|
اقتباس:
قولتلهم وهما عارفين انى مش موافقه وانى عمرى مافكرت فيه اصلا بس هعمل ايه خلاص كل حاجه اتحددت وانا فى وش المدفع وهمشيها خطوبه واضوف اللى هيحصل وربنا هو اعلم مننا باللى هيحصل وربنا يسهل الحال ويحلها من عنده يارب ان شاء الله |
شوفى يا بنتى /انا من نفس سن والدتك واقول لك عن تجربه خاصه واشهد الله على ما اقول
اولا اهلك عندهم حق كل الحق فى اختيارهم قد لاترين مالا يرون لقله خبرتك كنا مثلك وتعرضنا لمواقف اشد ابنتىالغاليهلاتاخذى الموضوع على انه زواج اقارب فقد ياخذك الغريب ولا يسمح لك حتى بزياره اهلك القريب ممكن تحكى له عما بك او اى مشكله تحدث داخل اسرتك لكنالغريب لايمكن ان يطلع على اسرار الاسره قد يحدث فى الاسره --لاقدر الله --مالا يصح ان تذكريه امامه اما الحب قبل الزواج فاكذوبه كبرىىىىىىىىىىىىىىىىىىىىى فقد جربناه لكن العشره هى الاهم ابنتى ان اختى فى نفس سنك وتقدم لها من يكبرها بعشر سنوات وجلست اقنع فيها 3شهور الى ماقبل الفرح بايام قلائل وتم الزواج ولديها من الابناء ولدا وبنتا وهى سعيده بفضل الله معهوتبكى اذا اصيب يوما بنزله برد تصورى مدى الحب بعد الزواج انفضى هذا الشخص الذى يعشش فى نفسك اقول فى نفسك وليس فى قلبك وحكمى عقلك مع قلبك وادعى الله عز وجل دائما يا مقلب القلوب ثبت قلبى على دينك |
بنات الجيل لا تخدعنكن قشور من مظاهر أو وسامة
وحاذرن المخادع من شباب يوهمك بخدعته إيهاماً ومن يبغيك ما يأبي لأخته ولا يدري حلالاً أو حراماً وكل علاقة في السر دوماً تؤدي للتحسر والندامة وإن تكن الضرورة في اختلاط فتلزمن الآداب والاحتشاما وحاذرن اختلاطاً في انعزال وحاذرن المقاهي والخياما فإن نضع الثقاب بجنب زيت فهل نرجو النجاة أو السلامة حياء البنت تاج من جلال يزينها فتبقي لها الكرامة فتي الأحلام شاب مستقيم نري الأخلاق يحملها وساما نقي القلب يخلص في المودة ولا يخفي الخداع أو الخصاما يغض الطرف عن كل البنات سوي من قد أراد بها التزاما ومن إن ترشديه لفرض ربه فلا ينسي الصلاة ولا الصياما ومن يأتي لبيتك في وضوح أمام الأهل يعطي لك الكرامة حلال الشرع يعلن بافتخار وما اشترط الخفاء يكن حرام منقول لك مخصوص من اخ اسمه احمد بلما |
انا عندي حل يمكن يبقي صعب عليكي انتي بتقولي انه محترم جدا يعني هيفهم حاولي تفهميه بعيد عن العيله انك مش مستعده للخطوبه ديه ومكروهه عليها وهو ككرامته كراجل مش هيرضي يتخطبلك غصب ومش هيقدر يجوزك في يوم من الايام غصب عنك وهو الي هينسحب وسعتها مش قدام عيلتك غير انها توافق جربي وردي عليا
|
اقتباس:
على فكرة كلامك أثر فيا جامد اوى لاننا للاسف عايشين فى مجتمع فاشل وحرية الانسان فيه ملهاش لازمة أنا حأقولك كلمة واحدة أوعى أوعى تعملى حاجة انتى مش راضية عنها خصوصا ان العلاقة دى حيتبنى عليها مستقبلك اصرخى فى وجه اى حد اصرخى فى وجه الدنيا كلها بس أوعى حد يسلب لا يسرق منك اختيارك حتى ولو كان أهلك انتى ممكن تخسرى اى حد فى الدنيا بس صدقينى انك تخسرى نفسك أصعب بكتييييييييييييييير أوى اختى حاولى تتصلى بالشخص ده وتشرحيله موقفك وربنا معاكى |
ربنا معاكى ولو ان الرد متأخر وربنا يوفقك يا رب
|
لا يخفى علينا ان الحلول موجودة ودي خطوبة يعني شوشو ++الشيطان ++ مبيحبش الظلم للبنات ولا الستات واي طريقة تنفع وفركش ياخطوبةمثلا اذا قلتياه انك مش عايزاه وصمم يرتبط بيك يتحمل اللي هيحصل له يعني
ياماما دا ماشي مع بنات يابابا دا مش محترم _بابا ليه _معلش مش هادر اقول يابابا ++ودمعتين ++ وخلي شوشو يشوف شغله |
وبصراحه طالما العيلة مكهربة وشوشو مظبطها مش هيحصل حاجه لو قلتي لا و نصيحة استبيعي واعملي اللي انتي عاوزاه
صحيح هتباني مش كويسه في الاول بس ااكد لك انك هيتظرب بيكي المثل في العيلة وبعدين ضربوا الاعور على عينه ++قال ماهي خربانه خربانه ++ مش هيموتوكي لو قلتي لا وان خفتي فالنصيحة الاولى سبقت في رد |
اقتباس:
مش هتحتاجي غير شكة دبوس |
