|
اناموافقه على الفكره
فكره حلوه جدا وعجبانى اوى وان شاء الله تنجح |
انا عندي انفصال عن الفرد وبين ذاتة حاسس ان انا اتنين في بعض ومش مظبوط وجسمي بقا بايظ من كتر الحقن والادوية وبقول يارتني ماجيت ولا نزلت في الحياة دي ومضطرب نفسيا بس انا ماسك نفسي بالعافية بجد لاني خايف اخسر ديني مش معقول تبقي دنيا واخرة وكنت حاولت انتحر قبل كدة بس لحقوني
|
ليه طيب انت كده يا سري جدا ؟
يعني انت بتعمل ايه خلاك تحس بكده ؟ غير كده انت بتقول بتاخد حقن وادويه يعني في دكتور بتتعالج عنده صح؟ ممكن ترد عليا والحكايه مش مستاهله انك تفكر في الانتحار مهما كان دي مشكله زيها زي اي مشكله يا سري ليها حل بس حلها انت لسه معرفتهوش يا سري |
اقتباس:
|
تقول لبابا وماما ايه ؟
ومالهاش حل مالهاش حل مش بدايه الكلام ابدا مع بعض ماشي بمعني عاوزين بس نحل المشكله دي ببساطه خالص وقلتلك عادي بس انت ايه اللي خلاك تعمل كده الاول او يعني انت بتعمل ايه يا سري فاهمني قولي بتعمل ايه والدكتور قالك ايه بالظبط غير كده ماما وبابا هنبقي نحلها بعدين وانا قاعده مستنيه يا سري لما ترد عليا ماشي بس علي شرط متقولش مالهاش حل انت داخل تتكلم وتفضفض ونحل يعني ان شاء الله ليها حل متخافش قول يارب |
اقتباس:
هسألك شوية أسئلة كده يا ريت تجاوبنى عليها انت بتصلى ؟؟ أو بتقرا قرآن ؟؟ بتتعالج نفسياً ؟؟ هل انت كده من فترة كبيرة ؟؟ أد إيه بالظبط الفترة دى ؟؟ |
اقتباس:
|
اقتباس:
|
استني استني مش قصدي حاجه ما احنا هندخل جواك ونتكلم معاك وكل اللي انت عاوزه بس حاول انت تهدي واعتبر نفسك بتتكلم مع نفسك مش اكتر صدقني لو عملت كده هتلاقي نفسك بتتكلم وعادي خالص يا سري وانا هسمعك وان شاء الله صدقني هنحاول نحلها مع بعض طب جاوبنا علي اسئله اسيل كده هل بتصلي قريب من ربنا
وانت علي كده من امتي ؟ واحنا فاهمين انك تعبان يا سري بس لازم برضه تتكلم معانا عشان تطلع من اللي انت فيه اتمني اكون مضايقتكش |
اممممممممممم طب بص هقولك علي حاجه مامتك وباباك لو قلتلهم ايه اللي يحصل ؟
بص انا اختي دكتوره قالتلي لأ محتاج دكتور نفسي عشان الحاله متتطورش فمافيهاش حاجه لما تروح لدكتور نفسي بس يفضل ان مامتك وباباك يبقوا عارفين عشان هما ادري اكتر لو ينفع تقولهم بس بص هي قالتلي مؤقتا قالتلي لما تحس بانك مخنوق او خايفاو اللي بيحصلك ده حاول متقعدش لوحدك ابدا عشان متجيش فكره الانتحار دي تاني ده اولا غير كده قالتلي الطروف اللي خلتك كده فيها دي ؟ كانت في طروف او في وقت ايه كانت عندك مشاكل او حد زعلك ولا فتره ايه فاهمني ؟ |
