب وكمان مضمون انى اشتغل على طول ولو فى قسم احسن وفرص شغله احسن قوللى وانا جامعة حلوان والانترفيو صعب ولا سهل وممكن مانجحش فيه ياريت توضحلى معلش
|
انا جبت نتيجة التسيق النهاردة ودخلت كلية سياحة وفنادق جامعة حلوان وعايز اعرف اللغات اللى فيها فى قسم الارشاد ويا ترى فى روسى ولا لا ؟
وياريت حد يقولى عنوان الكلية لو يعرفه ضرورى وانا جايب 45 فى الانجليزى و46 المانى |
من فضلكم حد يرد عليا ضرورى
|
هو فى روسى فى جامعة حلوان لكلية سياحة وفنادق وعنوانها ايه
|
ازيك يا اسلام انا الحمد للة جالى زى ما توقعت تربية وسياحة وفنادق وان شاء الله انا هدخل سياحة وفنادق (اى جامعة) المهم انى سمع ان اللى بيتخرجوا من معاهد السياحة والفنادق بيبقى فرصهم فى الشغل اكتر من الكليات دة صح ولا لا؟
|
seco
هي في المنيل جمب جراند حياه ع طول انزل السيدة زينب ناحية مستشفي ابو الريش وبعدين تاكسي لغاية جامع صلاح الدين وتاخد الشارع لغاية اخره ادخل شئون الطلبة ع ايدك الشمال بتدفع فلوس وبتاخد وصل عليه اي خدمة |
seco
هي في المنيل جمب جراند حياه ع طول انزل السيدة زينب ناحية مستشفي ابو الريش وبعدين تاكسي لغاية جامع صلاح الدين وتاخد الشارع لغاية اخره ادخل شئون الطلبة ع ايدك الشمال بتدفع فلوس وبتاخد وصل عليه فلوس ايه اللى هدفعها |
75 جنيه بتوع استمارة الانترفيو
الدكاترة يعني اللي هيجوا يختبرونا هيجوا عطف علينا اكيد هايخدوا م المصاريف جانب انت بس هتروح ببطاقة الترشيح والفلوس دي وهيدوك وصل ويقولك الميعاد وبس |
طيب يا sosiهى الكلية مش مفروض تبقى فى الحرم الجامعى بتاع حلوان
|
طيب هو فى روسى
|
اقتباس:
وكمان المعاهد فى سنتين وفى اربع سنين يعنى مبتعرفش انت هتتخرج وانت دراس اية ؟؟ بس فى التوظيف بتبقى الاولوية لخريجى الكليات لانهم بيبقوا الاكفأ وكمان بيبقوا خريجى جامعات حكومية مش خريجى معاهد خاصة ودى حاجة معترف بيها جامد |
انا عايز ادخل سياحه وفنادق المنصوره وعايز اعرف هى المصروفات كام بالضبط
|
انا عايز ادخل سياحه وفنادق المنصوره وعايز اعرف هى المصروفات كام بالضبط
ارجو الرد بسرعه |
مش كتير
اقتباس:
مصاريف الجامعات الحكومية مش كتييييييييير وانت كده كده هتعرف وانت بتقدم الاوراق ياريت لو فيه حد فى المنصورة يقول له المصاريف كام |
الكلية اصلا اصلا مكانها في المنيل
لكن عملوا واحده جديده في عين حلوان وبيبقي فيها سنة اولي وهتلاقي برضه الكلام ده ع الورقه اللي هاتخدها بس ياريت نبقي ع طول في المنيل الكلية ع النيل واخر روقان روسي............. ماعتقدشي بصراحة لان كل اللي قالولي قالولي الماني وفرنساوي واسباني وايطالي لكن معرفشي ان كان في روسي ولا لا ولو ملاقيتشي اوعي تاخد فرنساوي لان دراسته رخمة وصعبه هم بيقولو الالماني حلو وسهل بس انا هاخد ايطالي ان شاء الله لانه جمييييييييييييل جدا وسهل جدا |
