نسيت اقول حاجة معلش

انا عمرى ما عملت موضوع وكان ليه اكتر من اربعين
رد

بس سؤال محرج اوى
100 رد و1000 مشاهدة
قبل الخناقة ولا بعدها :D

وسيبكم من حكاية المنتدى فى النازل
والقرف ده
كل واحد يحسن من نفسه
والمنتدى هيبقى تمام
مش كلام وخلاص يا معلمين

<div class='quotetop'>إقتباس(الميهى @ Aug 24 2006, 03:22 PM) [snapback]200077[/snapback]</div>والله يا ميهى انتا عندك حق مليون فى الميه ...انا كنت بدخل الاجازه اللى فاتت ...مكنش المنتدى كده خالص

يعنى مادام انتا يا ميدو شايف ان كل واحد يحسن من نفسة وهوا هيبقى تمام

خلاص انتا لية متكلمتش براحة مع مصطفى وتعرف اية وجهة نظرة فى حذف الموضوع

على العموم هوا كل واحد دلوقتى بقى بيدور على نفسة وبس

شكرا ردودكم

و انا مش عامل الموضوع ده اهاجم بيه حد بالعكس انا بسأل سؤال برئ الموضوع ليه اتحذف

و ياخالد مش انا اللي اعمل موضوع اقول فيه صلحوا المنتدي المنتدي فيه مشرفين و مدير و كل واحد شايف شغله

اللعبة كانت حلوة اوي وكلنا هنا اخوات
مش عارفة ليه حصل الشد ده بين الاعضاء
بس الموضوع كان جميل اوي بجد

واضح اني جيت متاخر قوي بعد كل المشاحنات دي
اولا ليه تمشوا وتسيبوا المنتدي
ياجماعة المنتدي لسة في مرحلة انتقالية من انتخابات فعيب قوي لما نمشي ونسيبه وهو لسه في مرحلة التطوير دي
ثانياا يعني ايه هاتسيبه يعني يااحلام ماعدتيش هاتفتحي الرابط بتاع الثانوية
مااعتدقش
لان اصدقائك كلهم انا منهم عرفنا بعض عن طريقه
بالنسبة بقي لكلام المشاحنات اللي فوق نفسي مرة واحدة نتكلم باسلوب حضاري مش ممكن كدة كلنا بنتلكك لبعض وبنفهم بعض غلط
وبعدين ياببري بالراحة شوية ميت مرة اقولك ماتعاديش الناس ياعم انت
شكرا

يا جماعه انتم كل واحد يقول المنتدى بقى في النازل بسبب الاعضاء الجداد ده يعني ايه يعني ؟؟؟؟؟؟؟؟
طب ما نا من الاعضاء الجداد ولسه مكملتش شهر
وبعدين اي واحد يعمل تصرف غير لائق سواء كان جديد ولا قديم يطرد

وبعدين الاخ اللي بيقول انه في اي موضوع ما بيجيش ليه اكتر من 40 رد
انا اصلا محدش بيرد عليا في مواضيعي واللي بيردوا عليا مش اكتر من اتنين تلاته
ولا حد بيرد عليا حتى ويقولي الموضوع تافه
يعني المفروض انا اللي اسيب المنتدى لان محدش قابلني اصلا ولا حد طايقني
ومش شايفه ان حد حيتأثر لو سبته

وصحيح ايه موضه هسيب المنتدى اللي نصكم طالع فيها دي
تسيبوا ليه يعني ؟؟؟
محش بيعبركوا زيي وبعدين لما تسيبوه مين هيفضل ؟؟؟؟؟؟؟؟؟؟؟؟؟؟؟

ولو سمحت يا ميدو اعمل الموضوع تاني لان انا ما شوفتوش

وانا عارفه دلوقتي برضه ان محدش هيرد عليا

جميلة انا و الهي بحترمك انتي و اختك و انتي من اللي محبطتك كده

و انا علي فكرة عدت الموضوع و اتفضلي اللينك http://www.thanwya.com/forums/index....opic=15922&hl=

<div class='quotetop'>إقتباس</div>الاخت جميلة
انا الاخ ده على فكرة :D
بصى تانى انا قلت ايه
<div class='quotetop'>إقتباس</div>يعنى الاربعين دى محلمتش بيها من الاخر
لمنع الخطأ فى الفهم

يا جميلة
اصبرى شوية صغيرين
وعشان حد يرد على مواضيعك
ودى نصيحة من عضو مكملش 6 اشهر
حاولى بقدر الامكان
تكتبى مواضيع من دماغك
فاكيد محدش هيشاركك فى دماغك ويقول مكرر
وانا اسف
اذا كنت انتى فهمتينى غلط
واقرى توقيعى هتفهمى اكتر

وفى الاول والاخر
استودعكم الله

تصدقوا الفرجه على أخبار الجزيره بقت ارحم من مواضيع المنتدى
المنتدى بقى عباره عن مواضيع كتير مبيتردش عليها ولو اترد عليها يبقى ما قرهاش
وكل واحد متخيل انه هيكتشف الذره ويحطلك موضوع 20 صفحه والناس هتقرا
والناس لو لقت موضوع اكتر من 3 سطور بتقلب
وانا لغاية دلوقتى معتش عارف هو المنتدى غير مساره مش عارف اسميه منتدى لطلبة الثانويه ولا طلبة الخناقات ولا طلبة المسابقات التافهه
على فكره الكلام مش موجه لموضوع بعينه انا قلت اكتبه هنا وخلاص ومش موجه للكلام الى فات لأنى مقرتش الموضوع الى اتمسح أصلا علشان أتكلم
:huh: :( <_< :angry:

والله عندك حق

كما قال بات مان
والله عندك حق

صح والله عندك حق


المنتدى بقى كله خناقات على اتفه الاسباب


خلااااص زهقت


انا بقالى حوالى 5 شهور فى المنتدى ده



اوقات بكتب مواضيع مفيش حد بيرد


معظم مواضيعى الردود بتبقى اقل من 20

تصدق عندك حق
زى ماقال بات مان واحمد
ايه يا جماعة متعصبين كدة ليه
اهدوا اهدوا ماينفعش كدة