يا ريت يا جماعة الحكاية دى تخلص ومحدش يتكلم تانى بالنسبة للأخ صاحب المشكلة يا ريت تروح لدكتور نفسانى ومتخصص مش أى دكتور نفسانى ولازم تقنع أهلك بكده فى دكاترة كويسين جداً ممكن تتابع معاهم لان حالتك فعلاً عايزة دكتور دكتور فتحى الشرقاوى مثلاً أو دكتور عادل مدنى أو تسأل على مراكز العلاج النفسى فى فى كلية الآداب جامعة عين شمس مركز محترم جداً وفيه دكاترة وأخصائيين على أعلى مستوى ممكن يفيدوك جداً و آسفة أنا مش بعملك إحباط ولا أى شىء بس أنا بكلمك بصراحة و ربنا يشفيك بإذن الله وحاول على قد ما تقدر تكون خاشع فى الصلاة وتقرأ قرآن كتير |
انتم كدة احبطوني اكثر
مفيش امل:frown: |
سلام عليكم:frown:
|
ليه يا بني مين اللي قالك كده انا قلت مافيهاش اي حاجه خالص خالص كمان عشان تبقي عارف انا والله بحاول معاك بس انت اللي تبطل يأس مش كده صح يا باشا فرفش كده وحاول وانت بتتكلم تاخد الموضوع عادي خالص او مش عادي خده وفضفض وبقولك اتكلم معايا زي كانك بتتكلم مع نفسك حاول كده مش اكتر حاول وشوف ماشي يا سري جرب التجربه عاديه جدا وجاوبني علي اللي قلتهولك
|
اقتباس:
صح بالرغم ان كل واحد ادرى بنفسه وانا بجد مقدرة انت حاسس باايه بس حاول تروح فعلا عند دكتور نفسي ومتاخدش اي ادوية وخلاص وياريت تسرع انك تروح عند الدكتور وبجد والله كان نفسي اساعدك بس مش عارفة اقول ايه ع العموم انا هحاول اسأل ناس تانية |
والله ابدا يا سري يا ريت يا سري لو دخلت بعضويتك العاديه تحاول تتكلم معانا خلاص يا سيدي انا قلتلك تفكر بس تروح لدكتور لكن مش قلت ضروري ضروري بس انت حاول اتكلم معانا وعارفه وحاسه بيك فعلا بس لو سمحت لو دخلت وشفت مشاركتي حاول تتكلم معايا ونشوف حل لمشكلتك ديه انا هستني ردك ولو عاوز حد معين يتكلم معاك اوكيه ممكن اجيبهولك يتكلم معاك انت لوحدك وبس اوكيه يا باشا مستنيه ردك ان شاء الله
|
بجد يا سري متزعلنيش بجد عاوزاك تتكلم معايا او مع اي حد بس براحه شويه وبهدوء ارجو يا سري انك تتكلم معانا تاني بعضويه سري يلا بقي يارب تكون شايفنا يلا بقي
|
لا إله إلا الله هو انا بقولك كده علشان أحبطك برده؟!! و الله أبداً بس أنا بدرس علم نفس و لما قلت انك بقالك 8 سنين كده فا ده خطر عليك والأخطر هى الادوية اللى بتاخدها عموماً لو انت عايز تكمل هنا مفيش أى مشاكل فضفض براحتك وإحنا هنسمعك جداً وهنهتم بمشكلتك وعن نفسى هحاول أخلى حد من الاخصائيين النفسيين فى المنتدى يدخلوا الموضوع ويتابعوا معاك بس أرجوك فكرة إنك تروح لدكتور نفسى دى مهمة جداً جداً وحاول تنفذها بأى شكل و ربنا يكرمك ويفك ضيقك وتعبك |
سوسو بيقولك 8 شهور يا حبيبتي غير كده انا ان شاء الله متاكده انه هيدخل ويكمل كلامه معانا
وان شاء الله هيلاقي حل ليها لاني كنت بشوف ناس برضه عندها الحكايه بتاعته ديه واختي برضه كانت بتحكيلي وقالتلي لو في البدايه يقدروا يلحقوها وهو عادي جدا دلوقتي قالتلي قالتلي يقدر يخلص من الحاله دي لانه في الاول خالص بس هو اللي يتجاوب معانا |