على فكرة الفرنساوى لذيذ جدا وسهل اوى
بس انا ليا تعليق ياريت تاخد اكتر من لغة يعنى 2 و3 و4 وكله بينفع واللغة سهلة انكم انتوا تجيبوها وياريت تعرفونى كل واحد دخل قسم ايه علشان نحدد لكم الحاجات المفروض عليكم تعملوها |
هو ينفع اكتر من لغه؟؟؟؟ وياريت تقول انهى قسم احسن انا حابه الارشاد بس خايفه يكون صعب وايه احسن لغه والى مطلوبه اكتر فى الشغل
|
هما لغتين بس اللى بتدرسوهم فى الكلية
انا قصدى على الكورسات اللى انتوا هتاخدوها وبعدين قسم ارشاد جميل اوى وبعدين دلوقتى الجيست الموجود الروس الا يطاليين بس كل ما يكون معاكم لغة بيكون احسن ودلوقتى النمور الاسيوية ابتدت تغزو سوق السياحة الصينى كويس برده وهو موجود عندنا فى الاسماعيلية انا عن نفسى هاخد روسى وايطالى |
يعنى اخد ايطالى انا اصلا كنت المانى وبحبه اختارة ولا ايطالى احسن؟؟؟؟
|
لا اختار المانى
وقضيها كورسات |
[quote=esraa_00;1453235]المصروفااااات عادية
مصاريف الجامعات الحكومية مش كتييييييييير وانت كده كده هتعرف وانت بتقدم الاوراق ياريت لو فيه حد فى المنصورة يقول له المصاريف كام [/quo ياريت حد من المنصوره يرد عليه بسرعه المصرفات كام بالضبط |
انا النهاردة روحت وقالوا اختبار الانترفيو يو 16/8/2009 والمصاريف للغات 3750 جنيهع فى السنة
|
هو ده صحيح ولا لا
|
ايوة انا كمان الاختبار بتاعي يوم 16/8
وانت لازم يعني تدخل انجليزي ما تدخل عربي وقضيها كورسات بره |
طيب هو فى ارشاد عربى
|
لا مفيش كله بالانجلش
لان اصلا الشغل بعد كده 24 ساعه بتتكلم غالبا انجليزي |
هاي يا جماعة انا برضو في سياحة وفنادق في اولي وبصراحة انا خايفة مووووووت من الكلية ومكنتش عايزاها تبقي في المنيل انا كنت عايزاها تبقي في الجامعة علي طول مش اول سنة بس
|
طب ليه
هي اللي في عين حلوان احسن من اللي في المنيل؟ |
كفاية انها في الجامعة
|
السلام عليكم يا اسلام انا عندى سوال بسيط هى اية احسن جامعة ممكن ادخل فيها كلية السياحة والفنادق وهل فيها سكن داخلى للطلبة ولا لا؟ ثانبا هى الكلية اللى فى اسكندرية لو دخلتها هلاقى فيها مدينة جامعية وهى كويسة الكلية هناك ولا اية ؟ ومييييييييرسى
|
اقتباس:
اما سياحة وفنادق اسكندرية اكيد طبعا فى مدينة جامعية فى اسكندرية وبتبقى جامدة بس الاوضة اللى هتعدى فيها هتبقى مش قد كده يلا استحملى ما انتى بتاكلى وبتشربى وساكنه بفلوس ضغيرة جدا وكمان بتبقى لزق فى الكلية وكل ده بـ 100 جنية تقريبا كل شهر . وسياحة وفنادق اسكندرية انا مش فيها بس اسمع انها كويسة بس عيبها بقى ان ملهاش بوابة :blush: افهمك يعنى انتى عشان تخشى الكلية كل يوم لازم تخشى من بوابة كلية الحقوق :o لحد ما توصلى لكلية السياحة بس طبعا اسكندرية معظم الطلبة بيرحوها وبتبقى مليانة وكمان بتتفسحى هناك وكده والكلية امام مكتبة اسكندرية علطول والمستوى التعليمى هناك حلو وفى لعات كتير اوى هناك . |
