انا تقريبا مش عارفه اشكرك ازاى ع الموضوع بجد تحفففففه وكل الى قولته حقيقى وانا من راى لازم يحطوك ف المنتدى مشرف

للأسف دخل اسباب كتيره هي ما جعلت المدرس يصل لهذا الحد

يعني مطلوب منه يدخل مبتسم ويشرح بهدوء ويسمع من الطلبه بتروي واسلوب لائق للمعامله للطالبه

في حين انه متبهدل بالمرتب ومش بيعرف يشتري شئ جديد يلبسه بسبب مسئوليات اولاده واسرته

ومتبهدل لما يروح يشتري العيش او الانبوبه او متبهدل اصلا وهو نازل من مواصلاته

ولا عدد الطلبه الكتييييييير بالفصل

ولا الفصول الضيقه الخنقه

ولا اسلوب الطلبه ايلي بقي لا يليق ابدا بسبب تشجيع بعض الاهالي لهم علي عدم الاحترام لاحد او ربما نتيجه تقصير في تربيه الابناء

ولا الشغل ايلي بعد المدرسه او قبلها ليعوض المصاريف

للاسف اسباب وعوامل كتيره تدخلت ومع ذلك كلامي لا يعني انه مبرر للمدرس يبقي كده

بس هيعمل ايه حاسس ان كل شئ فوق راسه

بس يوم ما هيحس انه مرتاااااح اكيد هيقدر يفيد اكتر واكتر

اشكرك يا استاذة على ردك
ونتمنى معالجة تلك السلبيات حتى تصبح المدارس والجامعات مصابيح تشع نورا يملأ مصر بأكملها بل ويملأ العالم كله بعلم ابناء مصر الأوفياء

اولا : اشكر حضرتك على تعليقك الرائع
ثانيا : أنا مع حضرتك فى كل ما قلتيه ولكن الكثير من المدرسين وللأسف هم نسبة كبيرة جدا مثل سئ جدا للطلبة فى اشياء كثيره وسلوكيات كثيرة جدا
ثالثا : التعليم منظومة كاملة لابد ان يعمل كل فرد في المنظومة واجبه كاملا بما يرضى الله
فمثلا المعلم يراعى الله فى مدرسته فى يهرب الطلبة مثلما يفعلون مع طلبة الثانوى والاعدادى فحضرتك اكثر من نسبة 95 % من طلبة الصف الثالث الثانوى ومن قبل معهم الصف الثانى الثانوى لا يذهبون للمدارس
هل سألتى حضرتك لماذا؟ لأن المعلم لا يراعى الله فى المدرسة ويتركهم يلهون لأنه يعطيهم درس خصوصى وبالتالى الطالب يهمل الحصص والمدرسة لاعتمادة على الدرس وقبل ذلك عدم احترامهم للمعلم الذي فقد رصيدا كبيرا من الاحترام عند الطلبة بسبب الدروس الخصوصية
قد تردى حضرتك عليه بان السبب هو الازمة المادية ولكن هذا ليس سببا لأن يجعل المعلم يفقد رصيدا كبيرا مما كان له
وبقية المنظومة عليها اعباء ايضا مثل الحكومة فى المرتبات وتصوير المناهج واماكن ادمية للطلبة والمعلمين وووووووو..
فالمنظومة متفرعة ولكن اذا فعلى كل منا المطلوب منه فسوف تصبح مصرنا العزيزة افضل دولة فى العالم فى مجال التعليم