ارجو انك يا سري تدخل ونكمل مع بعض يا ريت يا سري ممكن لو سمحت وصدقني اعتبرني زي اختك وعادي خالص مش زي اختك لأ زي نفسك بالظبط وان شاء الله كل حاجه هتتحل بس بالهدوء يا سري
|
اقتباس:
اما حكاية الدكتور اعمل اية بس انا في ثانوية عامة اروح فين انا بقا للدكتور ومين هيرضي اصلا اعمل اية انا بقي |
انت في ثانوي عام
طب بص يا سري انت ايه اللي كان مضايقك في اول مره يعني ايه اللي خلاك اول مره تبقي متضايق وتعبان وحاسس باللي انت قلت عليه |
اقتباس:
معلش أنا شفتها سنين مش شهور غلطة مطبعية عموماً كلها شهرين وتخلص امتحانات المهم ركز فى المذاكرة دلوقتى وقرب من ربنا أكتر وحاول تقنع والدك وولدتك خلال الفترة دى بفكرة إن مش عيب العلاج النفسى أبداً و حاول تقنعهم إن لما تروح للدكتور وبإذن الله ربنا يشفيك أحسن بكتير من الادوية اللى عمال تاخدها و الحالة دى اللى انت فيها و آسفة لو كنت سببتلك إحباط ولا حاجة وإحنا هنا إخواتك لو عايز تتكلم هنسمعك للآخر وربنا يوفقكhttp://thanwya.com/vb/life/icons/icon7.gif |
اقتباس:
السلام عليكم ورحمة الله وبركاته في البداية واضح انك لجأت لدكتور نفسية وعصبية وبالتالي إداك أدوية مناسبة لحالتك او بتخفف من الأعراض لكن فيه حاجة بيستخدمها الدكتور النفساني من تقنياته يعني .. انه يقعد ويفهمك الأول مرضك واعراضه وأسبابه مرض الانفصام بيتنوع لكذا جانب ممكن تكون اختلال ثنائي ممكن يكون اختلال الأحاسيس المنفصمة ولكل ٍ أعراضه ولكل ٍ طرق علاجه .. انا مش دارس انا ممكن أكون باحث في مجال الأمراض النفسية والانحرفات الشخصية بشكل مناسب لكن لازم تلجأ لدكتور نفسي بيعالج علاج نفسي في البداية يعني تقعد وتحكيله علي كل مشاعرك وأفكارك وتخيلاتك اللي بتشوفها في الغالب وبتخلطها مع الواقع وبيبدأ من جانب دراسته للطب النفسي يربط أفكارك وأفعالك باختلالات ممكن تكون حصلت في الطفولة او جراء صدمه نفسية معينة حصلت في حياتك .. لذلك فأول شئ عليك فعله هو انك تُدرك مرضك كويس جداً .. لازم تفهم لغة مرضك عشان تبقي عارف هو ممكن يعمل ايه معاك او يتصرف معاك ازاي .. كمان بالنسبة للي عندهم نفس المرض بيبقي عندهم إنفعالات غير طبيعية وبرأيي الانفعال الغير طبيعي وخصوصاً الحاد بيكون نتيجة لطاقة زايدة في السم فبدل ما قيمة الفعل مثلا = 5 عن الإنسان الطبيعي بتبقي عن الإنسان المريض = 10 وده نتيجة لعدم وجود تفريغ دائم للطاقة .. ألجأ لدكتور يُدرك الطب النفسي بجانب الأدوية والعلاج الكيميائي وثق بالله ان ده خير ليك دوكتور مصطفي محمود - الله يشفيه - كان وهو صغير بيعاني مرض معين وكان يلزمه جراحه في مكان في جسمه وأثناء الجراحه اكتشفوا ورم خبيث في جسمه كان هي***ه بعض فترة