هو ارشاد صعب اوى ؟؟ وكمان بعد التخرج الشغل فيه مضمون؟؟؟ وقسم سياحه عربى كويس مجالات شغله كويسه ؟
|
السلام عليكم
انا يا استاذ اسلام دخلت كلية السياحة والفنادق فى اسكندرية بس عاوزة اعرف من حضرتك لو سمحت اية هو انسب قسم للبنات اللى ممكن يشتغلو بية علطول لمل يتخرجو ؟واية بردة القسم اللى الشغل بتاعو مش فى سفر انا عاوزة ادخل قسم يكون الشغل فى مكان مستقر من غير سفر.وازاى اقدر الاقى شغل علطول بالنسبة للبنات لانى سمعت ان فى كلية السياحة بيفضلو الولاد اكتر عن البنات فى الشغل.ممكن اعرف حضرتك مشرف فى اى جامعة بالظبط؟وميرسى اوى لحضرتك وياريت من فضلك تجاوبنى بسرعة على قد ما حضرتك تقدر |
اقتباس:
والصراحة فى الفنادق بيفضلوا الولاد اكتر لانهم بيبقوا انسب لكن فى شركات السياحة وفى مجال الضيافة الجوية مفيش فرق وانا فى كلية سياحة وفنادق المنصورة ومشرق هنا فى المنتدى |
انت برنس يا اسلام والف شكر يا مان
الف شكر يا صاحبى بس ايه نظام كلية سياحة وفنادق الاسماعيلية بس ياريت ترد عليل بلسرع وقت
:abdoog8: |
ياريت حد يرد هليا باسرع وقت
|
هو شريف يقدر يفيدك لانه هناك
ممكن تستناه لما يجي |
هو شريف هناك يا تريكة
|
هو اساسا طالب في سياحة اسماعيلية يعني هو اكتر واحد يفيدك
|
ايه نظام سياحة وفنادق الاسماعيلية يا اسلام
|
اقتباس:
سياحة وفنادق الاسماعيلية هى مقر الاتحاد النوعى لكليات السياحة والفنادق فى الوطن العربى 3 اقسام طبعا انسب قسم للاولاد قسم فنادق وهو اصعب قسم انسب قسم للبنات هو دراسات سياحية وهو اسهل اقسم وايضا هو مناسب للاولاد نظام الدراسة هناك سهل وممتع جدا الدفعة ببكون عددها قليل الدكاترة هناك لذاذ جدا واقدر اقولك ان احنا مصاحبين الدكاترة مصاحبينهم بمعنى كلمة اصحاب ومعانا نمر تليفوناتهم كمان وهما اصلا بيحبوا يخدموا الطلبة والدراسة فى الاسماعيلية سهلة جدا وهتحبها اوى التخصص من سنة اولى بتعرفوا بعد ماتعمل الانترفيو التدريب الصيفى فى الاسماعيلية بيختلف من سنة لسنة بالنسبة لقسم دراسات سياحية وقسم فنادق حيث ان الفرقة الاولى قسم فنادق بتقوم بالتدريب فى المركز التابع للكلية فى مدينة العريش اما الفرقة التانية فيتم تدريبها فى مدينة شرم الشيخ تبع مركز تدريب جامعة قناة السويس ودى بتختلف من سنة للتانية يعنى ممكن انتى بنفسك تروح المكان اللى انت عاوز تدرب فيه اما بالنسبة للفرقة الاولى قسم دراسات سياحية فليس لها تدريب صيفى ولكن التدريب ده بيكون لك انت علشان تاخد الخبرة يعنى ملكش دعوة بالكلية انت بدور على اى فندق او اى شركة سياحية تدرب فيها اما بالنسبة لقسم ارشاد فهو فى الاسماعيلية بدون مصاريف يعنى مجانا وتقوم الكلية نفسها بتدريب الطلاب وعمل رحلات لهم الى عدة محافظات اثناء الدراسة لكى يتعرفوا عليها قرر انت وشوف انت ناوى على قسم ايه وربنا يوفق الجميع |
