طيب يا باو عبده فى المديرية فى سوهاج طبقوا الكلام ده فعلا ولا لسه يعنى اروح اسال على الموضوع ده فى شؤن العاملين ولا اوفر على نفسى المشوار

تم تسليم الاوراق المطلوبة للسكرتير المدرسة على ان يسلمها للادارة لصرف البدل النقدى بداية من شهر اكتوبر على ان يصرف باثر رجعى اشهر 6 - 7 - 8 - 9
وقد تم هذا فى ادارة البلينا وادارة جرجا التابعين لمديرية سوهاج

لسه ادارتى برضو لا حس ولا خبر
بس دى بشرى خير

يعنى انا ادى صورة القرار لسكرتير المدرسة وهو يضفلى بدل النقدى والادارة هتوافق دون اعتراض ولا اعمل ايه بالظبط

ياريت حد يقولنا الاجراءات بالضبط تكون ايه
وارجوكم الافاده سريعا

ان المعلم والطبيب كلاهما ................................ لا ينصحان إذا هما لم يكرما

فاصبر لدائك ان اهنت طبيبه ............................. واصبر لجهلك إن جفوت معلما

السكرتير يذهب للادارة واكيد هيلقى القرار وصل عندهم وبناء عليه يحرر
ولكن دون وصول القرار للادارة لا يمكن تحرير البدل النقدى لان الماهيات مش هتقبل الكشف بتاعه
ويمكن لك ان تذهب الى ادارة البلينا او ادارة جرجا وتاخذ صورة القرار منهم وتذهب الى ادارتك ويكون معاك ادارى المدرسة
وان شاء الله يوصل القرار عندكم ولو تاخر شهر فاعلم انك سوف تاخذه باثر رجعى باذن الله
حكومة فاشلة كل ادارة شغالة بنظام وانا بستعجب ان ادارة يوصل لها القرار وادارة ما عندهاش علم بحاجة
واكثر شئ يفيدك المديرة او التنظيم والادارة
المهم ان القرار صحيح ووصل فى ادارتى البلينا وجرجا وان شاء الله يوصل الى باقى ادارات المحافظات
والف مبروك للجميع وعقبال حوافز 200%

طيب ابو عبده انا المدرسة بتعتى تابعة للمديرية مباشرة هل القرار وصل للمديرية

اكيد وصل وان لم يكن بالمديريه هيكون فى التنظيم والادارة