على فكرا عايز اقول انو كانت طموحي بترول , بس فرقت معايا على 1 في المية بس الحمد لله
بس لما جيت راجعت نفسي لقيت نفسي كنت عايز ادخل بترول لاسباب دي و الله و من غير اي مزايدة .
- كنت حاطت لنفسي صقف اجيب اعلى حاجة في الرياضة دا حتى والله كانت الفكرة الي مسيطرة عليا انو اجيب مجموعها و ما دخلهاش
- عشان يتقال عليا اني في هندسة البترول
- عشان استفيد من اوائل الجمهورية الي هيكونو معايا .
اما حكاية الشغل فا سامع من زمان انها مش سهلة

بُص، مهندس البترول لو لقي واسطة تشغله بيبقي له قدره وثقله وبياخد فلوس جبارة ما شاء الله من أول ما يتخرج..بس هل إنت هتستحمل تعيش ٢٨ يوم في الشهر في الصحرا بعيد عن أهلك ومنعزل عن الناس ؟

أنا إللي أسمعه إن مهندسين البترول بيبقوا ساديين ومش بيعرفوا يتعاملوا مع الناس (بالبلدي) لإنهم منعزلين عنهم وعايشين في الصحرا مع الحيوانات والجروب الضيق بتاعهم

الهندسة العادية مجالاتها كتير و واسعة وبرضه شغلها متوافر بمرتبات ممتازة والميكانيكا هي أساس كل الهندسات في كل حتة، بس إنت شوف كل الآراء وأحكم حسب ميولك وقدراتك الشخصية..بالتوفيق

مهندس مدني ناجح = مهندس بترول بيشتغل

أنا فرقت معايا نصف % كنت أفكر فيها بجد بس مكنتش عايزها عشان ظروف شخصينة معينة والحمد لله إنى مجيبتهاش .... ووالله أنا لم أضعها رغبة أولى أو بمعنى صح كانت رغبة أولى لكن فى اليوم الأخير قمت بتعديل الرغبات وأضفت هندسة بورسعيد كرغبة أولى وخلليتها رغبة خامسة.

طيب انا سمعت ان لو مهندس البترول وهو لسه بيدرس وكان شاطر يعنى بيجيب تقديرات عاليه شركات البترول بتحجزه قبل ما يخلص

وبعدين لو دخلت بترول انهى الافضل بترول السويس واللا بترول القاهره ومن حيث الانعزال اعتقد انهاة متفرقش والله

بترول السويس طبعا طبعا طبعا , معاك الاوائل + ليها اسمها .
بس برا جامعة القاهرة بيفضلوها علشان ليها اسم
بس تخيل نفسك في بترول و معاك الي جايبين 100 في المية
ولا في القاهرة و معاك الي طالع اعدادي بمادة
شوف انتا بقا

بلاش تحبــط الواد يبني
تعالا يبني هندسة القاهرة وملكش دعوة بالناس دي :d
مالها هندسة القاهرة
انا ليا 3 اصحابي جايبين فوق الـ 99.5 ودخلوا القاهرة معايا :)

طيب اوك

انا شكلى اصلا هخش هندسه عاديه وهتخصص ميكانيكا

ايه رايكو فى جامعه القاهره بس هندسه عاديه.؟؟؟؟؟؟؟

حتة ليها إسمها مش بعترف بيها أوي، في وظايف بتفضل جامعة القاهرة ووظايف بتفضل جامعة قناة السويس وهي غالباً مابتفرقش برضه..

بالنسبة للأوائل أنا معاك بس مش دايماً أوائل الثانوية العامة بيكونوا أوائل في الكلية..أنا أعرف واحد كان جايب 99.8% وعاد إعدادي سنتين وبينجح بالعافية والأمثلة كتيرة برضه، بصراحة بعتبر ملف الكلية مختلف تماماً عن ملف الثانوية لإنك في كل الأحوال مش هتلاقي الحياة وردي في السويس وممماعكش عيل رزل يخنقك في عيشتك من الأوائل برضه :d

نصيحة يابني :d .. ركز الأول في تالتة وحط الهدف الرئيسي قدامك إللي هو إنك تطلع من الأوائل لحد أما تحققه إن شاء الله، وبعدها شوف نفسك مايل لإيه وقيّم الأقسام كلها من حيث الدراسة والشغل وإسعي إنك تكتب لنفسك شهادة التفوق في أي حتة تروحلها

بالتوفيق،،،

انا عايزك تاخد بنصيحة Eng. Ahmed Said Hamed
وعن تجربة شخصية كان ممكن اجيب اعلي بكتير من اللي جبته بس مش شديت جامد زي تانية بس الحمد لله اني حققت حلمي
ثانيا لو ناوي علي هندسة عادية يبقي عين شمس معانا الافضل وده بعد تقصي طويل وربنا معاك وتفرحنا السنة الجاية باحلي مجموع :022yb4:

بجد شكرا ليكو على النصايح المفيده دى

العبـــــد لله فيها
ومين يشهد للعروسة :d
اهلا بيك يا ريس
كل اصحابي ف هندسة القاهرة وعين شمس
احسن اتنين هندسة ف مصر ( رأيي ورأيهم )
لما ادخلها هقولك ان شاء الله مميزاتها وعيوبها
:)

ماشى يا بشمهندس بس ماتنسناش والنبى عشان اعرف النظام ايه :006et4:

يا باش مهندس عمرو
انا بقصد
تدخل بترول السويس , , , , الي بياخد من 99,4
ولا تدخل بترول القاهرة الي ممكن تشيل مادة او اتنين في اعدادي و تدخلوا
فاهمني ,
جامعة القاهرة لا غبار عليها واحنا طالع عينا عشان نحول ليها
+ دخلت في الترتيب الصيني من افضل 500 جامعة
+ هيا اصلن في الترتيب الانجليزي