بقولك اه يا esraa ما تبقى مشرف معايا لانى ساعات ما مبقدرش اشارك فى المنتدى
وكمان انا احتمال انى اسيب الاشراف لانى الايام الجاية كلها هسافر كتير اوى ومش هبقى فاضى ها موافق ولا اية ؟؟؟ |
انا معاك يا اسلام
بس انا بكلمك من الصبح على الايميل ولا انت هنا انا عاوزك علشان فيه ناس اصحابى شكلهم كده ناويين على سياحة المنصورة وعاوزين نظبطهم وانت ولا سائل |
اه يا جماعة براحة عليا شوية
مش بأيدى والله انا عندى الكمبيوتر بايظ وكمان انا هضطر انى اسيب الاشراف وان شاء الله الاخ esraa يكمل معاكو معلش اصل الحج ابويا عايزنى فى حوارات ومشاغل كتير كده مش عارف هتنهى امتى الصراحة وسامحونى يا جماعة مش يايدى والصراحة انا شايف esraa جامد اوى الصراحة وهيقوم بالواجب وزيادة ان شاء الله وانا هابقى اقدم طلب عشان يسمك الاشراف بدلا منى لانى الصراحة الايام الجاية دى كلها هابقى فى مصالح كتير اوى |
انا محمد من قنا ترشيحى سياحة وفنادق الاقصر بس مفيش قسم ارشاد عايز اعرف ابه رايكم فى قسم دراسات سياحية؟
وايه امتحان القدرات؟ ارجو الرد السريع |
فعلا مفيش فى الاقصر قسم ارشاد لان الكلية لسا جديدة
اما بالنسبة لقسم دراسات سياحية فهو جميل جدا ومجال شغله واسع جدا طبعا مش هنعيد ونزيد فى كل اللى فات بس ممكن تشتغل فى شركات سياحية وشركات طيراااااان وامتحان القدرات ممكن تدخل على اى موضوع وتشوفه ( الانترفيو) |
هاى يا جماعة انا امير تانية ارشاد حلوان اللى عايز اى حاجة انا فى الخدمة
|
يا جماعة ارجوكم عايز اعرف العملات و العواصم يتاعة كل بلد من دلوقتى علشان اطبعها و احاول احفظ اللى اقدر عليه علشان انا خايف من الانترفيو و سوال تانى هو لو لقدر الله سقطت فى الانترفيو حروح كلية تانى غير الاسكندرية ولا ايه النظام ؟ ارجة الرد با جماعة
|
ازيك يا اسلام .ان شاء الله ربنا هيوفقك فى الى انت عاوز تعمله مع والدك بس لية هتسيب الاشراف على الاقل تبقى مع esraaانا عرفت انك لسة فى تانية سياحة المنصورة كنت كاتب كدة فى منتدى تانى وبصراحة مشرفة المنتدى هناك اية ظريفة جدااااا مقولكش بصراحة:blush:بصراحة انا متشكرة ليك جدا انا كنت حيرانة بجد انا لو مش كنت عرفت المعلومات دى منك عن الكلية كانت هتعدى السنة وانا لسة حيرانة بردو ميرسىىىىىىى ليك جدا وربنا يوفقك .واهلا بيك يا esraa
سلااااااااااااااااااام |
اغصونى
انا هشام وجالى اثار الفيوم وناس كتير نصحونى احول سياحه وفنادق انتو ايه رايكم بليز ردو عليا
|
| جميع الأوقات بتوقيت GMT +2. الساعة الآن 11:47 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.