هو موقف صعب انا معاكى بس ممكن فى فتره الخطوبه هو يحس انكو مش هتنفعو لبعض و المشكله تخلص
|
انا اقولك علي طريقة فعالة ومجربة
وافقي علي الخطوبة وشوفية عجبك كان بها معجبكيش حولي تكرهي فيكي تشوفي اية الاي بيديقة وتعملية واية اللي بيكرهو وحبية واختلفي معاة في الرائي دئما واشتغلي في دور رخامة وغلاسة بقسة بقي الطريقة دي مجربة ومضمونة جدا وربنا معاكي |
الموضوع موش محتاج حلال مشاكل ولا حاجه خالص الموضوع محتاج تفكير بعقل موش اكتر اهلك مصممين علي الجواز سبب عدم اقتناعك بالجوازه دي انه قريبك انا عاوزاك بقي تاخدي الموضوع من جانب تاني او بمعني اصح هاتي سبب للرفض مقنع اكتر اللي اتقدملك ده يا تري هو محترم ولا لأ اخلاقه كويسه ولا لأ فيه مواصفات احلام اي بنت ولا لأ والله كويس ومحترم ليه ترفضي عارفه انك هتقولي لو انتي مكاني هتوافقي هقولك اه هوافق عارفه ليه اولا اهلي مصممين علي الجواز ثانيا البنت ليها في الاخر بيت او جوازه بمعني اصح فانا الصراحه موش لاقيه سبب للرفض اه جايز فعلا سنك صغير لعلمك ممكن يكون هو دا السبب المقنع اللي هو السن الصغيره وممكن كمان تقولي انا عاوزه اختار لنفسي انا بفكر كده بس مادام مافيش قدامك غير انك تتجوزي خلاص يبقي نفكر بعقل وبحكمه والله محترم اتجوزه موش محترم مع الف سلامه بس بقي انا من رايي قبل دا كله تقعدي مع مامتك وتكلميها ف يالموضوع دا براحه وتقوليلها وجهه نظرك بالضبط وانتي موش موافقه ليه وقوليلها الاسباب دي انك صغيره وانك عاوزه تختاري بنفسك بس انا برضه من رايي لو هو كويس متضيعيهوش من ايدك جايز يكون خير ليكي والله اعلم وربنا يوفقك بص يانا قصدي من الكلام دا كله لو انتي مافيش قدامك غير انك تتجوزي يبقي تفكري بقي من المنطق دا انه هيبقي جوزك خلاص ولازم تشوفيه اذا كان كويس ولا لأ وتحبيه موش مثلا تكرهيه لانه طلب حلال صح ولا لأ بس انتي اقعدي مع مامتك او باباكي واتكلمي معاهم او حد مثلا من العيله مامتك او باباكي بيقتنع بكلامه مثلا واتكلمي معاه يا حبيبتي ومتشيليش جواكي قوي كده ماشي كلنا هنتجوز وهنقعد في بيوتنا حاولي انتي بس تكسبي اللي متقدملك لو مافيش قدامك غير انك تتجوزيه |
اقتباس:
|
انا معاكي في مشكلتك وحاسس بيها اكتر منك لاني لا افضل زواج الاقارب وبعدين الدين والشرع ما يقولش ان الزواج بالاكراه وبعدين زواج الاقارب اضراره اكثر من نفعه وعن تجارب حقيقة فعلا
الحل الوحيد انك تستخدمي اساليب المراة في التطفيش طالما انه لا يوجد احد يقف بجانبك في هذه العائله انتي قادره باذن الله على ان تجعليه يولي الادبار وخلي ثقتك بنفسك كبيره جدا وكما قال القران ان كيدهن عظيم عليكي بالمكر والدهاء هذا هو الحل الوحيد لاننا جميعا بعيدين عنك كل البعد فتحلي بالدهاء والصبر للوصول الى مرادك وانا متاكد من انك قادرة على فعل ذلك المهم الثقه بالنفس ولن يغلبك احد اجعليه يكره اليوم الذي فكر فيه بالارتباط بيك وسوف تنجين في هذا طالما انه لا يسمع لك احد من اهلك واتمنى لك التوفيق |
اقتباس:
|
اولا السلام عليكم ورحمة الله وبركاتة اختى فى الله انا هقولك على نصيحة اولا لا تشغلى نفسك بهذا الموضوع والدراسة طبعا ابدى بكثير نصحتى ليكى انك تصلى صلاة الاستخارة كل يوم قبل موعد الخطوبة المتفق علية وشوفى احساسك وادعلى الله ان يقدم لكى كل الخير ولو انكى مرتبط حقيقة بشخص اخر فسيبك منة لانة لو بجد محترم مكنشى هيبقل ان العلاقة تكون بينكم مستمرة بدون علم الاهل فيا اختى اهدى كدة واستغفري الله وادعو بان يقدم لكى الخير اما ولو لم تشعرى باى شىء بعد الاستخارة فدة عادى وتقبلى الوضع وتذكرى دائما انكى مستعينة بالله فى هذا الامر وتاكدى ان كل انسان بيتظلم فى الدنيا متصوريش مدى فرحته باخرتة ويتمنى بانة يعيش مظلوما طول حياته فى الدنيا واسال الله ان يزيدك من الهداية والتوفيق وتذكرى دائما بان الله قريب ومجيب الدعوات ولا تنسى ذكر الله |
| جميع الأوقات بتوقيت GMT +2. الساعة الآن 07:59 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.