|
كنت عايزه اعرف المفروض اروح اقدم ورقى فى الكليه الول ولا استنى التحويل
وكمان انا بفكر ابعد ما اقبل فى الكليه ان شاء الله ادخل قسم دراسات فندقيه لانى مش بحب التاريخ وكمان شايفه مجال شغله واسع ودراسته سهله ياريت اللى فى دراسات فندقيه يقولولى رايهم |
ايه ده الانترفيو يوم 12
طيب والتقديم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
انا اتصلت النهاردة قوليلي اتصل بكرة او بعده
|
اقتباس:
بالنسبة لمجال الشغل فهو واسع جدا وطلبة فنادق هما اول ناس بيشتغلوا بعد ما يخلصوا وانتى ممكن تشتغلى قى الريسبشن كمان بس دراسته مش سهلة دراسته صعبة اوى اوى كمان ومتسألنيش انا اسالى الدكاترة نفسهم فى الكلية هيقولوك ان فنادق اصعب قسم على فكرة دراسات سياحية جميلة اوى والله وبرده ممكن تشتغلى فى الريسبشن انتى كده كده هيكون معاكى لغة طبعا انا برشحلك دراسات سياحية فنادق ده للاولاد فقط وليس للبنات |
لازم تقدموا الورق قبل الانتر فيو ياجماعة
|
ايه ده يعني انا هقدم امتي ولا اروح انام ولا انت مين يا شريف
|
هاى يا جماعة انا كمان اتقابلت سياحة و فنادق الفيوم كنت بفكر احول مدينة السادات لانى خايفة مجموعى ما يخيبش انى احول حلوان لانى جايبة 348 و انا ليا محاولة واحدة فى التحويل مش عارفة اكتبها ايه ياريت حد يساعدنى
|
التحويل على النت اي سينك انه 3 رغبات يعنيممكن تكتبي حلوان بعديها السادات
ولا ايه |
اقتباس:
الاول عن طريق النت زى ما الكابتن ابو تريكة وضح بعد كده لو انتى مجاش ليكى اللى انتى عاوزاه من التحويل بتروحى لمكتب التنسيق فى القاهرة وبتعملى طلب تحويل للكلية اللى انتى عاوزاها وشئون الطلاب بتظبط كل حاجة بس اللى انتى عاوزة تحولى لها اكتبيها الاول |
ميرسى اوى ليكوا يا جماعة و ياريت كل اللى اتقبل فيوم يقول عشان مش احس انى لوحدى لانى شكلى كده هقعد فيها خلاص
و على فكرة انا رحت الكلية و هى حلو اوى و الجامعة كلها جميلة جدا بصراحة |
ده الموقع الرسمى لكلية السياحة والفنادق جامعة الفيوم
http://www.fayoum.edu.eg/Tourism/ |
دى بعض الروابط لكليات السياحة والفنادق بالجامعات المصرية
http://www.helwan.edu.eg/arabic/facu...rism/index.htm http://www.fayoum.edu.eg/Tourism/ http://www.alextourism.net/ shababsea7a.ahlamontada.net/forum.htm http://www.mans.edu.eg/facth/arabic/ http://www.menofia.edu.eg/faculty_generalInfo.asp?id=20 |
هام
الي كل من يهمه الامر
بدا اليوم الاثنين الموافق 3/8/2009 فتح باب التقديم في كلية سياحة وفنادق جامعة الفيوم والاوراق المطلوبة هي الاتي -استمارة نجاح الثانوية الاصل -شهادة ميلاد كمبيوتر الاصل او مستخرجرسمي منها -6 صور شخصية -استمارة 2 جند للطلاب الذكور فقط -بطاقة الترشيح -242 جنيه رسوم - 100 جنيه للانترفيو وللحصول على ايمعلومات اخري يرجي الاتصال بشئون الطلبة الخاصة بكلية سياحة وفنادق جامعة الفيوم من داخل الفيوم على رقم 6352181 من خارج الفيوم يرجي اضافة كود المحافظة وهو 084 وشكرا ايه رايك يا شيري انفع :d |
