بوابة الثانوية العامة المصرية - انا و ((((المذاكره)))) وهواك....حصريا على بوابه الثانويه العامه

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

الى العضو مكعبات

الى مكعبات:
عزيزي انى اعانى من نفس المشكلة التى تتحدث عنها و هى انى مش عارف ازاكر اليومين دول
فارجو من حضرتك انك تنظملى جدول يكون فية و قت المذاكرة كتير لانى باذن اللى ناويها (طب)

مواعيد الدروس

العربى
السبت الساعة 1
الاحد الساعة 7
الاربعاء الساعة 7

الرياضة
السبت و الثلاثاء الساعة 9ص

الكيمياء
السبت و الثلاثاء الساعة و الخميس الساعة 12

الانجليزي
السبت الساعة 10 ص
الاربعاء الساعة 6

الفرنساوي (مخصوص )
اي ليس لة ميعاد ثابت و 3 حصص فى الاسبوع

على العلم انى فى تانية ثانوي
و متاخر فى مذاكرة الانجليزي و الفرنساوي فياريت تتوصى بيهم فى المذاكرة شوية
ارجو الرد سريعا

اقتباس:

المشاركة الأصلية كتبت بواسطة مكعبات (المشاركة 3057732)

السلام عليكم
بصى يا ست ايه
المشكله اللى عندك منتشره جدا خصوصا اليومين الدول
تلاقى الواحد اشتغل اول السنه من نار
و فجأه نام و بقى كسلان
و مخه رافض اى معلومه
انصحك بئه انك تخدى اسبوع او اسبوع و نصف راااااحه
بدون اى مذاكره
و بكده المخ يكون خد راحه و مستعد يقوم من جديد و يستوعب المعلومه بشكل كويس
و لو بردو بتواجهى مشكله فى عمل جدول او تنظيم الوقت ابعتى مواعيد دروسك
و انشا ءالله نعمل جدول مع بعض

علي فكرة انا عملت كدا الاسبع الي فات بس جت حظ لقيت كل الناس ملهية في الي بيحصل بقيت مش بذاكر

بنام تليفزيون لا اجازة اخر السنة

وماما زعقتلي فوقت نفسي وبذاكر بقالي يومين بحماس والحمد لله
:022yb4::022yb4:

الحالة ضنك الايام دى بسبب الظروف اللى حاصلة ""الثورة"" وانا لم أفتح كتاب منذ 11يوم وانا فى المرحلة الثانية "علوم" فيا ريت رد سريع ""very fast reply".................

وتقبلى المرور

موضوع متميز
و فكرة حلوة
لكن نظراً للضغط انا مش هطرح مشكلتي دلوقت و هستني يوم كده ولا حاجة تكوني خلصتي المساكل دي
و ساعتها ابقي اقدر اتكلم براحتي بإذن الله
موضوع متميز يا مكعبات
و بإذن الله في خلال اسبوع ممكن ياخد شهرة علي مستوي المنتدي بإذن الله تعالي

اقتباس:

المشاركة الأصلية كتبت بواسطة future_doctor (المشاركة 3059669)

السلام عليكم
اولا ملحوظه: انا بنت مش ولد
ثانيا بئه ارجوك استنى شويه على موضوع الجدول ده لحد منا ارجع انظم وقتى تانى
انتا عارف الظروف الاخيره
و انشاء الله ف اقرب وقت هيكون عندك

اقتباس:

المشاركة الأصلية كتبت بواسطة محمود سماحة (المشاركة 3073057)

السلام عليكم
كلنا بالاجماع توقفنا عن المذاكره من ساعه الازمه الاخيره اللى انشاء الله هتعدى على خير

تابعنى يوم السبت الجى
انشاء الله هتكلم ف الموضوع ده
عشان الكل يرجع يزاكر زى الاول
استنانى

اقتباس:

المشاركة الأصلية كتبت بواسطة the coder (المشاركة 3073942)

لا اتفضل لو عندك مشكله قولها انا تحت امرك
و انا اسفه على التأخير

السلام عليكم
الموضوع مفتوح لعرض مشاكل الطلاب
و انشاء الله نكون فى خدمه الجميع

اولا شكرا على الموضوع

انا بقى حسه انى ملغبطة خالص فى المذاكرة وكل اما اعمل جدول مش بمشى عليه
وكل اما امسك مادة احس ان فى مادة تانية اهم ومتاخرة فيها
ارجو الرد
ومرسىىىىىىىىىى

