وبعدين حكايه الكفاءة انا استغرب ان كفاءة 6 في المية بس يبقى قلت اكيد الكفاءة الميكانيكية مختلفه....

صحيح انا عارفة ان القانون دة موجود لكن في الفوتونات ياجماعة


القانون اللي انتو بتحلوا بيه موجود في الفوتونات وفقط

ومااعتقدش ان اي حد يحق له انه يسألني عن أولى ثانوي خاصه ان الجميع عارف اننا كأننا ماعدناش عليها اصلا

والا نروح نذاكر كتاب اولى من البدايه بقى...


ع العموم انا عرفت القانون وكنت عاوزة استخدمه في البدايه بس قلت ماينفعش لان ده بس للفوتونات

بس مش مقتنعة ابدا ان حد يسألنا في سؤال زي ده

ده رايي

وشكرا جزيلا

جميل


بس معلش انا من حقي أشغل دماغي كما أشاء في حدود القوانين اللي عليا

لكن مش من حقي اني أجيب قانون مش عليا وأستخدمه باي حجة أيا كانت

مش معنى كدة اني مش هعرف القانون

لا طبعا هعرفه وكل حاجة

لكن معلش يعني لو اي مستر جاب سؤال زي دة في الامتحان يبقى هو بيتحداني كطالب معلوماتي في حدود منهجي مش أكتر


لكن لو مجرد سؤال عادي معلومات كدة وخلاص

يبقى اكيد شيء جميل

بصي يا آنسة روحاء..

Arabian قال حاجة مفيدة للغاية وتفض الاشتباك..

والكلام ده خصوصًا مستبعد شوية السنة دي..

ثانيًا حضرتك عرفتي معلومة مش هتضرك.. بمعنى أنها حتى لو مش مسألة امتحانات.. فهي إضافة أيًا كان شكلها..

في رعاية الله..

وبعدين فيه زميل جاوبها السرعة في الوزن

وزميل آخر جاوبها القوة في الوزن

يبقى انهي واحده؟؟

بعيدًا عن أي حاجة..

الكفاءة هنا 0.6 يعني 60% عشان أنا ملاحظ أن حضرتك مستقلاها أوي أكن كفائته بالسالب..

أيه حكاية القوة في الوزن دي كمان؟؟؟ مين جاوبها كده؟؟

يعني أيه القوة في الوزن إذ أساسًا؟؟ :o

زميلي حازم::


جميل جدا


انا بالعكس فرحانة اني عرفت معلومة جديدة ولو كنت بدخل المنتدى بدون اي معلومات جديدة آخدها ماكنتش هدخل من البدايه

لكن معلش لازم كل حاجة تكون واضحة

السؤال ده نختبر بيه بعضنا نفتح بصيرة بعض لكن مش في حواشي المنهج أبدا ايا كان

المنهج ماذكرش اي حاجة زي ديه غير في الفوتونات زي ماقلت

وبالتالي انا ماعنديش اي مشاكل اني اشوف مسائل زي ديه لكن بطالب اي حد يحطها يكون واضح وصريح بقوله ان قانونها من خارج المنهج

معلش زميلي حازم حاليا احنا في وقت مش ناقص توتر

اما انا كطالبه أدخل الاقي سؤال بالشكل ده ممكن أتوتر وأركز في حاجات مش عليا وأسيب اللي عليا

مش معنى كدة اني ضده

لا أبدا بالعكس

لكن عشان انا كطالبه ماأفقدش الثقه في نفسي وفي قدراتي ومذاكرتي من حقي عليكو كطالبه (سواء مدرسين او طلبه) انكو قبل وضع اي سؤال يكون فيه تصنيف سؤال منهج او سؤال نصه من المنهج والنص التاني لأ

واللي بيدخل المنتدى مش انا وحضرتك وطالب وطالبه وبس

لكن في زوار كمان بيدخلوه من حقهم انهم يدخلوا المنتدى يتعلموا ويستفيدوا وف نفس الوقت مايفقدوش الثقه في نفسهم

دة رايي

وشكرا جزيلا

طبعا مستقلاها جدا

طب ليه بقى يعني 60 في الميه

لا مش مقتنعة

ياريت توضيح...

دة قانون جديد

بس غلطت انا في كتابته

لا غصب عني غلطت

زميل تاني كاتب انها الوزن في السرعة مش القوة في السرعة

فهي انهي واحدة؟؟

إحم.. الوزن قوة برضه آنسة روحاء.. ولو قلنا الوزن والقوة ومفرقناش بينهم في الموضع ده بالذات مش هيأدي لخطأ النتائج..


أما بالنسبة بقى ليه ستين في المية.. فإجابتي الوحيدة إن ربنا عايز كده..:d

باهزر طبعًا.. أقصد أنه معطى ما يعني عادي لو قالي 80 كنتي هتسألي ليه 80؟؟؟؟؟

أخيرًا أنا شخصيًا في الموضوع التاني كنت استغربت جدًا من القانون ومكنتش واخد بالي منه وبسأل هو ده علينا فين.. وجبناه منين..

لكن عرفت الحل.. وخزنت المعلومة ونسيت الموضوع..

مقدر طبعًا حالة التوتر اللي كلنا فيها.. لكن الأمر مش بيدعو للتوتر تمامًا..

ومتقلقيش نفسك حضرتك..
في رعاية الله..

جميل اشكر حضرتك اكيد

فعلا القوة وزن

بس معلش انا خزنت المعلومة بس مش من الطبيعي اني الاقي قسم الفيزياء بيتحدث عن المسائل اللي بره المنهج اكتر من اللي جواه رغم اني مطالب مني منهج معين وفقط

هتلاقي مثلا في قسم الكيمياء كان فيه شبيه بكدة لكن اساتذة القسم وضعوا حد لكدة بانهم قالوا اننا مطالبين بالمنهج وفقط

ماعنديش اي مانع تجيب لي اصعب المسائل بس في المنهج

وممكن احل او افشل

لكن برة المنهج ماينفعش

دة رايي

وشكرا جزيلا

ورأيي أنا كمان..

بالرغم من أني مستمتع بالنقاش مع حضرتك.. لكن ما املكش غير أني أقول:

والله ما أنا اللي جايب المسألة ومعرفش عنها أي حاجة زي حضرتك بالضبط..

ننتظر رد أصحاب الشأن في الأمر بقى..

تحياتي..

جميل

أشكر حضرتك جدا

وأكيد اشكر حضرتك ع النقاش الرائع

بس سؤال هو واضع السؤال مدرس فيزياء ثانوية عامة؟؟