بوابة الثانوية العامة المصرية - سؤال لطلبة الطب البشري (شامل لطلبة اولى وما بعدها)

بوابة الثانوية العامة المصرية (https://www.thanwya.com/vb/index.php)

- كلية الطب البشرى (https://www.thanwya.com/vb/forumdisplay.php?f=524)

اقتباس:

المشاركة الأصلية كتبت بواسطة moky (المشاركة 1517342)

مع احترامي لكل اللي ردوا
الاول انا داخلة اعدادي صيدلة ان شاء الله ودخلاها بمزاجي الحمد لله
مش عشان المجموع
اكيد في طلبة داخلين طب حبا في مهنة الطب
بس الاغلبية داخلين لاسباب تانية
لان واحنا في ثانوية عامة كان معظم زميلي بيقولوا انهم مش عايزين كلية معينة وان لما يبقى ييجي المجموع يبقى يحددوا هما حيدخلوا ايه وكانوا شايفين ان ده عين العقل عشان ميتعلقوش بكلية وبعدين ما يلحقوهاش فيزعلوا
ومعظم اصحابي اللي داخلين طب لاما داخلينها مستخسرين المجموع
لاما داخلينها منظرة انهم دخلوا اعلى كلية في التنسيق
حتى كنت لما اقول لحد منهم اني دخلت صيدلة يقعودوا يقولولي مدخلتيش طب ليه ؟ طب مثلا شايفة طب طويل فكري في طب اسنان طب هما مامتك وباباكي موافقين الزاي انك تدخلي صيدلة؟(ماما طبيبة وبابا استاذ في كلية طب)
الكل بيعملني اني عملت جريمة لما دخلت صيدلة
ليه واحدة صحبتي كانت قاعدة تقول انها عايزة طب اسنان طول السنة بتقول كده وقعدت تقول انها حتدخل طب اسنان وحتبقي تدرب في العيادة عند با باها ولما جابت مجموع طب دخلت طب
وليه واحدة تانية كانت عايزة صيدلة لكن لما جابت مجموع طب دخلت طب برضه استخسار المجموع يعني
وفي واحد قريبنا كان نفسه يدخل اعلام بس دخل طب عشان يثبت ان مجموعه يدخلوه اعلى كلية
وفي ناس داخلين طب عشان يبقوا مع اصحابهم في الكلية
وفي كتيييييييير غيرهم بيفكروا نفس التفكير
انا مش بقول ان كل اللي داخلين طب داخلين للاسباب دي بس بقول ان في ناس كتير داخلين عشان كده
اما بقى علي حتة الفهم اللي في طب فاللي اعرفهم في طب بيقولولي هوه محتاج فهم بس اغلبيته محتاجة حفظ وصم جامد ان مدخلتش طب فالله اعلم اذا كان كلامهم صح وله غلط
والكلام ده مش بس على طب ده في كل الكليات يعني في ناس داخلين صيدلة معايا برغم انهم مابيحبوش الكيمياء علشان ما لحقوش غيرها وبيقولوا اهم يبقوا لحقوا كلية طبية وخلاص

اولا الف مبروك وربنا يوفقك في الكلية
الله ينور عليكي
انا علشان كده عملت الموضوع ده علشان اعرف الاسباب الحقيقية بس برده في بعض الناس مش عاوزة تقول وبتقول كنت بحب الاحياء في ثانوي والمشكلة ان نسبتهم حاجة وخمسين مش عارف ازاي
لأن زي ما قلتي فعلا عدد قليل هو اللي داخل الطب حبا في المهنة او في الدراسة
بالنسبة لحتة الفهم دي انا اكتشفت مؤخرا ان الطب للفهم بس مش في مصر
هنا في مصر الواحد بيحفظ علشان يخلص ويعدي السنة انما مش عايز يفهم ايه اللي بيتقال
شكرا على ردك

اقتباس:

المشاركة الأصلية كتبت بواسطة هايتي (المشاركة 1526302)

السلام عليكم
وعليكم السلام
.
.
حلو السؤال وكتير الصراحة بتسأله
بس بقول اي اجابة عشان الواحد يقدر يعدي الموقف
ههههههه يعني معندكيش اجابة صريحة وهتألفي بقى هههههههه
.
.
احكيلك يا سيدي شابتر من حياتي
.... تيرارا

وانا داخلة ثانوية عامة
كنت حاطة قدامي هدف واحد بس
وهوه هندسة ولا غناء عنها :slap1qk6:
.
.
وحاولت اقنع اهلى مرارا وتكرارا وفرارا
ولكن النتيجة ما دائما تنتهي بالفششششل
.
لحد ما في مرة عملنا استخارة واقتنعوا بالفكرة
والاستخارة قفلت الطريق الي هندسة ... :(
..
كملت يا سيدي علمى علوم وانا بحاول احط اي هدف بديل
.
.
لحد ما لقيت نفسي في حاجة واحدة بس
هيه الطب بالرغم من اني مابقبلش الاحياء
الطب 98% منها احياء ازاي عاوزة تبقي دكتورة وانتي مش بيقبليها
.
بس فكرت في حاجة اننا داخلة طب
عشان اساعد ناس معينة يمكن انا عشت ظروفهم
وهما المرضي النفسيين
نصيحتي ابعدي عن الطب النفسي لأن في الآخر الدكتور بيتجنن من المرضى هههههههه
.
حسيت بان الطب مش بس واحد جايب مجموع عالي ومستخسر
.
ولا هوه صم صم عشان تعدي
.
لا اتضحلي انه مهنة سامية
سيبك من الكلام الكبير ده
المهم انه حاجة هتعيشك مشاكل الناس
يمكن تقدر تعمللهم حاجة ..
...
لان كتير الواحد بيتحط في مواقف
ويبقى محتاج يسمع لو حرف يريحه
.
.
عشان كده الاستفتاء اللي حضرتك عامله معلش ظالم
لان فيه ناس صدقني ليهم هدف بجد انهم يخشوها
الاستفتاء يبقى ظالم لو محطتش فيه كل الاختيارات انا حطيت فيه "بحب الاحياء" مع انه برده سبب خفي
وحطيت آخر علشان اللي مش لاقي اختياره يقولنا عليه وبس

