السلام عليكم ورحمة الله وبركاته

بصراحة انا مقراتش كتب كاملة لحد الوقتى لظروف خاصة بيا

بس الموضوع جميل وممكن استفيد من كتبكوا

اتمنى التوفيق

سلام

مستنين ردك عن اول كتاب كملته

<div align="center">
موضوع جميل يا شاعر

بس كتاب اعظم مائة شخص فى التاريخ

مش شغال معرفش ليه الغلاف بس الى ظاهر

شكرا كتير</div>

بقول إيه يا شاعر
أنا مش بقرا كتير من ع النت غير إنجليزي
فلو عاوز أحط معلومات عن كتاب قريته وملخص ليه وصورته من ع النت
وإللي عاوزوه ممكن يشتريه ماشي
لكن صعبة أوي أجيب رابط للكاتب الفلاني والكتاب العلاني
الموضوع جميل فعلاً
مستني ردك
:)

أولا شكرا للأخ recoba

ثانيا يا أخ صلاح


مش ضرورى الرابط حاجة زيادة يعنى

خلاص أوك
أنا هبدأ دلوقتي أجيب صورة كتاب والمعلومات إللي مكتوبة عنه ع النت
وبعدين هبقى أجيب تعليقي الشخصي عليه

ده لينك الصفحة بتاعته في دار الفكر
http://www.fikr.com/cgi-bin/_showcard.cgi?id=436

وده لينك الصحفة بتاعته في أدب وفن
http://www.adabwafan.com/display/product.asp?id=20246

كنت جبت الصورة زمان بس مش عارف أجيبها دلوقتي
صورة الغلاف يعني
يمكن أقدر أجيبها بعدين

سالم، محمد عدنان. القراءة أولاً. ط1؛ القاهرة: دار الفكر المعاصر للطباعة والنشر والتوزيع، 1993م.
عدد الصفحات 176

شكلي خرفت في بيانات مكان النشر
خدوا ديه ولقيت الصورة كمان

الكتاب: القراءة أولاً

المؤلف: محمد عدنان سالم

الناشر: دار الفكر (دمشق – سورية) ودار الفكر المعاصر (بيروت – لبنان)

مواصفات: إعادة الطبعة الثانية 1420هـ - 1999م عدد الصفحات (176) قطع صغير


http://up.t-cops.com/upload3/t-cops.com_53613861.jpg

أنت نسيت اهم حاجة
:( :(

تقولنا الكتاب بيتكلم عن ايه؟؟؟؟؟؟!!

مش تقريبا كتاب حول العالم في 80 يوم
بتاع جون فيير

المهم كتاب " نحن اولاد الغجر "
كتاب للكاتب الكبير والاديب والفيلسوف انيس منصور

فيه بعض مقالاته وبجد فيها حاجات مفيده جدا

ونشر في سلسله اقرأ

قال يعني اقتباس يعني
(وبعدين هبقى أجيب تعليقي الشخصي عليه)
معلش هكتب تعليقي بالليل يمكن
واللينكات فيها نبذة مختصرة عن الكتاب
بس مش ده إللي أنا كنت هقولوه ومش متعود أعبر عن رأيي بالنقل
:)
ولا يهمك يا باشا

الكلام كلامهم
(على رأي إسلام رشوان)


حول الكتاب
يبدأ الكتاب ببيان أهمية القراءة، وأن الأمة التي لا تقرأ لا تعرف تاريخها ولا نفسها، ويصف حال العرب وابتعادهم عن القراءة.
يتناول الكتاب القراءة في العالم الإسلامي مذ نزل سيدنا جبريل عليه السلام على سيدنا محمد r في غار حراء.
ويتناول الكتاب أهمية القراءة وما تحققه من كرامة وتقدم للإنسان ويبحث في كيفية الوصول إلى القراءة التي هي وسيلة للرقي والتقدم.
ويبين كيف أن القراءة تعلّم مستمر وبدونها تنقص المعلومات والمعارف والمكتسبات، ويبين أنه لا يوجد شيء يحل محل القراءة مع وجود كافة وسائل الاتصال والمتعة والتسلية.
ويتناول الكتاب أهداف القراءة وبداياتها منذ الولادة.
فالإنسان قارئ منذ الولادة حيث يقرأ قسمات الوجوه.
يبين لنا الكتاب كيف تكون القراءة طوق النجاة في خضم الأفكار المستوردة والمحلية، ودورها في تحقيق المناعة ضد التلوث الفكري، ويدلنا الكتاب على كيفية توفير الوقت والمال للقراءة، فأوقات الانتظار هي أوقات مناسبة للقراءة. إن التمتع بالقراءة شرط أساسي للاستفادة منها، فعلى الإنسان أن يقرأ كتاباً يفهمه حتى يحقق الفائدة منه، ويتناول أخيراً قراءة القرآن والفائدة من قراءته.

كلمة الغلاف
العالم من حولنا يمور بأفكار، يحذف منها بقد ما يبدع فيها كل يوم. وهذا هو سر يقدمه الحضاري.

زمن الضروري أن نعترف، أن الكتاب لم يرق عندنا بعد إلى مستوى الرغيف، وأن العقل لم يرق عندنا إلى مستوى المعدة.

