يا ريت الواحد يقدر يعمل كده
انا بقي مش باعمل كده
انا باسكت اسكت واجي في الاخر وانفجر
كان اخر انفجار من اول امبارح واستمر ليومين ومازال بس الحمد لله احسن
انا بقي كنت قاعده عادي قدام الكمبيوتر فجاه لقيت نفسي باعيط
جيت تاني يوم كنت عند جدو وكنا كلنا متجمعين عنده فجاه قاعدين بنضحك وعادي عيطت حد يقولي باعيط ليه مش اعرف
ومن اول امبارح وانا مش بافتح الايميل ولا بارد علي تليفونات البيت وقافله الموبايل ومش باذاكر بقالي 3 ايام
ربنا يستر

موضوع جميل اوي

ربنا يوفقك ويحققلك امنياتك

ويوفقك كل طالب وطالبه في الثانويه العامه ويحققلهم امنيتهم

بصى يا قمر انا زيك تمام و العملية ساعات بتخرج عن ارادتى وساعات بعيط و ساعات بسيب المذاكرة
بس فى الحالات اللى زى دى قدامك كذا حل و لازم تختارى واحد منهم عشان تنجى بس الاول اقولك الاساسيات اللى لازم تعمليها فى حالة زى دى

1- صلى ووحدى الله
2-كلى اكلة تمام تعمل سد منيع لمنع الجوع
3- اطلبى من ماما او اخواتك يعملولك مشروبات بتحلبها وانتى قاعدة

الخطوات اللى تنقى منها اللى يناسبك

1-انزلى اتمشى شوية فى الشارع هاتى طلب او حاجة بس طبعا لو الوقت مش متاخر ولو متاخر خدى مام او حد من اخواتك او بابا

2- افتحى النت و اتكلمى شوية معانا

3-عيطى براحتك وكونى واثقة ان عياطك ليه نهاية وكمان حيفكك
4- اتصلى بواحدة صاحبتك وارغوا شوية

5- لو سبتى المذاكرة يومين (زيي كده:() معلش انتى مش مكنة انتى بنى ادم واحسن حاجة تعمليها فى فترة تعبك انك ترتاحى زى ماقلت فى الموضوع

6- زعقى لنفسك على سيبان المذاكرة بس وانتى تعبانة قولى ان الراحة اصلحلى ( عارفة انه صعب بس حاولى )

نهاية احسن حاجة تعمليها هيه الحاجة اللى نفسك تعمليها (طبقى دة على المواد فى المذاكرة )

ولو عوزتى حاجة انا فى الخدمة:)

شكرا جدا على ذوقك و دعواتك

والمشاركة اللى نورت الموضوع

مرسي ليكي يا قمر علي التوبيك الهايل ده
وبجد الواحد لازم يشد علي نفسه شوية مش يسيبها لان اللي بتعمله انهاردة هيفيدك بكرة
بس بجد حلولك زي العسل وجزاكي الله خيرا

انا احيانا بعمل افعال من تلك الافعال ومعرفش انها ليها اهميه
نصيحه منى لما تكون مضايق امسك ورقه وقلم وشخبط او ارسم حيخرج حزنك

شكرا على الموضوع جميل ههههههههه حلو
نصائح مجانين

من العفو:blush: ده يشرفنى انى افدتكم
والحمد لله ان حلولى عجبتكم ويارب كمان تفيدكم

وفعلا لازم نشد شوية يا جماعة احنا فى شهر مصيرى :abdoog8:
ميرسى على مشاركتك وربنا يوفقنا و يوفقك :av4056bb7jp3:

من العفو
ويارب تكون افادنك (بس خلى بالك قسم ضحايا الثانوية فى العباسية اتملى خلاص:romarioxp6::romarioxp6: )
اينعم حتبقى مجنون بس مجنون بمجموع :049gc0:

ههههه
شكرا على مشاركتك ومشاهدتك للموضوع

فكرة برده :078111rg3:

انا بعملها ساعات بس نسيت اكتبها معلش

بس كده احنا محتاجين دستة اقلام جاف و دستة ورق:049gc0: (اصلى بتضايق كتير و بسرعة )
وعلى فكرة الحاجات دى ليها اهمية بتخرجك من الضغط الجامد

ربنا معانا جميعا
شكرا على المرور و المشاركة

ربنا معاكم انا فى اولى كليه دلوقتى لكن عارف انكم علشان عندكم مدة الدراسه طويله فبتزهقوا من المذاكره انا عن نفسى و انا فى الثانويه العامه و لغاية دلوقتى كل ما ازهق من المذاكره كنت بقوم اغسل وجهى و راسى و اقف فى البكونه شويه و ايام الامتحانات لغاية دلوقتى كل ما كنت بخلص امتحان لازم انزل اتمشى بلليل مع اى حد
ربنا معاكم شدوا حليكم كلها شهرين ثلاثه و ترتاحوا و تخشوا الجامعه لكن طبعا اولا و اخيرا لما تحس انك مدايق و مخنوق مش هتلاقى غير انك تروح تتوضا و تصلى ركعتين لله و تقرا شويه قران
حكاية الصراخ دى علشان تطلع الغضب الطريقه دى كنت بشوفها بطريقه هزليه لكن انا مبرجحش الطريقه دى لانها ممكن تعصب اى انسان يشوف حد بيعمل كده