الف شكر على الإجابة ... ينفع اكتب الفرق بين رقم 2 و رقم 1 في رسمة الفالق
أن رقم 2 صخور حائط علوي ورقم 1 صخور حائط سفلي
لو ركزت كويس فى السؤال هو مش عايز بيانات هو سائل كيف تكون رقم 3 وماالفرق بين رقم 1و2

شكرا د/أمجد
 

هذا واجبنا نحو أبنائنا .... وهذا شرف لى أن أكون مع حضرتك يادكتور أمجد فى هذا المنتدى المتميز لخدمة أبنائنا ....... والله ولى التوفيق

انا سمعت ان الاهم ان شاء الله الرسمة الاخيرة من 3 للكثبان الرملية


والرسمة الوسطى ايه اهميتها ؟؟

ولا علشان كتاب الوزارة عاملها كدة


ولو هذه الرسمة تفرق بين طالب يقفل ام لا يمكن المدرسين يكونوا فى مصلحة الطالب ام لازما ينقصوه علشان ميقفلش :(

فى سؤال علل المبيدات الفطرية فى البيئة الزراعية كتبت اولا الجزئية الموجودة فى التلوث الفصل الثانى وبعديها نقطتين من الاجابة الموجودة
لما نشوف عليها كام درجة وهى غالباً عليها درجة وإن شاء الله تعدى

استاد احمد بعد ادنك اجابتين في الفالق ينفع

انا فى امتحان وجولوجيا كتب اكتر من اتنين فى صخورالبترول فيهم صح ممكن يتحسب على صح ويحذف الياقى
ده يتوقف على ظروف التصحيح وما يتم الإتفاق عليه مع مستشار المادة ..... وبالتوفيق إن شاء الله

شكرا استاذ احمد كله عندي صح الحمد لله وحليت الخمس اسئلة بس للاسف فيه السوال بتاع الكوارتز ما شفتوش خالص غير دلوقتي و فيه حاجة في السوال بتاع انتشار و تنوع النباتات البحرية انا كتبتله بسبب الضوء قوي حتي 200 متر و يقل حتي 500 متر وينعدم بعد ذلك و بالتالي النباتات بتنتشر لان الضوء عامل مهم في عملية البناء الضوئي و حاجة تانية هو بيقول الاسباب التي ادت الي حركة الطبقات السطحية لمياه البحار من مكان لاخر يبقي ليه كل العوامل مش المفروض تبقي تغير كثافة الماء و اختلاف درجة ملوحة الماء ارجوك رد عليا

استفسار ارجو الرد فى رسمة الفالق الاسهم فى رقم 3 مش رايحة على صخور الحائط العلوى والسفلى عشان اقول انه فالق عادى لو ركزنا شوية هنلاقى ان جميع الاسهم رايحة على الفواصل بين الصخور اللى هى الفالق وبالتالى انا عملتها ينشأ من حدوث كسر فى صخور القشرة الارضية ثم حدوث ازاحة ...............ثم كملت شرح وقلت لو كان المقصود من الرقم هو الفالق العادى فينشأ عن الشد .....وبعدين قولت كل انواع الفوالق وسبب النشأة ................. بالله عليك كدة هنقص ولا ايه ارجو الرد السريع

بتاعة الضوء صح
والمفروض كنت كتبت بالاضافة للكثافة والملوحة التيارات البحرية والمد والجزر والتيارات الهوائية والأمواج .. وإن شاء الله تتحسبلك صح ماتقلقش وربنا يوفقك

إن شاء الله صح ومش حتنقص لأنك كاتب كل حاجة

استفسار ثان : فى سؤال تحول الصخور النارية والرسوبية الى متحولة ................. انا عملتعها لارتفاع درجات الحرارة الى درجة كبيرة جدا والضغط المتزايد الواقع على الصخور ومكتبتش لاعادة توازن الصخر مع الظروف الجديدة كده انقص ولا لأ

شكراااااااا كتيرررر جدا لك يا استاذ احمد فعلا انت مدرس عظيم

ارجو الرد من حضرتك بالله عليك على
استفسار ثان : فى سؤال تحول الصخور النارية والرسوبية الى متحولة ................. انا عملتعها لارتفاع درجات الحرارة الى درجة كبيرة جدا والضغط المتزايد الواقع على الصخور ومكتبتش لاعادة توازن الصخر مع الظروف الجديدة كده انقص ولا لأ

استاذ احمد انا من السرعة كتبت فالق حوضى بدل من خسفى او خندقى لكن الباقى صح

طب ليه ميبقاش 3 فالق خسفي