طبعا تنفع ومشكوووووووووووووووووور اوى على المعلومات القيمة دى
لان فيه طلبة هنا فى الفيوم |
انا كمان اتصلت و سالت و قالولى تعالى فى اى يوم الصبح و اتصلت كمان ببيت الطالبات و قالولى ان التقديم لسنة اولى هيفتح من يوم 10 والارواق المطلوبة
جواب الترشيح الاصلى 6 صور وصل كهربا او مايه او تليفون شهادة ميلاد او صورة البطاقة بس كنت عاوزة اعرف هو انا ينفع استنى لغاية يوم عشرة واروح بالمرة اقدم للجامعة مع المدينة بدال ما اروح مرتين يعنى |
ينفع فى اى وقت لان كده كده بيكون فيه كشف با لاسماء فى الكلية
بس المهم ان ده يكون قبل ميعاد الانترفيو |
انا سياحة وفنادق المنيا و روحت قدمت بس ماطلبوش منى فلوس الرسووووووووووووووووووووووووووووووم يبقى ايه دا ؟؟؟؟؟؟؟؟؟؟؟؟؟؟ |
ممكن توضح ورسوم ايه بالظبط
|
وبعد خنقة كبيرة :d من موظف الخزنة اللي جه الجامعة الساعة واحدة والمفروض بيمشي 2 :d
قدمـــــــــــــــــــــــــــــــــــــــــــــــ ــــــــــــــــــــــــــــــــــــــت وبالنسبة للسكن ياجماعة يوم 9 هيبداالتقديمبس لازم تخلص انتر فيو وكشف طبي الاول عشان تعرف تحجز مدينة ودي الحجات اللي عايزنها جواب الترشيح الاصلى 6 صور وصل كهربا او مايه او تليفون يثبت مكان السكن صورة شهادة ميلاد او صورة البطاقة "خلي الاتنين معاك" اي استفسار انا ميت تحت السرير خبط برجلك مش هرد عليك :d |
الحجات دي بتاعت السكن
انما التقديم انا قولت قبل كده بس سوري هيعوزو منك 270 جنيه رسوم مش 242 |
انا دخلت سياحة الاقصر لو حد دخل الاقصر يكلمني
|
مفيش حد هنا فى سياحة وفنادق المنصورة ؟؟؟
|
انا دخلت سياحة الاقصر لو في حد دخل الاقصر يكلمني
|
اقتباس:
ماطلبوش منى اى فلوس خالص |
انا الحمد لله دخلت سياحه وفنادق السادات بس كنت عاوز استفسر هوة ليه محدش بيتكلم عنها كتير
هنا في المنتدي وعاوز اعرف ازاكان كان الكليه فيها حاجه وحشه ولا ايه وهيه فيها مراكز تدريب زي حلوان كده والف شكر ليكو علي المعلومات اللي بتقدموهالنا |
التحويل هيبدا على النت يوم 10\8 وقالولى فى رقم بوابة الحكومه المصريه هيكون ايكى رغبه واحده بس
والاولويه فى التحويل هتكون للمجموع الاعلى |
اقتباس:
|
اقتباس:
وعايزه اقولك ان مدينة السادات فى الكيلو93 طريق اسكندريه الصحراوى والتحويل على النت هيكون يوم 10 وفعلا ليكى فرصه واحده والاولويه هتكون للمجموع الاعلى |
اقتباس:
|
اقتباس:
انتى ممكن تشتغلى فى اى مكان فى الفندق طالما معاكى لغة بس فعلا قسم فنادق اصعب بصراحة ده رايى وانا برشحلك سياحة |
اولا بالنسبة لموضع ايه اقرب السادات ولا الفيوم
