|
اقتباس:
وبعدين البنات والرجالة الاتنين اختلفو عن زمان طبيعى جدا لاالزمن هو الزمن غير بقى العوامل البيئية والاقتصادية وغيره وده مش وحش لانه كل حد المفروض يكون ملائم للزمن اللى بيعيش فيه مش منفصل او مغيب عنه |
الناس فى الدنيا 3 انواع ....... بيضة -جزرة-نيسكافيه.......والدنيا دورق الميه اللى بيغلى........ فالبيضة لنا تتحط فى الميه وتطلعها تجمد رغم خاصيتها الاولى السائلة.......والجزرة الصلبة المتماسكة لما تتحط فى الميه تلين وتتهرى......... والنيسكافيه يدوب فى الميه ولا على باله.......عرفت ليه يا عضاضلى البنات بتتغير بعد الشغل
|
صباح الخير على الجميع ويا رب تكونوا كويسين..........المهم صحيت بدرى النهارده لان المدير منبه ومشدد فى اجتماعه العاجل بخصوص الامتحانات ان اللى عاوز يعمل دماغ يا اساتذة يعملها قبل ما يجى المدرسة سواء بقا سجاير ---شيشة --- فطار ----وبنص كلامه " ظبط نفسك قبل ما تيجى المدرسة" واتباعا لتعليمات السيد المدير وتماشيا مع المنظومة فى مدرستنا قررت اصحى اضرب الشاندوتش بتاعى ومج الشاى الكبير اللى هيخلينى استحمل لنهاية الفترة الاولى بس وبعد كده ربنا يرزقنى بمج احسن منه ينسينى الفترة التانية ...... النهارده معنديش تصحيح
|
النهارده اول يوم هاروح المدرسة من غير ما اشيل ....كتبى وتحضيرى والامتحانات وملفات الانجاز وكشوف النشاط المصاحب وفوق كل ده علبة مناديلى وموبايلى و مفاتيحى .........عارفين اوقات كتيرة باقعد جنب العيال فى البنش والواحد يشم رائحة الدراسة من تانى
|
اقتباس:
كلام موزون هههههههههههههههههههههههههه |
اقتباس:
أيام الدراسة هي أجمل أيام الدنيا ألا ليت الشباب يعود يوماً تابعي الأخبار واحنا متابعين معاكي |
اقتباس:
ربنا يوفقكك بسي هتشيلي أيه كل اللي قولتيه تلميه في شنطة ايدك الموضوع بسيط ياستاذة أميمة المفروض الرجالة بس اللي يقولوا ارتحنا من ده |
اقتباس:
ههههههههههههههههههههههههه ربنا يوفق |
فى مدرسى طول ما نحن نشرح المناهج نقول كلمه وحده
حسبي الله ونعم الوكيل فى مدرسين اللغه العربيه فى مدارس المرحله الاولى فى التعليم لان الطالب لايسطيع حتى كتابه اسمه ونجح ودخل المرحله الاعداديه كيف...............(اين الاجابه) ومع ذلك ترى النتيجه كل عام جميله لى عشان الى يحصل فى اللجان معلم الماده يدخل كل لجنه بورقه تدور على جميع التلاميذ................هههههههههههههههه لا اقول الا كلمه واحده عمار يا مصر والمعلم الذى يرفض وخاصا (المعلم المساعد)ياخذ الف تحيه من المدير والمدرس الاول وشوف بقى تقريرك هيكون اى ولا كلمه انتى فاكر انك هتثبت ههههههههه..........( قبلى).... انتى كده وترفض طيب اضمن تعينك الاول وكلام من هذا القبيل كثير اسبوع الامتحانات هو اصعب اسبوع عندى ................فما هو الحل |
اقتباس:
|
الواحد في امتحان النقل طول الترم بيشرح بيشرح ويوم الامتحان يجي زميل من وراءك يدخل اللجان ويكتب الامتحان علي البسورة ( الحل ) والتلاميذ تنقل وتطلع النتيجة 100% شفتو ا الغش الحرام ونعلم التلاميذ الامانة فين هى الرحمة يارب
|
حصلت مصايب النهارده والله .........
