|
اقتباس:
فعلا المدرسين القدامي يتحملو العبئ الاكبر الواحد بيحس انهم متعطشين للغش وهما عايزين يغششو الطالب عصب واما شيخ المعهد في تختلف من معهد لاخر علي حسب اهل البلد وعلي حسب عدد الطلاب فمثلا فصل به 10 طلاب علمي لو رسب منهم خمسة الفصل ممكن يتقفل والدروس الخصوصية المدرس بيغشش غلط ودا شفاتة بعيني وممكن نضيف مسالة الضمير والرواتب ازاي انا مدرس باقبض 360 وترجع تحاسبني علي المستوي وانا بشتغل بعد المدرسة ف اي شغالة تانية ازاي هاحضر وازاي هاجيب لبس نظيف البسة امام الطلام ممنين هذاكر وانا متعاقد ب 360 شد خط تحت تعاقد وخريج كلية تربية جامعة الازهر جيد جدا طبيعة وكيمياء |
أ/ فايز بارك الله فيك ازيد على قولك
غش جماعى فى دمياط اشتكى الطالب خد بالك الطالب محمد ابراهيم بالصف الثالث الثانوى بمدرسة الوسطانى الثانوية بمركز سعد فى دمياط من الغش الجماعى وقال انه لم يتمكن من التركيز فى الامتحان بسبب حالة الفوضى العارمة خد بالك الفوضى العارمه من غش الطلاب بالموبايلات مشيرا الى انه قام بالشكوى للمراقبين ولكنهم لم يتحركوا حتى انتهاء الوقت ( جريدة الجمهورية ) وخد دى كتبت امانى ضرغام فى جريدة الاخبار انها مفروسة من الغش الجماعى لطلاب الثانوية فى جميع المحافظات باستخدام البلاك بيرى والموبايلات و ارد على الاخوة الزملاء واوضح ان الفساد ياحضرات اصبح للركب ( على راى زكريا عزمى زعيم الفاسدين ) واصبح يجرى مجرى الدم فى جميع مؤسسات الدوله بل اصبح ثقافة عامة هذا الكلام على لسان ( د/ عصام شرف ) بنفسه وطبعا الازهر مؤسسه من مؤسسات الدوله وبدلا من محاولة الاصلاح اصبحنا نتلذذ باظهار عيوبنا كان هذا هو الحل الحل ياحضرات ان يبدأ كل واحد بنفسه ولاداعى لتبرير الاستسلام والمساعده على الفساد بالقول القدامى او شيخ المعهد والواحد يبقى منبوذ اذا لم يساعد على الغش اصبحنا لانجيد غير لغة الكلام اما الفعل !!!!!! كما ارى الردود من جميع المحافظات والجميع ضد الغش والفساد اذن من الذى يغشش !!!!! سوف اسمع الرد القدامى وابن شيخ المعهد وكلام غريب فكل واحد يصف حاله فى النهاية رفقا بالازهر ياحضرات فالازهر ليس فقط المعاهد او التثبيت او .... الازهر اكبر من هذا بكثير الازهر اكبر مؤسسه دينية ويكفى ان رئيس وزراء تركيا وافق على اعتماد الشهاده الازهرية فى تركيا وليس معنى كلامى ان الازهر لايوجد به غش او فساد بل يوجد ولكنه مثل اى مؤسسه فى الدوله والامل فيكم انتم الشباب فى تطهير الازهر بدلا من الاستسلام والاكتفاء بالتجريح فيه عمال على بطال بدلا من عدم الغش مهما كانت النتيجه وفقكم الله |
