احنا مرتباتنا الحالية اعلى من الموضحة فى الجدول ، يعنى كدة هننزل و لا دا هيكون الاجر الاساسى بس و لا ايه بالظبط ؟

مش فاهمة حاجة يعنى دى مرتبات اساسية ولا بالحوافز ودى للمعلمين ولا الموظفين

هذا الجدول لتوضيح الاجر الأساسى الذى يعمم على جميع الجهات تبعا لما هو مذكور اى نسبة 80 %
اما 20% الباقية فهى لم تضف لانها تختلف تبعا لتوصيف الجهات المختلف لكن بمجمل لا يتعدى 20% من الاجر الاساسى
الخلاصة هذا جدول الاجر الاساسى الجديد وسيضاف عليه 20% من اساى كل درجة حافز متغير

والله مش عاوزين نستعجل الحكم على القانون لغاية دلوقتى ما حدش فاهم موضوع الاجور الجديدة هيبان فى اللا ئحة النتفيذية اللى هيصدرها رئيس الوزراء خلال 3 شهور حسب نص القانون

يعنى الكادر هايفضل ولا هايتلغى ؟

استر يا رب
 

انا مش فاهم اى حاجة من جداول الاجور لو حد فاهم يفهمنا

تقريبا بما ان المدرسين بيخضعوا لقانون الكادر فمش هيخضعوا للقانون ده وممكن يكون للناس اللي مش بتاخد كادر في وظائفها... وده اجتهاد مني مش اكتر

زهقنا كلام نفسنا فى ارض الواقع

المادة (71)
يستمر العمل بالأحكام والقواعد الخاصة بتحديد المخصصات المالية للعاملين بالوظائف والجهات الصادر بتنظيم مخصصاتهم قوانين ولوائح خاصة طبقا لجدول الأجور المقرر بها.
ويستمر صرف الحوافز والمكافآت والجهود غير العادية والأعمال الإضافية، والبدلات وكافة المزايا النقدية والعينية وغيرها بخلاف المزايا التأمينية التي يحصل عليها الموظف، بذات القواعد والشروط المقررة قبل العمل بأحكام هذا القانون بعد تحويلها من نسب مئوية مرتبطة بالأجر الوظيفي إلي فئات مالية مقطوعة في 30/6/2015.
المادة دى معناها توقف احتساب باقى بنود الراتب من كادر ومكافأة امتحانات وحوافز على الاساسى بمعنى اننا فعلا مرتباتنا هاتقل لانها ستصبح مبالغ ثابتة لا تتحرك بتغير الاساسى