الاستاذ اياه مراقب دور ..... دخل لجنتى وبص كده وبعدين قال لبنت هاتى ورقتك وبص فى ورقة الاجابة وقالها ده مش خطك قالتله لا خطى قام واخد ورقة الاجابة والاسئلة وحلف ليعمل محضر غش ..... طبعا المراقب اللى معايا رفض يطلع الورقه عشان مفيش حاجة حصلت وكل ده تصفية حساب وكمان هو ملهوش حق يدخل اللجنة واتدخل مراقب الدور ومش عاوزه اقولكم على اللى حصل بعد كده وقول وفكر زى ما تقول وزى ما تفكر كله حصل ...... المهم البنت اللى خد ورقتها دى عيلتها تقيلة وهى ممتازة كمان ... المشكلة اتلمت وخلاص وبعد اللجنة لقيت الاستاذ اياه واخد البنت على جنب وبيصالحها ومعلش محصلش حاجة....طب ما كان من الاول يا محترم؟ |
الحاجة التانية بقا صاحبتى لولو النهارده تصحيح مادتها زى كل سنة قلت اساعدها مش مهم رغم انى هاتاخر وانتوا عارفين انى مقدرش ما اشربش مج الشاى بتاعى..........قلتلها اعزمينى بقا على ساندوتشات بقا انا هاقعد اصحح معاكى وكمان مج شاى .......... قامت بصت ليا كده ...... لا خلاص هاصحح لوحدى...... طيب انا ماشية بقا.....لا لا خلاص تعالى بس انا معييش غير 5 جنيه مش هتكفى (اصل بيتها قدام المدرسة مبتشلش فلوس كتيرة معاها) براحتك انا ماشية بقا........ وفجاة لقيت قدامها فلوس سالت عليه مش بتاعة حد قلت لها خلاص ملكيش حجة بعتت جابت ساندوتشات والشاى طبعا .........وبرده والله كل ما حد يجى تقوله انا عزماها وانا انفى واقول والله لاقية فلوس العزومة.......... خلصت تصحيح الساعة3 وخلصت معاه ......عشان هى بطيئة صححت تقريبا تلت الورق رغم انها مادتها......... خلصنا النهارده واو افتكرت حاجة تانية هاقولكم
|
على فكرة انا مباحبش الشنط ....... ممكن اشيل مقلمة لذيذة انما شنطة دى فى اضيق الظروف ...... ملف ماشى ...انما شنطة بتبقى صعبة عليا ...... احب الحرية
|
والله المنتدى وحشنى جيت جرى واول حاجة عملتها بعد فتح باب الشقة هى فتح الكمبيوتر
|
مستنياكم تقولوا اللى حصل عندكم ..........محسسنى انى الوحيدة اللى جت من الامتحانات
|
من خلال القرأة والتعليقات
لاأملك الا ان أقول موضوع جميل أدام الله الود بين جميع المسلمين |
اقتباس:
ههههههههههههههه والله عند الكل اانا مرة المدير بنفسه طلعلى اللجنة عشان ينزلنى يقوللى تعالى انتى بس ارتاحى وجايب واحد تانى مبسوط بنفسه اوى يقف مكانى وشكلة ووووووووووووحش وهو عارف انهم جايبينه يغشش ودايما بيبقى راجل هههههههههههههههههه وكل ماادخل لجنة معايا راجل يقعد زى قلته وانا بقى اللى افضل وقفة طول اللجنة بس ياواد بس يابت ههههههههههههه سيدى ياسيدى ع الرجالة كانو زمان بيقولو امشى عدل يحتار عدوك فيك دلوقتى بقى امشى عدل وربى عدوين ف كل خطوة بتمشيها صح:angry2: وعجبـــــــــــــــــــــــى:bosyht9: |
اقتباس:
