كلامك كله مظبوط :d هو كتاب محشى على الفاضى الحسنة الوحيدة اللى فيه انه بيكتر فى معانى الكلمات وساعات بيبقى فيه تدريبات نحو بتبقى كويسة اما البلاغة انا مشفتهاش ومعرفش نظامه ايه فيها لانى من ساعة مادخلت ثانوى مشفتهوش

بص مبدأيا انا كنت ألمانى :)
اه الدليل فى الكيميا مهم اوى واسألته حلوه وبتيجى فى الامتحانات :)
بالنسبه للكيميا والفيزيا انا محلتش غير الامتحان وكتاب المدرسه والدليل :)
اما الاحياء معرفش لانى كنت رياضه 2 :)
الانجلش حلو فيه Bit By Bit انا كنت برتاحله لانه منظم اوى وممكن تحل معاه Top Students اسئلته عاليه ومتنساش الدليل برده وال Work Book خصوصا ال 6 امتحانات اللى فيه :)

تمام اوى كده bit by bit جميل جدا واسلوبه سهل وانا كنت شغال منه من 6 ابتداائى لاولى ثانوى بس مدرسين قليلة اللى بتشتغل منه ( شهرته قليله فى ثانوى ) ومعظم المدرسين بيفضلوا غالبا سربرايز فايه رايك فيه ؟ ولا مجربتوش
وبالنسبة للجيولوجيا عندك خلفية عنها ولا ماتعرفش عنها حاجة طبقوها علينا ظلم ولاد ال .......................

Surprise كويس انا كان زمايلى شغالين منه وبيقولوا عليه كويس انما انا مجربتوش الصراحه :(
لا الجيولوجيا معرفش عنها حاجه خالص بصراحه برده :(

صح بقولك انا هبدا درس العربى اول اسبوع فى 9 (المدرس اللى حدد كده مش انا ) بس حاسس ان الوقت ده متاخر ولا انا بيتهيالى ؟؟؟؟؟؟؟؟

بص عادى كل مدرس بيبقى عارف هو بيعمل ايه وبيبقى محدد يخلص فى وقت معين
يعنى مثلا أنا كنت بادئ فى اول 8 وكنا فى 20 / 5 مثلا ولسه بناخد القصه الجزء التالت لان مدرسى كان بطئ لانه بيشتغل على اضعف طالب بس خلص المنهج شرح ومراجعه معانا برده :)

خير خير يعنى رايك فى الانجلش اكتفى بكتاب واحد مع الدليل وكتاب المدرسة ولا اجيب كتابين مع الدليل وكتاب المدرسة بردو :022yb4::022yb4:
يبقى ندور على حد كان فى ادبى يفيدنا فى الموضوع بتاع الجيولوجيا ده

تمام هو قالى انه بيبدا فى اول 9 وبنخلص على اخر 3 والحمدلله المجموعة بتاعتنا مستواها كويس واعتقد ان ده هيخدمنا اننا نخلص المنهج بدرى

انا محلتش فى الانجلش غير مزكره المستر وكتاب Bit By Bit والدليل فى المراجعه
بص كل ما تحل اكتر كل ما تبقى اقوى فى الماده بس راعِ إن ده ميجيش على حساب ماده تانيه متحلش فيها حاجه .. فاهمنى ؟

تمام الحمد لله ربنا يوفقك ان شاء الله (y) :)

فاهمك :022yb4::022yb4::022yb4: من الاخر كل مادة وليها وقت مذاكرتها شطارة الواحد بقى انه يستغل الوقت ده فى انه يحصل اكبر قدر ممكن من مذاكرة ومراجعة وحل امتحانات وغيره !!!

او بص انت ممكن تحل مثلا Bit By Bit طول السنه وتيجى فى المراجعه تحل Top Students او العكس عشان تتعرف على عدد اكتر من الاسئله وتحل ترجمه وقطع اكتر :)

اه تمام بالظبط كده :) وممكن برده تحاول تقسم مواد المزاكره بحيث تناسب بعضها فى اليوم الواحد
يعنى مثلا متاخدش احياء مع عربى فى يوم واحد لان ال 2 حفظ دماغك حتسيح مثلا خد عربى حفظ مع فيزيا حل وخد مثلا احياء مع انجلش حل وهكذا حسب ما يريحك :)

ان شاء الله هو ده الى هيحصل بس عندى تعليق بالنسبة للقطع انه مهما حليت من قطع لازم اللى هتيجى فى الامتحان تبقى مختلفة مش عارف ليه عمرها مابتتكرر

للأأسف الشديد فعلا ده بيحصل :) بس هى اسمها قطعه فهم وغالباما بتيجى رخمه او عايزه فهم خصوصا فى ال Choose بس اعتقد الحل الكتير بيدربك شويه :)