السلام عليكم و رحمة الله و بركاته
فكرة الموضوع ده حلوة جدا و شكرا لصاحب الموضوع على طرح الفكرة

انا مشكلتي متتحلش لان فات الاوان...انا بس عايزة ارائكم في الموضوع ده

انا احدى طلاب ثانوي اللي قرروا انهم ميبذلوش اقصى جهدهم في اولى ثانوي و يوفروا جهودهم لتانية و تالتة
و بصراحة لما بدات سنة تانية مكنتش اتوقع ابدا اني ممكن اسيب السنة تعدي مني و بعدين ابذل اقصى جهدي في المذاكرة في اخر 3 او 4 شهور زي ما ناس كتير بيعملوا..بس ده فعلا اللي حصل...لقيت السنة بتعدي مني شهر و لا شهر بس انا الحمد لله ادركت الازمة اللي انا فيها في اواخر 12 و معتقدش اني اتاخرت اوي في ادراك المشكلة...مش كدة و لا ايه؟؟
المهم مشيت حوالي اسبوعين كويسة في المذاكرة الا ان حادثة الكنيسة في اسكندرية حركت مشاعري و طبعا انا في الفترة دي انشغلت باللي بيحصل و تقريبا مفتحتش كتاب لمدة 4 ايام على التوالي
المهم بعد فترة استقر الوضع فرجعت تاني انظم نفسي و اذاكر تاني بس ضاعفت الجهد تعويضا للايام اللي ضاعت
الوضع ده كان مستقر لغاية يوم 25 يناير .... بصراحة من اليوم ده و انا مش عارفة اذاكر خالص و طول الوقت قدام التلفزيون بتابع اللي بيحصل في بلدي تقدري تقولي كدة ان انا تقريبا لمدة 10 ايام مفتحتش كتاب الا لما الاسرة الكريمة كانت بتانبني على الوقت اللي بيضيع و بيقوليلي ان اللي بيحصل ده مش هينفعني و لازم مفكرش في حاجة غير في الثانوية العامة و المذاكرة و بس فكنت بضطر امثل اني بذاكر و طبعا انا مكنتش بذاكر
بس اقتنعت بكلامهم في النهاية بعد ما عدى 10 ايام من غير مذاكرة فقررت اسيب البلد و اللي بيحصل فيها و انتبه لمذاكرتي و ثانويتي العامة
و انا تقريبا دلوقتي بقالي اكتر من 4 ايام حابسة نفسي في اوضتي و كتابي في ايدي و قهوتي و نسكافيهي و شايي جنبي....تقدري تقولي كدة ان انا فعلا دلوقتي بقيت طالبة في ثانوية عامة
معلش طولت عليكي بس انا بجد عايزة اعرف هو فعلا موضوع اني اسيب السنة كلها و مجتهدش فعلا غير في اخر 3 شهور ده بينفع و لا بيبقى مجرد صدفة و لا مسالة حظ و لا ايه بالظبط!!!(مع العلم ان ده بجد كان غصب عني يعني انا مكنتش ناوية خالص اني اعمل كدة بس لقيت ده بيحصل تلقائيا و ان شاء الله باذن الله تعالى ده مش هيحصل في تالتة اصل مش كل مرة تسلم الجرة..المهم بس ان السنة دي تعدي على خير).
شكرا ليكي مرة تانية على الطرح الرائع ده و اتمنى انك تشاركيني برايك و ممكن اي حد كمان يقول رايه و هكون سعيدة جدا

اقتباس:

المشاركة الأصلية كتبت بواسطة princess amira (المشاركة 3085504)

السلام عليكم و رحمة الله و بركاته
فكرة الموضوع ده حلوة جدا و شكرا لصاحب الموضوع على طرح الفكرة

