الف شكر على هذا الموضوع الرائع

السلام عليكم ورحمه الله وبركاته
الاول احب ان اتوجه بالشكر والتقدير لكل الاساتذه الافاضل
وانحنى احتراما لهم عن جهدهم المبذول من اجل مصلحه المنتدى والطالب
ولكن لى تعليق بسيط
ان هذه الحوارات ليست فى مكانها المناسب
لانها امام الطالب والتى قد تؤثر عليه سلبيا
وتهز صوره المنتدى امامه
بسبب وجود خلافات بين المدرسين
فبعد اذن الجميع
واذن مشرفى القسم
سيتم نقل الموضوع الى غرفه المدرسين

مستر عصام من الواضح انى شايف ان فيه اتجاه معين كدة فى المرحلة الاولى بالذات كمان لاى حاجة تعملها انه يتم الاعتراض عليها مش عارف ليه بأمانة . حتى لو كنت مخطيء مفروض ان نرسل لك على الخاص نسألك لكن دة مش بيحدث انا اعتقد ان هناك اشخاصا تدخل كل همها فى المنتدى البحث عن مشاركاتك ويطلعوا منها اخطاء ويهاجموك وللاسف لن انسى رد احد اساتذتى عليك والذي اكن له كل احترام ردا مليئا بالتهكم والسخرية ولم اتوقع منه نهائيا مثل هذا الموقف لما اعرف عنه من حكمة ومن كياسة .
الاتجاه الثانى الذى اراه ان الاخ sword ولم يسبق لي التعامل معه نهائيا رغم اننى اقدر مجهوداته الكبيرة فى المنتدى يحاول دائما ان ي يذكر من المشرفين ما يحلو له ومن يرضى عنهم ويتجاهل فى نفس الوقت مشرفين اخريين ولا اعلم لماذا الله وحده يعلم حيث انه ذكر انه لم يشهدد اي تعالي او كبرياء من مستر طارق فؤاد او مستر بدوي او مستر فاضل . اذا انا وانت من نتعالى على المدرسين والاعضاء . او انه لم يلاحظ اننى ايضا وانت فى الاشراف وهذا يرجع له عادي .
بخصوص نقل بعض المواضيع الى غرفة المدرسين ياريت يا جماعة مش نتناقش مع مستر عصام جاويش
دي تعليمات صوت الحق شخصيا بتنشيط الغرفة واعتقد ان مافيش اي عضو هاجم صوت الحق لكدة . لا نهاجم جاويش ونسخر منه ونتهمه بالديكتاتورية . طيب حتى لو اخطأ اخوانى ايه المشكلة لما نبعت رسالة الى ادارة المنتدى متمثلة فى صوت الحق نخبره فيها بذلك بدلا من نشر غسيلنا ...... امام الجميع زوارا وطلبة كما ذكر اخي الكريم . ونترك الامر لادارة المنتدى للتصرف بدلا من التلميحات وكلام للاسف لا يجب ان يصدر من مدرسين .
اعرف ان البعض سيصف ردي انه دفاعا عن عصام جاويش لانه اصبح الان اتجاه فى المنتدى ان من يعبر عن رايه هو منحاز لشخص دون الاخر . غريب والله جدا دة . لقد قام صديقي مستر بدوي الدجوي بحذف موضوع انا قمت بتثبيته لمستر عصام وهبة بعد ساعات من تثبيته ولم يتصل او يستأذن لانه راى ان هذا فى صالح تنظيم العمل فى المنتدى كل ماقمت به ارسلت للرجل رسالة استفسر منه عن ذلك على الخاص وعندما شرح لي وجهة نظرة احترمتها وايقنت انه على حق ولم اقم بعمل موضوع اهاجم والمح واجعل المنتدى ينقسم لاحزاب ياريت نركز شوية فى شغلنا وياجماعة ان شاء الله الموضوعات اللى فيها نقاشات مدرسين بحتة صدر اوامر للمشرفين الاداريين بنقلها لغرفة المدرسين ودة مش عيب .
بخصوص حكاية دروس خصوصية يا مستر اولا كلنا بيشتغل وبيدي دروس خصوصية ودي مش وصمة عار ولا عيب بس ياريت فعلا لو هناك امر يتعلق بيها يبقى مش ادام الزوار للمنتدى علشان مش يقولوا ان بوابة الثانوية العامة بتقنن الدروس الخصوصية عندنا حجرة للمدرسين فعلا نقول فيها الكلام دة . ولو مستر عصام علي صوت الحق او الادمن شاف انها تتحذف ومش ليها لازمة زى ما انتم شايفين يبقى فعلا اكتبوا اللى انتم عايزينه هنا عادي

