فعلا كلها محصلة بعضها بلاش نتناقش في حاجات زي دي بالحساسية دي كلها خلينا نركز في حقوقنا ومستوانا الاجتماعي وان نرفع من قدر بعضنا

ردا على الأستاذ اللى بيقول ا ن الوكيل الثقافى بيقعد لشرب الشاى وجدولة حصص8 انا مش معاك ليس كل وكيل ثقافى ولا كل مدرس ثقافى بياخد اقل الحصص وبيقعد لشرب الشاى انت مخطىء فى قولك هل ذهبت الى جميع المعاهد الأزهرية وشاهدت بأم عينك ام على ماذا بنيت رأيك هذا رأيك انت احتفظ به لنفسك ثم ان المعلم الثقافى خاصة معلم اللغة الأنجليزية والرياضيات والوكيل الثقافى للأنصاف هم اللى شايلين المعهد فالمعلم الثقافى جدوله مكدس ويعمل طوال اليوم الدراسى على خلاف الآخرين فانا ارى لابد من عودة منصب الوكيل الثقافى

يظهر ان الاستاذ بيتكلم على مكان تانى غير الازهر المكان دا موجود فى خياله بس فلن اقول ماذا يفعل المدرسون الثقافيين بالازهر فالكل يعرف ويشعر بذلك من قيام المدرس الثقافى بكل شى يحتاج الى تفكير وابتكار تجد المدرس الثقافى وللامانه معه قله من المدرسين العربى او الشرعى ولكن ماذا نقول يظهر ان الى بيشتغل فى الازهر ذى الى مابيشتغلش واخيرا اريد الن اتاكد من الخبر هل وصل منشور يفيد الغاء الوكيل الثقافى فى المعاهد

موضوع شائق فعلا

يا جماعه المفروض شيخ المعهد يكون بالكفاءة سواء كان ثقافى او شرعى

طيب والله فى شيوخ معاهد لا يصلوحو انهم يكونو مشايخ اخدوها كده بالدور


نفسى فى شيخ معهد يكون شخصيه مثقفه عالم وفاهم دينيا واداريا وخصوصا اداريا

من يريد ان يعرف الحقيقه يسال مسئول الجدول وانا مسئول الجدول في معهدنا بصراحه معظم التخصصات في معهدنا تعاني من الفراغ فالمدرس الشرعي نصابه 8 حصص والانجليزي لا يزيد عن 12 حصه والدراسات بلاش اقول اصل حاجه تكسف 4 حصص لكن مدرس العربي ربنا يكون في عونه 18 حصه اكمل الفلسفه ثلاث مدرسات كل مدرسه حصه والرياضه 15 حصه ام بالنسبه للوكيل الثقافي فهو شعله نشاط في المعهد كنترول واشراف علي المدرسين والحضور والانصراف ام الوكيل الشرعي بصراحه لا يشرب الشاي لانه بيمشي بعد خمسه دقائق لانه ملوش شغل في المعهد ام بالنسبه لمنصب شيخ المعهد ياريت يكون من الثقافي فقط وبلاش الشرعي والعربي لان هذا سبب تاخر الازهر لان الفرق واضح بين عقليه الثقافي وعقليه الشرعي وهذا معروف لنا كلنا

سلام وهدوء ياجماعه المشكله مش بين شرعى وعربى وثقافى لانهم زملاء وفريق عمل واحد والمشكله مش مين شايل نصابه من الحصص ومين مش شايل نصابه دى بتختلف من معهد لمعهد اخر .... لاكن كلنا زملاء واحنا كثقافيين كنا ننتظر دورنا فى الترقيه حتى نستريح من العمل فى الفصول ونتعلم الشؤن الاداريه ... وبالنسبه لالاح اللى بيسأل عن منشور الغاء الوكيل الثقافى ده موجود من بدايه العام وبيقول ان المعهد اللى فصوله ماتكتملش 20 فصل يلغى الوكيل الثقافى ومعهدنا فى الباجور منوفيه تم الغاء الوكيل الثقافى منه بعد ان امضى فى الوكاله لمدة سنتيين وحسبنا الله ونعم الوكيل.... وشكرا لجميع من ساهمو برأييهم واتمنى المزيد من عرض كل مايتعلق بالموضووع

انا معك زميلى العزيز واحب ان اضيف ان هناك وكلاء ثقافيون يحلون مشاكل لا يستطيع حلها شيوخ معاهد من التخصصات الشرعية والعربية

بس لازم نغير المسمى ويبقى عميد المعهد مش شيخ المعهد

المفروض الى يمسك شيخ معهد يكون حافظ القران الكريم حفظا كاملا ويكون مثقف دينيا لانه يمثل الازهر والمفروض عنصر الكفاءه مش بالدور والاقدميه