انا داخل اولى طب عين شمس ومن رايي ان اي واحد داخل كلية عملية لازم يذاكر ومفيش حاجة اسمها الكلية دى احسن للبنت ودى لا بالعكس الصيدلة مش مناسبة قوى للبنت بردة لو اشتغلت مندوبة فى شركة وفى النهاية انا بقول انك لو بتحبى الطب ادخليها من غير تردد

بيبو شكرا على تواجدك

وعلى فكرة ياجماعة انا داخلة طب داخلاه وانا حاباه جدااااااااااااااااا

بس انا منزلة الموضوع ده علشان تفيدوني ازاي أدخل الجامعة وانا مستعدة!!

Ahmed Moussa

ممكن اعرف بتاخدوا مصطلحات زى ايه مثلا وبتعملوا ايه فى الدورات دى بالتفصيل والشرح

دافي جونز ممكن تلاقي اجابة على سؤالك في المشاركة رقم 10

مبروك عليكي كلية الطب يا دكتورة
وطالما انتي عاوزاها يبقى هتتفوقي فيها بإذن الله
انا عارف حاجات كتير عن الطب والحمد لله
قولي انتي عاوزة تعرفي ايه وانا هاقولك على قد ما اقدر

خلاص حاضر إن شاء الله أكتب المحاضرات إللي خدناها وأنزلها على المنتدى

وإن شاء الله هبدأ ب(terminology) وهو علم المصطلحات الطبيه

وإن شاء الله ربنا يعيني وأقدر أفيدكم وياريت ياجماعه نحدد للموضوع ده وقت معين يكون كل إللي عايز المحاضرات ده موجود في

المنتدى عشان يكون في مشاركه وإللي عايز يسأل يسأل في ساعتها

و إن شاء الله نعرف نفيد بعض

هههههههه انا مدخلتش المنتدى من اول مخلصت امتحانات
 

بس دخلت انهارده اشوف ايه الاخبار كده و قلت بالمرة ارخم شوية كالعادة :049gc0:اولا انا مش فى كلية الطب انا فى هندسة و دكتور احمد موسى دا يبقى صاحبى وانا متوقعله النجاح الزاهر ان شاء الله :dبس انا معترض فى حاجة يعنى ايه فايدة الكورسات التاهيلية دى بعدين يا جماعة كلية الطب دى ماراثون طويل اوى دول 7 سنين و و لازم كل واحد يقسم نفسه على السبع سنين دول يا اما هيغرق فى النص:giljotiiniug3:ثانيا انا عن نفسى اصلا مش بطيق الاحياء او الحفظ ولكن لو كنت دخلت احياء كنت هخش صيدلة طبعا لان لو تتبعنا مسار الدكتور كده هنلاقى انه هيعد سبع سنييييييييييين فى الكلية و طبعا الدكتور ميبقاش دكتور من غير ما يعمل ماجيستير و دكتوراة و على ما يبدأ يشتغل و يفتح عيادة و يتعرف و الناس تجيله..نكون بناخد عزاه:(سياسة الدولة الفاشلة خلت امكانية الاعتماد على الذات بالنسبة للاطباء مستحيلة يعنى غالبا الى بيشتغلوا من الدكاترة بيبقا والده دكتور فبيخلص ينزل يشتغل فى العيادة و هو بيحضر الدراسات العليا او حتى ممكن يفتح هو عيادة انما مثلا الى حالتهم المادية مش اد كده و الى بيبقوا احسن 100 مرة من التانيين بيتخرجوا و ميعرفوش يفتحوا عيادة فيحصلهم زى ماقلت..تانى حاجة عدد الدكاترة كتر اوى يا جماعة دا نقيب الاطباء بنفسه قال متدخلوش ولادكم طب المشرحة مش ناقصة قتلى:abdoog8:يعنى احنا مثلا هنا فى طنطا كمان كام سنة هيبقا المسافة بين كل عيادة والتانية 2 متر..بعدين انتوا ان شاء الله على متتخرجوا يكون اتخرج سبع دفعات طب حلوين زيكوا كده :) والله يا جماعة انا مش بحبطكوا ولا حاجة بس المشكلة ان الى داخلين طب دخلوها بالاسم و خلاص و مفكروش ايه الى هيحصل بعدها..خلاصة الكلام الى دخل صيدلة يحمد ربنا انه دخلها و يذاكر كويس اما الى اتدبس و دخل طب و فاكر انه متدبسش متخافش هتعرف كل حاجة السنة الجاية و هتندم ..ولكن........الى دخل طب و ذاكر واترتب عالدفعة و بقا معيد هو دا الى ليه فرصة انما لو هيخش مش يذاكر يبقا انسى ..انا مش داخل احبطكوا ولا حاجة:p بس انا داخل اورى الناس الحقيقة الى بتهرب منها..وارجوكم بلاش تدعوا عليا عشان انا مش ناقص:d..سلام عليكم

