السلام عليكم ورحمة الله وبركاتة
يا جماعة الكلام دة صحيح فعلا ولكن التعيين سوف يتم قبل انتهاء الثلاث سنوات وحتى ان تم بعد ذلك فسوف يتم تعيينة بأثر رجعى مثلما حدث فى بعض العقود ، لان دفعات التعيين فى الحكومة يجب ان تتم بشكل دفعات متساوية اى فى تاريخ تعيين واحد علشان تخرج بردة فى ميعاد واحد على الميعاش وتكون الدرجات المالية متساوية ، والدليل على صدق هذا الكلام انا كتبتة فى اول مشاركة لى
ان الجهاز المركزى ارسل لادارتى التعليمية بأذن يدرج اسمى ضمن المعينين لاننى ضمن نسبة ال 5% لذوى الاحتياجات الخاصة
فكيف يرسل التنظيم والادارة ردا على شكواى يقول فيها يدرج اسمة ضمن كشوف المعينين وليس هناك تعيينات اصلا وشكرا

يعنى لسه هنتستنى ل 2011 ولما يجى 1\7 \2011 هيقولوا 1\7\2012 وهكذا وهكذا................... طب لما هو التعيين فى 2011 شغلين نفسنا من دلوقتى ليه ؟؟؟؟؟؟؟؟؟؟؟ صراحه مش فاهمه حاجه؟؟؟؟؟؟؟؟؟؟ يعنى هنتعيين دلوقتى ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياست الكل الراجل بيقول
هيتم التعيين على دفعتين
دفعه أولى حتى تاريخ 20/5/2010 وهي الدفعه الأولى اللي أخذت السبع موديلات حتى هذا التاريخ واختبرت الكادر
الدفعه الثانيه بعد هذا التاريخ
يقصد ب 1/7/2011 هو تطبيق الكادر عليهم

ممكن نوضح اكتر كلام الاستاذ من حد يكون فهمه اكثر يعنى فيه تعين دلوقتى ولا لسة فى سبعة

بسم الله الرحمن الرحيم
أولاً :مع احترامى لصاحب الموضوع
لا تصدق كل حاجة تتقال
ثانياً : كلامك غير معقول بالمرة
لان فى ناس عقدها هينتهى 31/12/2010 يعنى أول يناير القادم
هتكون خلصت مدة الثلاث سنوات من العقد
و بحسب قانون الكادر لابد من التعيين فى خلال السنوات الثلاث
و لو خلص العقد ماينفعش يمده سنة رابعة

يا جماعة مش كل حاجة تتصدق
حضرتك بتقول واحد قريبى فى المديرية
هو من امتى اللى شغالين فى المديرية يعرفوا حاجة
و كمان بالتفاصيل الدقيقة دى مش معقول

باذن الله باذن الله التعيين قريباً جداً جداً
مش معقول كل الاخبار اللى قرناها خلال الايام اللى فاتت دى كلها و مفيش حاجة ..

يقصد بكلامة ان التعيين سوف يتم على دفعات كلا حسب اكتمال ملفة فى الاكاديمية (هذا الكلام يخص من امتحنوا الكادر من المتعاقدين ) الى ان يتم تعيين كل من امتحن ولكن يقصد بتاريخ 1/7/2011 ذلك التاريخ الذى سوف يصرف فية الكادر الخاص على وظيفة معلم
يجب ان تدركوا ان هناك فرق بين التعيين الادارى وبين صرف المرتب على درجة التعيين
اى انكم وبموجب هذا الكلام ستعينون بأذن الله تعالى ولكن على دفعتين وتسكنوا على الدرجة الثالثة بمسمى وظيفى معلم
ولكن صرف الراتب والكادر الخاص بهذه الدرجة وهذا المسمى سوف يتم فى 1/7/2011 لكى تكون الدرجة والصرف متساوى لجميع الدفعة كى لا تحدث فروقات مالية


كما اننى احب ان اقول للجميع لا تقلقوا فالتعيين قادم لا محال لانة وبالمنطق كيف يتم دخولكم لاختبار الكادر وتصرف الدولة والوزارة ملايين على هذه الامتحانات من لاجان ومراقبة واوراق ثم يتم الاستغناء عنكم
كما ان من ينتهى عقدة فى 1 او 2 او 3 او 4 2011 عددهم كبير جدا ولا ابالغ ان قولت انهم عماد العملية التعليمية الان فى مصر فيكف ينهى عقدهم بسهولة ومن سوف يحل محلهم انها عملية معقدة وقد انغرست الدولة فيها ولن نستطيع الخروج من هذا المأزق الكل يدعى للوزير السابق يسرى الجمل لانة لة الفضل بعد الله فى كل ذلك ولولاة لكنا ما زلنا نعمل بالاجر الى الان
وانا اعتقد انة لو كان ما زال فى الوزارة لكان التعيين تم من 6 شهور على الاقل

ياجماعه انا سؤالى واضح هل التعيين على مراحل ولا كمرحله واحده لحد 30/9 اللى عنده رد واضح يقوله ويكون منطقى وبدليل لو سمحتم.........وشكرا

فى القليوبيه اول عقود معموله كانت بتاريخ 1/2/2008 يبقى ازاى هنشتغل لحد شهر 7 من غير تثبيت وازاى هتشتغل والعقود مكتوب يجدد سنه والكل طبعا اتجدد له سنه
انا مش فاهم
وازاى تقول هيعينو على دفعات وبعد كده تقول هيتعينو فى 7 كلام غريب شويه

والله العظيم كتبت فأوجزت والله يطمن قلبك يارب

كما اننى احب ان انوه على نقطة اخرى فى غاية الاهمية
وهى الميزانية العامة للدولة فهى تنتهى 30/6 وتبدأ الميزانية الجديدة فى 1/7 اى ان اى تعيين جديد يتطلب ان يدرج فى الميزانية العامة للدولة
وبناءا علية فأنتم سوف يتم ترقيتكم الى وظيفة معلم على دفعات او قبل نهاية هذا العام او حتى بعدة الى ان يأتى تاريخ 1/7/2011 سيكون كل من دخل اختبار الاكاديمية من المتعاقدين قد عين بتواريخ ادارية مختلفة وبقيام بالعمل بتواريخ مختلفة ولكن سوف يتم صرف الراتب والكادر الخاص بهذه الترقية بعد 1/7/2011 مع بداية السنة المالية الجديدة
كى لا يأتى احدا عين بتاريخ قبل الاخر ولم يصرف راتبة الجديد على الوظيفة الجديدة ويطالب بهذه الفروقات المادية من تاريخ تعيينة الى 1/7/2011

يعنى هنتعين بس مفيش كادر الا فى سبعة صح كدة ولا انا غلطانة

ياجماعه انتوا بتتكلموا في ايه انا تعاقد 2-2007 يعني 2 الجاي ييكون العقد الخامس

ايوةةةةةةةةةةةةةة صح