كل المدرسين المتعاقدين او اغلبهم جايبن تقديرات عالية جدا فى كلياتهم سواء كانو خريجى الازهر او تربية وتعليم وبيحاولو يمنعو الغش فى المعاهد قدر المستطاع لانهم تربو وتعلمو على عدم الغش عشان كدة جابو تقديرات عالية فى الكلية يجيلك المدرس اللى مثبت ابو اعدادية ازهرية ولا ثانوية ازهرية اللى خد على الفوضى والغش ويوقلك هغشش باى شكل هوة وشيخ المعهد اللى معاة ثانوى ازهرى ولا مش متعلم ولا اى كان مؤهلة كل القدامى بدون استثناء الا من رحم الله عاوزين يغششو باى شكل ويطلعولكم شاذين عن قاعدة لو رفضتم وكل المدرسين المتعاقدين سبحان الله بيحاولو بما يرضى الله مفيش غش (المفروض يسبو تطوير الازهر للمدرسين المتعاقدين يطورو التعليم فى الازهر ويجعلوة بشفافية بما يرضى الله وتعليم من غير غش زى مجابو تقديرات عالية فى الكلية هيعلمو كدة للطلبة بس القدامى يشلو ايدهم من التعليم الازهرى بافكارهم التى عفى عليها الزمن وداسها العالم )
|
انا ارجوا من كل واحد بيقول فيه غش فى الازهر انه يبدا بنفسه يمنع الغش
انا كنت شغال فى احد المعاهد ومنعت الغش بكل السبل لدرجة ان اهل القرية وقفوا واستنونى برة المعهد عشان يضربونى لكن الحمد لله ربنا سترها واكنت النتيجة انهم دايما كانوا بحطونى احتياطى ولو كل واحد هيبطل يغشش الازهر هيتحسن ومش كل المدرسين هيبقو احتياطى لازم كل واحد يراعى ربنا وضميره فى الامتحانات وانا السنة دى حطونى فى الكنترول بعيد عن اللجان بس لا حظت ان المدرسن والحمد لله اتقوا ربنا ومنعوا الغش والنتائج الحمد لله مبشرة يبقى اللى عاوز يتعلم يلاقى مكان واللى ملوش رغبة يشتغل احسن |
اقتباس:
السلام عليكم طبعاً حضرتك اعلم منا بهذا الأمر لان حضرتك شيخ معهد ولكننى أقول المدرسون انواع 1- مدرس يحب الغش اما لمصلحه واما لضعف شخصيه 2- مدرس متساهل 3- مدرس لا يحب الغش شكلا وموضوعاً ولكن للأسف الأغلبيه من النوعين الأول والثانى أما النوع الثال فهم قلة والله المستعان ويجب أن نتكاتف ولا ندفن رؤسنا فى الرمال |
اقتباس:
والاحلى من ده كله ايه يوقلك ان خريجى جامعه الازهر الذين تعلموا الغش من المدرسين القدامى حسب قولك وعلى راى الواد ابو سليم يوقلك ايه شفافية بقوموا يطوروا الازهر من الافكار التى تعلموها وتربوا عليها وفاقد الشىء لايعطيه ويوقلك ايه المفروض يسبو تطوير الازهر للمدرسين المتعاقدين فى النهاية يقولك عليه العوض ومنه العوض |
اقسم بالله العظيم عندى فيديو يودى فداهيه
غش على السبوره ربنا يستر علينا |
اقتباس:
انا معك فى القول يجب ان نتكاتف ولاندفن رؤوسنا فى الرمال كل واحد فينا يخلص فى عمله ويمنع الغش فى لجنته وانا فى معهدى والاخر فى معهده واذا كنا الان قله غدا سوف نكون اغلبيه |
اقتباس:
|
السؤال هو لو فيه غش فى المعاهد اولياء الامور قاموا بمظاهرة على مشبخة الازهر لية فى سنوات النقل الاعدادى والثانوى وشيخ الازهر اوصى بدخول الخمس مواد دورثانى لية يعنى يوجد فى بعض المعاهد والبعض الاخر لايوجد وبلاش اسلوب التعميم لان كل الاماكن فيها الحلو وفيها الاخر وربنا يوفق اولى الامر
|
كلنا نفسنا الازهر يكون قدوه ولازم منفنتش راسنا في الرمال عشان كده عاوزين نعمل مليونيه لمنع الغش في الازهر ةالتربيه والتعليم
|
