العيلة كلها في الكويت وانت شغال بالعقد ياعم سافر معاهم وسيبك محدش حيسئل فيك في تعيين خلاص راح زمن التعيين والتثبيت

لانى اريد الاحساس بالامان
لما اتعب وارجع الاقى مكانى موجود
وكمان يكون فية دخل ثابت
ومحدش يحس انة اعلى منى
وعلشان عمرى اللى فات ميضيعش هدر
ولو ضاقت بية الدنيا اغير المكان سواء داخل مصر او خارجها
وفوق دة كلة انة حقى

اللهم استرنا ولا تفضحنا

لاحول ولا قوة الا بالله التعيين بعد ست سنين عقد عذاب أ صبح هاجس وحلم لنص مليون معلم فى مصر
الصبر جميل

علشان نحس بأمان واحنا فى بلدنا
ياعالم بكرة يقولولنا مع السلامه لغينا العقود
ومش بس المدرسين هما اللي عندهم مسؤليات وشقة وغيرة
البنات كمان لازم تساعد الدنيا صعبة اووووي

لا يوجد أمان الان

والله احنا فى مجتمع كل قياساتة الوقتى بالمال والمكسب والله انا عاوز اتثبت علشان الاقى نواية لما احب اتسند اتسند عليها بس يعنى التثبيت بالنسبة لى نواية تسندنى ولو التعيين هايكفى احتياجاتى اذن الشغل فى مصر هنا هايبقى معاشى اما لو النواية مسندتنيش يبقى ادور على حتة تانيةاتسند عليها

اه بسال بس علشان المرتب اللى بناخدو ما اكل عيش
بس الواضح من الردود ان الموضوع نفسى مش اكتر اللى عاوز كرامه واللى عاوز يسافر الكويت واللى عاوزه تتجوز جوازه محترمه واللى عاوز يتساوى مع زمايله
المهم ان مفيش حد قال علشان مرتبه يذيد لانه عمره ما حيذيد
عارفين الموضوع ده بيفكرنى بوظيفة شيخ البلد شرفيه وبس ههههههههههههههههههه
تقبلو مرورى
معلهش انا اكيد مخنووووووق زيكم
بس مش من التعيين مخنوق من الظلم

الأسباب التى تجعل المعلم المساعد يفكر فى التعيين :
1- أن يصبح أساسيا.
2- يأخذ اجازة بدون مرتب ويسافر إلى أى دولة .
3- لا يطالب بمحو الأمية .
4- تتغير نظرة المجتمع له .
5- للزواج .
6- لايتحكم فية أحد .
وهناك أسباب أخرى لا أتذكرها حاليا.

فلماذا لا نفكر فى الاجتهاد أكثر فى العمل من أجل مصر ونهضتها ؟ أنا أقصد مصر كوطن ، حتى لو كنا لا نرضى عن الحكومة ، فلا نجعل هذا سببا فى التكاسل عن آداء أسمى مهنة على كوكب الأرض ( التدريس ).
فليكن شعارك كن كالنخلة ترمى بالحجارة فتسقط أطيب البلح.

بتقول نعمل لنهضة مصر كوطن احنا اصلا مش حاسين انها لسه وطن لنا

انما هى بقت وطن للى حاكمينها وبس لانهم الوحيدين المستفيدين منها ومن خيرها:bosyht9:

انا شايفة انه من حقه ومن حق اى حد يدور على حياة كريمة طالما مش قادر يحققها فى بلده (بالطرق المشروعة )يبقى يدور عليها فى مكان بيقدر العلم ولما يفكر يرجع يلاقى مكانه محفوظ ومايلاقيش نفسه فى الشارع وبيتهيالى هو ده التفكير العقلانى مع احترامى لرأى حضرتك
انا بقى عاوزة التثبيت علشان اتنقل محافظة تانية لظروف دراسية واظن ان ده ابسط حقوقنا حتى مع التعاقد بس ده شرط تعجيزى من الاول وللأسف وافقنا عليه

بس يعطونا مرتب محترم واحنا نعمل لنهضة مصر

نسيت اهم نقطه يا باشا
لما يكون المرتب ملاليم
عارف ليه لان فيه ناس شغاله بعقد فى هيئات تانيه كتير ومرتاحه جدا ولو قولتلهم نعينك فى التربيه والتعليم حيرفضو
لان مرتباتهم خياليه

بحييكى على رايك اللى انا عن نفسى مقتنع بيه
بقينا مهتمين بالتعيين ونسينا اننا بنقبض ملاليم
ال مدرس محترم ومربى اجيال ال
انا بقالى سنتين مش عارف اشترى قميص جديد ههههههههههههههههه
ويقولى نيه مبيته
تقبلى مرورى