أولا أمريكا كانت م أول الدول المعارضة لإستمرار البرادعى فى منصبه وثانيا هو مش تجربة وزى ما قلت الموضوع خطير ولازم نفكر فيه أكثر من مليون مرة

المشكلة يا سادة ليست في من يراسنا المشكلة تكمن فينا فنحن ناكل بعضنا ونستغل بعضنا ...... هل الحكومة التي ترفع الأسعار .... هل الحكومة التى تحتكر ....هل الحكومة التي تسيء استخدام مختلف مصادر الطاقة ...هل هي سائق التاكسي....هل هي الدكتور.....هل هي المدرس......وهل وهل وهل....................... المشكلة يا سادة في المحكومين الذين يظلمون انفسهم قبل ان تظلمهم الحكومة000000

مس هبه - مس منى - مس مصر كلها - من أين جاءت لكم كل هذه الجرأة وتتناقشون فى موضوع غاية فى الأهميه--- (الله عليكم تسلم إيديكم)--وكلامى على الناس قصيرة النظر(المنتفعين) بتحاول توهم الناس بأنهم أيضا مصابين بقصر النظر (الغلابه والمعدمين)فى مخطط مفضوح لضياع أعظم نعمه وهى نعمة الأمن والأمان ا للى بلاد كتيرة أغنى وأحسن حالا منا ويتمنون هذه النعمه --- واستكمالا لسياسة الفضائيات إياها أصبح الحر والجرىء والديمقراطى بل والمؤمن فى نظرهم من يسىء لتراب هذا الوطن ورموزه صغيرا أوكبيرا قد تكونى أنت أو أنت أحدهن فى يوم ما--- يادرر بلدى ياطيبات 80مليون وأكتر هل لايوجد بهم من يكمل المسيرة ؟-- أم البالطو الأمريكى هو الحل - - شفنا المر مرار من انتخاب أعضاء مجلس الشعب والشورىاللى ساكنين العاصمه ولا نراهم إلا أيام الإنتخابات فى قرانا -- رايحين تجيبوا لنا رئيس كان ساكن بلد أوربى لايستحق ذكر إسمه لأفعالهم الأخيره مع المسلمين -----يا خلق قعدونى أنا الراجل الغلبان مع عمرو أديب أومنى الشاذلى ربع ساعه وأنا هحل لكم مشاكل مصر كلها(البطاله--الفساد-- الزياده السكانية وغيرها)وياويلكم م اللى هيجرى لكم بعد كدا --- كرهنا الحكومة لانها بتحل مشاكلنا بالكلام وحبينا البرادعى لما نهج نفس النهج -- بالله عليكم دا كلام ياعقول وفكر المستقبل؟ --- كان نفسى حد جرىء يعمل إحصاء لكل اللى راحوا واستقبلوا البرادعى فى المطار ويحلل المحتوى ---- وأتحدى لو كان فيهم واحد ترك أنبوبة الغاز بتاعته أمام المستودع أوترك دوره فى طابور العيش أو الجمعيه وراح يقابل الأمل الجديد ----- لكنهم أعضاء الأحزاب العائليه اللى بيوزعوا على بطاقة العضوية للحزب سيارات وشقق وفى المستقبل لو وصلوا لهدفهم عرائس ووظائف لايقل مرتبها شهريا عن مرتبى 20سنه-- كفانا سطحية -- فالبرادعى إبن بلدنا كان قيمه فى منصبه العالمى ولكنه أصبح ثروة لأحزاب الأسرة فى مصر الكل يتصارع على امتلاكه وكفانا نكون السلم لمن يريد الصعود للقمه ---- وصدقونى مجتمع نصفه فقراء ومعدمين لايتحمل التجربه -- ونحن بكل بساطه نبخل فى التدقيق والتأمل والتفكير بل إنجرفنا معصبين الأعين نحو فرد وقلنا هذا--- ولن نقبل سواه-- وكأن مصر جف نيلها ونضبت أرضها وبلد نبتها من انتاج من يحمل همها ويرفع اسمها----
ولو اتبعت العصبية والتشدد اللى مضيع حياتنا فى انتخابات مجلس الشعب والشورى لأتبعت وتحمست لهذا الرجل الذى يعتبر إبن بلدنا --- ولكننا كم نحن محتاجون للتعقل لوجه الله فى هذه الأيام وقد يكون هو الأصلح -- بس نفكر كتيرقبل مانقرر- فالقرار بجد خطير فى مستقبل (غاليه)عمرها أكتر من 7000سنه وأولادها أكتر من 80مليون عاشق لترابها-----
وبالتوفيق للجميع وشكرا

فتره الانتخابات لينا كشعب غلبان فتره كويسه كل واحد بيدور فيها على مطالب معينه الانتخابات اللي فاتت الريس اعطى المعلمين الكادر ويارب الانتخابات دي يثبت المتعاقدين والمؤقتين في كل وزارات الدوله ادعو وقولوا يارب يصلح حال البلد دي

انا نسيت اقولكم اني كرهت منى الشاذلي بعد لقائها بالبرادعي لانها فعلا كانت مستفزه جدا

انا هقول رايي
هو فعلا امل جديد والناس عندها امل فى التغيير
يمكن ده الامل اللى باقيلنا
بس هو فعلا مش عايش وسطك مشاكلنا .........مش مننا اصلا
هو يمكن عارف عن مشاكلنا وهيحاول يحلها بس بردو
هو ان شاء الله هيبقى افضل من اللى ...........
انا يمكن اللى بحلم بيه ان الرئيس يبقى واحد مننا وعارف المشاكل وعاش فيها كمان
بس مش مشكله انه ميعرفش عن السياسه او كده
اكيد احسن من اللى مش بيعملوا حاجه فى احوال البلد
بس هو يا ترى اصلا بالدستور ده هينفع يترشح؟؟؟؟؟؟؟؟
بصراحه منى الشاذلى فعلا كانت مستفزه اوى
انا حاسه انها كانت مش بتعرض الاراء للناس كانت بتقوله انت ولا حاجه هههههههههههه
ميرسى اوى على الموضوع

يارب يقدم اللى فيه الخير
بالتوفيق للجميع وشكرا

برادعي مين والناس نايمين

أولا جزاك الله كل خير على هذا الكلام الجميل الذى عبر عن اقع نعيشه جميعا لكن البلد الذى نصفه فقير ومعدمين بيدهم يغيروا كثيرا من هذا الواقع فعندما يصبح الكلام واقع معاش تتغير كل شيئ ثم أن الفقراء فى العالم هم من يرسمون خطى بلادهم فمثلا فى الهند مع اللم أن الهند كانت فى نفس الظروف من فقر واستعمار وبطالة وانفجارات سكانية وليس انفجار واحد استطاع الفقراء بنائها من جديد وهذا خير دليل على قوة الشعب سواء كان فقيرا أم غنيا ولن أذكر باقى الأمثلة لأنها كثيرة وبعدين البرادعى أو غيره أهم شيئ واحد نثق فى حبه لهذا الوطن وإرادته فى النهوض به

فعلا كلامك صح ومرورك أسعدنى جزاك الله خيرا

شكرا لكل من أضاف ردا على الموضوع فعلا أضفتوا الكثير وربنا يقدم إلى فيه الخير لبلدنا ولينا