تنسيق علوم السنادي هيبقي عالي جدا
لان كل امتحانتهم سهلة ماعدا العربي و الانجليزي و دول مواد مهما غلطت فيهم بينقصوا درجات قليلة
تنسيق هندسة هينزل لان امتحانات رياضة 2 هتضرب مجاميع ناس كتير اوي
اتوقع هندسة حد ادني 92.5
و هندسة القاهرة تاخد 95

بجد ليه الرعب دا
انا خايفه اوي لاني السنادي الصراحه مذاكرتش كويس
ودا لاني اتظلمت في تصحيح تانيه
بس بدعي ربنا التنسيق يقل عن السنه الي فاتت

ايه الارقام ال بتحكي فيها دي؟؟
92% مين بس؟
هندسة اتوقع انها مش هتقل عن السنه ال فاتت 94.2% لأن امتحانات تانيه ثانوي كانت سهله جدا ف المجاميع كانت عاليه اوي
هو لازم يعني ال يدخل علمي رياضه يبقى فاشل او جايب بالكتر 93%؟؟؟؟
مش عارف ليه الناس شايفه ان الطالب الكويس لازم يبقى علمي علوم مع ان علمي علوم مفيهاش غير كلية واحده عليها القيمة ال هي صيدلة انما لا طب ولا بتاع خاااااالص

مفيش حااااااااااااجة اسمها كلية قمة وكلية قاع
لكن فى
طالب قمة وطالب قاع
لما بتشتغل بيقول كنت جايب كام فى الثانوية ولا بيقولك تقديرك كام فى الكلية اين كانت
يعنى
طالب حقوق ممتاز وبقى وكيل نيابة او مستشار
ولا
طالب طب فاشل وبياخد السنة بسنتين واتخرج بعد 10 سنين وطبعا مش هيلاقى شغل
اللى هيعلى البلد ده مش درجتك فى الثانوية بل تفوقك فى مجالك وابداعك فيه
واقفلو ملف التنسيق والنتيجة وعيشوا الاجازة كما يجب ان تكون

انا معاك فى وجهة نظرك
وسواء التنسيق يعلى او يقل مش هندخل غير اللى ربنا شيفهلنا انها هتكون افضل لينا
وكل اللى يجيبه ربنا كويس
المهم نستمتع شووي باليومين دول :bosyht9:

انا مكنتش ثانوية عامة السنادي الصراحة كنت السنة اللي فاتت انا دلوقتي في هندسة عين شمس
كنت تانية 97.2 %
تالتة 97.5 %
كان كليتنا السنة اللي فاتت من 395.5
اتوقع يزيد السنادي نص درجة او درجة بالكتير
وممكن يكون الحد الادني للهندسة بشكل عام السنادي 94% والله اعلم
ربنا يكرم كل واحد فيكو باللي بيتمناه .....
ملحوظة بس السنادي هيكون تنسيق 2012 مش 2013 :d :d

هههههههه انا معاك ف كل ال قولته وانا جيبت 97.56
وهندسة القاهره خدت من 396
ومتوقع بردو انها مش هتقل عن السنه ال فاتت هتكون ف نفس المستوى
بس مكنتش ملاحظ زيك موضوع 2013 دا
هم دول الباش مهندسين ولا بلاش :d:d

هههههههههههههه من اللي بنشوفه اكيد مش هقولك انت عارف:giljotiiniug3:

انا كنت جايبة 94.6 السنة الا فاتت السنة دى بجد مرعوووووووبة
كان املى ف لهندسة كنت عايزة اجيب زيهم والواحد ف المية بتوع المستوى ابقى 95 وحاجة
بس كدا كل املى راح يارب اكتبها لنا كلنا يارب

بلاش التفكير بالسلبية دي إن شاء الله تعملي ال عايزاه مفيش حاجه بإذن الله وربنا يوفقك يارب

اه وربنا عندك حق للأسف يعني :d:d:d:d

لا انا هيحصلى حاجة لو مدخلتهاش بجد
اصلا كنت متوقعه للرياضة بالكتير درجتان دلوقتى درجتان دى ف فرع واحد دة غير الميكانيكا الا معرفش ححليت ايه فيها
اعصابى باظت حتى الا عرفاه اتلخبطت فيه
نفسي في هندسة اوى حتى لو اقاليم مش مهم المهم هندسة وخلاص

إن شاء الله ربنا يوفقك وتجيبي مجموع كويس وتدخلي الهندسة ال نفسك فيها مش أي هندسة ف الأقاليم بإذن الله
قال الله تعالى: "قل ياعبادي الذين أسرفوا على أنفسهم لاتقنطوا من رحمة الله"صدق الله العظيم

مستحيل التنسيق يقل علشان مستوى الامتحانات كان سهل اوى ليكم ف تانيه ووسط ف تالته


انما الدفعه الى قبلكوا


ذكى بدر ظبطها ف 2010

وكان وسط عليهم 2011 الوزيرر تلنامى