من حياته واتكتبله عمر جديد انت كمان متعرفش يمكن يكون لمرضك ده أثر عظيم في حياتك زي ما كان له أثر عظيم في حياة الدكتور مصطفي محمود واطمئن أعرف حالات كتير كانت مريضة وبقت زي الفل دلوقتي وبيكتبوا مذكراتهم واللي كانوا بيحسوا بيه وبقي عندهم وعى مش ممكن تتصوره لان بعد ما بترجع لحالتك الطبيعية فعلا بتحس انك اكتسبت قدرة عالية دا علي فهم الواقع اللي حواليك ربنا يعينك يارب ويكرمك اتمني الإفادة |
ملحوظة والتماس من الإداريين : ياريت محدش يحاول يعرف مين اللي بالعضوية عشان ده يعتبر تتبع لعورات الناس وانا متأكد ان شاء الله ان محدش هيعمل كدا لكن حبيت التمس زيادة تأكيد
|
الله ينور عليك يا أحمد ربنا يكملك بعقلك بس بصراحة مافتكرش ان الادوية دى كويسة يمكن يكون علاجها مؤقت وبعد كده الحكاية بتزيد أكتر .. لما الأدوية تكون من ناحية دكتور نفسى أفضل بكتير المهم بس الأخ صاحب المشكلة إهتم بدراستك حالياً وحاول تقنع أهلك بفكرة إنك تروح لدكتور نفسى و ربنا يهدينا جميعاً |
اقتباس:
هو بياخد أدوية لوحده ؟! |
اقتباس:
مش مظبوط من كتر الحقن والادوية |
اقتباس:
هو قال الدكتور اللى راحله مش نفسى فا بالتالى العلاج اللى بياخده علاج جسمى و المرض أصله نفسى دا اللى عايزه أقوله .. غالباً الادوية هتكون مسكنات أو شبه ذلك عموماً أنا مش دكتورة ومش هفتى خلاص فى أى حاجة .. الدكتور أعلم بعلاجه وربنا يشفيه و يجعل شفاءه قريب بإذن الله |
اية دة هوة انا اخرج الصبح وارجع دلوقتى الاقى صفحة ونص ردود جديدة كل دة علشان عرفو انى مسكة حماية الموضوع !!! هههههههههههههههههه اة هقول حاجة لمها انتى يا مها محدش قال انك دكتورة ومحدش قال انك بتفتى انتى قسم علم نفس يعنى اكيد زى الدكتور النفسانى وانتى بتنصحى لوجة الله يعنى مش فتوة ولا حاجة فياريت تكملى الموضوع ومش تخرجى منة اة وبقول لكم اية بقى انا ماسك حماية الموضوع لو قلب خناقة يبقى انا مش هقبض من ايمان وبصراحة الميزانية مخلعة وانا مش هسمح بكدة انا قولت اهوة هههههههههههههههههههههههههه يلا كملو ومعلش يا اخ سرى والله مش قادر افيدك باى حاجة ان شاء الله ربنا يشفيك ويفك عنك يارب فى رعاية الله |
خايف اقابلة
|
اقتباس:
لو على الدكتور ماتخفش خالص كل شىء فى أوله صعب وأى دكتور نفسى بيراعى الناس اللى بتجيله و بيعرف بيتعامل معاهم كويس وهو الوحيد اللى هيقدر يفهمك و هيقدر يعالجك وترجع أحسن من الأول بمشيئة الله توكل على الله و إبدأ فى الكلام مع أهلك على موضوع الدكتور وحاول تقنعهم وإهتم بمذاكرتك اليومين دول وربنا يوفقك |
اقتباس:
|
اقتباس:
أى إنسان لما بيكون خايف من أى شىء لازم يقرب منه ويثبت لنفسه عكس كده .. قرب من ربنا أكتر دا ربنا غفور رحيم لما تقرب من ربنا مش هتحس بأى مشكلة و ده هيساعد كتير فى شفاءك بإذن الله الموضوع ده فيه مواقع كتير لدكاترة نفسيين ممكن تدخل تستشيرهم |
