بوابة الثانوية العامة المصرية - نرجو توضيح قانون الخدمة المدنية

بوابة الثانوية العامة المصرية (https://www.thanwya.com/vb/index.php)

- أخبار التعليم المصـري (https://www.thanwya.com/vb/forumdisplay.php?f=341)

- - نرجو توضيح قانون الخدمة المدنية (https://www.thanwya.com/vb/showthread.php?t=639113)

اقتباس:

المشاركة الأصلية كتبت بواسطة مكرم هانى نافع (المشاركة 6140994)

شرح مبسط للقانون

يجمع الاساسى + العلاوات الغير مضمومة + العلاوة الاجتماعية + علاوة عيد العمال = الاجر الوظيفى

جميع الحوافز او الكادر من اعتماد وخلافة = الاجر المكمل

يتم بعد ذلك احتساب نسبة الاجر المكمل من الاجر الوظيفى ليتم حسابه على هذا الاساس كل عام مثال الاجر الوظيفى 1000 والاجر المكمل 500 فتكون نسبة الاجر المكمل هو 50 % من الاجر الوظيفى تحسب كل عام على انها 50 %

والشئ الثانى هو زيادة الاجر الوظيفى بنسبة 5 % كل عام

والشئ الثالث زيادة الاجر الوظيفى 2،5 % عند الترقية من مستوى وظيفى للاعلى منه من ال 10 مستويات

الشئ الرابع يتم زيادة الاجر الوظيفى 2،5 % كعلاوة تشجيعية بنسبة 10 % من الموظفين كل عام

بالنسبة للمعاش ممكن تخرج معاش وانت على سن 55 سنة بنفس مميزات 60 سنة

وغير ذلك

اتمنى اكون فهمتك بعض الشئ عن القانون

حضرتك بتقول
يجمع الاساسى + العلاوات الغير مضمومة + العلاوة الاجتماعية + علاوة عيد العمال = الاجر الوظيفى

الكلام ده مش مضبوط ..انا جمعت الاساسى + العلاوات الغير مضمومة + العلاوة الاجتماعية + علاوة عيد العمال
وطلعو اقل بكتير من الاجر الوظيفى اللى موجود فى الجدول

لحد دلوقتى كل الكلام تكهنات ..الى ان تنزل اللائحة التنفيذية للقانون ..مع احترامى للجميع

اقرا الماده 71 كويس بتقول تحويل النسب المئويه لفئات ماليه مقطوعه

يا باشا دا الخازوق الجديد الذي تعده الحكومة للموظفين جميعاً للحد من الزيادة السنوية في المرتبات
والدليل على ذلك إنه هيخلي الأجر الثابت بنسبة 80% والأجر المتغير بنسبة 20%
والأجر المتغير دا هو اللي كان بيزودك كل سنة
لكن حسب المادة 71 من الخازوق الجديد
تحول النسب المئوية إلى فئات مقطوعة يعني ثابتة لا تزيد( كادر أول ، وكادر ثان ، وحافز أداء )
دول كلهم هيبقو زي علاوة الأعباء الوظيفية الأخيرة ثابتة كل واحد حسب الدرجة
علشان بس الأخ اللي بيقول هتتحسب نسب مئوية من الأجر الوظيفي
مثال أنا على الدرجة الثانية الأجر الوظيفي في الجدول الجديد 1035
وأنا باخد كادر مرحلة ثانية125% يعني كده أنا هاخد كادر مرحلة ثانية فقط 1293.75
ودا طبعاً مستحيييييييييييييييييييييييييييييييييييييييييييييي ييييييييييييييييييييييييل

القانون ضربة للمعلمين . المتغير سوف يحول من نسبة الى مبالغ ثابتة لا تزيد سنويا اى فئات مقطوعة مثل الاعباء الوظفية والحد الادنى

القانون كويس جداا لانه رفع الاساسى وعالج مشكله المعاشات

اقتباس:

المشاركة الأصلية كتبت بواسطة teacher120 (المشاركة 6147338)

القانون كويس جداا لانه رفع الاساسى وعالج مشكله المعاشات

إذا كانت الحوافز لا تحسب سنويا كنسبة من الأساسي ، فلا فائدة من أساسى كبير بالنسبة للمرتب ، و أما بالنسة للمعاش فسوف يصدر قانون جديد للمعاشات ، فلا نعرف هل هناك إستفادة من الأساسي الجديد من عدمه إلا حين صدور هذا القانون .
و لكن أين رأى المعلمين ، و أين المشاركة المجتمعية لإصدار قانون يتعلق بملايين المصريين ؟