علينا أن نعمل على تكوين (عدة القراءة) لدى ناشئتنا، وأن نجلو (الصدأ) الذي أقام جفوة بين قرائنا والكتاب، وأن نتابع سعينا لتكوين (ذوق ثقافي) قادر على التحكم بنوعية ما ينشر من الكتب.

إن وعي القارئ وحده هو جهاز (المناعة) القادر على تحصين المجتمع، وتنقية أجوائه الثقافية ‎، وهو جهاز (الرقابة) القادر على توجيه الثقافة، بالأعراض عن الغثاثة، والإقبال على النافع المفيد من الكتب.

ذلك ما بهدف إلى لفت الانتباه إليه هذا الكتاب.

تعليقي الشخصي

ببساطة الكتاب بيتكلم عن أهمية القراءة
يمكن كلكم وقع في إيدكم في يوم من الأيام كتيب صغير
إحم إحم
ديه ما اسمهاش كتيبات
يبقى كام ورقة كده وليهم غلاف ألوان وبيتكلم في الدين أو يكون إمساكية أو بيتكلم عن الطبيخ
ديه مش كتيبات
ده إللي ممكن يتقال عليه كتيب
176 صفحة من القطع المتوسط
بالنسبة للقارئ العادي يخلص في جلسة واحدة
:unsure:
as i think
المهم
الكتاب عجبني جداً
والراجل بيتكلم بمنطقية شديدة
وعن أساليب انتشار الثقافة وإزاي ممكن نخلي شبابنا يقرا ويحب الثقافة والإطلاع
وبيتعرض لأنواع القراء
بصراحة أنا حسيت إنه بيهزأ ناس كتير أولهم أنا
مصنف القراء على ما أتذكر لأكتر من 10 أنواع
منهم واحد بيقرا عشان يمشي يفخر إنه قرا لفلان وفلان
وواحد مش بيقرا لكن بيمسك أسامي الكتب يعرفها ويعرف مؤلفيها ويعرف بتتكلم عن إيه ويقرا كام مقالة اتكتبت عن الكتاب
ويقعد يناقشك في الكتاب أي كتاب عنده في مكتبته كأروع ناقد
ويمكن يكون أصلاً مش فاهم هوه بيقول إيه
وفيه قارئ بالمقاس
ده أنا شفته في الواقع على فكرة ناس زي دول
واحد يدخل مكتبة لبيع الكتب
ويقول لو سمحت عاوز كتاب مقاس 60*180
أو موسوعة عدد أجزاءها كذا وأبعادها كذا
طبعاً مش بيشتري عشان يقرا
بيشتري عشان منظر المكتبة عنده
وفيه إللي بيشتري الكتب عشان يكون مكتبته الخاصة بس مش بيقرا حاجة منهم
ده غير قارئ المقاس
أصل ده بيبقى ناوي فعلاً يقرا بس بيكسل أو أي حاجة تحصل فيبقى عنده مكتبة من أروع الكتب يمكن ما قراش منهم كتاب أو اتنين على بعض
وبقية الأنواع
وبيقول كمان الراجل ده
إن حب القراءة ممكن يبدأ ببساطة مش ممكن نتخيلها
إعلان عن كتاب في أي وسيلة إعلامية
ممكن يشجع واحد إنه يشتريه ولما يقراه يحب القراية
أو واحد تديلوه هدية كتاب برضه يحب القراية بنفس الطريقة
أو مناقشة عن كتاب في أي مكان
وبيذكر كام طريقة بسيطة وسهلة وبتحصل كتير إن ناس بتحب القراية من مواقف مشابهة
وبيتطرق لمشكلة غلاء الكتب إللي بتنفر الناس عن القراءة
وبيتكلم عن المكتبات العامة وفوايدها
وطبعاً بيتكلم عن القراية وفوايدها
وبيقول للي مبتدئ في القراية إزاي يبدأ أو يبدأ بإيه
وبيتطرق كمان لموضوع القراية السريعة
وبينصح الجيل الجديد إنه ما يقراش كتير في تفاصيل الأحداث القديمة
على أساس إن ده تضييع وقت
يعني أنيس منصور كان بيقرا كتاب عصره
وكتب
إنت مش مطالب إنك تقرا غير لمعاصريك والمراجع الرئيسية
زي شكسبير مثلاً أو أعمدة الأدب العربي أو الأجنبي
إنما لو هتقرا كل حاجة قراها فلان في عصره
مش هتلاقي وقت تقرا إللي في عصرك إنت
وبيقول كمان إن القراية أولاً
قبل الصلاة وقبل الدين وقبل الأكل
القراءة لها الأولوية
لأن من غير القراءة مش نعرف دينا
ومن غير القراءة ما نعرفش أي حاجة
وبيقول كمان إن مش القراية بس هيه إللي من الكتب
يعني زمان أصلاً كان التلميذ المعتمد إللي بياخد عن لسان أستاذه دون حاجته للكتب
فده نوع من القراية
قرأ : جمع ديه من عندي
وبيتطرق للكتب المسموعة على إنه نوع من القراية
لو حد عاوز يسمع تاني عن الكتب
يجيبه بقى ويقراه لأني زهقت ومش لاقي حاجة تاني أقولها

شكرا ليك على المجهود

فى انتظار كتب اخرى

قريباً
:)
المازني، إبراهيم عبد القادر. حصاد الهشيم
:rolleyes:

<div class='quotetop'>إقتباس</div>
مستننينك