بوابة الثانوية العامة المصرية - ممكن تدخل هندسة بترول و تعدين السويس ب 70/100

صفحة 2 من 3

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - ممكن تدخل هندسة بترول و تعدين السويس ب 70/100 (https://www.thanwya.com/vb/showthread.php?t=147683)

ahmedesra2006

22-08-2009 01:28 PM

لو عاوز تسمع نصيحة انا خريج معهد فنى صناعي بنها السنادي وقدمت في التنسيق ومستني النتيجة

المعهد مافيش اسهل منه سهل ان اي حد يجيب فيه مجموع بس ياخدها جد من الاول واكتر حاجة حلوه فيه اعمال السنة اللي على حسب المهندس في مهندسين عندهم ضمير بيدوك اعمال السنة كلها ومهندسين لازم تاخد معاهم كورسات والكورسات رخيصة فانت هاتدخل الامتحان وانت ضامن درجات 30 درجة من 100 درجة والباقي وشاطرتك في الامتحان

بالنسبة لهندسة انتى اما تخشها من المعهد بتخشها من اعدادي زيك زي بتاع الثانوية العامة

الحاجة الاخيرة التنسيق ده تنسيق السنة اللي فاتت

http://img193.imageshack.us/img193/604/08082009021.jpg

واي سؤال انا في الخدمة

shemo2009

22-08-2009 01:38 PM

فنون جميلة احسن بكتير

eng--zako

22-08-2009 01:54 PM

يا نهار بدخلها من اعدادي يعني هخسر سنتين عشان فرقت معايا عالهندسة 1.5 طب ما معهد عالي تكنولوجيا بنها خمس سنين و بيدي بكالاريوس هندسة ايه رأيكو فيه و لاحاسبات و لا فنون عمارة انا محتاااااار

نورا 2008

24-08-2009 03:45 PM

انت جتلك كلية اية؟؟؟؟؟؟؟؟

eng--zako

24-08-2009 04:06 PM

اقتباس:

المشاركة الأصلية كتبت بواسطة نورا 2008 (المشاركة 1529771)

انت جتلك كلية اية؟؟؟؟؟؟؟؟

فنون جميلة عمارة المنيا و ان شاء الله احول اسكندرية

ياسمينايا

24-08-2009 04:26 PM

ميرسيييي....

hashtka

24-08-2009 04:30 PM

اقتباس:

المشاركة الأصلية كتبت بواسطة dayman_m3ak (المشاركة 1522133)

لو حلم حياتك الهندسه خش المعهد ده ومش هتندم لانك لو مادخلتش هندسة بترول فهتخش هندسه عاديه مستريح اوى والله مابضحك عليك انا ليا اصحاب كتير كانوا فيه ودلوقتى فى هندسه وفيهم اللى كان داخله من الصنايع يعنى مستواه على قده واعرف ناس كتير جدا كانوا فى اولى السنادى جايبين 97و95و93 اعداد كبيره جدا , والبترول السنه اللى فاتت كانت واخده من 93 يعنى لو فى دماغك بترول هتدخلها توكل على الله وادخله وان شاء الله هتبقى تدعيلى وعلى فكره المواد اللى فيه تافهه جدا , ودى المواد اللى هتدرسها فيه ان شاء الله http://www.tcq.googlepages.com/bi_2.htm
واى استفسار انا تحت امرك

انا معاك لان انا من طلاب المعهد الفنى بالمطرية والحمد لله انا الرابع على الدفعة 2009 ومستنى التنسيق ومستريح جدا انا ان شاء الله هندسة القاهرة انا جايب 95.79لان البترول من 93ومش هتزيد والقاهرة من 91.2 ومش هتزيد ومتاكد والمختصر المفيد المعهد ده مواده تافهة وللاسف عايز تعدى منه بفلوس بسيطة جدا

eng--zako

24-08-2009 05:08 PM

اقتباس:

المشاركة الأصلية كتبت بواسطة hashtka (المشاركة 1529870)

بس المشكلة اني سمعت اني لو دخلت بترول او هندسة لسة حادخل اعدادي يعني حخسر سنتين عشان خاطر فرق درجة و نص بيني و بين اقل هندسة و بعدين انا شايف ان فنون جميلة عمارة مش وحشة و كمان انا معايا حاسبات و معلومات و المعهد العالي للتكنولوجيا ببنها

