|
اقتباس:
انت هتضربنى اعمل ايه يعنى مخى على قدى شويتين :( يعنى مادة الميكانيكا ينفع عادى انى ادرسها ولا هتبقى غلسة (انا مش بحب الرياضة) :D هى ايه الاسماء الغريبة اللى فوق دى؟ :confused: |
اقتباس:
|
و الله اللى شايف الميكانيكا سهلة يبقى عبقرى رياضيات لانك لو مخدتش الاساسيات عمرك ما هتفهمها لان فيها قاونين نيوتن و الدفع و السرعة الى اخره و انا فى جامعة جنوب الوادى ما اعطونيش ورقة لانى علمى رياضة اكرر رياضة هل تسمعنى اما الورقة دى لعلمى علوم لان استحالة هيخروا الرياضة بين البيولوجى و الفيزيا لانهم ما اخدوش احياء و ملهمش حق فى اقسام الحيوان و النبات اما العلمى علوم له حق فى الاختيار بين البيولوجى و الفيزيا لانه درس الاتنين.
|
ممكن أعرف أنا صح ولاغلط
:confused:ممكن ياجماعة لو سمحتم حد يقولي ايه الفرق بين كيميا اسبيشيال وكيميا حيوية وانهي فيهم للي كانو رياضة2 وبعدين كنت عاوزة آخد رأيكم في حاجة أنا كان جالي تجارة وكنت هدخل انجلش بس في التحويل أصريت أحول علوم هل ده صح ولا غلط وكلهم في البيت كانو رافضين مبدأ العلوم للبنت علشان متعبة بس أنا بحب الكيمياء وده سبب اصراري
|
اقتباس:
كيمياء سبيشيال تقريبا لعلمي علوم وعلمي رياضه بس مش متأكد....بس بالنسبالك ادامك اقسام جميله زي كيمياء جيولوجيا، وبعدين مهما كان يعني:( كليتنا حلوه وجميله واقسامها كتيره..كيمياء جيولوجيا...رياضه حاسب...والفيزيا خطيررررررررررره).:D:D:D:D |
اقتباس:
ما انا بقول انا كنت علمى علوم ومبحبش الرياضة (رياضة1 ماشى انما 2 لاء) والحاجات اللى انت قلت عليها اخدناها فى الفيزيا يعنى اعتقد انها مش هتكون صعبة وكمان كان فى واحدة جنبى وانا بكتب بتقولى تكتب هى ازاى علشان انا كتبت قبلها وكانت علمى رياضة ونفس الورقة اللى انا اخدتها هى اخدتها وكل الطلبة نفس النظام انا باين عليا هحول (تجارة) :D بجد انا حاسة انها اتعقدت |
تجاره ايه بس صلي علي النبي...اوعك تعمليها....دي كليه الشعب بجد...( يارب محدش من تجاره يدخل). يابنتي علوم سهله ....متسمعيش اراء من حد مدخلش علوم وجرب موادها ...وعاش فيها علي الاقل سنه....وزي ماقولتلك واللي هنعيده مش هنزيد فيه....قولتلك سهله ولذيذه جدا
|
اقتباس:
استرها يارب هى مجازفة واظاهر انى هختار فيزيا تلات تربع اللى داخلين علوم داخلين (بيولوجى) اخلينى انا تبع الربع الوحيد واختار فيزيا وخلاص مش عارفة :confused: |
بصي هقولك علي قسمين واسمعيها مني كلمه وهتفهميها بعدين.....سيبك من فيزيا...وخليكي في كيمياء حيويه او كيمياء ميكرو ...كلمه من اخ كبير..........ولو انتي بتحبي الفيزيا للدرجادي....يبقي ادخلي بقي يااما كيمياء فيزياء ....يااما فيزياء نووي
|
اقتباس:
يعنى فى اول سنة اكتب تخصص ايه؟ هما ما ادونيش غير تلات اقسام تقريبا بيولوجى فيزيا جيولوجى ومش عارفة معناه القسم الباقى علوم الارض حاجة زى كده مش فاكرة :confused: |
اكتبي بيولوجي ......وعلي ضمانتي ياستي .....واراهن انك هتيجي في يوم تشكريني....وانا مش بخسر رهان بسهوله علي فكره...مش غرور...بس ثقه بالنفس
|
اقتباس:
ما انا كاتبة بيولوجى اصلا بس محتارة فى التحويل ربنا يستر وبجد شكرا جدا على تعبك واهتمامك بالموضوع بجد شكرا جدااا :) |
ولو كدا ان شاء الله اي ملزمه في اي ماده عايزاها هنزلها pdf .ولو مش عارفه طريقه المذاكره ان شاء ربنا اما تدخلي القسم وتثبتي فيه هبقي احط موضوع هنا بردو علي المنتدي في كيفيه المذاكره وازاي تجيبي اعلي التقديرات بأسهل الطرق ...وبالنسبه لملزمات العملي ثابته في كل كليات العلوم في كل الجامعات وعندي كلها وهبقي انزلها ان شاء الله قريب في بدايه السنه الدراسيه......وربنا يوفقك ياترافل في علوم
|
اقتباس:
شكرا جداااا بجد يا اسلام وانا هحاول انى ادخل فى الدراسة باذن الله شكرا مرة تانية :) |
يا tranvel كلية علوم جميلة جداا ومتحوليش منها وادخلى القسم اللى بتحبى دراسته يمكن تبقى معيده فيه وربنا يفتحها عليكى
وملكيش دعوة بكلام الناس لان الناس بتقول على كل حاجة صعبة وبالنسبة للانجلش متقلقيش ولا تاخدى كورسات ولا حاجة الدكاترة عارفين النظام و هيدربوكى على المصطلحات فى اول سنة وبعد كده التخصص والدراسة كلها هتبقى انجلش بعد سنة اولى بس هتبقى مدربة عليها متقلقيش الكلام ده قالوه لى فى الكليه بعد التقديم انا داخل اولى علوم عين شمس |
| جميع الأوقات بتوقيت GMT +2. الساعة الآن 11:43 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.