|
انا عندي مشكله بقى
انا على طووول كده محبطه و ماعنديش ثقه في نفسي خصوصاً في الفيزيا .. بجد بجد انا مش عارفه احل فيها حاجه حتى ابسط الحاجات مش عارفه .. و بقول انا لو جبت درجة النجاح يبقى كرم من ربنا و كتر خير الدنيا !! بجد بقيت بكره الايام اللي عندي فيها درس الفيزيا .. و ببقى عايزه اخلص من المذاكره بتاعتها باي شكل عشان كده ببدأ بيها بجد انا محبطه اوي يا استاذ طارق و حاسه انه مافيش امل السنه دي .. !! ربنا يستر |
ياريت حضرتك تساعدني حضرتك مش رديت غير علي سؤال واحد بس :( |
ياريت حد يعبرني :( |
انا الحمد لله تقريبا عمري ما قلقت من اي امتحان بس انا ما بحبش اقرا ورقة الامتحان قبل ما حل عشان بكون بحل في سؤال مثلا ووبفكر السؤال اللي جاي هاحلو ازاي فاحسن حاجه اني ما قراش الورقه احل وخلاص
|
اقتباس:
اقتباس:
اعتذر لانشغالي الشيد في الفتره السابقة وان شاء الله النهارد ه هرد على كل اسئلتك :078111rg3: |
ممكن حضرتك تقولي أتعامل إذاي مع مدرس بيح يشد أعصابي ويقلقني من الامتحان ويقولي مبقاش فاضل غير 150 يوم يعني 21 أسوع وبيقعد يضغطني في المذاكرة
مع العلم إني معنديش ثقة ي نفسي وعندي حالة قلق من بداية السنة شكرا |
اقتباس:
قاعده يجب ان تعلمها وتتعلمها ((( التفكير في ما لا نملك هو السبب في القلق اياً كان نوعه ))) الامتحان السابق من الاشياء التي لا نملك اي شيء فيها .. لذا ينبغي الا نفكر فيه نهائيا لا في حلي فيه ولا الدرجة المتوقعة ولا طريقة التصحيح ولا اي شيء يتعلق بهذا الامتحان السابق وبالتالي عندما لا نفكر في هذا الامتحان السابق فإننا لن نشعر بأي قلق يجب ان نترك ورقة الاسئله بعد نهاية الامتحان ولا ننظر اليها كما يجب ان لا نتناقش مع اي زميل او معلم في الامتحان السابق ... نهائياً. ويكفينا التوكل على الله سبحانه وتعالى وحسن الظن به عز وجل |
اقتباس:
تنمية دافع المذاكرة تكون بتدبر المميزات والمكاسب التي ستعود عليك من التعلم والنجاح و التفوق وكلما كان ذهنك حاضر دائما بهذه المكاسب كلما كانت الوافع تجاه المذاكره اقوى واكبر فعلى سبيل المثال حضر في ذهنك عند المذاكره اهداف مثل ( رضا الله عز وجل - رضا الوالد و رضا الام وساعدتهما بنجاحك وتفوقك - مكانتك وسط زملائك ........................الخ ) |
بليز يا مستر فرصة إن حضرتك أون لين ممكن تجاوبنا علي بقيت الاسئلة وجزاك الله كل خير
|
اقتباس:
قلق من اول السنه .. وعدم ثقه بالنفس .. انت طالب في سنه كام ؟؟؟ يعني كام مرة دخلت امتحان وكام مرة نجحت فيها ؟؟؟ وكنت بتذاكر فترة قد ايه ؟؟؟ اسأل نفسك وجاوب على الاسئله دي هتجد نفسك نجحت كتير وعديت عقبات الامتحان كتير ويمكن تكون تفوقت اكثر من مرة وفي اكثر من ماده ... كل ده هيديلك ثقه بنفسك الخبرات السابقة في النجاح لازم استفاد منها يعني معقول نجحت السنين كلها وهتسقط دلوقتي !!!! وبعدين 150 يوم دي فترة ممكن تبقى فيها من الاوائل اذا ما اخذت العهد وشددت من ازر نفسك وعقدت العزم على بذل الجهد ولم تتراجع عن ذلك .. فسوف تكون بإذن الله من المتفوقين . |
جزاكم الله خيرا :) |
مرسيي كتير ليك
نصايح مهمة فعلا طب لو سمحت لو انا بكون عاديه جدا واول ما اختلط باصحابى قلقهم وتوترهم بينتقل ليا وانا اللى بتوتر واتعصب هل ممكن اتخلص من التوتر ده؟ |
اقتباس:
و جزاك وزياده :078111rg3: |
اقتباس:
لازم يكون ليكي شخصيه مستقلة بمعنى يكون عندك القدرة على قبول او رفض ما حولك وده هيكون لما تثقي في نفسك اكتر وايضا بالقراءة والاطلاع والتعلم من خبراتك السابقة وخبرات الاخرين مع الاحتفاظ الدائم بسيطرة عقلك على كل قرار ليكي او انفعال بمعنى اي شيء لازم تفكري فيه اولا ومش لازم يكون تفكير طويل المهم انه يكون تفكير بهدوء وبعيد عن الانفعال . |
انا كمان الصراحه كنت بعانى من القلق الشديد جداااااااااااا وتوتر ليله الامتحان واللهى محدش هيصدقنى انى مكنتش بعرف انام قبل امتحان الثانويه العامه واللهى يا جماعه السنه دى لما كنت فى 3 ثانوى الامتحان الوحيد اللى عرفت انام قبله امتحان الانجلش نمت الساعه 4 الفجر وعلى غير العاده عرفت انام معرفش ازاي لكن باقى الامتحانات عنيه مشافتش النوم حتى قبل الامتحان الفيزياء ده بالذات كنت بموت بمعنى الكلمه وكان نهايه الكون كنت حاسه انى مش هعرف احل حاجه مش هفتكر حاجه من اللى ذاكرتها وعياط وكنت خلاص بس طبعا ده كله غلط وكان تاثيره عليا بالسلب امتحان الفيزياء نيلت الدنيا على الاخر وغلطت فى غلطات ميغلطش فيها مبتدئ وحليت الاسئله الصعبه وغلطت فى السهل اللى انا عارفاه ومذاكراه كويس من السرعه طبعا والقلق الواحد ممكن القلم يغلط فلازم المراجعه يارب كل طلبه الثانويه العامه تتخلص من القلق وتنام ليله الامتحان كويس وتبقى واثقه فى نفسها لان دى مفاتيح النجاح صدقونى انا لولا الحاله اللى جاتلى قبل امتحات الفيزياء والعياط وعدم النوم وانى قدرت البلا قبل وقوعه واللهى كان زمانى قفلت الفيزياء مش هقول لكوا انى ندمانه لان ده نصيب وقدر الله وما شاء فعل
|
| جميع الأوقات بتوقيت GMT +2. الساعة الآن 03:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.