بص ياسري انا عاوزة اقولك خلاصة اللي هما قالوه اولا انت عندك مرض نفسي لازم تعالجه ومش ينفع تعالجه غير لما تروح عند دكتور نفسي انا رأي الشخصي انك ف ثانوية واحنا ف نص اربعة يبقى الوقت ده تشيل كل حاجة من دماغك متحطش ف دماغك غير الماكرة وبس حتى متروحش عند الدكتور غير ف الاجازة تلاقي نفسك تعبت شغل اي قناه قرآن واقعد اسمع واشغل نفسك بالمذاكرة صدقني هتنسى لما تحس انك اتزنقت وخلصت ده ولسه فاضلك ده مش هتحس بحاجة وحاول تشغل وقتك بالصلاة وكل ماتحش انك تعبان الجأ ربنا وهو بجد اللي هيساعدك ده لغاية الامتحانات وبعدها ممكن تحس انك مش محتاج لدكاترة وبالنسبة للادوية ياريت تبطل تاخد اي حاجة بردو لغاية الامتحانات خليك ع الشاي والقهوة والمذاكرة وجنبك قرآن شغال تقريبا هو ده افضل حل لغاية مالامتحانات ماتخلص |
اقتباس:
مش دي اللي قالها الولا قبل ما يموت ؟ :) ما علينا .. اللي عندنا ياسري انك لازم تروح للدكتور وهوا يشخصلك المرض لاني أحسب انك ممكن تكون بتبالغ من الخوف وبالتالي المبالغة هتنقلك لمرحلة من مرض نفسي تاني وهو الوسواس القهري علي ما اذكر او نوع من أنواعه ربنا يشفي كل مريض في رعاية الله وفعلا يامها عندك حق الألم النفسي والألم الجسدي مرتبطين بشكل كبير |
انا حاسس ان انا بصارع الامواج بس هحاول ربنا يعيني بس واخرج من اليأ س
دة لاني نفسي ابقي محمد بتاع زمان |
اقتباس:
|
|
اقتباس:
أنا مش عارفة ارد هنا ولا مش ينفع ياريت لو مش هينفع *المشرف على الموضوع*يحذف ردى محمد لو سمحت عاوزة اقولك على حاجتين لما انت حاولت تنتحر *متهيألى يأسك هو السبب فى ده* أستريحت؟ ولا حسيت انك هتتألم أكتر وانت عايش؟ تفتكر حياتك مش مهمة عشان توقفها وقت ما يعجبك؟ فكرت فى ردة فعل ده على اللى حواليك؟ مش ينفع تدخل حياة حد وتخرج منها بكل بساطة لانك ببساطة بقيت جزء من حياته صح؟ لو عرفت ان جزء منك ممكن يموت هتكون حالتك عاملة ازاى؟ انت شخصيتك شخصية مؤثرة يعنى مش ضعيفة*انا حاسة كدة من كلامك* ياترى انت أثرت فى ناس قد ايه؟ ياترى ردة فعلهم ايه لما انت حاولت تنتحر؟ تعرف باباك كان عامل ازاى لما كان بيلحقك؟ او مامتك؟ حسيت هما كانوا هيتجننوا عليك من الخوف ازاى؟ طب سمعتهم وهما بيدعوا ربنا يقومك *ليهم* بألف صحة وسلامة؟ حتى اصحابك متهيألى أن قلقهم عليك كان رهيب*حتى لو مش بينوا قدامك قد ايه هما بيحبوك انا اعرف حد حاول ينتحر صاحبه كان هيتجنن عليه دى او طريقة عبر بيها لصاحبه ربنا معاك يا هانى فكر فى ناس بتحبك بجد*كل اللى حواليك*وممكن تعمل المستحيل عشان يشفوك مبسوط*حتى لو مش بينوا كدة هما من جواهم مش هيقدروا يعبرولك بيحبوك قد ايه* كلم صاحبك الانتيم وقوله على اللى بيضايقك هتلاقيه بيحاول يساعدك باقصى قوته جرب اخرج من المود اللى انت فيه *حتى لو هتسافر نص يوم*عشان تكون خرجت من الجو اللى انت فيه ده والحمد لله انك مسلم وعارف لك رب وقت ما تحتاجه تلاقيه فى اى وقت واى مكان كيف تعرف من يحبك؟؟؟؟؟؟؟؟؟؟؟؟؟؟؟؟؟؟؟ غير المسلمين بينتحروا لانهم حاسين ان حياتهم مش ليها معنى الاسلام اعظم نعمة فى الكون مش يحس بيها الا اللى اتحرم منها حاول تستفاد من النعمة دى ربنا اقربلك من اصحابك واهلك ونفسك تعرف ربنا اقربلك من قلبك*ونحن أقرب اليه من حبل الوريد* جرب مرة تكلم ربنا هترتاح اوى اوى اوى حاول شوية هدوء مع نفسك وذاكر وجيب اعلى مجموع تقدر عليه وحقق اللى فى نفسك رغم اى حاجة ولو انت مش فاضى اجل الدكتور النفسي للاجازة ربنا يوفقك وأسفة لو كلامى هيسببلك اى حاجة اعتبره كان لم يكن أسفة أنى طولت بس كنت عاوزة اوصلك حاجة يارب تكون وصلت |
اقتباس:
|
حاسس ان انا في حلم نمت وصحيت لقيت نفسي واحد تانيhttp://www.elebda3.net/img/msn/gif/eLeBDa3_564.gif
|
اقتباس:
|
حاسس اني بظلمكم معايا خلاص مش متكلم تاني ان شاء الله اروح للدكتور بكرةhttp://www.elebda3.net/img/msn/gif/eLeBDa3_564.gif
|
اقتباس:
انت فعلا ممكن يكون عندك توهم المرض من كتر مانت حاطط الموضوع ف دماغك اقتباس:
بس ع فكرة احنا مش مدايقين وانت مش بتظلمنا احنا بكلامك ممكن تكون بتظلم نفسك انك بتكلم حد مش قادر يساعدك فتقريبا هتحس باليأس لو كنت خلصت كلام ممكن تسيب العضوية وابقى طمنا عيك لما ترجع من عند الدكتور ان شاء الله بس قولي مش امفروض انك مقولتش لاهلك ؟ولا حصل جديد؟ |
اقتباس:
انت كده كده مش قابض يامحمد سواء قلب او مقلبش انا بس بطمنك :d بس عارف لو مسكته اعلان يعني مثلا تغير القسم ولا تعرف الناس بيه بردو مش هتقبض :d |
دوكتر مرمورة قالتلى اوصل الرد ده بالنيابة عنها ... .. أنا عندي اقتراح .. .. ممكن تتفقوا مع أخصائي نفسي .. أو استشاري نفسي .. .. و يسجل عضوية .. .. و يحل ليكمـ المشاكل بإذن الله .. |
غريبة اوي الدنيا دي
لو حتي مت ولا حتي فرحت ولا زعلت ومش ماثرة فيها حاجة بس مش كان ذنبي والله ربنا وحدة عارف كدة كويس |
اقتباس:
|
اقتباس:
معلش اسف جدا ممكن اسال سؤال و تجاوبني عليه ليه خايف انك تقابل ربنا ؟ اسف جدا علي السؤال بس بجد محتاج اجابة ليه يعني مبتصليش ؟ اكيد كلنا خايفين طبعا من ربنا بس انت بتعمل اللي عليك اسف مرة تانية علي السؤال بس منتظر ردك و انا مش قصدي انك متخافش من ربنا و العياذ بالله ولا حاجة انا قصدي ليه الخوف من مقابلة ربنا هل مقصر في اداء الفروض ؟ في امان الله |
| جميع الأوقات بتوقيت GMT +2. الساعة الآن 09:05 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.