ردودكم سطحيه أنا عايز ردود مقنعه
المهم
أنا نفسى ومش نفسى

نفسى عشان حتبقى الحته الطريه إللى فى البيت إللى لو مضايق حتشكلها ، ولو متنرفز حطلع همك فيها يعنى ، لو مبسوط حتلاقيها تشاركك فرحتك ، ولو قلشت وإنت بتهذر حتلاقيها برده بتضحك على كلامك ومبسوطه جدا ، ولو إشتغلتها تصدقك ، وتصعب عليها لو إستهبلت وعشت دور المسكين عليها

ومش نفسى عشان حتنفضك أول بأول يعنى خالد رايح الدرس مثلا " معلش يا خللللود باكو شيكولاته من الكبير وإنت جاى و هاتلى شيبسى مش عارف بطعم إيه !! ويا ريت لو كانز معاك " ونسمع بيطلبوا حاجات عمرى فى حياتى ما كان ليا الشرف إنى أتعرف عليها للأسف ، لا والمشكله إنها بتطلب ليها ولزميلاتها كيتى وميكى وسيسى

عندها درس تلاقى الحاجه تقولك" إنزل يا شملول يا أبو الرجاله وصل أختك الدرس ولا نسيبها تمشى لوحدها " خرجت من الدرس تلاقى الحاجه برده تقولك" هاااااا أختك خرجت مش حتروح تجيبها ولا هو ذكر بس فى البطاقه !! "

زعلتها فى البيت تلاقى الحاج يقولك" ليلتك سوده إنهارده حد يزعل الملاك ده !! والنبى لأقطع عنك المصروف شهرين " وطبعا الحاج ما بيصدق يخلص من المصروف ، لا وتلاقيها بقى تشغل النحنحه والسحسحه والمسكنه

مضايقه منك مثلا تقوم مدياك الزغروف المتين عند بابى ومامى وفضحاك فى البيت فضيحه ال ....
وتيجى قدامهم وتقول" هاااااا أتكلم ولا تعملى إللى عايزاه "

هذا ولم أسرد لكم إلا القليل من
نفسي ومش نفسى ..