ياربي

بجد انت انسان محترم جدا ومهذب وقدو طيبه

اما بالنسبه للموضوع

فمش بس انجلترا ومش بس الانجليز هما اليل واخدين عننا فكره وحشه

اعتقد ان الغرب كلو واخد الفكره دي عن العرب كلهم مش مصر بس

بس صدقني الواحد مش عارف السبب ايه السبب مكن يكون

فينا ولا فيهم والله ما اعرف

ودمتم ايها الشخص المحترم

لا حول و لا قوة إلا بالله
الحقيقة المحادثة دي فيها حاجات كتير تؤكد ان الناس دول مش عايشين في الدنيا و ميعرفوش
غير ان المسلمين بيحبوا القتل و ان الاسلام دين ارهاب ميعرفوش ان ( من قتل نفسا بغير نفس او فساد في الارض فكأنما قتل الناس جميعا ) .
و كمان اغرب حاجة موضوع اننا بنروح المساجد بالقنابل ده .
لا إله إلا الله و هما لا راحوا العراق و لا افغانستان و لا قتلوا حد
المشكلة ان حكوماتهم و اعلامهم بيضحكوا عليهم و هما بيصدقوا ربنا يهديهم

عايز أقولك حاجه
الإعلام بتاعهم مسيطر عليهم بغباء و الأمثله كتيييييييير خالص
و الإعلام مش بس التليفزيون لأ و ألعاب الكمبيوتر كمان
الأمثله بقي :
1- لعبه إسمها generals بيكون فيها مؤثرات صوتيه زي لما تخلي جندي يروح ماكن بيقول كلمه معينه و لما تخليه يضرب مبني بيقول كلمه تاني و هكذا و الكلمات دي بتختلف حسب الدوله و طبيعة الأمر
عندك مثلا ً الجندي العربي لما توديه مكان بيقول عباره معناها " أنت متأكد أن المكان ده أمان" يعني العرب جبنا
الجندي الأمريكي بقي لما تقوله إضرب جندي بيقول " إرفع إيدك " شفت الحنيه ؟؟؟؟؟؟؟؟؟
و ف نفس اللعبه الجيش العربي زي ما فيه دبابات و جنود فيه إرهابيين ناس بتفجر نفسها و إسمه ف اللعبه كده
و القاسم المشترك الأكبر لكل اللعب الحربيه اللي أنا لعبتها و يكون فيها جيوش عربيه هي أن الجندي العربي بيكون مختفي إلا إذا كان بيضرب عليك نار يعني عايزين يفهموهم أن لولا أن العرب بيستخبوا كويس ما كانوش كسبو

سيبك م اللعب و الكلام الفاضي فاكر ساعت حرب لبنان ( أو بمعني أصح حزب الله ) مع إسرائيل ؟؟؟؟؟؟؟؟
أنا كنت ساعات باجيب قناة أجنبيه بتاعت أخبار ( و الله مش فاكر إسمها حاليا ً ) جايبلك قال لبنان أشجار و بيوت و حاجات تمام !!!!
أمال اللي إحنا بنشوفه ده إيه ؟؟؟؟؟؟؟؟؟؟؟؟
و أنا فاكر أن قناة الجزيرة إستضافت واحد مسئول عن قناه إخباريه أجنبيه و سألوه ليه مش بيعرضو الحاجات دي
قالهم علشان ما نجرحش شعور اللي بيتفرجو من بشاعة المناظر

رأيي م الآخر أنك مش هاتقدر بمحادثه واحده تمحي كل القيم اللي إعلامهم بيزرعها فيهم
و كمان أنا ملاحظ حاجه
أن موضوعك ده مش أول مره يتعمل و كل واحد لما كان بيكتب المحادثه بيكون في موقف الدفاع و الأجنبي دايما ً بيكون ف موقف الهجوم !!!!!!!!
يعني ف رأيي لو كانت قالت العرب بيحبوا القتل و أنت قلت ما الأمريكان دخلوا العراق علشان يطلعوا أسلحة دمار و ما لقيوش و ما طلعوش م العراق و بيقتلوا العرب كل يوم أظن أن الوضع كان هايختلف

و أخيرا ً شكرا ً ليك طرحك للموضوع الحيوي ده