بوابة الثانوية العامة المصرية - جميع اعمال الاستاذ / عثمان ربيع

اقتباس:

المشاركة الأصلية كتبت بواسطة omarmax (المشاركة 1796504)

أستاذي الفاضل بجد أنا بدعيلك من قلبي ... الناس الزيك بجد قليلين .. :)
معلش استاذنك في كذا سؤال ... عشان أنا مخنوق قوي بسبب التاريخ
1: أنا باقعد أذاكر بالساعات بالكتابة .. بقرا الدرس مرة وبعد كده بقرأ واكتبه في هيئة نقط .. وأروح أحِل ألاقي نفسي في حاجات كتير مش عارف احلها وحتى لما بقلب فالكتاب مش بعرف اطلع (اسئلة غير مبشرة )
فـبشعر إني بذاكر وكله بيطير :s
ياريت حضرتك تقولي طريقة كويسة لحفظ التاريخ ومذاكرته
وأنا محتاج قوي مذكرات اسئلة واجوبة .. بما تفسر والنتائج ودلل ..عشان في حاجات كتير مش بعرف احلها لوحدي فـياريت تسعدني :)
2: أذاكر انهي تواريخ : مثلا في الفصل السادس في تواريخ كتير قوي أكيد مش كلها حفظ أعرف أنهي الحفظ وأنهي العادي إزاي ؟؟
وبجد أنا اسف قوي إني بتعبك معايا ويارب اكرمك ودخلك جنة الفردوس وفرح اقلبك فالدنيا واخيرا .

بص يا عم عمر ...... انت مفيش مشكلة عندك
بالنسبة للحفظ ثم النسيان ..... دة شيء عادي وطبيعي في مادة التاريخ في هذه المرحلة ..... اهم حاجة متتعقدشي ..... كل ما تحس انك نسيت ولا يهمك ... راجع اللي انت حسيت انك نسيته ......

طبعا زمانك بتسال نفسك يا تري هفضل انسي كدة علي طول ؟؟
الاجابة .. لا
ليه لانك بمجرد ما تخلص المنهج شرح وتبدأ تراجع المعلومات بتتثبت ورا بعضها لان مش هيبقا فيه جديد بيدخل مخك ..... اذن النسيان دة شيء مؤقت ولازم نفضل نذاكر عادي بالورقة والقلم وباجتهاد
كل ما تتعب في المذاكرة ..... هتستفيد بعدين لما تخلص المنهج.... ولما تراجع هتلاقي ان المادة زي الفل ومش صعبة خالص زي ما انتا فاهم

كل طلاب الثانوي اللي درسوا تاريخ كانوا بيقولوا نفس كلامك في الاول .... ورعدين حفظوا المادة واصبحت من الذ المواد اللي درسوها، وجابو في التاريخ درجات ممتازة رفعت مجموعهم .

ملاحظة هامة .... يا ريت بعد ما تذاكر الدرس ..... تحل اسئلة عليه
حل الاسئلة بيثبت المعلومة ..... ومش مهم انك تحل بدرجة ممتاز ...... حل اللي انت عارفة واللي انت مش عارفة افتح المذكرة شوف الاجابة ايه .

اي التواريخ مهمة في الفصل السادس
1- تاريخ مجيء كل حملة
2- تواريخ المعارك ( هجري وميلادي )
3- تواريخ المعاهدات والصلح ( هجري وميلادي )

بالنسبة لطلبك بتاع مذكرة س و ج .... انا ارشح لك مذكرة اخي الاستاذ محمد ابراهيم وانا وضعتها في المرفقات

واي خدمة