اول حاجه : مواد مواد بمعنى ساعات مثلا السؤال عليه درجتين فى النموذج يقسمها انصص زى النفس او درجه ودرجه او الدرجتين على بعض على حسب المستشار اللى حاطط الامتحان مش قاعده عامه يعنى ده بالنسبه للسؤال المقالى انما لو سؤال اختيارات او صح وغلط اوعلل او نتائج او ما شابه ذلك يعنى بيبقى لكل نقطه درجه محدده

تانى حاجه انا كنت شفت توبيك مكتوب ان اللى حيعيد النظر فى الورق هو مستشار الماده نفسه

تالت حاجه : اكتب اى حاجه انت عايز تكتبها يعنى لو اجابتك مش زى النموذج اوى بس صح وهو عاملك غلط اكتبها .. بص اى فتفوته انت شايف مظلوم فيها اكتبها يمكن تاخد درجتها طبعا الاختيار والصح وغلط يا صابت يا خابت مفيهاش نقاش :)

رابع حاجه : للاسف التعبير والبراجراف دى تقدير المدرس وبس انا كنت ناقص فى البراجراف 1.5 قبل القسمه ومفيهوش ولا غلطه وكتبت فى الملااحظات ولكن لا حياه لمن تنادى جالى الرد ان ده يرجع لتقدير المصحح بس اعتقد انى كنت سامع محدش بياخد فى التعبير اقل من 7
اكتب اى حاجه انت شايف انك مظلوم فيها اى حاجه يمكن تاخد درجتها

مفيش تعب ولا اى حاجه تحت امرك وربنا يكرمك ان شاء الله :)

يعنى انا يا باشمهندس اروح كليه الطب مثلا واقولهم انى عايزة اسجل رغباتى هنا وخلاص ؟؟؟

طب صيدله اسنان بيطرى علاج طبيعى
موقع التنسيق بيبقى مرتبهم حسب الاقرب ليك ورا بعض انت بس مثلا حتكتب طب وصيدله واسنان محافظتك وبعدين تختار المحافظات التانيه على حسب ترتيبهم لانهم مرتبينهم من الاقرب للابعد

العلاج الطبيعى بتاخد من كام ؟؟؟؟؟؟؟؟؟؟؟؟؟:):bosyht9:

الاول لازم تعرف ايه الكليات اللى ينفع فيها تنسيق عندنا مثلا كانت السنه اللى فاتت هندسه وحقوق واداب على حسب كل محافظه ايه الكليات اللى فيها اللى بتتعاون فى خدمه التنسيق دى :)

لا مش عارف اى معلومات عن الكليات حتاخد كام بصراحه

معلش طيب اعرف منين ؟

طيب هو انا هكتب الملاحظات ازاي هقوله ارجو النظر في السؤال كذا و كذا و لا اقعد اشرحه انا كتبت دي ليه و دي ليه كاني بحل الامتحان تاني
و لو مثلا لا قدر الله ماخدتش حاجه من التظلم و رفعت قضيه ايه اللي بيحصل.... بيجيبوا حد تاني يصحح و لا ايه
و معلش مش قادر اوفيك حقك من الشكر.... اصلها صدمه جامده بصراحة...... انا مقفل فيزيا و كيميا و احياء و انقص في الفلسفة و العربي جامد مع اني مجاوب صح و مراجع اجاباتي مع النموذج صح مش عارف بقه بس الحمد لله و حسبي الله و نعم الوكيل

تقريبا هما بيعلنوا عنهم انا السنه اللى فاتت واحد قالى بس معرفش ايه مصدره يعنى :)

اه عادى مثلا اكتبله فى السؤال كذا النقطه كذا كتبت اجابه تؤدى نفس معنى الاجابه فى النموذج وانها اجابه صحيحه ومع ذلك نقصت درجته .. يعنى عادى اكتب براحتك .. لا اشرحله طبعا ولو حاجه كاتبها زى النموذج وعاملهالك غلط قوله وانا مجاوب نفس اجابه النموذج ومع ذلك لم اعطى درجته :)

القضيه : بتجيب محامى يرفعلك قضيه قصه مين اللى بيصحح انا معرفهاش بس الحكم فى القضيه على حد اللى عملوا قضيه يعنى بتظهر وانت مثلاا فى اولى او تانيه كليه قصدى يعنى مش بتودى ولا بتجيب ( على حد اللى سمعت انهم عملوا قضيه ) :)

باذن الله لو مظلوم تاخد درجات ومفيش شكرا على واجب عادى لو عايز تسأل على حاجه تحت امرك :)

شكرا يا باشمهندس على تعبك وسهرك ومحاولة مساعدة الآخرين .. جزاك الله كل خير

مفيش شكر خالص الشكر لله ربنا معاكم ان شاء الله :) واياكم ان شاء الله :)