والله يااختى لسا الامتحانات السبت وبمناسبة اجتماعكم الغريب ده ههههههههههههههههه احنا بقى ولا مدير ولا غيره يقدر يقول الكلمتين دول ياامى انا معرفش ادخل لجنة من غير ماكوباية الشاى تجيلى لحد عندى هههههههههههههه قلاطة بقى تقولى ايه وانا بقى ياستى مش بشيل شنطة اصلا ههههههههههههههه الا نادرا مش بطيق الشنط بحط فلوسى وموبايلى ف جيبى والكتب والدفاتر بشيلها ف المدرسة لا فعلا انا رايقة رايقة يعنى واعجبك |
احنا مدرسة في قرية
( مافيش اهتمام من اولياء الامور ) وعاوزين ناخد الجودة ( نسبة 65 في المية مش موجودة ) الموقف الان المدير بيقول شدوا حيلكم مع العيال ازاااااااااااااااااااااااااااااى ؟؟؟؟؟؟؟؟؟؟؟ يعنى نغشش ؟ لا طبعا شدوا حيلكم في التصحيح ؟ يعنى نكتب للعيل ؟ لا طبعا ما هو الحل ؟؟؟؟؟ هى دي جودة التعليم تظبيط نتائج علشان ناخد الجودة ربنا يعدى الايام اللى جاية على خير |
يعنى ظبطه فى ملف الانجاز
|
الاجتماعات عندنا كالماء والهواء واغلبها بسببى لانى دايما مزعلة الاستاذ
|
اقولك تعمل ايه:
اقتباس:
|
المشكلة أن نسبة ال 65 في المية على الامتحان التحريري فقط
|
لا طبعا 5 سلوك ومواظبة------25 تحريرى--------20 شفوى--------- يبقى اديله سؤال شفوى كويس وسهل ويا حبذا لسه شارحه كده ضمن 20 وكمان معانا5 سلوك وفى الاخر حط تقويم بسيط وسهل وكلام فاضى صح وغلط واختيارى ومش عاوزه افكرك ابعد عن الاسئلة المقالية احنا مش عاوزينه يفكر ويتعب نفسه هو العيل هيعمل ايه ولا ايه هيشيك نفسه وهو جاى المدرسة ولا الجل اللى فى شعره ولا الموبايل اللى طول الوقت بيلعب بيه ولا البت اللى قاعده قدامه فى الفصل ومعاه فى الدرس--------------رفقا بابنائنا عاوزين جيل من غير دماغ وبعدين هنتعبه ليه
|
الحمد لله مش عندنا ملفات الانجاز دى
|
التعليم الفنى والثانوى بس اللى لسه مدخلهوش ملف الانجاز
|
ويارب مايدخل ابدااااااااااااااااااااااااااااااا
|
بكره تصحيح مادتى استعدوااااااااااا
|
اقتباس:
ربنا يبارك فيكي متابعين المواقف والطرائف |
اقتباس:
|
اقتباس:
|
اقتباس:
|
عارفين يوم مادتى دى لازم المدرس يلف ويدور حواليا ودايما فاكر انى هاساعد العيال رغم انى والله مباعملش حاجة....اصله عامل الواجب وزيادة فى اليوم اللى قبله فى الدرس ........ويجى الصبح " عاوزين ندى لكل واحد حقه"
|
زعلانه اوى من اللى حصل لزميلنا mrmoh واللى حصل ده بيحصل فى مدارسنا شهريا صدقنى كان المدرس الاساسى عنده التزامات والمدرس المتعاقد شغال للترفيه؟ العيب مش فى الحكومة العيب فى القدام
|
اما عندنا في ادراة السادات
الطرائف في اول يوم امتحان امتحان الحاسب الآلي مكون من 50 نقطة الامتحان طويل جدا جدا جدا ومدة الامتحان ساعة |
اقتباس:
|
لالالا بلاش يا جماعة اى تعليقات جارحة تمسنا كلنا........ ان كنا بنتكلم فعشان نستفيد من اخطاء بعض مش الكلام ده خالص استاذ خليل2000
|
امتحان الحاسب بتاعنا تقريبا العيال كلهم الدرجات النهائية ......... 4 نقط صح وغلط ..........4 نقط ضع الكلمة المناسبة
|
في لجنة عندنا في المدرسة فوجئت بوجود طالب منهار وعمال يبكي جدا جدا جدا .