حلوة مدرسى الدروس الخصوصية
هو فيه مدرسى مش دروس خصوصية ؟
المفروض الكلام يبقى تنظيم من وجهات نظر والمستمع له حق التصنيف وياخد اللى عاوزه ويسيب اللى مش عاوزه
برده ماسمعتش ترتيبة حلوة ليك يا بخيل لعرض المنهج يعنى نفاجئ الطالب ازاى ؟
نخليه يستنى الحصة ازاى ؟ نوعده بأيه ونشوقه بأيه ؟
هو حضرتك عندك سر ومش عايز تقوله ؟

طيب اسمحولى فى حاجة الاول فى القاهرة النظام بيختلف عن الاقاليم فى عدد الحصص اللى فى الدروس الخصوصية يعنى فى القاهرة حصة واحدة فى الاسبوع مثلا فى طنطا على حد سمعى من الاستاذ نصراوى ثلاث حصص فى الزقازيق عند محمود فتحى تقريبا قال لى قبل كده 8 فى الاسبوع

يعنى فى اختلاف فى انظمة الشغل
محتاجين رأى الخبراء فى الموضوع ده وخاصة الحصة الواحدة دى ؟

يا مستر بدوي سيب المشاركات معلش لو سمحت ونحط حد شوية للتهريج اللى بيحصل فى المرحلة الاولى لانى بدأت الاحظ انا كمان انى مشاركاتى بتتحذف وحاجات غريبة كدة بتحصل لو سمحت انا هااعمل اللى حضرتك مش عملته معايا وبأقولك ان شاء الله مشاركتى هاارجعها علشان كلامي دة احب الجميع يقرأه كويس اوي

وياريت فعلا اسمع رد مستر sword فى كلامي واسمع ردك انت كمان يا مستر بدوي .

السلام عليكم ورحمه الله وبركاته
مع اخترامى للجميع
من المبادئ الاداريه
ان يقوم المشرف بابلاغ اخوه
وزميله فى الاشراف
قبل حذف مشاركاته
وعايز اعرف ازاى تم حذف مشاركاتى
وانا مشرف ادارى
ولا يمكن
اكون لابس طاقيه اخفاء
ومش عارف
اسف سيتم
رجوع جميع المشاركات المحذوفه

ماشى يا حودة
ولو انها تانى مرة بتحصل معايا وبتشكك فى اللى بعمله
انا كلامى فى حجرة المدرسين ولو عايز انقله هنا انا تحت امرك بس لو بدات انت عارفنى محدش هيقدر يوقفنى
ادخل حجرة المدرسين افضل النقاش مفتوح علشان متبقاش مختلف لاننا اتفقنا ان النقاش يكون فى الغرفة

رأيت هذه الردود بعد كتابة رد في حجرة لمدرسين. يرجي المراجعة

انا بجد مش فاكر اذا كنت حذفت مشاركتك ولا لا
بس انا حذفت المشاركات التى خرجت عن الموضوع
وحضرتك بنفسك قلت ان الكلام مينفعش يبقى قدام الطلبة
وبعدين اذا كنت شفت اسمى انى انا اللى حذفتها يبقى كان من الادعى تسأل اخوك المشرف ليه حذفها اكيد فى سبب وحاجة تانية مين قال ان المشرف الادارى يا استاذ احمد لا يحذف له مشاركات ؟
ارجع لكلامك انت اول من طالبت ان المشاركات الخارجة عن الموضوع غير مسموح لها بالتواجد هنا

عندنا في المنوفية
حصتان في الاسبوع و من الممكن ذيادة حصة مجانية يوم الجمعة عند الحاجة

انا مع الاستاذ الدجوي الموضوع مهم جدا جد
موضوع تنظيم ما يتعلق بالشغل الخاص و الدروس لا يقل اهميتة عن تحضير المنهج و المناقشة في الفنيات اللغوية

ايه عظمة هذا المنتدي و الموجوديين فيه نشكركم جميعا علي الاستفادة التامة من موضوعاتكم

شكراا للاخوة على هذا النقاش الملىءبىالحيوية و تبدل الخبرات