هذه فرصة لنقل المعلم نقلة كاااااااااااملة ليس مجرد قرشين زيادة بنجرى عليهم
فى حجات كتيررررررررررررر
1- هيبة المعلم ووجوب احترامه من الاعلام واولياء الامور
2- صلاحيات المعلم توفير الصلاحيات الكافية للمعلم للتعامل مع الطالب وفى مدرسته وفى اللجان الامتحانية كما هو الحال لاستاذ الجامعة .
3- تحديد الدور الاشرافى لا تخضع المدرسة للمحليات لا يحق للمحليات متابعة المدرسة والاشراف عليها كما فى الازهر
مش خمسين جهة بتتنطط علينا
4- وضع حد ادنى للمعلم لايقل عن 1200 جنيه صافى ويزيد زياده حقيقية فوقه وبداية مربوط لكل درجة محترم بحيث يكون هناك فرق واضح بين الدرجة والاخرى لمساعدته على حياة كريمة
مش التعيين الجديد 1200 جنيه واللى بقاله 20 سنة ياخد 1220 جنيه
5- لا زيادة فى النصاب بعد تحقيق المطلب السابق .

موعدنا 10/8/2011

انتم زعلانين لى دول وزرا لدوله تانيه مش احنا طبعا
لانهم لو وزراء لنا كانو عرفو احنا بنقبض اد اى؟
انا نفسى اغير المسمى الوظيفى بتاعى لفراااااااااااااااااش
على الاقل هاخد الدرجة الماليه وحافز الاثابه 200%
لو حد من الساده الفراشين عنده استعداد انا مستنى الرد
بلا كادر بلا تكدير
الله يخرب بيوتهم اللى مش عارفين موظفيهم بياخدو كام
قال بكده المعلم يكون احسن فئه فى المجتمع؟
طب اللى على الدرجه الثالثه 11 سنه
وكل اللى بيقبضه 690 جنيه بالكادر بالحافز
ماحصلش حتى الحد الادنى!!!
حسبنا الله ونعم الوكيل

حوار الطرشان محدش فاهم اى حاجة فى اى حاجة المفروض نعرض القضية على مجلس الامن او لجنة التحكيم الدولية او نجيب وزير تعليم من جزر القمر او المعلمين ياخدو جنسية بنجلاديش

طبعا أنا لسة فاهم الكلام ده انهاردة ممكن تقولي إيه الزيادة إلى علينا يا بروف إيه وجه المساواة بيننا وبين قطاعات أخرى لا شيء على هذا نتظاهر مش على 200%

يا مستر عاطف الموضوع بسيط جدا
هما عملوا إيه وزعوا المكافأة على السنة كلها يعني مع القبض يعني مفيش مكافأة وحسبوا المكافأة + الكادر + الحوافز فلقوهم 210 % فقالوا كده كفاية بس كده حضرت مش هتحصل الحد الأدنى اللي أعلنت عنه الحكومة

فطلع الزعبولاوي وقال أضحك عليهم بالنسب 75% 50% 25% مع العلم إن النسب ديه مجبهاش من بيتهم

لأن المعلم والمعلم الأول والمعلم الأول أ كان بيعدي النسبة 200%

فرجعهملوا تاني على شكل حوافز يحاول يكسب بيها الطايفة الغلبانة

ده طبعا بعد ما جابو سيرة المدرسين بالدروس وهما مش محتاجين وغيره من الكلام اللي ميأكلش عيش

لأنهم بيحسبوا إن المحافظات كلها زي القاهرة والناس في المحافظات بتتعامل بالحصة

لماذا يتم الخلط بين الحوافز "وبدل المعلم والمكافأة والكادر"

الرحمة حلوة
 

يامدرسين الاتحاد قوة انا عاوز اسئل الاخوة الافاضل هو لو المدرس في بلدة واخد حقة هيبص علي درس او حتي مجموعة مدرسية ياجماعة هو احنا ليه سيبين الرأس وبنبوص علي الديل عاوزين حياة كريمة يطلع نشئ محترم واعي بلاش نلف وندور تاني هفكر الحكومة علي القضاة في المانيا بيطلبوا مساواتهم بالمعلمين في الراتب رد المستشار الالماني وقالهم عاوزين تتساوا مع الي لهم فضل عليكوا وعلموكوا الكتابة ياريت حد يرسلها الي الوزير والمحافظ ووزير المالية ورئيس الوزارة وجهزوها للرئيس الجديد

النحاس: حساب حافز الإثابة أعتباراً من أول يوليو
كتبت ثناء حامد:
http://www.thanwya.com/vb/../images/7.jpg أكد د. صفوت النحاس رئيس الجهاز المركزي للتنظيم والإدارة أن زيادة حافز الإثابة الاضافي للعاملين في الدولة تم حسابه اعتبارا من أول يوليو الماضي علي أساس انه مجموع الحوافز المقررة للعاملين المدنيين بالوزارات والمصالح والأجهزة التي لها موازنة خاصة بها والهيئات الخدمية ووحدات الادارات المحلية أو ما تتقرر لهم من حافز بحيث لا تقل جملة ما يتقاضاه كل منهم من مكافآت دورية أو سنوية أو حوافز أو مقابل عن جهود غير عادية أو بدلات وغير ذلك من 200% من المرتب الأساسي.
وأضاف د. النحاس: لا يدخل في حساب تلك الزيادة ما تقرر من مكافآت جذب العمال وبدل التفرغ وبدل الاقامة في المناطق النائية وبدل مخاطر الوظيفة.
وطلب النحاس من جميع الجهات موافاة الجهاز بشرائح صرف الحافز ونظم الإثابة والاعتمادات بكل وحدة لصرف الحافز الحالي.
وأهاب د. النحاس بجميع الجهات الحكومية سرعة استيفاء هذه البيانات قبل أول سبتمبر القادم.

سمك لبن تمر هندي ده حال وزارة التربية والتعليم والقائمين عليها

المعلمين في مصر أقل من الحيوانات