والله بالنسبه لصداقات النت
جت عليا فتره بقيت بثق فى اى حد بسرعه
فى الفتره الاخيره دى مش هقول انعدمت بس بقيت حذره اوى
وده المفروض اصلا
اعتبرى نفسك بتتعاملى مع كومبيوتر مش اكتر

if it's online, then i believe u should call it
صحابه not صداقه
that's what i believe becuase sadaqa is like a really true friend and i would be amazed to see real true BEST FRIENDS online without seeing each other for atleast onece...

** i totally agree with سيليا :) and most of other ppl's poins of view, also :)

اولا احب اشكرك اخت زوزو على الموضوع ده
بالنسبه لصداقات النت فصعب جدا انك تثقى فى اى حد الا اذا كنتى تعرفيه انا كنت فاكرة انه الانسان الذكى يقدر يفرق بين الانسان الكذاب من غيره لكن للاسف عمرك ما تقدرى قليل اوى الى يقدر يفرق ودى مش بيبقى ذكاء ولا حاجة كل الحكايه ان الى بتكلميه بيبقى عارف ازاى يكذب عليكى وانا يمكن فترة كده كنت بكلم ناس مش كتير لكن لقيت احدهم بيكذب فلقيت الاحسن انى مش اكلم حد وده الى حصل والى انا شايفاه صح وكفاية صحباتى على الاقل بتشوفيهم وكده
دى وجهة نظرى وميرسى يا قمر علىالموضوع ال جامد ده

<div align="center">متشكره لردودكم كلكوا
بس انا شايفه ان كلكم شبه مجتمعين على ان الواحد يقدر يفرق بين الكويس والوحش
بس ده اللى انا اكتشفت انى مش بقدر اعمله
ناس كتير وثقت فيهم وطلعوا مش اهل للثقه دى
بس ده اصله مش ذكاء دى موهبه من عند ربنا وهى الحقيقه مش عندى
وبالنسبه لانى اقابل البنت اللى بكلمها
طيب انا كل اللى عرفتهم من اسكندريه والمنصوره والاقصر يعنى مستحيل اقابلهم
وانى اكلم ولد دى ممنوعه خااااالص واول ما بشك فى ان اللى بيكلمنى ده ولد على طول بقفل معاه ومش بتكلم تانى خالص
والمقلب كان ان ولد بيعيش عليا على انه بنت بس الحمد لله ربنا كشفهولى قبل ما اتكلم معاه كتير
بس بجد من تجارب سابقه متكلموش حد ع النت الا اذا كنتوا واثقين فيه ع الاقل انه يكون محترم ومتدين دى اول حاجه
لو لقيتوا غير كده مانصحكمش
ومعلش طولت عليكوا</div>

بسم الله الرحمن الرحيم

بصى يا زوزو بإختصار . .. انا احيانا بشوف بنات فى المنتدى بحب طريقة كلامهم
واعجب بارائههم وبحس انهم قريبين منى فببعتلهم ايميلى وبطلب منهم نكون اصحاب

فى الحاله انها وافقت بتكلم معاها وممكن اوى نكون اصحاب .. واحياينا كمان لما بثق فيها
بديها نمرة الموبايل...

على فكرة صحيح الشخصية مش بتبان اوى على النت .. بس الطبع غلاب...
يعنى ممكن اوى تعرفيها ككويس ومرة مع مرة صدقينى حتعرفى هى فعلا ممكن تكون صاحبتك ولا لأه...

لان الواحد على طول المفروض يعمل صداقات وإالا مش حيعرف يعيش لوحده
والموضوع ده بيحصل كتير ..

لكن انا اعرف ولاد على المنتدى هنا زى اخوانى..بس دى اخر حدود علاقتى بيهم
لانى جربت قبل كده اتكلم معاهم على الماسنجر .. وكانت النتيجه مش طيبة ...

شكرا يا زوزو ..

الصداقه لها معنى كبير ولكن الخيبه الكبرى ان الواحد يحب واحده عن طريق النت والاتنين ميعرفوش اشكال بعض ههههههههه .انا اقول بأن لا صداقه ولا حب على النت لان النت كله اشتغالات وواحد صحبى حب واخده عن طريق النت ايه النهايه مستشفى الامراض العقليه

والله ياجماعه ردودكم كلها عاجبانى
وكلامكم غير رايى شويه عن الصداقات اللى ع النت
وشكرا ليكم كلكم على مناقشه الموضوع

انا من رائى الصداقة ع النت افضل شىء بجد
لالانك تقدر تشكى همومك و لا حد يقدر يمسك عليك حاجة
وتقدر تاخد اكتر من راى فى اى حاجة
وماحدش بنقى الموضوع اللى هيتكلم فيه الكلام بيجيب بعضو (حسب شخصية اللى بتكلمو طبعا)
الصداقة ع النت جميلة بجد
اانما اى حاجة تانى لاء
عن تجربة بجد
(محبة الله)
سلام

مافيش مانع تعمل صداقة انترنت ولكن الصداقة لا تاتى بيوم لا تاتى باالاستمراار

وشكراا للموضوع الجميل

عادي والله مبتفرقش لان الي هيكلمني دة هيكدب عليا لية او هيعمل معايا حاجة مش كويسة لية
دة اكيد واحد عايز يعمل صداقة وخلاص

يبقي لية افترض فية سوء النية

موضوع جميل

دى بتكون اسمها فراسة ممكن كمان يتميز بيها بمجرد النظر فقط او الكلام فقط

انا حصل معايا اكتر من موقف و اكبرهم واحد اختوا زي اخوية بالزبط بس طلع بيشتغلني بس الحمدلله ربنا مديني نعمت ان انا اتجرح و الم الجرح في وقت قصير جدااا الحمد لله بس بجد لسة بثق فيه بس خاصة المنتدي ده :)