الفيوم اقرب واسهل طبعا وبالنسبة لنظام المواصلات في 3 طرق تقريبا اول واحدة لللي ساكن في حلوان في موقف محافظات في عين حلوان في هناك اتوبيسات وميكروباصات ومعاد الاوتوبيسات ودي بانتظام 7 و 10 و 1 و 4 و 7 ونفس المواعيد من الفيوم لحلوان الاتوبيس ب 6 جنيه :d والطريقة التانية لسكان حلوان والجيزة تنزل الجيزة عند المنيب في ميكروباصات هناك بتروح الفيوم على طول وهي اسرع والميكروباص ب 7 جنيه :d الطريقة التالتة ودي اصعب طريقة "بالنسبة ليا" انك تاخد اتوبيس من عبود وهو ب 6 جنيه بردو :d ومش عارف مواعيده الصراحة يعني ولو اخدت الاتوبيس من اي حتة قولناها هتنزل تاخد ميكروباص رقم 7 للجامعة ب 35 قرش :d ولو ميكروباص يبقى خد تاكسي احسن وتقريبا ب10 الي 15 جنيه بالنسبة للوقت اللي بيخده السفر من حلوان 3 ساعات او ساعتين ونص ومن الجيزة ساعتين ونص بالكتير بالنسبة للناس اللي عايزة تروح وترجع كل يوم بقولهم ان الحوار هيبقى صعب عليهم خصوصا انهم بنات لان المشوار رايح جاي 6 ساعات هتتعبوا وكمان مش هتلحقوا المحاضرات الصبح ومش هتعرفوا تروحوا عشان في محضرات بتخلص الساعة سبعة بليل ولو محتاجين ايمعلومات تاني انا موجود |
اقتباس:
|
اقتباس:
|
كنت عايزه اعرف لو بعد التخرج ممكن تعمل شغل حر ولا لازم تكون موظف فى مكان يعنى مثلا تطلع رحلات لاى مكان او تنظم سفارى او اى حاجه تانيه
|
اولا يو ار ويلكم ولو محتاجين اي حاجة تانية انا موجود
بالنسبةلمجال الشغل ممكن تسالي شريف هو اسمه شريف بلاش اسراء عشان بيزعل :d |
بالسبة لمجال الشغل بعد الكلية انتى ممكن تشتغلى حرة فى اى مكان
انتى كده كده هيكون عندك مؤهلات ده فى حالة لو اخذتى كورسات ممكن تتعاملى انتى مع شركة سياحية وتنظمى رحلات تبعك بس دى محتاجة يعنى معرفة فى الاول وواحد يقف معاكى يعنى يكونى انتى وحد معاكى بس انا برشح ان الانسان يبتدى فى شركة سياحية بحيث ان دايرة علاقاته توسع وتقدرى انتى بعد كده تعملى شغل لحسابك وبعدين الشغل فى الشركات السياحية وشركات الطيران والسياحة الداخلية والضيافة كمان متقلقيش اهم حاجة تظبطى كورساااااااات |
هاى يا جماعة ازيكم انا كمان رحت قدمت النهارده و الحمد لله خلصت و قالو لى ان معاد الكشف الطبى يوم 12 و 13 و يوم الانترفيو بيبقى على حسب المجموع و انا يومى هيبقى 17 او 18 و بالنسبة للمدينة الجامعية قالو لى هيبدا يوم عشرة التقديم بس انا هروح يوم 12 عشان يبقى تديم المدينة و الكشف الطبى سوا
و ياريت لو حد عنده اى معلومات عن الكشف الطبى يقول لنا ايه نظامه و فعلا يا ريهام هيبقى صعب اوى اننا نروح و نيجى كل يوم و خصوصا ان فى ايام المحاظرات ممكن تبقى متاخر وانا بروح من رمسيس فى هناك ميكروباصات بتروح الفيوم و هى سريعة اوى ساعة و نص ساعتين بالكتير و ببقى فى الفيوم و ياريت يا ريهام تقوقلى لى انتى هتروحى امتى عشان ممكن نبقى نتقابل و نروح سوا بدل الهو اللى الواحد بيبقى فيه هناك و هو ما يعرفش حد خالص كده |
و معلش كنت عاوزة اسال سوال كمان انا سالت بالنسبة للاوراق المطلوبة للمدينة قالو لى بطاقة الترشح الاصلية زى ما تركة قال مش هى دى اللى احنا طبعناها من النت و لا حاجة تانية
|
جميلة اوى الصداقة اللى انا شايفها دى
