|
لا مبايدش خالص
|
انا كمان مشتركة في الفيس بوك بس الصراحة باسم ولد
لاني كنت بسمع انه بيحصل فيه حاجات وحشة وفضايح فقلت ادخل باسم ولد لكن انا مش بعارض ان البنات تشترك فيه لان فعلا اهم حاجة التربية والاخلاق لو هي مؤدبة خلاص ميتخفش عليها |
اقتباس:
بس حضرتك لازم توضح وجهه نظرك مش يمكن تقنع ناس وانا من ضمنهم يعني !! ونغير اتجاهاتنا خالص وممكن بعد كدا مش تلاقي ولا بنت في المنتدي:d:d ولا حتي معاها موبايل:d |
الله ينور عليك موضوع رائع
|
اقتباس:
صدقيني يا تسابيح لو علمت في ايضاحي خيراً لأوضحت الأمر كما أراه ويراه الغالبية , ولكني أعلم جيداً أن الأمر سيؤدي إلي مشاحنات ومجادلات علي الأقل أنا في غني عنها !!! وكمثال صغير دون خوض في التفاصيل : كل من يؤيد هذه الحريات للبنت لن تجدي له أي مبرر أخر سوي " طالما التربية والنشأة هي تربية سليمة وعلي الاسلام , فلا بأس " !!! لو كان ما نزعمه صحيحاً , ما كان هذا حالنا !!!! وكفاية بقي يا تسابيح , انتي بتستدرجيني واحدة واحدة , وأنا لو انفتحت مش حخلص :bosyht9: |
اقتباس:
طيب ما اللي عايز يغلط هيغلط حتي في الحياة العامة بس بدل فيه رقيب وهو ربنا اكيد مش هيغلط ولا ايه !!! وبعدين كمان الممنوع مرغوب...!!! انا بحاول استفيد من حضرتك :) |
اقتباس:
اااااااااااااااااااه من المنايفة ومكرهم !!!! قلتلك منوفي علي منوفي مينفعش :p:p بس عشان تسابيح غالية جداً عند الكل , حرد علي كلامك دا , بس باختصار . مينفعش أحط البنزين جنب النار وأقول حوطي النار شوية !!!!!!! انتي عايزة ايه بالظبط ؟؟؟؟!!!!! البنات والستات هنا في المنتدي كتير اوي , ومعظم الشباب حيبقوا في صفهم وأنا اللي مش حعجب !!!:angry2::angry2: |
اولا موضوع جميل جدا وكنا محتاجين نقاش فى الموضوع ده
اولا انا مش بعارض نهائى ان بنت تشترك فى الفيس انا عاملة اكونت لكن طبعا بشروط اولا ممنوع انها تحط صورة ليها او للعيلة مثلا او اى حد تعرفه ثانيا فى حاجه اسمها اقبل صداقة حد ولا لا وعلى سبيل ذلك بختار اللى انا عوزاه يعنى لا زم تكون واحده اعرفها او صديقة مشتركة عند صحبتى وواثقة فيها لكن مش اضيف اى حد والسلام ليكي الحرية انك تقبلى او لا يعنى مش مفروض عليكي وانتى اللى بأيدك تصونى نفسك وراجعه برضوة للتربية وان يبقا فى رقابة اكيد وانا مش شايفة انه غلط الا لو تجاوز الحدود الفيس شبيه للمنتديات الا انه بيبقا فيه حرية شوية لكن المنتدى قوانين ولازم نلتزم بيها فده رأيي المتواضع ميرسى يا حبيبة قلبى موضوع رائع للمناقشة |
السلام عليكم ورحمه الله وبركاته لا طبعا ازاى يعنى؟؟؟المحترم محترم فى كله مش هتستنى كمبيوتر ولاب توب.. الفيس بوك موقع زى اى موقع بس البعض بيستخدمه استخدام سئ وانا عن نفسى مشتركة فيه وعارفه كويس انا بعمل ايه فيه لكن حكاية الشاب دى اصلا عدم ثقة كبيره جدا لكن الفيس بوك موقع عادى على كده بقى البنات ملهاش خروج ولا تعليم ولا تليفزيون ولا موبايل ولا كمبيوتر ولا حاجة خالص توعد جمب الحيطة لغاية ماتموت..اصلها مش مضمونه يا ترى ممكن تعمل ايه لالا طبعا مفيش حاجة اسمها كده |
المحترمه محترمه فى كل حته على النت او بره النت على موقع علمى او شات
ولو البنت محترمه ومؤدبه والله لو فين حتى برده حاتبقى محترمه وكل واحد وايه وحريته الشخصيه دا رايي وشكرا |
لا أؤيد لا البنات ولا الولاد
موقع غريب وبيتحول لإدمان ومفيش فايدة عملية منه كان عندى حساب فيه اكتر من 1000 صديق وجروب اعضاؤه عدو ال 500 قفلت الجروب ولغيت الحساب لأنه بدأ ياكل الوقت بطريقة غبية ومن غيره عايش مرتاح هانى البااال على رأى اللمبى :d |
اقتباس:
بجد كلامك صح جدا مية فى المية احيكي بجد |
الحقيقة هو مش حرام
بس انا اصلا مبحبوهوش شكرا لك |
والله انا مبحبهوش اصلا لأنى سمعت انه موقع اسرائيلى تحاول من خلاله استمالة عدد كبير من المسلمين والمسلمات
لذلك اطالب بالا يشترك فيه أحد من الاولاد أو البنات |
اقتباس:
عادى جدا ان البنت تشترك فى الفيس بوك. .مدام هي مش بتعمل حاجه وحشه ومش بتضيف ولاد ما تعرفهمش. .ومش بتدخل على حجات مش مضمونه..يبقى خلاص. .عادي انها تشترك في الفيس بوك.. وهي لو بنت متربيه وعارفه مصلحتها اكيد مش هاتعمل حاجه وحشه والفيس بوك مفيد الي حد ما يعني فيه جروبات حلوه اوي ولعمرو خالد و مصطفى حسني وكمان متعملشى شات مع حد ويكون في مراقبة جامدة من الوالدين ومضفشى اي حد ماتعرفهوش لاني في اولاد بتدخل علي اساس وبنات وبيكتبوا اسماء بنات ربنا يهدى شكرا للمرورك |
| جميع الأوقات بتوقيت GMT +2. الساعة الآن 12:46 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.