والله المعلمين أصبحوا أسوأ حالا فى مصر

يارجالة قفوا وقفة رجل واحد وسيبكم من أصحاب الدروس لأن هؤلاء لاينظرون الا تحت قدميهم ومغرورين فى أموال الدروس وممكن الحال يتغير فى ثانية قيمتك فى مكانتك فى عملك ومرتبك مقياس وضعك الاجتماعى لأن لتستطيع أن تلبس كويس ولا تلبس اولادك كويس وانت رجل العلم وانت ماشى بين باقى افراد المجتمع أقل مهم فى كل شىء فى المسكن والملبس والمأكل والمشرب وعدد ولا حرج فوقوا ياصحاب الشهادات فوقوا اصبحنا فى اسفل السافلين

اصبحنا فى اسفل سافلين عندمنا تخلينا عن دورنا الاساسى واخرجنا للمجتمع ناقصين علم وخلق واصبح شغلنا الشاغل زياذة الرواتب دون عمل يرضى الله فلنتقى الله ونؤدى ما علينا ولا نخشى الفقر فربنا لا يضيع اجر عامل فى الدنيا ولا الاخرة وحسبنا اله ونعم الوكيل

يااستاذه الطالب اليوم لاينتظر من المدرسة أى علم لأن الدروس اشتغلت من دلوقتى وعلى المدرسة ماتفتح يكون خاص الترم الأول ويبدأ يروح المدرسة لكى يقرف الدرس وقسم لكى بالله مدرسين كبار وعلى خلق وعلى علم يرفضوا يدخلوا بعض الفصول من سفالة وقلة أدب الطلبة ممكن تكونى فى مدرسة ابتدائى او اعدادى ليس عندكم مشاكل يااستاذه الدروس قضت على مبادىء التعليم والمدرس هو المسئول عن تدهور التعليم والاخلاق اطالب جى المدرسة قليل الادب وشوفى كده ولى أمر بيجى المدرسة بيعمل ايه فى المدرسة بيقل أدبه على أصغر وأكبر واحد فى المدرسة من قليل الأدب
وبتتكلمى على المرتب يمكن ظروفك كويسة وانتى مش حاسة بالناس التى لاتملك الا مرتبها
مدرس حيعمل ازاى وهو فى دماغه مشاكل البيت والأولاد والمعيشة كل ده بسبب المرتب الضعيف اللى عجبك

وبعدين تدهور التعليم وفساد العملية التعليمية من الدولة لأنها أهملت المدرس واصبح بلا قيمة الكل يهين فيه الطالب وولى الأمر والدولة أنا عاوزك تقولى لطالب النهاردة كلمة وخليه يشتكيكى والله حتبوسى الأيادى علشان يتنازل
وانتى تقولى كل حاجة زيادة المرتبات نحن نطالب ليس بالزيادة ولكن بالعدالة هل الموظف اللى فى الضرائب أفضل منك هلى اللى فى البنك أفضل منك هل اللى فى المحكمة افضل منك وانتى عارفة مرتباتهم كد ايه ومرتبك كد ايه وقفوا واحتجوا وحصلوا على اللى هما عاوزينه كيف تعملين وعليكى ديون وانتى مهددة بالسجن كيف تعملين وانتى مش قادرة تجيبى طقم لاولادك كيف وكيف ارجوكى راجعى نفسك وقفى مع زملائك وروحى لبيت واحد عامل فى البنك ولا الكهرباء ولا الضرائب وشوفيه عايش ازاى وانتى عايشة ازاى وان كان وضعك المالى كويس ومرتاحة ماديا ومش لازمك المرتب فسيبى غيرك يطالب بحقه وبلاش تكسير الهمم

اسمعوا يا معلمين ومعلمات
احنا كلنا فى مركب واحد وما فيش فرق بين معلم ومعلمة
الحصص نصابها واحد للاتنين والشغل والتحضير واحد والمرتب واحد
انا كسيدة بعذر المعلمين من الذكور الله يكون فى عونهم خصوصا لو مراته مش بتشتغل المرتب مش هيكفيه وهيضطر يشتغل شغل تانى او يدي دروس
ما ما يمنع ان نؤدى عملنا بإخلاص وفى نفس الوقت ناخد مرتبات محترمة
تناسب اوضاعنا الاجتماعية والاسرية
الهمنة دى محتاجة ضمير احنا حتى مع الراتب القليل بتشتغل فى الفصول
علشان ربنا بيبارك فى القليل ويبقى كتير لو اشتغلنا بضمير
بزعل لما بلاقى دبلوم صنايع وبيشتغل فى الكهرباء وبياخد 2000 جنيه غير الحوافز وكمان دبلوم تجارة وبيشتغل لافى الضرايب وبياخد 3000 جنيه
واحنا مؤهلات عليا ودبلوم معلمين بناخد مرتبات اقل من الاولاد اللى علمناهم

ضمير ايه يااستاذة الكل بيعمل ومرتب ايه اللى البركة حتجيله والمطلوب اليومى حد أدنى 50 جنيه
ربنا سبحانة وتعالى لما أمر بماذا أمر
إن الله يأمر بالعدل والاحسان
المرتب اللى بيأخذه المعلم 1060 جنيه بعد 16 سنة شغل قولى لى حتجيبى منه أبع اطقم لاربع أولاد فى سن مختلفة وأكل وشرب ومصاريف يومية البركة تأتى لما يكون العدل سائد بين الناس والعمل الجد يأتى بعد عدم الاحساس بالظلم
لايكلف الله نفسا الا وسعها تطلبى منى أن أعمل بضمير والله الحمد لله كلنا بنعمل بضمير والعمل شىء والمطالبة شىء
ساقول لكى عامل عندك فى البيت ويعمل لكى سباكة نجارة نقاشة الخ لو لم تكومى باعطاء اجره كامل او لم تقدمى له الخدمات اللازمة ماذا تنتظرين منه والله لن يعطيكى العمل الجيد وممكن يعمل لكى المؤن بطريقة بعد فترة بسيطة تتلف

استاذ خالد / تحية طيبة ليك . كل كلامك و مشاركاتك اصابت كبد الحقيقة . للاسف الاوضاع كلها اصبحت بالمقلوب و المعلمين مش عايزين يفهموا ان الدروس الخصوصية هي الوضع الشاذ و ان المرتب الجيد و الحياة الكريمة للمعلم و تكريس جزء لاسرته و اطفاله هو ده الوضع السليم . بدل من مد اليد للطالب و العمل من الصباح حتى ساعات متاخرة من الليل . ناهيك عن حرق الاعصاب و المجهود الذهني. و ربنا يوحد المعلمين مرة و احدة بس و ناخذ حقوقنا

نعم للاضراب كلنا نشارك

حسبي الله ونعم الوكيل لابد من وقفة بجد