مرسى وياريت المجموعة الاجتماعية تكبر مش معقول مافيش تجارة انجليزى سابا باشا

على فكره كله فى الاول ما بيبئاش فاهم حاجه يعنى كلنا فى الهوا سوا
بالنسبه للاقتصاد و الماس و الاكونتينج لازم ناخد فيهم كرسات
اما بقيت المواد سهله ممكن نذكرها لوحدنا بس كله بيقولى لازم تذاكر اول باول يعنى ما نعملش زى ثانوى

بالمناسبه لسيكشن c دكتور على بتاع الاداره اتغير و جه واح تانى انا ما فهمتش منه حاجه
علشان كده ها اروح بكره احضر فى سيكشن d مع دكتور على الى عاوز يجى معايا المحاضره الساعه 11
لان كمان الدكتور الجديد ما بيكتبش اى حاجه و بيقول ذكره من الكتب و النت
و الصراحه عمل كام حركه النهارده كنت هاتشل منه ده بيعملنا كأنانا اطفال فى ابتدائى
و على فكره هو عامل كويز الاسبوع الجاى يعنى ربنا يستر

اما بالنسبه للكتب يا جماعه انا كنت فى المجمع يوم السبت و استلمت 3 كتب بس
و قالولى تعال استلم الباقى (8 كتب) اخر الاسبوع
انا عن نفسى ها اروح يوم السبت بدل ما اروح على الفاضى و يقولوى تعال بكره

على فكره انا بنت وصح دكتور البزنس لكن بيشرح كويس بس المشكله ان الواحد مش بيلحق يكتب وراه لكن والللللللللللللله بجد ربنا يستر
وعلى فكرة ممكن الحصه الجايه بتاع الاقتصاد يعمل الكويز لانى سمعته وهو بيقول للبنت ممكن المحاضرة الجايه
لكن بالنسبه لبتاع البزنس برضه في ناس بتضحك على حاجات تافهه لكن المفروووووووووض اننا جاييييين المحاضره علشان نفهم
وربنا ان شاء الللللللله هيكون معانا باذن للللله
والللللللللللللللللللللللللله ولى التوفيق

انا اسمى اسلام معاكو فى تجارة انجلش سيكشن D وعلى فكرة يا بافلى دكتور ال business مش على مسلم
اللى بيدينا اسمه عبدالسلام و المحاضرة الساعة 12 مش 11

اللى انت قصدك عليه ده شعره كبير كده وبيشرب بايب ؟
لو هو يبقى متتعبش نفسك عشان هو ده عبد السلام اللى عندنا

لا هو فى بس مش كل الطلية عرفة الموقع ده

هو دكتور اليسى حلو بيفهم بس مش بيكتب حاجة
لو عايزة المحاضرة بتاعته هتلاقيها فى مكتبة السنترال اللى فى وش الكلية

احنا برضو مش بنفهم حاجة من دكتور الmath عشان صوته واطى و هو اصلا تعبان و بيبعد الميك عن بقه
اسمه عادل حلاوة

بس ان شاء الله اطمنى مع الكورسات و المذاكرة على طول اول بأول مش هيبقى فى مشاكل

و المحاضرات كلها بتبقى فى مكتبة السنترال
انا بجيب محاضرات الدكاترة اللى ما بتكتبش

sorry لو طولت
وتقبلوا مرورى:078111rg3:

اه هو قال لنا توقعوا الكويز فى اى وقت

ربنا يستر والله ومرسى اوى على كل اللى ردوا عليا وبعدين انا سكشن d يعنى دكتور عبد السلام بيدينى ودكتور عادل حلاوة ودكتور محمود سليمان بس انا معجبة اوى بالدكتور دا لانة عندة ضمير اوى اوى اوى لكن دكتور عبد السلام انا معرفتش افهم اوى يعنى ودكتور عادل حلاوة شكلة تعبان اوى ربنا معاة بس انا مسمعتش ولا كلمة منة انتوا فعلا بتكلموا على اللى شعرة كبير وماسك بايب هو دا دكتور عبد السلام

واسفة لو طولت عليكوا ومرسى بااااااااااااااااااااااااااااااااااااااااااااااااا اااااااااااااااااااااااااااااااااااى

اولا انا اسف جدا انا مكنتش اعرف
ثانيا دكتور البسنس بتاع النهارده ده اى كلام و مبيعرفش يشرح كويس و د. على احسن منه 100 مره
وفعلا د.الليثى احتمال يعمل الكويز المره الجايه فعلا:giljotiiniug3:
و انا الصراحه مرعوب لانه ما بيكتبش حاجه و المجضرات الى اخدتها من المكتبه ما فيهاش غير الكام رسمه الى كتبهم و الكام كلمه بس

على فكره يا اسلام الى انت ما تعرفوش ان الدكتور اتغير و الى انت بتقول عليه بقى عندنا و د.على بقى عندكم
و بجد انا بحسدكم على الراجل ده من اول محاضره باين ان راجل محترم و عنده ضمير فى الشرح
و على فكره ده مش كلامى لوحدى ده كلام ناس فى سنه 3

فعلا دكتور مجمود سليمان راجل محترم جدا و عنده ضمير مش زى ناس تانيه ما بنفهمش منهم حاجه
اما بالنسبه لدكتور عبد السلام فأعتقد انى هتعب معاه اوى لان صوته واطى و بيبعد الميكرفون و مبفهمش منه اى حاجه انا خرجت من المحاضره النهارده مش فاهم حاجه خالص غير الكام مثال الى قالهم
و مش عارف هذاكر منين علشان الكويز ده بجد ربنا يستر

معلش يا جماعة مكنتش متابع معاكم اصل النت كان فاصل
و متفكرنيش يا بافلى بدكتور عبد السلام ده (انت يا واد يابو كسكتة :d )
انا مفهمتش منه اى حاجة خااالص غير مثال البيبسى و التيوتا و عيد ميلاد شروق و صاحبتها :d
فينك يا دكتور على
وربنا يستر ان شاء الله
و نصيحة يا جماعة ماتبتدوهاش كورسات كدة من اول سنة
و اسف لو كنت طولت عليكم سلام