ايوه طبعا هى توزيع اقليمى وكل الكليات كده
بس طبعا هما بيختاروا اقرب حاجه ليكى يعنى
يعنى بيدوروا برضه على راحة الطالب او الطالبه
يعنى مثلا بصى انا اهو من المنيا وهكتب مثلا تربية يبقى انا هكتب مثلا تربية المنيا لأن دى اقرب حاجه ليا بعديها مثلا تربية بنى سويف بعديها القاهره بعديها عين شمس وهكذا فمثلا هما هيبدأوا يشوفوا الرغبات بتاعتى طب انا كاتب تربية المنيا بس المنيا واخده من اعلى يبقى اشوف تانى حاجه وهى ع سبيل المثال بنى سويف ومجموعى قابلها بس يبقى انا كده هقبلها وهى اللى هيبعتوها طب انا مثلا قبلت بنى سويف وقبلت القاهره لأ يبعتلى بنى سويف علشان هى تانى حاجه كاتبها ف الرغبات وعلشان خااطر هى الاقرب ليا فهمانى يا أمانى؟؟؟؟؟؟
وطبعا يا امانى ده نفس الحال فى الكليات يعنى انا مثلا كنت كاتب تجارة بنى سويف بعديها مثلا باقى المحافظات وكده اللى فيها تجارة يعنى وبعديها كتبت تربية وبعديها اداب يبقى هما بقى يشوفوا رغباتى ومجموعى لقوا مثلا ان وليد ده مجموعى هيقبل تجارة وهيقبل تربية وهيقبل اداب على سبيل المثال يعنى لأ هو بقى يبعتلى تجارة علشان دى اول رغبة انا كتبتها طب مثلا مجموعى موش قبل تجارة يبقى هيروح يشوف تانى رغبه راح لقانى هقبل تانى رغبة وتالت رغبة لأ يبعتلى تانى رغبة وهكذا يا امانى يارب تكونى فهمتينى اهم حاجه ؟؟؟؟
وايوه انا اقصد ان الاثار والفنون مجموعهم كبير
ومفيش والله ازعاج خالص ولا حاجه
كلنا اخوات ومفيش بينا الكلام ده
وفكرى تانى كده يا امانى على مهلك
ولو احتجتى اي حاجه ابقى قولى عادى اوك
وربنا يوفقك إن شاء الله لما يحبه ويرضاه عنكى يارب
وتدخلى اللى نفسك فيه وتكون انسانه ناجحه فى المجال اللى هتدخلى فيه إن شاء الله
واسف جدااااااااااااااا على الاطاله دى بس انا حبيت اوضحلك كل حاجه يعنى

ياجماعة انا من المنصورة وجايبه 91.9 يعنى 377 علمى علوم وعلوم المنصورة كانت ف 2009 368 يعنى 89.7 تفتكروا الحق علوم المنصورة ولا لاء؟؟؟؟؟؟

شكرا ليك جدا جدا جدا يا وليد ربنا يوفقك وتبقى ناجح فى الكليه وانا بجد بشكرك على تعب حضرتك معايا .

ربنا يوفقك

اقتباس:

المشاركة الأصلية كتبت بواسطة شيمو ش (المشاركة 3783798) ياجماعة انا من المنصورة وجايبه 91.9 يعنى 377 علمى علوم وعلوم المنصورة كانت ف 2009 368 يعنى 89.7 تفتكروا الحق علوم المنصورة ولا لاء؟؟؟؟؟؟

ان شاء الله تلحقيها ولو ما لحقتيهاش ممكن تدخلى تجارة او تربية او اداب