ان الكادر هذا لن ولم يحل مشكلة التعليم فى مصر
لعدة اسباب منها على سبيل المثال لا الحصر
1-فرض نسبة نجاح معينة لا تقل عن 50%
2-الغش فى الامتحانات سواء الغش المباشر او برفع النتيجة
و اتحدى وزارة التربية و التعليم ان تكون نسبة التعليم الحقيقة
من 5% الى 20% على اقصى تقدير
3- المدرس مشغول كيف يدبر نفقات اسرته فى ظل الجنون فى الاسعار
و ذلك بالبحث عن مصدر دخل اخر قد يكون الدروس الخصوصية و الحقيقة انهم قلة
او عمل اخر
4-ضياع مهابة المعلم يسطيع اى تلميذ ان يعمل تقرير طبى لاى معلم و يضعه فى الحجز بالباطل او الصدق

باذن اللة انا هكون اول الحاضريين

تمام انا اتفق معك استاذ في عقد الدورات التدريبيه المستمره والمتواصله لانها اعتقد تعطي خبره افضل واحسن من الاختباررات ايه الفايده اني اذاكر شويه كلام واروح احطه وكلنا عارفين طبعا ان التدريس بيكون شق كله عملي وليس نظر ي

طيب سؤال ( لما تيجي كمدرس تشوف مستوي طالب هل تكتفي فقط بامتحانه) ؟

ما يمكن الطالب حافظ ولما يجي يشتغل العملي نلاقيه مالوش فيه خالص واحنا كمدرسين لازم نطالب الوزاره بتوفير المعامل والقاعات وحجرات مناهل المعرفه ياجماعه الدول العربيه كلها تخطيتنا بعد ما كانوا بياخدوا من معلمي مصر ، احنا الان اللي بنتعلم منهم ،،



وعلي فكره انا حاصل علي الماجستير في المناهج وطرق التدريس ولكن فين الادوات والمعيينات التي تساعدني في طرق التدريس التي استخدمها ، هاتقولوا ما انا اوفرها انا تمام ، طيب انا لو وفرت لحصه واتنين وتلاته الي متي سوف اقوم انا كمعلم بكل شئ وده طبعا هايمثل عبئ كبير علي ، اذن لازم هايكون فيه دور كبير علي الوزاره وعلي نقابه المعلمين

معاكمممممممممممممممممممممممممممممممممممممممممممممم م
بكل ما قدرني ربنا عليه
بلاش اختلاف
ولنكن متفكين ماشي يا اساتذه
يوجد بعض الاستطلاعات الهامه يجب التصويت عليها اولا للم الشمل لا للتفريق والاختلاف
هيا بنا للتصوييت

على فكرة احنا مش ضد التدربيات والامتحانات والدليل على كده اننا اول ما اتيحت لنا الفرصة لاختبارات شهادة الرخصة الدولية لقيادة الكمبيوتر جرينا وحصلنا على تلك الرخصة لكن ان الامتحانات تكون شرط لزيادة المرتب فهذا شئ فيه كثير من الاهانه لنا كمعلمين وعلى فكرة الموضوع ده غير مدروس وغير واضح الرؤية فأنا مسئول الحكومة الالكترونية بأحد المدارس الثانوية وعندما سألنى كثير من المدرسين عن بعض الاستفسارات لجأت الى قسم الاحصاء لأعرف الاجابة فتأكدت انهم مثلى ليس لديهم معلومات عن اى شئ فأتصلت بالارقام الموجودة بموقع الاكاديمية ( الخط الساخن ) يعنى المفروض انهم مؤهلين للرد على اى استفسار وجدت ان كل واحد يسمع سؤالى يقولى طب ثوانى ثم يتركنى لغيره لأعيد عليه نفس السؤال وحتى لا أطيل عليكم بعد ما سلمونى لبعضهم حوالى ( اربعة خمسة ) وبعد ما بدأت اتعصب عليهم قالولى عذرا احنا ما نعرفش حاجة وطبعا وكالعادة لم اجد رداً لاسئلتى وبعدين تابعوا موقع الكادر وتابعوا استماراتكم هتلاقوا كل شوية فيها تغيير وفيها تخبط مرة قالوا التسكين على سنوات الخبرة وبعدين رجعوا قالوا عن طريق الدرجة مرة نزلوا الامتحانات ومرة شالوها ويقولوا منزيلين 190 سؤال تفتح تلاقى الاسئلة من 4 - 11 سؤال يعنى بيقولوا للرأى العام احنا عملنا اللى علينا ونزلنا لهم كم من الاسئلة لكن مافيش فايدة فيهم مش نافعين وعلى فكرة من الطرائف لما لقيت الاسئلة اترفعت من موقع الاكاديمية اتصلت بالخط الساخن بتاعهم وعملت عبيطة وقلت لها لو سمحت انا لاقية مكتوب نماذج اسئلة لكن باضغط عليها مش بيظهر حاجة ردت عليا وقالت لى يا ماما احنا لسه ما نزلناش اسئلة أصلاً طب بالله عليكم ارد عليها اقول لها ايه قفلت سماعة التليفون ووقعت على روحى من الضحك وقلت ده والله ممكن الواحد يكون ناجح فى الامتحانات ويقولوا له يا ماما انت سقطت ولا تخيلوا لو نزلوا النتيجة على النت زى نتيجة الشهادات العامة وخلوا النتيجة بالاسم الرباعى والطلبة بقى يدخلوا يشوفوا النتيجة ويزفوا المدرسين الراسبين بعد كده فى طابور الصباح !!! عفوا انها مهزله !!!

موافق جدا جدا

يا جماعة لو الموضوع امتحان وخلاص دي بسيطة
بس أكيد الموضوع أكبر من كده
المقابل المادي ليس كل شئ
ولكن التقدير والمقابل المعنوي هو المفيد
اكيد كلنا حالتنا المادية معقولة بالنسبة لغيرنا
لكن احنا ها ندخل الامتحان ومش ها يطبق علينا اي زيادة لأن سوء النية موجود
ربنا يستر

انا معاك يا استاذ فودة و في انتظارك يوم الاثنين
و لي تعليق علي الاستاذة امال حضرتك معانا و لا مع الحكومة يعني عاجبك مرمطة المدرسين دي
المفروض ان الكادر ده حق المدرس الشرعي اما موضوع الامتحانات ما فيش اي مشكلة منها بس مش بالطريقة المهينة دي

أوافق على ان أتواجد فى وقت المؤتمر وأعتبر ذلك متنفسا لما يجول فى خاطرنا ...

اوافق على المؤتمر لمناقشة المشكلات الخاصة بالكادر وانا لست مع احد انا مع الحق والواقع فالكادر ده قانون تم طرحه على مجلس السورى كاقتراح واقره مجلس الشعب واصبح قانون ليس قرار وزارى ممكن الرجوع عنه بل من الممكن تعديله وحل مشكلاته .
وما اقوله ليس دخولنا الامتحان معناه اهانه لنا ولكن ارتقاء والتطور ضرورة لتغير مفاهيم سائدة ادت الى مشكلات تحاول ان نحلها من حيث المناهج وكثافة الفصول وتعديل طرق التدريس وتحويل الطالب الى مشارك فى العملية التعليمية بدلا من متهرب من العلم واكيد الجيل الحالى خير مثال على ان هناك قصور يجب معلجتها .

فكرة ممتازة و أرجو أن تتحقق على الأقل يكون هناك وقفة من المعلمين

أوافق على الحضور