بجد انا مش عارفه اقول يابشمهندس انت مخلتلناش حاجه نقولها ليه ؟ وبتقولها فى وشنا طب مهدها شويه احنا داخلين عشان نخدم الناس الغلابه وموضوع الفلوس دى اخر حاجه نفكر فيها انا باكلم عن نفسى نسيت اقول انى طب المنصوره وبالتوفيق يادوك رنا وكلنا لها

لا والله انا مقلتش حاجة بس صعبان عليا الناس الى نفسهم ولادهم يبقوا دكاترة و دخلوا طب و هم مش عارفين الى فالموضوع بس طبعا الى عايز يضمن مكانته فى الطب يذاكر كويس و يبقا معيد و كله هيبقا تمام و بعدين فى الطب هنا بيعينوا 100 واحد فى هيئة التدريس انما فى الهندسة 2 باين فى كل قسم :( وانا على فكرة مش بقول كلام معرفوش او حاجة انا ليا ناس معارفى اساتذة فى كلية الطب و طلاب وواحد صاحبى دخل طب السنة الى فاتت و كان جايب 99 جاب جيد جدا فيما معناه ان كلية الطب محتاجة مجهود الثانوية مضروبا فى اثنين :slap1qk6:و طبعا الكلية كلها حفظ يعنى عايزة واحد حفيظ درجة اولى و معتقدش ان فيه اقسام فى الطب صعبة الا طبعا قسم الجراحة و الاقسام الجامدة دى بتاعت المحترفين بس..عالعموم الموضوع خلص و فكروا هتذاكروا ازاى و ربنا يوفقكوا:dو برده متدعوش عليا لو سمحتم:078111rg3:

أحترم رأيك جدا يا بامهندس محمود
بس نفس الكلام إللي قولته ده بالضبط في هندسه
وفي كل الكليات مش في طب بس
ومفيش حد بيتخرج من أي كليه بيبقى حاجه من غير تقدير كويس
أهم حاجه في الكليه مش أسم الكليه أهم حاجه التفوق فيها
لأن مشكله البطاله بعد التخرج مش في طب بس أكرر في كل الكليات
وعشان تتجنب المشكله ده
إما تتفوق بالكليه
أو يكون ليك واسطه
أو تكون إمكانياتك الماديه حلوه
وياريت الكل ياخد بالسبب الأول

للعلم بالشئ نسبة العمل بكليات الهندسة قسم المدنى و العمارة 100% يعنى كل الخريجين بيشتغلوا يعنى دى مشكلة الطب بس

أحمد........ الله يبارك فيك وعقبالك

دكتور أحمد ......شكرا على مجهودك وفي انتظار المزيد

دكتورة أسماء ....الله يبارك فيكي يا قمر وفعلا كانا لها

مهندس محمود ....ده رايك واختلاف الراي لايفسد للود قضية

...... بس انا رايي من راي دكتور أحمد لأن كلامه فعلا منطقي واللي داخل طب عارف هو داخل ايه وليه كويس اوي.....

انا عن نفسي بفكر أتعين في الجامعة يعني ناوية أشد حيلي

في المذاكرة شوية وامكانياتي المادية حلوة بس ما عنديش واسطة

فالبنسبة ليا أخلص دراسة الأول وبعدين أفكر في الشغل

انا رايحة اولى طب باذن الله سمعت كلام كتيييييييير وحش عنها
بس انا شايفة انها مهنة انسانية من الدرجة الاولى والمهم اخلاص النية لله تعالى وان شاء الله الواحد ربنا هيكرمه

أنا كمان والله بقول كده