نورا 2008

28-08-2009 09:40 PM

مبروك وربنا معاك ويوفقك

بنت الزمان

28-08-2009 10:50 PM

فنون عمارة صدقنى احسن بكتير لو لحقت قسم عمارة او قسم ديكور وان شاء اللة تكون مهندس ديكولر او مهندس معمارى ناجح او قسم جرافيك يعنى كلية فنون فيها اقسام احلى واقسامة ليهامستقبل

eng--zako

28-08-2009 11:16 PM

اقتباس:

المشاركة الأصلية كتبت بواسطة بنت الزمان (المشاركة 1542892)

انا قسم عمارة علي طول الديكور من فنون جميلة فنون بياخدو علمي او بالاعلي درجات لكن فنون جميلة عمارة 5 سنين عمارة و دي ليها مجموع خاص و لعلمي رياضة بس
بس في حاجة مزعلاني
سمعت ان ف الكلية تعليم مفتوح
ب 10 الاف جنيه ف السنة
و شرط تعدي سنتين و تمتحن قدرات ف الكلية
دي بقت كوسة
مش عايز اغلط
و الله حرام اللي بيحصل ده يعني ابو 93/100 علمي رياضة حيتساوي ب 50/100 المفروض مش عايز اكلم
طب الواحد يعمل ايه

perfect-girl

28-08-2009 11:42 PM

اولا فنون جميله كويسه جدا
دى احسن من هندسه عماره

لو كان املك بترووول يبقى حوول للمعهد ده
بس هو فين موجوود فيين !!

ولو كنت عايز هندسه اتصالات بحاسبات ومعلومااات حلوه
بس انا سمعت ان بكالوريوس علوم حاسب زيه زى حاسبات
وحاسبات ملهاش نقابه

انا سمعت انك ممكن تقدم فى تنسيق السنه الى جايه كمان

بنت الزمان

28-08-2009 11:52 PM

اقتباس:

المشاركة الأصلية كتبت بواسطة asd159 (المشاركة 1542959)

صدقنى كلها بقت كوسة ما اعلام بقت 50\100 وتجارة واداب وحقوق و دار علوم يعنى الشهادات بقت بالهبل وصدقنى كمان سنة ويفتحوا طب وصيدلة وعلوم وفنون تعليم مفتوح من 40\100 انا رايى ادرس حاجة حببة والخيرة فيما اختار اللة

eng--zako

28-08-2009 11:52 PM

اقتباس:

المشاركة الأصلية كتبت بواسطة perfect-girl (المشاركة 1543031)

اولا انا مش هضيع سنتين من عمري عشان 1.5 درجة فرق بيني وبين الهندسة عشان اخش المعهد و بعدين اكمل ع هندسة بترول او حتي عادية
ثانيا مينفعش حد يقدم علي تنسيق السنة اللي جاية
اتصالات ملهاش دعوة بحاسبات و معلومات
حاسبات ليها الجمعية المصرية لمهندسي البرمجيات و ان شاء الله تبقي نقابة
بس انا مفروس من حكاية التعليم المقفول اذدي المفتوح
اصله بقي مفتوح عالبحري بقي فيه فنون جميلة عمارة شرط يعدي علي الفاشل سنتين و يمتحن قدرات ف الكلية و المصاريف حوالي 11 الف سنويا يعني واحد ذو 93% علمي رياضة حيتساوي ب 50/100 ده مش كويس
مش عايز اغلط في المجلس الاوطي للجامعات
:abdoog8:
:abdoog8:
:abdoog8:

eng--zako

28-08-2009 11:58 PM

اقتباس:

المشاركة الأصلية كتبت بواسطة بنت الزمان (المشاركة 1543064)

لو كدة يبقي اخش حاسبات علي الاقل بحبها اكتر م العمارة و مش مشكلة اتمرمط في المدينة
علي العموم بشكركم علي مروركم الجميل
علي الاقل لقيت حد اتكلم معاه في الحيرة ديه

جميع الأوقات بتوقيت GMT +2. الساعة الآن 10:28 PM.

صفحة 2 من 3

عرض 50 مشاركات من هذا الموضوع لكل صفحة