سألت في اية يا جماعة حد زعله وسألته انتي يا بني حد زعلك في اي حاجة الامتحان في حاجة صعبة . رد وقال لا س انا عايز اجلس امام الطالب ده (( ........)) ؟!!! ليه يقوول كدة وخلاص المهم ان المكان الي عايز يجلس فيه امام الباب يعني مش هيخلي حد يدخل من الباب خالص نفهمه كده يقول خلاص مافيش يدخل اللجنة من الباب خالص لحد ما خلص |
يا ربنا .....
|
اقتباس:
|
من الطريف اننا اكتشفنا ان طالب بيكتب بطريقة قديمة تلرجع الي 500 سنة قبل الميلاد
الطالب دة لسة ماكتسفش النقط الي علي الحروف فهو كاتب كلمة يثبت من غير نقط خالص واي كلمة يكتبها من غير نقط الظاهر في مواهب قديمة عندنا عايزة بس الي يكتشفها:(:confused: |
اقتباس:
|
النهارده بقه حصلى موقف سخيف جدا........مش هاقولكم عليه
الحاجة التانية كنت احتياطى فى الفترة التانية قمت روحت البيت فى السريع استعدادا للعوده للتصحيح اصل مادتى كانت النهارده ..وبعدين بسرعة قررت اعزم المجموعة اللى بتصحح وطبعا لولو كانت مستنيانى عشان ترد تصحيحى معاها......وبعدين وانا داخلة المدرسة قابلتنى لولو....هيه هتعزمينى بقا زى ما عزمتك .....(كنت جبت 50جنيه معايا مش احنا بس اللى بنصحح فى ناس كمان).....لا لما تصححى الاول افرض عزمتك ومشيتى......... ماشى يا اميمة..... طيب عاملة حسابك......ايوه متقلقيش اهوه 50 جنيه .......حلو.......وبعدين طلعت الكنترول .....ايه الاخبار فين الورق وفين الاستاذ..... الجو كده النهارده مفيش تصحيح..... ليه؟...... الباشا ماصدرش الاوامر بخروج الورق لحد دلوقتى....... ماشى .... امشى ولا استنى؟........ اسالى ...... بعت بنت للاستاذ فوق فى الدور التانى......الابلة بتقولك هنصحح النهارده........لا يا ابلة بيقولك يوم السبت .......ماشى فرجت اروح بقا اكلم اصحابى فى منتدى المعلم المساعد واكل الفراخ بتاعة النهارده بنفس......لولو لسه معايا....طب والعزومة ....طيب حتى حاجة ساقعة......لا يا كتكوتة تصححى معايا الاول . |
نسيت اقولكم .....
عندنا المراقب اللى يطلع عنده غلطة فى مراجعة ارقام جلوس العيال يدفع5 جنيه تحت بند الشاى والسكر ......... كمان ....انتوا عارفين اننا مدرسة اعدادى وفيها بنات والبنات بقا فى الامتحانات تقولوا رايحين افراح البنت لفه 3 طرح ولبس ايه وكريم والله وهما لسه فى اولى وتانية اعدادى ففوجئت بالسيد ممسئول شئون الطلبة باللف فى اللجان والتشديد على البنات الحضور بالزى الرسمى للمدرسة (عجبتنى اوى الحركة دى) |
اقتباس:
ههههههههههههههههههههههه طيب كنتي اعزميها واحتسبي مش لازم تصحح يعني الله يكون في عون لولو |
اقتباس:
البنات هيعملوا ايه ؟؟؟كله من وسائل الأعلام الفاسده اتذكر أن يوم امتحاني في أي مرحلة كان بيبقى يوم عيد عندي كنت بروح الأمتحان علشان أفرغ كم المعلومات اللي مخزنها مخي طول السنة والله كانت أجمل الأيام |
اللى مخزنها فى مخك طول السنة ولا الشهر اللى قبل الامتحان؟ وخصوصا انك ازهرى
|
اقتباس:
احمد ربنا كمان انه مكتبش بطريقة براين |
| جميع الأوقات بتوقيت GMT +2. الساعة الآن 02:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.