اه ان شاء الله .. بشرط انك لازم طلع صافى الترم التاني

في الحالة دي هايحطولك 3 درجات في السلوكية أو الموارد على حسب نصيبك

وهاتشيل المحاسبة و مادة تانية معاها من السبعتين التانيين

لكن لو شيلت مادة اضافية الترم التاني حتى لو جيبت فيها 8 للأسف هاتعيد السنة في كل المواد اللي انتا شيلتها

تروح الشئون تطلب منهم دفع المصاريف .. هايديك اذن الدفع

تروح بإذن الدفع دا للخزنة بتاعة الكلية (هاتلاقيها قدام مدرج ج ، د الناحية التانية)

هاتديله اذن الدفع والفلوس .. هاتستنى شوية لغاية ماينده اسمك ويديك 3 ورقات

ورقتين كبار + ورقة صغيرة .. الورقة الصغيرة دي مهمة عشان هاتستلم بيها الكارنيه

المهم هاتروح بالورق دا للشئون تاني ومعاك صورة شخصية

وتقوله انا عايز اعمل اثبات دفع مصاريف .. وتديله الصورة

هما من جوا هايقوموا شايلين الحجب على النتيجة ويعلنوهالك

بعدها باسبوع كدا تروح تستلم الكارنيه بتاعك وقشطة اوي

ربنا معاك يا بوب

ههههههههه ياريت .. عشان يسموها منطقة المتفمبرين !!

لا بيتحطولك عادي ومافيش مشاكل

التلات درجات دي بتبقى في حالة المواد بس

امتياز في الترم الاول بس .. ماتنساش ان الترم التاني عليه 100 هوا كمان

وكدا كدا مافيش تقدير بيتحسب في الترم الاولاني .. احنا مابينا وبين بعض كدا بنحسبه جزافا مش اكتر

لكن رسمياً مافيش تقدير في الترم الاول

هاتروح للشئون (الشباك بتاع فرقتك) وتقولهم عايز اعمل التماس ..

هايقولك قولي عدد المواد واساميهم ..

مع ملاحظة ان كل مادة بتعملها التماس بتدفع عليها 10 جنيه

هايديك اذن دفع تروح تدفعه في الخزنة اللي هاتتلاقيها زحمة طحن طبعا

الدفع هايقى في الخزنة اللي جوا المبنى الرئيسي مش الخزنة اللي بتدفع فيها المصاريف

بعد ماتدفع استنى اسمك يتنده عليه .. هاتاخد الورق وترجع بيه للشئون وتديهولهم

ويبقى تمام كدا .. استنالك بقى شهرين ولا حاجة على بال ما نتيجة الالتماس تطلع وربنا يكرم

طيب انا دلوقتى جايب فى الرياضة 7 وفى المحاسبة 4 انا بقى لو طلعت الترم التانى صافى الرياضة ديت تترفع و اطلع بمادة واحدة بس وهى المحاسبة ممكن الشرح

بص للملحوظه رقم 4 فى اول الموضوع اللى بتقول
يعنى الدرجات دى مش بتتضاف الا لو كانت هتغير حالتك مثلا من النجاح للسقوط او عشان ترفع تقديرك او عشان تطلع صافى لكن انت فى الحاله دى مينفعش تترفع فى ماده وتشيل ماده واحده بس
معلش انا اللى رديت عليك اصل انا زيك كده بالظبط

جزاك الله خيرا يا فمبير

من بقك لباب السما يااااااااارب .. ولو اني عارف انها مش هاتيجي

انا اخرى جيد جدا ..دا ان جت اصلا !!

عموما ربنا يجيب اللي فيه الخير .. انا سايبها على الله وعايش

تيجي حلوة بقى او تيجي وحشه مش فارقة

السلام عليكم
لو سمحت انا جايبه 7 فى السلوكيه مجموعى كله 63 والسبب طبعا ماده السلوكيه الله يسامح الى كان السبب والى منكد على الطلاب كلهم فى الماده اعمل ايه استنى الرافه ولا اقدم التماس وهل فى فرق بين الالنماس والتظلم ولا الاتنان واحد
لو سمحتوا ممكن تجوبوا عليه فى اسرع وقت
اسفه على الاطاله :(
اميره بكلمتى

طيب انا لو فى اخر السنة طلعت بمادتين كل واحدة 7 ومادة ثالثة جايب فيها 4 هل هعدى و لا هعيد السنة

الالتماس مش هايعمل حاجة .. لان زي ماقولت نسبة النجاح فيه ضعيفة جدا جدا جدا

عشان كدا ان شاء الله تشدى حيلك كدا الترم دا وظبطى حالك واطلعى صافى (بجيد)

عشان يحطولك الرأفة في السلوكية وتطلعى صافى أو تحولى انتظام (لو كنتى انتساب يعني)

الاتنين واحد ومافيش اي فرق

ميرسى على ردك السريع وجزاك الله خير
معلش انا بتقل عليك يعنى فى امل ولو واحد فى الميه ان الالتماس يترفع واعدى الترم ده انا محبطه ولو محصلش حاجه هياثر معايا جامد الترم التانى
ميرسى مره تانيه
ولو تعرف الالتماس ده بيتقبل على اى اساس

الالتماس معروف ان نسبة القبول فيه ضعيفة جدا جدا

ولا تتجاوز الـ 2 % من عدد اللي مقدمين التماسات

وعموما قدمي براحتك .. ماحدش هايقولك حاجة يعني

مبدأياً عشان تبقى عارفه الالتماس دا مش بيتم فيه تصحيح الورقة

لا كل اللي بيحصل انهم بيعملوا لجنة كاملة اسمها لجنة الالتماسات

بيرأسها دكتور من الدكاترة وغالباً بيكون وكيل الكلية

وبيفتحوا ورق الاجابة بتاع الطلبة اللي مقدمين التماسات

وبيعيدوا تجميع الدرجات من اول وجديد للمادة المتعلق بيها الالتماس دا

وبالتالى الالتماس مابيتمش فيه اعادة تصحيح الورقة

عشان كدا نسبة قبول الالتماس ضعيفة جدا .. لان غلطات التجميع بتبقى قليلة

الا اذا بقى كان مثلا الدكتور كتب 5 بدل 15

او حط 8 بدل 18 .. او 1 بدل 10 .. كدا يعني .. فالحاجات دي بتتراجع في الالتماسات

لكن كتصحيح مافيش طبعا .. طالما الدكتور حط الدرجة عمر ما الورقة تتصحح تاني

حتى لو كان التصحيح غلط .. الدرجة اتحطت خلاص انسى