جزاك الله كل خير على اهتمامك ، وانا اظن ان بتثبيت الموضوع سوف تكون لفتة انسانية من قبل المشرفين وحتى يتسنى لكل المعلمين من ذوى الاحتياجات الخاصة معرفة حقهم ومعرفة الخطوات التى يتبعوها للمطالبة بذلك وتنفيذة فى كل المحافظات وليست القليوبية فقط

يا جماعة انا برده من ذوى الاحتياجات الخاصة تعاقد 9/2008 واستوفيت كل الشروط على اساس القانون 155 ولحد دلوقتى مفيش اى جديد وزهقت من الاستاذ فوزى اللى مش عارف حاجة والنكتة انى كل ما بروح ادارتى كفر شكر يقلولى ده كلام على النت وبس حسسونى ان هما عايشين فى المريخ

ياريت يكونوا عايشين فى المريخ دة بكدة يكونوا سبقوا عصرهم وعاشوا هناك ، انما دول لسة فى العصر الحجرى ومش عارفين ان النت السبب فى تغير رئيس الجمهورية

عموما الاستاذ فوزى دة انا كلمتة من 15 يوم على الكتاب الدورى الخاص بتعيين المعاقين قاللى مجاش حاجة بخصوصكم وكأن لو جة يبقى هيتخذ الاجراءات فورا كلمتة بعدها بأسبوع وقولت لية انى كنت فى الوزارة والوزير قال انو بعت الكتاب الدورى دة للمديريات للتنفيذ رد علية قاللى طيب معاك صورة الكتاب الدورى دة تبعتها لية فاكس قولتلة معايا بس انا مش هبعت فاكس انا هاجى لحضرتك بكرة
وفعلا روحت لية ومعايا الكتاب الدورى الصريح والواضح بشان تعيين ذوى الاحتياجات الخاصة وانها نسبة حتمية والزامية ، قام هو لافف من ناحية تانية وقالى مش انت بقالك 3 سنين شغال قولتلة بقالى 8 سنين 6 بالحصة و 2 تعاقد مميز قاللى انت كدة كدة اتعينت خلاص قولتلة انا تعيينى مش بالكلام انا تعيينى لما اقبض اول شهر فى التعيين سعتها اقول اتعينت قاللى انت غاوى تتعب نفسك لية انا بقولك انت اتعينت خلاص وطبعا من الزحام اضطريت مطولش معاه بسبب سورى الغباء
كلمتة النهاردة الكلام اتغير >>> بقولوا الكتاب الدورى جالك رسمى من التنظيم والادارة قاللى اة قولتلة واية النظام قاللى لسة هنبعت للتنظيم والادارة نستفسر هنعمل معاكم اية نستثنيكم ازاى من ال 3 سنين
هههههههههههههههه غباء غباء غباء
قولتلة تستثنينا الكتاب الدورى بيقولك احنا نسبة حتمية والزامية تقولى استثناء وكمان ال 3 سنين احنا اقل واحد فينا اشتغل 5 و 6 سنين
المهم احنا حلنا فى التنظيم والادارة
وان شاء الله بكرة على موعد فى المديرية وسنكون مجموعة كبيرة ولن نرحل الا مع ارسال فاكس من المديرية لجميع ادارات المحافظة بالزام كل ادارة بنسبة ال 5 % مع كشف المعيينين بأذن الله

ربنا معاكوا بكره ان شاء الله لانى للاسف مش هقدر اجى لانى احنا فى المدرسة عندنا الهم اللى اسمه الجودة ومش هاغرف اخرج

ربنا معاك ولكنى اتمنى وجود كل المعلمين المتعاقدين على بند 5% غدا لان تجمعنا سوف يعطى للموضوع اهميتة ويعرفون انة لا مجال للسكوت مرة اخرى خصوصا واننا متعاقدين على هذا البند من الاساس

واحب ان اقول لك ان التنظيم والادارة قالت هذا الكلام التعيين ضمن النسبة ولكن صرف مراحل الكادر طبقا لقانون الكادر ، واود ان اقول لك ايضا ان شهادة التأهيل المهنى قانونا تؤهلك للعمل فى المهنة المناسبة للمؤهل الدراسى وايضا هذه الشهادة تقول انك تدربت على العمل الذى توجهت لة

اى شهادة التأهيل المهنى تلغى شهادة مزاولة المهنة المزعومة

ولكن نحن لا نريد ذلك فنحن نريد دخول اختبار الاكاديمية مثلنا مثل باقى زملائنا وبنفس الشروط ايضا فنحن معاقين جسديا لا فكريا

اتمنى وجودك معنا غدا بعد الساعة الثانية ظهرا

ان شاء الله هكون موجودالساعة 2 وبعدين انا امتحنت الكادر ونجحت الحمد الله واقدر على امتحان قد ده عشر مرات ومتاكد ان كل المعاقين يقدروا بس يكون الامتحان للترقية مش للتثبيت

الف مبروك لنجاحك
طيب واية المشكلة معاك لما انت اجتزت امتحان الكادر ، ما المفروض انكم هتتعينوا خلاص واسمائكم فى المديرية

ايها السادة الافاضل مشرفين المنتدى نرجوا منكم تثبيت الموضوع للاهمية القصوى
حيث ان هذا الموضوع يخص مجموعة ليست بالقليلة من المعاقين ، وانهم بهذا الموضوع سوف يعرفون الكثير من الخطوات التى ستتبع من اجل تعيينهم

وشكرا

احنا لازم نتعين انا خلصت icdl والكادر واسمي طلع فى الكشف

الحمد لله المشوار مجاش على الفاضى
ارجوا من كل المعلمين المتعاقدون على بند 5% لذوى الاحتياجات الخاصة الاحتذاء بما فعلنا اليوم فى المديرية بمحافظة القليوبية فصدقونى حقنا يضيع فى ادراج المكاتب لعدم المطالبة بة منا

لقد اجبرنا اليوم وكيل الوزارة ومدير شئون العاملين بتفعيل قرارات الكتاب الدورى 4 وتعميم الكتاب على كل الادرات فى محافظة القليوبية وطلب كشف بأسماء المتعاقدين ضمن النسبة لوضعهم فى كشوف المعينين وعرضها على التنظيم والادارة لاتخاذ اجراءات التعيين معهم

وصممنا على عدم التحرك اليوم من المديرية الا بعد ارسال الفاكس امامنا لكل الادارات التعليمية بعد ان حاول مرواغتنا كالعادة


اما بخصوص كشوف باقى المعينين فهى كما هى منذ اسبوع نفس الاسماء المعلقة ولكن هناك دفعات اخرى يتم تجهيزها للعرض على التنظيم والادارة للموافقة عليها

وفى النهاية اشكر كل من جاء للمديرية اليوم وتحمل المشقة ولكن هكذا تكون وقفات الرجال للمطالبة بالحق

والله وعملوها الرجاله
 

وأنا أشهد بصحة ماقاله أخي الأستاذ أبو الفاروق لأني كنت معه
الهمه يارجاله طالبوا بحقوقكم مستنين ايه نحن تحركنا وأنتصرنا والدور عليكم تشجعوا
تلك كانت البدايه لن نسكت بعد اليوم ألا أن ترد باقي الحقوق
تحيه أجلال لرجال محافظة القليوبية

ازيك يا تامر عامل اية

ياريت بكرة تروح الادارة وتبلغنى باللى حصل وانا كمان هكون فى الادارة بأذن الله

حقوق ضائعة للمعاقين