الغش موجود فى كل مكان بالازهر يامن تدفنون رؤسكم فى الرمال و تدعون النزاهة و الشفافية و العدل بالازهر الادارات فى الازهر قائمة على الواسطة أو الرشوة حتى كثير من شيوخ المعاهد مرتشى تصوروا والله العظيم حصل شيخ معهد كان يأخذ بسكوت الطلبة الى بيته طبعا بعد تغيير نسبة الغياب و بيفرض على المدرسين كل شهر و بأى حجة فلوس تصوروا أخذ ما يصرف فى الامتحانات الخاصة بالكنترول عندك ادار زى الامتحانات فى المنصورة الغاء جواب الندب ب 100 جنيه و بعد كده يبيعه لغيره ب 100 أخرى الازهر عاوز انتفاضة
|
أنا مقدر لدفاعك عن الأزهر ، بس المفروض الكلام يكون فيه صراحة وشفافية ،الغش فى الأزهر فوق العادى وإنت عارف كده كويس وعلى فكرة أنا خريج الثانوية العامة ولم أرى فى حياتى مثلما رأيت فى الأزهر ،الغش فيه يأتى إليك بالأمر المباشر - واجب التنفيذ- ومتقدرش تقول لأ بلاش تغالط نفسك وتحاول تتستر على الخطأ وكمان بتقول إن الازهر الشريف قام بتعيينكم فيه وجعلكم مدرسين ذو قيمة ومراكز اجتماعية مرموقة . أنا اتعينت فى الأزهر بفلوسى ولو مكنتش دفعت مكنتش اتعينت -وانت عارف طبعا إن ده باب آخر من أبواب الفساد فيه - :078111rg3::078111rg3::078111rg3: |
اقتباس:
|
حسبنا الله و نعم الوكيل .. يا جماعه ليه نضع رؤوسنا فى الرمال حتى لا نرى الحقيقة .. الغش بأى صورة هو حرام و داء و معول هدام للأزهر و اتكلمنا كتييييييير ... وبعد ده كله تعلوا بعض الأصوات و تقول لا داعى لنشر حالات الغش و أتهام من يتكلم عنه بأن خائن للأزهر و ليس من أبنائه و,,, و,,,, ....... علاج أى مشكله مواجهتها و أحنا عارفين أن المواجهة صعبة لأن حاملى لواء الغش للأسف من كبار المدرسين و الموجهين ... من قبل بداية أعمال الإمتحانات و كل موجه أو و كيل أو شيخ معهد و ما يليهم على قدم و ساق لمعرفة من المراقبين للجنة أبنه أو أى حد يعرفه و تبدأ مرحلة المفاوضات و الأغراءات و التهديدات......... فى لجنة الأعدادية بمعهد المحلة الكبرى للأسف الشديد فى أول يوم امتحان كتبوا للطلبة اجابات على السبورة هل يعقل هذا و محدش يقوللى هات الدليل لأنه موجود بالصوت و الصورة و لولا وعد لصاحب المحمول اللى صور كنت نزلتها على المنتدى..... هل يعقل هذا .. و من النهاردة مفيش سكوت سواء فى هذا المنتدى أو غيره الساكت عن الحق أنتو عارفين ................
لما موجه محترم يقول للمدرس ياعم كبر دماعك و مشى حالك أحسن ماحد من العيال يديك مطوى بره يبقى عايزين أيه و هذه المرة تم تحذير هذا الموجه المححححححححترم و المرة الجاية هنزل كلام حضرته فيديو .... احنا عارفين أن الغش فى كل مكان و لكن هذا ليس سبباً لنسكت عما يحدث فى الأزهر زى ما احنا سابقين فى الإصلاح ان شاء الله نكون قدوة فى منع الغش فى الأزهر .. حسبنا الله و نعم الوكيل. |
| جميع الأوقات بتوقيت GMT +2. الساعة الآن 11:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.