انا مشكلتي متتحلش لان فات الاوان...انا بس عايزة ارائكم في الموضوع ده

انا احدى طلاب ثانوي اللي قرروا انهم ميبذلوش اقصى جهدهم في اولى ثانوي و يوفروا جهودهم لتانية و تالتة
و بصراحة لما بدات سنة تانية مكنتش اتوقع ابدا اني ممكن اسيب السنة تعدي مني و بعدين ابذل اقصى جهدي في المذاكرة في اخر 3 او 4 شهور زي ما ناس كتير بيعملوا..بس ده فعلا اللي حصل...لقيت السنة بتعدي مني شهر و لا شهر بس انا الحمد لله ادركت الازمة اللي انا فيها في اواخر 12 و معتقدش اني اتاخرت اوي في ادراك المشكلة...مش كدة و لا ايه؟؟
المهم مشيت حوالي اسبوعين كويسة في المذاكرة الا ان حادثة الكنيسة في اسكندرية حركت مشاعري و طبعا انا في الفترة دي انشغلت باللي بيحصل و تقريبا مفتحتش كتاب لمدة 4 ايام على التوالي
المهم بعد فترة استقر الوضع فرجعت تاني انظم نفسي و اذاكر تاني بس ضاعفت الجهد تعويضا للايام اللي ضاعت
الوضع ده كان مستقر لغاية يوم 25 يناير .... بصراحة من اليوم ده و انا مش عارفة اذاكر خالص و طول الوقت قدام التلفزيون بتابع اللي بيحصل في بلدي تقدري تقولي كدة ان انا تقريبا لمدة 10 ايام مفتحتش كتاب الا لما الاسرة الكريمة كانت بتانبني على الوقت اللي بيضيع و بيقوليلي ان اللي بيحصل ده مش هينفعني و لازم مفكرش في حاجة غير في الثانوية العامة و المذاكرة و بس فكنت بضطر امثل اني بذاكر و طبعا انا مكنتش بذاكر
بس اقتنعت بكلامهم في النهاية بعد ما عدى 10 ايام من غير مذاكرة فقررت اسيب البلد و اللي بيحصل فيها و انتبه لمذاكرتي و ثانويتي العامة
و انا تقريبا دلوقتي بقالي اكتر من 4 ايام حابسة نفسي في اوضتي و كتابي في ايدي و قهوتي و نسكافيهي و شايي جنبي....تقدري تقولي كدة ان انا فعلا دلوقتي بقيت طالبة في ثانوية عامة
معلش طولت عليكي بس انا بجد عايزة اعرف هو فعلا موضوع اني اسيب السنة كلها و مجتهدش فعلا غير في اخر 3 شهور ده بينفع و لا بيبقى مجرد صدفة و لا مسالة حظ و لا ايه بالظبط!!!(مع العلم ان ده بجد كان غصب عني يعني انا مكنتش ناوية خالص اني اعمل كدة بس لقيت ده بيحصل تلقائيا و ان شاء الله باذن الله تعالى ده مش هيحصل في تالتة اصل مش كل مرة تسلم الجرة..المهم بس ان السنة دي تعدي على خير).
شكرا ليكي مرة تانية على الطرح الرائع ده و اتمنى انك تشاركيني برايك و ممكن اي حد كمان يقول رايه و هكون سعيدة جدا

السلام عليكم

المشكله اللى حصلتلك من يوم 25 يناير حصلت للجميع
و انشاء الله لو الواحد اجتهد شويه هيعوض الايام اللى فاتتو
اما بئه موضوع ان الواحد يجتهد اخر 3 شهور
فده على حسب قدره الواحد على التحصيل
انا اعرف ناس عملت كده و جابت 94 ف الميه
بصى لو انتى فعلا ابتديتى بجد
من غير تضييع وقت هتجيبى مجموع كويس وممكن يوصل ل 95
و ربنا يوفقك
و انا ف الخدمه

اقتباس:

المشاركة الأصلية كتبت بواسطة aya refat (المشاركة 3085299)

السلام عليكم
لا ااااا اوحش حاجه التردد
اهى دى مشكله كبيره بس حلها سهل صدقينى
اقولك انسى خالص موضوع الجدول واضح انو مش نافع معاكى
و اعدى كده مع نفسك و انتى مش اقل من اى حد
اولى ان انتى هتزاكرى النهرده مثلا رياضه و اعدى ع الرياضه النهرده
تعالى بكره امسكى ماده تانيه و اعدى عليها متسيبيهاش
و هكذا
متتغطيش على نفسك و زاكرى الماده اللى نفسك فيها
و انا ف الخدمه

بصى يا سيتى انا مشكلتى انى مش عارفة ازاكر الرياضة والكيمياء خالص لانى مبحبيهومش وخايفة معديش السنة دى

شكرا على الموضوع وبجد فى مواضيع جميله فى القسم هنا وجزاكى الله خيرا

فكرا جميله انا متابعه معاكم ربنا معاكم