طبعا دلوقتى انتوا طلبة جامعيين وتفكيركم متحضر وثقفين كمان يعنى ببساطة كده لازم تكونوا اصحاب اما بالنسبة للطلبة اللى هتتغرب فانا ياجماعة بنصح بمدينة جامعية هتساعدك فى حاجات كتييييييير اوى محاضرات وحضور باستمرا علشان الغياب واعمال السنة وكمان علشان الكورسات تاخدوها هناك كمان اما بالنسبة لبطاقة الترشيح يا آية فهى دى اللى انتى طبعتيها |
بالنسبة للكشف الطبي ده كله حوار روتيني
يعني مثلا بيدخلوكي مكان يوقفوكي قدام لوحة بتاعت نظر يقول العلمات دي يمين ولا شمال الحجات دي يعني ويسالوكي هل عندك امراض او بتتعالجي من حاجة بس كده يعني كله هيعدي ان شاء الله بالنسبة انك قولتي مواعيد الانتر فيو والكشف الطبي هو انا ليه ما قوالوليش حاجة :d |
معلش بقى يا تريكة مش اى حد هههههههههههههههه
انا لما رحت كانت المواعيد لسم ما نزلتش و قالو لنا ان المواعيد هتتعلق كمان شوية فا استنينا شوية لغاية ما اتعلق انا روحت يوم الاربعا انت روحت امتى |
ههههههه طبعا ليديز فريست
انا روحت يوم الثلاثاء وقالولي هننزل المواعيد على الموقع ولغاية ناو مافيش حاجة هو انا كده هروح تاني ولا ايه :( اها قد تم تحديد موعد بدا الدراسة 26/9 يعني بعد العيد :d |
انا مجموعى 348 ولاقيت نفسى فى اخر يوم فى الكشف يوم 18 او 19
و ممكن تتصل بشئون الطلبة و هما اكيد هبقوقلوك لان الورقة معلقة على شباك شئون الطلبة بتاع سنة اولى وعلى فكرة لو انت هتحجز مدينة جامعية التقديم هيبدا من يوم 10 زى مدينة البنات |
اها هشوف لو صحيت بدري بكرة هتصل بيهم :d
انا هحجز مدينة اه بس قالولي يوم 9 هو الناس دي بتعمل معايا كده ليه :d اه صحيح انتوا هتقدموا تحويل ولا خلاص فيـــــــــــــــــــــــــــــــــــوم |
لا انا شكلى كده خلاص هقعد فى الفيوم بصراحة الكلية عجبانى و كمان فى حلوان التخصص من اولى على طول لكن الفيو م التخصص من تانية يعنى قدامى فرصة اعرف مزايا الاقسام
|
بس خلي بالك ان التخصص في الفيوم لو عايزة ارشاد لازم تجيبي تقدير في اولى
وهي الجامعة هناك حلوة وكل حاجة وفي رايي انها انضف من حلوان بكتير اوووووووووووووووووووووي |
عندك حق يا تريكة الجامعة هناك نظيفة اوى و كمان المدينة الجامعية حلوة اوى انا رحتها
|
اها طيب خلاص بقي نشوف لو هتقدمي تحويل ابقي قولي عشان نقدم كلنا
ولو مش كده نبقى مع بعض هناك ولا ايه ولو محتاجين اي حاجة انا هنا |
ميرسى ياشريف وياتريكه ويا ايه على معلوملتكم
انا ان شاء الله هروح يوم الاحد اقدم فى الكليه وغالبا الانترفيو بتاعى هيبقى معاكى لانى نفس مجموعك وعلى فكره انا هحاول احول لحلوان لان مش هينفع اروح الفيوم وحتى لو منفعش حلوان هحول تجاره القاهره او حلوان فادعولى تيجى حلوان عشان نبقى مع بعض |
ربنا معاكي يا ريهام
وان شاء الله تقبلي في سياحة حلوان بس نصيحة لو هتحولي تجارة بلاش تجارة عربي لو انجلش اوك وابقي شوفيلي الانتر فيو بتاعي وانتي هناك :d انا جايب 352 وانا هبقي اتصل بيهم بردوا |
| جميع الأوقات بتوقيت GMT +2. الساعة الآن 05:58 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.