شكرا لك على الرد

اقتباس:

المشاركة الأصلية كتبت بواسطة مارينا عوض زاهر (المشاركة 1535169)

انا داخلة اولى طب دخلت الكلية عشان بحب اعرف يعنى نفسى افهم ايه اللى بيحصل بالظبط ف جسم الانسان ولكن اللى بجد بيقلقنى لما اسمع منكم ان الكلية صم لانى كان عندى امل اخلص من جو الحفظ اللى عيشناه في ث ع وكمان كان نفسى اقابل دكاترة ممتازين يساعدونى ابقى دكتورة تماام مش اى كلااااام انا داخلة بنية انى اعمل حاجة بجد مختلفة مش تقليدية بس اكيد محتاج مساعدة من كل من يعشق الطب وانا مستعدة لافناء حياتى فى سبيل الطبولكم منى جزيل الشكر

اول مرة الاقي حد زيي
اللي بقوله انا عاوز الكلية عشان كده يقولي انت مجنون
يقولك العلم ملوش قيمة في البلد دي والكلام ده بس انا متفائل :d
ده الرد اللي انا لسه كاتبه فوق دلوقتي
"بالنسبة لحتة الفهم دي انا اكتشفت مؤخرا ان الطب للفهم بس مش في مصر
هنا في مصر الواحد بيحفظ علشان يخلص ويعدي السنة انما مش عايز يفهم ايه اللي بيتقال "
اللي عايز يفهم يجيب مراجع ويدور لغاية ما يفهم

الدكاترة الممتازين موجودين والحمد لله بس لو عاوزة تعليم صح يبقى طب من الأربعة دول"المنصورة- القاهرة-عين شمس -اسكندرية"
شكرا على ردك

بصراحة انا دخلة طب حبا في الكليه دي

انا من اولى ثانوي وانا بحب الاحياء موووووووووووووووووووت

وحابة اني أتميز في المجال ده

اولا انا استخسرت المجموع ده غير ان العيادة جاهزة وانا اصلاكنت حابة اني اعرف المعلومات اللي الدكاترة عارفينها
اما اني اعالج قرايبي او كده فمحدش بيثق ف دكاترة صغيرين دلوقتي
وان شاء الله ناوية اسخر العلم ده للخير والكشف هيبى ف حدود 15 جنيه
لكن ف النهاية هي مش فارقة طب من غيرها كله هيقعد ف الشارع والعيادة محتاجالها 10 سنين لما تبدا تشتغل كويس
وبعدين توسع علومك وفيها صحبة كويسة

مفيش شغلانة للبنات احسن من طبيبة
كفاية انها بتبقى ستر لنساء المسلمين بس المشكلة ف الناس اللي مبيثقوش ف الدكاترة الصغيرين

على فكرة انا جبت مجموع طب ودخلت صيدلة وماستخسرتش!!!

اصل اناكريمة وياترى الدكاترة تبع جامعة ايه؟؟؟؟؟؟

اقتباس:

المشاركة الأصلية كتبت بواسطة لمبتى (المشاركة 1590009)

على فكرة انا جبت مجموع طب ودخلت صيدلة وماستخسرتش!!!

المهم المكان اللى ترتاحى فيه

انا كنت اسنان بس حولت طب وبصراحه لسببين
اولا عشان خاطر بابا اللي بحاول ارد ليه ولو جزء بسيط من تعبه عشانا
ثانيا نفسي اعمل حاجه في مجال الاورام لانها اخدت اعز الناس ليا

اما بقي جبت 409.5 علمي علوم ودخلن خقوق انجليزي والمدرسين بتوعي كانوا زعلانين وناس كتير يس انا صممت ودخلت اولي خقوق e القاهره

اولا لانى من ضغري وانا اعشق هذا المجال واود ان اكون طبيبا
ثانيا ارضاء لولدي ووالدتي
ثالثا لان الله يامرنا بان نفعل اقصي ما في وسعنا لانقاذ المرضي واداء الواجب

انا بصراحةدخلت الطب عشان حاجات كتير اولا اني بحب الاحياء والعلوم من صغري وخسارهاني اجيب المجموع ده وادخل اي حاجة تانية (انا كان نفسي ادخل صيدله جدا بس النصيب والعيلة حكموا عليا)

اعمل حكم القوى انا ماكنتش عايز احياء من اساسه
مالها بترول يعنى ولا جوية
تفكير قديم صحيح ...................

ااانا فى سنة تانية طب وبصراحه فى الاول وانا فى ثانوى كنت بحب الرياضه جدا وبكره الاحياء بس كنت بحلم ابقى دكتوره ،بعد نتيجة التنسيق ماظهرت فرحت بس بسرعة اتحولت للنقيض تماما وكرهت الكلية من قبل ما اروحها وفعلا حاولت كتير انى آخد قرار التحويل لاى كلية خارج المجموعه الطبيه بس ماقدرتش لان من جوايا كنت بحبها قبل كدة وكملت فيها واقتنعت انها حاله نفسيه حصلتلى وهتروح وفعلا ياجماعه بعد اجازة اولى رجعت احبها من تانى وكانى كنت محتاجة فاصل مابين المرحلتين